阿古獸的个人专页

以香港米線發源地來形容「長沙灣」絕不誇張，今日既上市公司亦是由此發跡。本區以米線作為招徠的商鋪數目高達十餘間，有連鎖大企，亦有小本經營。近日竟然又有新開食肆以豬扒米線作為招徠，本人作為平民食家而且於長沙灣土生土長，決定一試其出品。外賣包裝與其他米線外賣相差不大，回家沒有出現漏湯情況。今次點的麻辣湯底不錯，不算很辣，喝後沒有出現口渴跡象👍🏼米線配菜比起一般食店的芽菜、韮菜、腐皮等常見食材，此食店竟然用上炸花生和辣酸菜！❤️ 炸花生飽滿香脆，相較粥店皺紋瘦小來得新鮮。辣酸菜有點與水餃店的辣菜脯相似，香辣爽口，開胃小食，辣得過癮🤤至於米線方面，相比其他店舖常見的米線顯得略為粗一點，一開始以為是過熟或偏淋，但食落原來有驚喜，口感較為Q彈，不是平常的爽口或軟淋。配料選擇亦較為特別，是茶餐廳x潮州粉麵檔，🐮腩和🐮肚值得一讚，提供牛坑腩，不會像「南X」的柴皮鞋口，有少許肥膏和滷得入味😋。而牛肚更同時提供了草肚和金錢肚，份量不少且炆得入味和淋，容易咬斷。手打牛丸睇圖都知用料好，比起「譚X」大粒好多，爽口彈牙，不過牛肉就正正常常。另一碗則點了豬扒水餃時菜，水餃一般水平。不過，炸🐽排再次驚艷到本人，能做到外脆內軟，能保持到肉汁，肉質juicy不乾柴。選擇競爭對手林立的長沙灣開鋪，果然除了勇氣之外，有「食力」都係致勝關鍵，辣酸菜+牛配料絕對稱得上係「殺手鐧」。回頭指數🌟🌟🌟🌟🌟…查看更多

士別一年，估唔到我仲會打食評。香港地，利字當頭，各家自掃門前雪, 對社區只是冷漠應對，但這次真的被小店感動了我, 重出江湖.小店在經營艱難環鏡仍派發麵劵給老人家, 略盡自己所能回饋社會, 相比起集團食肆, 人性化得多, 默默貢獻社會.位於車房區域, 主打街坊生意, 但車仔麵絕不比深水埗的遜色, 而且有心回報老人家, 作為食家只能靠網絡平台幫助, 用筆輕推小店.閒話不說, 直入食評, 首先店鋪雖小，但仍有大概十個堂食位置, 不過座位一定不會太舒適.本人點了一個車仔麵餐, 有不少值得推介食物.自家制菜圃: 打開蓋子已聞到蒜辣香, 配以麵食, 相當過癮, 而且只屬小辣, 附合大眾口味  (8/10)准山線絲: 本身喜歡食准山, 故特意一點, 雖然沒有准山的爽脆和味道未算凸出, 但口感較彈牙, 最重要係無帛水味. (8/10)白雲豬手: 想像成茶樓的白雲鳳爪, 如出一撤, 但啖啖肉,  清潔乾淨, 沒有豬毛, 是小店出色的配菜之一 (8.5/10)蘿卜: 大大舊, 清甜無渣, 沒有一絲苦澀味. 咁大舊蘿卜無渣, 而且吸湯, 非常正! (9/10)咖哩魷魚，牛肚: 都是一般車仔麵貨色, 沒有太特別 (7/10)陳皮魚旦: 太淋不彈牙, 可以不試. (5/10)摩卡蜜: 本身摩卡就是比較貴的食材, 且在市區很少發現食肆有賣, 對上一次已經是在大澳飲過. 雖然要加$17, 但大大枝, 尚算抵飲, 清甜味道, 調較平衡, 不會因過多蜜糖而死甜. (8/10)店落居於深水埗, 仍嘗試以生命影響生命, 大家不妨到深水埗時, 多行兩個街口, 支持小店, 重拾香港互助精神!!…查看更多

可惜可惜，創業難，守業更難果然是現實社照。計早排既魚旦文，抽起條筋去食個陳記。當年的獨家秘方，橫行魚旦界。今日一試，雖然還是專有的醬汁配上粗粒洋蔥，但係調味不對，不甜不辣，沒有吊胃口。而且魚旦很林身，似是在煲內比滾水摧殘左好耐。發漲的魚旦只用醬汁蓋過魚旦本身味道。食不出魚的鮮，亦食不到應有的彈牙。只有獨特的醬汁，不能平反大局，難怪人流變得略為稀少。在大街上，將一串魚旦放在半滿的醬汁碗上，其實真係不太衛生....慨嘆回憶只能回味。…查看更多

雖然大台播完男人食堂，但今日約左兄弟去尖咀食堂做個訓練員，順路去厚凍街塗鴉潮潮聖。上到餐廳只有戶外座, 為左即刻入席, 所以坐係出面, 慶幸室外溫度下雨後不高....前菜點左個軟殼蟹沙律, 蟹炸得通脆, 蟹籽份量尚算多, 但沙律菜是一般火箭菜和羅馬生菜, 不算特別新鮮分數: 7/10然後點了三個唔同既海鮮...芥辣八爪魚:食落尚算新鮮，當然比起南韓會郁既當然無得比....芥辣味凸出而不至於搶鼻分數：7.5/10燒油甘魚魚鮫: 自當年有朋友介紹魚鮫後, 餐廳有提供, 必會點一客試試手藝。魚油芬香, 而且肉質幼滑, 是上品。 分數: 8.5/10燒鱔：是海鮮中最好食，雖然貴左少少，但肉厚，皮脆，少骨。啖啖都係燒鱔既香味，魚油豐富，極品分數：9.5/10燒雞皮：女士們較少會食的食品，雖然唔太健康，但燒得香脆，且富有雞味。分數：6/10深宵芝士蟹肉蛋：這個可算是鎮店名物，個個食客都必點用於打卡。微溶的芝士跟玉子蛋本是匹配，加上蟹肉絲更是出色，唯蟹肉略為不夠（太大貪😜） 分數：8.5/10芝士脆玉瓜：正正常常的翠玉瓜加一片略燒烤過的芝士，不會太膩，蠻不錯分數： 7/10日本蕃薯仔：細細粒，一口一顆, 薯皮很薄且不算燶，可以一齊食...頗甜而飽肚分數： 7.5/10秋葵： 食得太多燒肉類，為扮下健康，點了一客秋葵，燒過的秋葵不會滑滑的，食落都幾好食，而且夠哂健康！分數： 8/10…查看更多

尋日睇廣告見到老麥新餐，豬柳炒蛋夾bagel...一於新屎坑，貪新鮮試一試佢。炒蛋同平時早晨全餐既一樣，同廣告既出入都頗大，不過半熟，尚有少許蛋汁。豬柳沿用豬柳強的豬柳，沒有特別，大家比我還清楚味道是如何。最大分別只是轉用英式麵包圈，比起一般PCC食到的較為厚實，有點實的的感覺，抵讚的是較為飽肚和份量比豬柳強多。薯餅依然是最愛，乾脆不油，配茄汁簡直是窮人恩物，跟餐再選豆漿，豆味濃，但只是微暖和較甜套餐價錢只是$25，同普通餐相距不遠，新鮮感不俗。為星期五帶來好心情分數：7/10…查看更多

周末又出旺角行，經過砵蘭街，見到一條小人龍出現在小食店前，不太起眼但偏偏有人排，所以羊群心理作祟，一於排埋一份。細眼一看、人龍原來由於店內只有一人分析落單，收銀，廚師....節省成本且吸引人流做勢，高級市場學🙈講返魚旦，叫了一客大份，鴛鴦旦有原味和咖哩味。咖哩是自家制，是有粒狀洋蔥，但味道普通，是甜味咖哩，不辣。分數：6.5/10原味則較為出色，魚味濃厚，彈牙口感。不是單純只靠大粒來作招徠. 反而用認真制作，魚旦的基本為根基。自定制辣油是神來之品，炒過的辣椒香，配搭出魚旦的低調味道分數：8/10…查看更多

今日放工好肚餓，既然約左隻大食獸，一於去食放題任食，但係旺角的質素良莠不齊，又唔想只專注兆萬既poke store, 所以就揀左佐敦既韓燒式任食。早幾年韓燒係香港百花齊放，經過汰弱留強，連鎖式經營實有一定實力。先點了一個爐邊蛋，與韓國食的無異，都是把調好味的蛋漿灌入爐邊，再加上芝士咸香，幼滑嫩口。分數：8/10然後再來的是海鮮餅，份量稍小，絕對適合想小試多款的消費者邏輯。 煎得薄脆，而且有大蔥調味，唯漿調得太糊，有點痴口分數：6/10肉食獸主菜登場！豬肉有豬頸肉，五花腩等。其實因無太多調味，款款味道差不多，唯豬頸肉口感最好，彈牙且油肌較多且香分數：7/10牛有五花肉和特級烤雪花牛。識食既你地都知雪花要比錢的吧，但間唔中一次就豪一豪佢。肉味濃厚，不過未至於入口即溶，但比豬肉略勝一籌！分數：7.5/10羊架是抵讚之作，調味適當，剛好去除羊肉的腥蘇味，而且沒有筋。當然廚師（小弟）火候處理恰好，非常滋味。分數：8.5/10海鮮有帆立貝，生蠔和扇貝。最好食的一定是帆立貝，大粒新鮮而且肉厚，有新換的鐵板上不會烤過火。扇貝燒完抽水，變得細細粒，去除膏後，猶如白燒，變了元貝，幸好不會太硬生蠔是比較複雜，因為唔知點先算熟，燒了很久但蠔汁仍未煲，但食時很新鮮，有蠔味，美中不足是開蠔時應跌了少許蠔殼海鮮分數：7.5/10飲品都是一般放題提供的款式，飲了兒時鍾意既忌廉溝鮮奶。人大了，胃口變小，一般都會選擇質而不是量，放題質素大同小異，但此不同就是真係有韓囝，而且服務殷勤，不斷主動換燒烤板，絕對值得一讚。…查看更多

潮流近期酷愛在工廈搵食，由於租金較平，同價食物通常質素較高，較用心，而且店鋪面積較大，不會密迫迫的。這晚選了荔枝角一間薄餅店，點了一客香酒炒蜆和一個三項食材的薄餅。由於只有兩人開飯，所以變化不多。頭盤香蒜白酒炒蜆，配以羅勒葉。蜆肉充分吐沙，新鮮肉厚，香蒜切薄片，香口帶辛辣。酒精充分揮發，帶餘香。羅勒葉是畫龍點睛，通常別的餐廳不會配之調味，但清新感為菜色帶來較複雜味道。店員提前拿碗比客人盛殼抵讚這個頭盤附帶炸薯條，明顯是即叫即炸，熱辣辣，脆卜卜。走鹽使薯味更突出，吃了數條收手，怕過於熱氣。分數：8/10薄餅大大個，自選了芝士，菠蘿和辣肉腸。說實話，早知比多少少錢揀四配料，因為比較單調。薄餅是薄批的，菠蘿新鮮酸甜，十分開胃口。薄餅亦不能缺少芝士，能有些微拉絲效果。辣肉腸只是唯一肉類配料，略為不夠肉食獸的我進化。分數：7.5/10…查看更多

老家附近食市林立，多國菜都任君選擇。唯喜字頭同新蘇屋開始落成，開飯價錢同樓價齊坐火箭飛升。最近搵到個師傅仔幫幫手，家常小炒，茶餐廳隔局。小菜都算做得出色，雖然人頭計都要七八十蚊，但係質素都中上，有用心製作。兩條佬, 點左個星洲炒米同豆腐班腩煲送飯.星州米係傳統茶餐廳食品, 本人喜愛之一. 一上桌就聞到咖喱香味充斥住成個餐桌. 色香已經對辦, 賣相加了幾粒芝麻, 叫做點綴下.....味道亦不俗, 唯配料比較少, 只有火腿, 沒有蝦, 叉燒亦欠奉, 略減分數....分數: 8/10豆腐班腩煲, 上枱個下氣勢十足, 而且有言茜陪襯....賣相不錯, 即叫即煮, 十分新鮮滾熱辣.....炸豆腐, 外香內滑, 富有豆香班腩多骨且較鞋口, 有點Overcook...炸腐竹是至愛,掛汁一流雖然分量十足, 但落油過多, 無想到會咁多, 最尾有點難受.分數: 5.5/10不過不失既質素, 可接受既價錢, 應該會成為間唔中的家中食堂.…查看更多

周末出旺角閒逛，剛巧到下午茶時段。又去登打士街物色好西，見到依間裝潢勁日本風的外賣店，就一於小試牛刀。店只專注手卷，半版或全版海膽手卷係招牌菜....但唔太特別愛好海膽，所以點了雙拼的帆立貝油甘魚。每款兩件的手卷正常size, 食起上來好麻煩，因為好怕會整跌配料，要食得好小心。油甘魚尚算新鮮，但偏偏有筋且不夠肥美。帆立貝厚身新鮮，不俗。最欣賞是即叫即整令到紫菜鬆脆香口，白米配以青瓜絲和少量芥末，微辛辣通鼻後帶來清脆青瓜的清新。但由在人來人往街道有點些微不夠衛生，而且兩口即食完的手卷，性價比略微不高。…查看更多

首先要說明，應該好少阿媽會整雞蛋仔，而且仲要咁多口味，但係媽咪的味道就是對的味道。登打士街係九龍核心，旺角小食街，而處於街尾盡處有肥媽，亦有蛋媽....長時間都有四五人排在門外，今日點了一底原味雞蛋仔.等了五至十分鐘左右，雞蛋仔終於出爐，店員先將其吹風乾化，老土講句，就是外脆內軟。 火候剛好，外皮輕脆而蛋糕與蛋糕中間的薄片如同澳門雞蛋餅。蛋漿做得出色，令到雞蛋仔鬆脆而不會糊口。蛋糕心雖不像牛頭角炭爐的軟蛋糕心，但亦不至於是空心。 軟熟而有些輕的彈牙感。暫列香港雞蛋仔頭三位之一。分數：8.5/10…查看更多

星期天是一日不用上班的日子, 就和友人去銅鑼灣行街. 到了6點左右攰了就考慮去那裡食好西... 我們就上網查一下那一家比較合適啦...之後我們決定的就是PENTHOUSE... 不知道是否早去, 6點9到達不用等位置就可以直入餐廳服務生就安排我們到窗邊位置, 可以觀賞到一半海一半景的地方, 十分舒適一坐底服務生就跟手給我們MENU啦.. 一本係FOOD LIST 而另一本就是DRINK LIST啦...一打開就有SET DINNER... 一睇之下有哂所有我地想點既野食. 所以就索性點個SET DINNER...點了餐後等了一會就上了餐包+青草醬SOURDOUGH麵包 - 有香口外層而不會帶一點難咬的感覺, 而麵包內層氣孔不一令到麵包內層更有口感同鬆軟.而重點是他們配上是青草醬 - 不會和大部份普遍餐廳只配上橄欖油和黑醋這麼沒新意... 講返個青草醬一口咬落去的時候有種清新的感覺, 其後第2,第3口就會有種芳香的味道導致有開胃的功效.分數 : 8/10其後就上前菜, 而我們點選的是CRAB CAKE + TUNA TARTARE 先講一下本人覺得不得了的前菜就是這一個CRAB CAKE, 其實本人去過幾多地方食.但每一地方都有他們的缺點之處, 而這個本人就覺得真是沒有什麼地方可以挑剔得到.因為有幾方面, 先講一下口感方面, 坊間的絕大部份會做到有硬身的感覺 (用了麵粉), 而這一間沒有硬的口感 (估: 用了蛋醬)還有的是他們很細心的在底和面煎了, 這個做法可以保持外型外, 還可以有香口的感覺...其次就是味道方面, 坊間有的會遍向咸或遍向淡味.. 而這一個以本人黎講不用配醬.. 直接食, 也覺得鮮味十足 (再加上之前香煎了, 味道便突出)而細心情度的確有再度加分是, 你們細心一看, 可以看得到有3種醬在一道美食內... 可以就各人口味, 或喜愛不同口味的食客滿足各種需要分數 : 9.5/10 第2個前菜就是TUNA TARTARE, 這一個令我有喜出望外的感覺.. 首先他整TUNA TARTARE的TUNA, 蕃茄, 青瓜比例洽到好處, 沒有那一邊的比重太突出而覺得有喧賓奪主其次是他們有畫龍點晴的"""溫泉蛋""" - 在相機食完之後, 你一定.... 一定... 一定要將那脹脹的溫泉蛋弄破之後和那TUNA TARTARE混在一起才將那"整體" 放在餅乾上才一口吃下... 只可以說所有的東西合起來就是PERFECT MATCH LA如果真係要在雞蛋挑骨頭的, 就是那餅 太鬆化了 導致很難的拿上手上進食... (不過強調的是味道和整道美食是好食的)分數 : 9/10其後他們就上極濃味蘑菇湯為什麼我會說極濃, 因為他們將蘑菇打碎去整湯, 之後再加蘑菇粒和麵包糠做成一個完整的湯..飲落去不斷有蘑菇的回香, 但又絕不會令你有種蔬菜臭青味. 值得一讚分數 : 8.5 / 10之後就上主菜, 而我們點選的是慢煮三文魚 + 炭燒肉眼先說呢個慢煮三文魚 - 真係唔可以講少, 講得俗少少同可能會覺得我講得誇張少少, 佢地真係可以做到入口即溶既感覺. 佢地控制個度數應該真係控制得好好先啦, 唔好講話過老, 因為佢地標明用44度去慢煮, 所以根本唔可能會老!!! 而他們一定要控制得好先可以有滑同入口即溶既口感.而講下TUNA下面的配菜, 首先有帶子, 蕃茄, 菇同 (薏米)... 真係唔好意思, 我真係知道唔係薏米, 但個口感同味真係極似薏米, 所以為了表達得更出色就用薏米做代號先而我覺得這一道菜這兩樣東西可以分開來食和一起來食也可以有不同食法.分數 : 8.5/10其次就是炭燒肉眼 (5成) - 他們使用炭燒既方法令到牛的肉汁鎖住返係塊扒入面, 當我一切的時候, 真係可以見到肉汁會向外流出.... 其次重點一說那個蒜一定要食, 如你們接受唔到種味, 也一定要混醬一起和牛食用... 這個方法更可以帶出牛的香味...分數 : 8.5/10最後到甜品有很精緻的甜品併盤 (CREAM BRULEE, CHEESE CAKE, PUDDING & OERO 木糠布丁)CREAM BRULEE - 入口即溶就唔駛講架啦, 個面層的焦糖沒有過多而蓋過主體CHEESE CAKE - 雖然沒有餅底, 但做得十分出. 那個香口味道一值回味, 大家都知, 如果做得太大, 反而會有流的感覺PUDDING: 口味有3, 因為你可以配芒果醬, 乳酪同紅莓醬. 滿足哂你3個口味OERO 木糠布丁: 比坊間的香滑夠味, 絕對不會有實的的的感覺分數 : 9/10…查看更多

依間餅房係由灣仔支持到宜家全港都有分店。當然同Paul 一樣都係出名於 creme brûlée ，今次經過尖咀店，買左三件返去試1）榛子creme brûlée比起原味，依件新口味比較失色。榛子味是足夠，但調味過甜，而且可能是外賣半小時後才食，所以外皮烤得不夠脆。第一口是有一點類似燒腩的烤味，但沒有質次口感。唯一抵讚是燉蛋加入榛子後仍是幼滑。分數：5.5/102）栗子芒果撻作為栗子迷，依個絕對值得一試。栗子蓉做得細滑，入口即溶，栗子味道濃厚。西餅內容藏有芒果吉屎，帶微酸，配合不俗，而且餅底鬆脆有層次，鬆脆分數：8/103）椰子熱情果撻夏日炎炎，依個以椰子作主題既西餅吸引左我。外層平滑既椰子慕絲，帶有適當份量細細既椰子絲，食出爽脆感而不帶渣，入面熱情果也是淡酸。一甜一酸，配合天衣無縫，不會如朱古力一味的死甜，絕對會再翻食！分數：9.5/10…查看更多

出得黎行，仲有條癮想試阿嫂既手藝。奈何之前係元朗咁遠，仲要星期日唔開，一路都搵路唔到機會....直到佢係觀塘開左分店👍🏼周末膽粗粗，三十幾度加陽光猛烈下，兩點左右去到，雖然預左要等位，但估唔到係五十張....慶幸隔離係商廈大堂，個個走哂入去避暑。人流如鯽，加上六叔係綜藝帶蝌蚪黎拍拖食，帶旺阿嫂。落單點了招牌菠蘿包，煎奶油多，同一碗雞翼茄通。菠蘿包果然名不虛傳，外皮鬆脆，紋理不會呈大塊狀。一塊半溶牛油，香氣撲鼻，再加上一隻半熟的流心蛋，蛋漿呈橙黃色，不知是否選用了鴨蛋。最尾加上一片蕃茄，是神來之筆，令包帶來清新。分數： 9.5/10煎奶油多是厚切，去皮白麵包烘底後，加上厚厚的牛油和甜甜既練奶，配搭得宜，簡單而好食。分數： 8.5/10主食則點了雞翼茄通加豬扒。雞翼是滷水汁，煮得很淋。蕃茄湯底微酸開胃，豬扒大大塊但有點un....整體還可接受，但包點類較為出色分數：7/10最尾叫左杯話梅柑桔來消消暑，但感覺有少少似龍鳳檸多啲，無乜話梅味....整體而言，是一間會翻兜黎食包既小食店…查看更多

星期四晚出街食飯，迎接happy Friday n 周末。八點到達油麻地小巷，在書店旁壁畫梯前，旺中帶靜。估唔到咁夜都仲會full house, 店內三十座位左右，稍等一會便安排入座卡位。之前資料搜集都係食二人套餐，而我就點了一個比目魚帶子餐，加幾道沙律和小食，一黎可自己預算份量，二來不用全部肉類。第一道是帶子橙肉沙律，帶子大大粒，橙新鮮帶輕微酸味，很開胃口。而且是用了自家製檸檬欖油汁，蠻有創意既沙律汁。分數：8.5/10再來便是黑松露芝士薯條，又是一道新穎既小食。薯條炸得香脆內軟，不似其他店炸薯條加軟芝士，芝士是加在薯條外皮炸。而且黑松露獨有香味跟薯條很配。店方超大方落了很多，我反而覺得落少一些配味即可。分數：7.5/10第三道是我去西餐必點的白酒煮青口。一上桌香味十足，而且白酒汁配以蒜片佐食，湯頭做得出色。再試青口，充滿鮮汁，一嚐就知不是雪藏貨，份量亦合理，十多隻，唯有一隻殼碎了少許扣分。分數：9/10由於帶子大隻又出色，決定另點煎帶子配柚子汁。三隻都體型屬大，半熟入口即化，不覺得Un, 火候剛好。分數：8/10最尾就是套餐，湯是南瓜忌廉湯，內加少量甘旬，濃度還好，鮮甜一喝已盡。主菜則有兩塊比目魚扒, 魚扒皮脆肉滑, Omega3係口爆出黎.....再有creamy既醬....帶子一大粒, 成餐飯食左幾款帶子, 依粒最好食, 稍為用黑胡椒調味....配菜亦新鮮爽脆.....最尾點了一客new york cheese cake, 店家用木碟盛裝, 具品味之餘, 更突顯細心. 不會因為用力過度, 叉碰碟發出巨響. 用餐就是特別喜歡留意小用心, 抵讚!芝士餅有層次感, 不會厚實, 入口芝士味香而不膩....最尾點了一杯moscato 作總結, 少甜既酒為晚餐畫上結號.套餐分數: 8/10…查看更多