kinyee的个人专页

通常唔好食嘅吉列蠔🦪面個層炸粉會又硬又乾, 但係呢個外層好鬆脆😋同埋係好juicy, 肉質夠鮮甜, 一咬落去d汁噴左出黎仲焫親條脷Tim🤣賣相: ⭐️⭐️⭐️味道: ⭐️⭐️⭐️⭐️⭐️價錢: ⭐️⭐️⭐️⭐️所謂嘅Taco 就係墨西哥脆餅做, 但用壽司做taco我係第一次食嘅~而佢塊紫菜天婦羅咗. 相機食完都仲係好脆, 唔會林咗靭咗, 不過食個時就好狼狽, 一路食一路跌哂出黎, 份量都較為細賣相: ⭐️⭐️⭐️味道: ⭐️⭐️⭐️⭐️價錢: ⭐️⭐️蟹膏甲羅蟹海膽汁意大利飯蟹蓋內有蟹膏, 蟹籽, 蟹柳同蟹肉全部都係蟹🦀撈埋飯一齊食都食到好鮮甜嘅蟹味👍🏻海膽汁個味唔算突出, 飯嘅軟硬度適中賣相: ⭐️⭐️⭐️⭐️味道: ⭐️⭐️⭐️⭐️價錢: ⭐️⭐️⭐️整體黎講都係唔差嘅~價錢會偏貴d💰最值得推介就係個吉列蠔👍🏻真心要俾讚…查看更多

本身滿心歡喜又期待想試吓呢間沙田新城市新開嘅新餐廳🤩同樣地我都係唔記得影餐牌😂當時嚟到因為都坐滿晒人要拎飛等位, 期間就行咗一陣街再返嚟, 點知過咗龍, 餐廳職員都好好可以俾我候補飛, 等咗5分鐘左右就有位啦👍🏻👍🏻咁我哋嗌完嘢食好快都已經上菜👍🏻我哋叫咗個安格斯牛肉洋蔥炒蘑菇漢堡🍔海膽帶子意粉🍝Sour cream 牛油果醬薯條🍟第一先上左個漢堡包, 賣相正正常常, size俾麥xx大少少, 但係有啲齋, 第一次食漢堡冇任何件碟, 外觀唔吸引, 不過好在味道搭救, 漢堡扒係好食嘅😋肉味濃又juicy😍第二上左個意粉, 呢間嘢d賣相真係唔差嘅~海膽夠鮮甜, 不過帶子有d雪味煎得唔夠香唔鮮甜🙁意粉分量比想像中多, 但味道偏淡冇乜味👎🏻薯條最後都到埋, 圖片果然只供參考, 實物細分好多🤣同埋薯條上到枱已經係暖唔係熱👎🏻👎🏻兩款醬都好少, 但牛油果醬有啲特別係加咗孜然味去調, 係夾到嘅, 不過太過龍搶咗牛油果本身個味, 本身薯條唔夠鹹, 所以問佢攞咗黑椒, 加啲落去就好少少😂總括嚟講, 係沙田新城市開嘅餐廳預左價錢上係會貴啲同諗住會有啲質素, 點知滿心期待但最後我同朋友都好失望, 品質對唔住個價錢, 唔會再幫襯下一次🤦🏻‍♀️…查看更多

因為想食生蠔而選擇呢間🦪首先叫咗半打生蠔🦪3款唔同省份, 每款2隻😍由左至右:1️⃣兵庫 室津 (爽口)2️⃣兵庫 相生(爽口)3️⃣北海道 仙鳳趾 (creamy)3款都好鮮甜🤤不過order完都等左差唔多30分鐘先有, 全場有9成滿座, 所以都理解開蠔要時間, 等生蠔期間其他熱食先上飲品方面一般佢啲串燒全部都超級好食😍😍但係其中兩款海鮮就麻麻地, 👆🏻個蝦食落去好雪藏味$78👇🏻而個帶子口感比較鞋口$128😕但以呢個價錢就已經算係咁.反而好欣賞d炸嘢~我地叫左份炸雞同魷魚鬚, 呢2款我覺得值得推介👍🏻其他地方食炸嘢通常食第1啖就覺得d熱氣湧上黎, 但呢到冇呢個感覺😌炸得好好👍🏻先講炸雞😍炸粉做得夠好👍🏻沾得夠薄所以唔洗炸太耐都可以咁脆😋肉汁又唔會流失哂~juicy 🥰雞肉醃得夠入味, 咬落去d汁會咇哂出黎架🤤唧少少檸檬汁令舊雞更加香😍😍魷魚鬚都係…因為魷魚鬚醃得比較難入味, 所以將個調味撈埋係個炸粉度👍🏻口感唔會好似食橡筋咁, 有口感得黎又咬得開😋正啊😍到最後雖然係飽, 但點都要encore 個蠔, 佢有特別推介👍🏻清酒蒸蠔🦪佢用左款creamy口感嘅蠔去蒸, 蒸完都冇影響蠔嘅鮮味同口感😋食完個蠔殼仲有d汁係到啜埋😍Wa…啖啖清酒味🍶最後埋單冇諗過加埋一都係唔洗$2000, 本身叫左咁多野食預算都要$2500左右, 所以覺得呢餐真係好抵食😍…查看更多

Sensory Zero 之前有朋友推介我呢間咖啡好飲☕️已經試過佢嘅咖啡的而且確係唔錯👍🏻每日最少一杯咖啡嘅我專登過嚟食lunch, 我有得飲咖啡之餘, 仲可以試埋佢嘅嘢食😋 🤪今次我記得影Menu🤪佢有set亦都有a la carte, 依家做緊嘅肉肉薯祭就啱晒各位薯條控嘅朋友, 因為薯條係ALL YOU CAN EAT😍況且set 嘅價錢唔算貴, 有機會自己都想試吓🤪除左set之外, 反而我覺得a la carte 價錢相對貴少少🤏🏻不過今次我係選擇咗食all day breakfast 🍳 因為唔平, 所以佢幾款all day就直接揀咗一個最貴😂對自己好d大滿足早餐😂的而且確係大滿足, 因為我食唔晒🤣呢個價錢好彩個牛真係靚牛, 都叫做值得少少👍🏻其他都真係正常味道🙃塊喵喵toast 🐱我知佢係想做脆身效果, 但係食落比較硬👎🏻不過佢有幾款jam 揀, 我就揀咗款比較特別, 伯爵茶無花果醬, 我本身唔鍾意食無花果, 但點知佢又好好食, 無花果嘅酸甜帶出陣陣嘅伯爵茶嘅香味, 啱啱好一樽仔搽哂一塊toast👍🏻jam可以為塊toast 加分💯如果有現成一樽賣, 我一定會買👍🏻👍🏻👍🏻…查看更多

今次嚟到呢間Wine Dine🥂係為咗慶祝同閨蜜16年嘅friendship👭依然每次食飯都係唔記得影餐牌🤦🏻‍♀️一坐低侍應就放低咗一張餐牌俾我哋, 剩係得set dinner🍽我估佢夜晚淨係做set所以就冇a la carte提供🤔不過我睇返人哋share嘅menu, 好似晏晝夜晚都一樣, 剩係得set選擇🤨Set dinner有4-course或者5-course揀👍🏻Starters, soup, pasta, main, dessert 有5️⃣個sections, 我哋兩個女仔都係各自揀咗4-course就夠🤭首先order完嘢食, 先上咗麵包🥐🥖🧈麵包冇太大特別🤷🏻‍♀️粒牛油加咗basil似係自家製🧈不過牛油味道太清淡, basil味唔夠出缺乏香味👎🏻Starters: 1️⃣刺身三文魚, 帶子刺身, 牛油果慕絲刺身無需多講, 最緊要夠鮮甜😋牛油果慕絲打得夠細滑, 不過加得太多檸檬汁, 蓋過咗牛油果嘅味道, 突顯唔到呢個mousse 嘅重點, 扣左分2️⃣鵝肝多士, 無花果揀鵝肝係較為抵食🥰佢size都算大塊同夠厚身, 大概一個手掌嘅長度🤚🏻口感都好肥美, 配埋無花果嘅酸甜, 能夠中和到鵝肝嘅膩👍🏻正😋另外, 慶祝就緊係要有酒啦🥂Sauvignon Blanc 🥰Soup: 南瓜湯南瓜湯個湯底超濃郁, 啖啖都係純南瓜嘅香甜味, 超甜😍面頭加咗忌廉嘅泡沫, 用左透明玻璃杯上, 賣相會見到有兩層layers, 可以用水杯方式飲個湯, 就可以每一啖都飲到泡沫同湯係好飲嘅👍🏻Pasta: 蜆肉椒絲扁意粉🍝睇賣相已覺得一般, 蜆肉比較重海鮮味, 扁意粉有啲似豉油王炒麵嘅感覺,有啲油膩辣辣地嘅, 食到碟底都見到有層油, 我揀咗呢款稍為有啲後悔👎🏻Main course: 1️⃣Cod fish 鱈魚油脂比較少, 口感嫩滑, 好好食😍2️⃣羊架, 千層薯仔羊架熟成選擇左medium, 鍾意食羊嘅話揀medium真係啱啱好, 粉紅色又未到有血水👍🏻肉質夠林唔會騷😋個底有橙色嘅醬, 唔試過都估唔到原來食材係紅色燈籠椒😯不過我本身麻麻哋食燈籠椒, 整成醬都好大陣青味(👈🏻本人口味問題)😖千層薯仔唔會焗到太林, 食落有口感👍🏻Dessert: Tiramisu 訂位時已經request咗甜品要寫字, 啲字寫得好靚🥰整體黎講, 所有嘢食味道都唔錯👍🏻如果Menu有a la carte會更加好, 如果遇上兩個都係細食嘅女仔就有啲浪費, 因為我哋食哂都已經好飽😂不過我哋都好好彩, 臨時早兩日book位都有window seat安排到👍🏻👍🏻不過相信以呢間餐廳嘅環境, 食晏晝影相打卡應該會更加靚, 大家不妨可以試吓個lunch🤪…查看更多

識食pizza 就多數都唔會再去大連鎖餐廳度食㗎喇~今次table for 4朋友就帶咗我哋去中環嘅The Pizza Project到食👭🏻👫🏼地理位置對於有d路痴嘅我黎講有少少難搵, 因為佢個地址同地圖顯示嘅位置有啲出入🤷🏻‍♀️佢呢度嘅lunch只有set lunch 揀冇a la carte, 而佢個set lunch有5款, 包括Appetiser, pizza同甜品, 因為我哋4個人所以大家投票左1款唔食, 其餘每樣1份😋我又係唔記得影menu 🤦🏻‍♀️Beef carpaccio😍基本上去親fine dining 都會必叫嘅1道前菜, 係好食嘅👍🏻Mozzarella Zucchini 😋平時唔太好水牛芝士, 不過之前食親都係細細粒好似魚蛋size 嘅芝士波波, 比較有彈性口感😂所以朋友教我食係好似食多士咁…拎一Pat芝士搽係塊青瓜到食😬Wow~好食👍🏻👍🏻大家都可以試下另外2款比較普通, 就唔特別講啦~👆🏻Turkey ham(面頭個dressing 唔知係咩🤔但幾好食)👇🏻Parma ham with arugula salad 到重頭戲喇~Pizza 由最低分開講起~三文魚牛油果pizza 雖然呢個配搭係好吸引, 但賣相一般, 味道正常佢唔係一般嘅蕃茄芝士pizza, 面頭有塊basil 係加強左佢嘅香味, 係有突出到🤩一睇就知又係Parma ham啦🤣呢款係重口味d~火腿底下嘅芝士再加再d類似鬼佬炸菜咁~多左個口感👍🏻對於鐘意重口味嘅朋友就一定非它不可😍🤤就咁睇已經有一大塊圓形煙肉😋個面仲有隻Sunny side-up 嘅鵪鶉蛋🍳然後個底竟然仲有薯仔片🤭真係不得之了🤩總括呢四款Pizza🍕我係可以比100分💯睇到呢度我知大家都想睇Menu😂但真係好抱歉我成日都唔記得影同各位share🤦🏻‍♀️都提提大家🤓一個set lunch 嘅portion 都已經好大份, 但係大份到兩個女仔都可以share一個set, 細食啲嘅都食唔晒, 真係一個外國鬼佬嘅份量😱開頭都有講過最低消費係一人一個set, 所以我哋都係一路吹水一路慢慢食🤣我會再encore 個💯pizza 🍕👍🏻👍🏻👍🏻…查看更多

之前人地一直推介話港香buffet好食😋原來係真嘅👍🏻今日自己一個人特登黎左食lunch buffet, 其實一d都唔毒, 慢慢享受😎由於我遲到遲左半個鐘, 淨返一個鐘時間食, 可能因為咁另我覺得真係有五星級服務, 我一路慢慢食, 間唔中分別會有waiter同經理(黑衫應該係) 過黎關心我😂佢地會問你: 拎左燉湯未啊? 如果出面野食冇哂可以問佢order d新鮮架喎! 咦~甜品拎得夠唔夠啊? 等等嘅說話, 會令到你覺得下次會再想返黎幫襯👍🏻👍🏻時間唔多都冇影到太多相…每次食buffet都食到好飽食唔到甜品‼️所以今次一開波就食左甜口先👍🏻我想講甜品好好食😋😋😋全部都唔太甜有個杯仔裝住嘅chocolate mousse(Vegan)好好食👍🏻綠個粒好香薄荷味😍薄荷士多啤梨👈🏻讚👍🏻呢碟係唔小心俾簿攤凍哂先食🤣但品質都好好😬仲有個印度咖哩薄餅夠香👍🏻咖哩味印度味得黎又帶有少少甜, 就返香港人口味.最後甜品, 當然我一開始話vegan嘅chocolate mousse 要返兜啦🤤粒Macaron同正常個d都係甜死嘅😂咁樣簡單地完左我一人buffet喇😬…查看更多

慕名而來嘅Cafe😍最鍾意食蛋嘅我一定有收藏到呢間E for Egg 🍳 佢signature 係盒子吐司😋今次我又揀咗個係期間限定嘅牛油果海鮮沙律醬盒子吐司$78🤤首先講個toast嘅賣相係靚嘅👍🏻營造到一個好豐富滿瀉嘅效果😍已經係好eye-catching👀而佢嘅配菜擺放就一般, 簡單嘅沙律菜同薯條, 感覺上個沙律菜有d hea🤔唔夠吸引👎🏻不過都有加分嘅地方, 就係佢唔係普通嘅薯條, 係番薯條啊🍠😋炸到金黃色係好食啊👍🏻👍🏻口感食落啖啖海鮮肉, 食得出係真材實料😍成個toast都好夠味👍🏻但太多沙律醬, 加埋牛油果就變得有點膩.去cafe點可以唔叫埋嘢飲, Matcha latte 🍵好好飲😋抹茶味夠重, 唔會太甜😍一個字 正‼️下次有機會會想來多次試佢嘅鹹味盒子吐司😬…查看更多

今次我約咗係石門返工嘅朋友食lunch, 咁附近多寫字樓食飯, 周圍都好多人要等位, 所以我都早咗半個鐘出嚟搵定位等; 我本身已經有首選係食呢間兄弟工房, 但點知都係full house, 不過服務員都好好, 雖然話後面仲有1pm嘅Booking, 但都肯俾我留電話有位再通知👍🏻👍🏻咁等嘅期間諗住搵吓有冇其他餐廳有位啦~點知我準備入另一間餐廳嘅時候就收到電話話有位, 咁我就即刻狗衝返去兄弟工房😍入到去其實間餐廳好細, 得20幾個位左右, 有啲逼, 我哋三個人都係叫左set lunch, 都有加$10 包餐湯同飲品, 但係有啲失望嘅係….呢間都算係cafe啦~但點知冇latte, cappuccino個d咖啡, 淨係得茶記野飲😔我同朋友都係叫左西冷扒配薯菜$96 睇相的而且確係有啲膠, 似人地日本display😂但係其實佢份量都好足夠, 一個portion 有1塊半牛扒👍🏻味道都唔差😋但係肉質就麻麻地👎🏻有啲韌, 不過呢個價錢已經算唔錯😌另外, 我老公揀左厚切豬扒飯$85反而呢個有驚喜😍豬扒口感好夠冧又夠juicy👍🏻只係味道差dd唔夠入味, 但唔鐘意食咁濃味嘅人就覺得ok👌🏻呢個lunch 價錢一般, 我推介嘅話, 會覺得豬扒好食過牛扒🐷🐷🐷雖然佢2款扒個汁都係一樣架!…查看更多

早幾日行過佐敦經過見到有間新開嘅餐廳, 見到個menu都唔錯就諗住搵日去試~ 擇日不如撞日咁岩今日喺呢頭約左朋友就順便試下😋有驚喜‼️有驚喜‼️有驚喜‼️晏晝主要賣set lunch, 由於我本身鍾意食明太子, 同埋其他餐廳好少會有蝴蝶粉order, 所以揀左個明太子溫泉蛋蝴蝶粉$102🦋 而我朋友就叫菇菇羽衣甘藍黑松露人忌廉扁意粉$95🍝本身個set lunch 係有是日餐湯, 蒜蓉包🍞main course, 餐飲☕️又或者可以加$$轉特飲🍹先講下餐湯, 今日係蕃茄湯, 真係有驚喜, 蕃茄味好濃郁夠杰身😍正啊😋另外, 個蒜蓉包其實就咁食都已經好香脆, 只不過我嘅口味比較鍾意放落餐湯浸完先食🤪P.S: 個水杯好靚🤣🤣🤣到主食…呢個明太子溫泉蛋蝴蝶粉🦋明太子味濃郁但唔會太鹹,個廚師👨🏻‍🍳仲會特登將個汁整杰身啲, 等撈埋隻溫泉蛋個時就唔會太水🤤冇得頂啦😍飲品叫左杯熱Latte ☕️有埋拉花打卡一流👍🏻到菇菇羽衣甘藍黑松露人忌廉扁意粉🍝唔知係咪我朋友太肚餓定太吸引, 我都叫唔切俾我影相先佢就食咗🤣所以我影到嘅呢張相係已經少咗兩啖🤪總括嚟講, 我覺得價錢正常但味道一流, 賣相都唔錯👍🏻環境舒適😌我適合朋友gathering👫🏼👭🏻👬而且差唔多食完嗰時, 廚師👨🏻‍🍳仲會走出嚟問意見, 有加分👍🏻其實仲有好多嘢想食, 望住個Menu太難揀, 所以呢間餐廳已經收藏咗🚩我會再encore😍我下次我要食夜晚🤪…查看更多

今日我一個人walk-in去食個lunch, 咁set lunch裡面既香煎盲糟$108同1杯正價latte, 先唔講食物, 其實我好鐘意飲咖啡亦都去過好多cafe 到飲咖啡, 但呢到杯latte, 飲得出係咖啡豆既問題, 味道有d苦澀😖但d奶打到好似奶水咁, 成杯野呢講好淡唔好飲👎🏻到個香煎盲糟, 煎得有d乾, 食落口感唔嫩滑, 似overcook左, 味道偏鹹, 另外, 佢用左薯蓉同菠菜做底, 薯蓉都好食😋但我第1啖就食菠菜先就覺得好鹹, 整體黎講, 最後買單係$140, 我覺得唔係好值, 呢間d野食都偏重口味, 可能係咁岩我揀呢款先係咁啦😛希望下次再試其他會有驚喜😊…查看更多

話說琴晚係為我既閨密慶祝生日啦~間餐廳環境都唔錯, 但光線暗返小小會更好我地2個女仔都食得唔多所以加埋叫左3樣野說夠👍🏻1.忌廉炒什菌配埋個 baguette 都好夾😋2.Parma Ham 三文魚沙沙面包呢2款都好好食🤤尤其是個parma ham 加上蕃茄同洋蔥碎好香👍🏻 片baguette 仲係好脆架😌3. 肉眼扒配黑松露薯蓉到main course喇😍真係冇得頂😍😍😍😍😍😍我地叫左5成熟....不過就比想像中再熟左d~但係都好正😋我朋友就鐘意點薯蓉食, 我就鐘意basil sauce 到最後係最失望既~我自己就預先帶左個蛋糕去俾佢keep左先啦~咁我地食完哂我就去廁所, 然後順便叫佢上埋個cake啦~點知我一起身去廁所同個職員講(應該係經理黎, 著藍色恤衫的)起得, 點知去完廁所出黎, 我朋友同返我講有個女職員問佢係咪自己帶左蛋糕? 係咪依家上得?🙄我聽到好嬲囉😤點解會咁唔識做架?咩surprise 都冇哂喇~真係第一次係餐廳遇到咁蠢既職員🤦🏻‍♀️不過成晚黎講我都好好, 好滿意👍🏻👍🏻👍🏻👍🏻除左個個唔醒水既女職員外🙄我會建議下次如果帶蛋糕去既話, 講明for surprise 會好d🙁…查看更多

今日我地3個人食晚飯...同媽咪同男朋友...但由於我朋友俾較大食所以都嗌左好多野😂首先叫左個pizza 將水蜜桃取代左哈密瓜配Parma ham 都特別👍🏻味道仲好夾tim😋😋😋 我好鐘意食呢個😬反而個小食拼盤雖然好食, 但係就冇咩特別, 係正常應有晚水準👍🏻 至於腸肉野菌意粉味道相當唔錯😋但係個意粉比有口感既硬左少少, 可以再煮耐dd會更好👍🏻呢個真係碼得不讚既燒乳豬😍😍😍個皮真係好脆, 肉都好淋👍🏻👍🏻因爲係出面食有好多都又硬又"un"我俾5粒星呢個⭐️⭐️⭐️⭐️⭐️羊架都好食唔會蘇😆最後個甜品都好食👍🏻個裝飾做得好靚😍…查看更多

今次係同朋友興祝生日而黎既~咁而且呢間都係我係OpenRice 睇左好耐好想試既一間餐廳, 去到先知原來都好爆, 好彩預先有book位🕖不過當日有d事就遲左半個鐘先去到🕢但我到差唔多到預約時間個時, 我都有打返個電話同佢講聲要遲半個鐘, 估唔到佢地竟然冇問題肯幫我留檯👍🏻 去到坐底環境都好舒服, 只不過有樣好奇怪既野就係....雖然無論自備或者即時oreer既蛋糕都可以係碟到寫字, 但係可能時間既關係, 一早寫好哂, 不過點解要擺正係客檯隔離而唔放返入廚房呢? 攤哂出黎好似唔係好衛生咁🤷🏻‍♀️至於食物方面, 當日食左個牛排, 我覺得可以再生小小會更好…查看更多