咖哩jai的个人专页

最近晏晝食lunch已經見到呢間新開嘅壽司店，今日唔得閒出茶餐廳食堂食，趕住要買外賣就嚟咗幫襯，比預期之中有驚喜。叫左1個特選壽司餐（東京A)，有三文魚吞拿魚帶子北寄貝等大路壽司，仲有鱆紅同池魚。三文魚吞拿魚新鮮，厚度適中。北寄貝係原隻包住舊壽司，好吸引。而鱆紅同池魚等等白魚亦都處理得好好，食落新鮮。最後不得不提一下佢既賣相。雖然係外賣壽司，但師傅絕對無亂黎，放d魚放得好好，個外賣盤都好靚，不得不讚！…查看更多

今晚屋企冇飯食有機會同阿哥兩條仔去食飯，就試吓一啲唔同地方嘅菜，見到呢間菜館食既係巴基斯坦葉。門面仲要好靚仔咁，就走入嚟試吓。最後滿足地食到一啲地方不同既菜式。食咗三款唔同嘅dish Chaat從來未食過一道咁得意嘅小食。香脆嘅外皮配入邊嘅Yogurt 同薯仔仲有薄荷同埋香草。好似食緊一塊薯片再點咗啲好濃香味嘅乳酪醬。Chicken karahi個餸其實係好似係咖喱雞咁佢都係有少少辣。味道係非常好。有好多香料同洋蔥蒜頭一齊打爛，非常之濃厚既味道，即刻叫多個Garlic Naan（即係薄餅）一齊食。 Lamb biryani男人梗係叫返個炒飯喇。用咗當地嘅米飯嚟炒，同樣係好多香料味。羊肉本身炆得好腍，好食。完！ 飽足。…查看更多

網上見到呢間嘢好多好評，放工就同朋友過嚟食番餐。朋友唔食辣嘅，但係都照叫佢哋招牌嘅酸菜魚。酸菜魚唔辣叫左唔辣但呢個酸菜魚都好出色，魚本身已經有醃過，個底味已經好好👍🏽夠鹹味同新鮮，連咪有少少麻香味嘅湯加咪酸菜同埋本身魚嘅鹹味，配合得好好。個湯有配埋少少紅薯粉，唔洗叫飯都夠飽。另外仲叫左個黃金蝦。黃金蝦熱辣辣炸得好香脆，要即刻食先得。以為佢味道會好鹹要送飯但係佢調校得啱啱好，可以就咁食，唔配飯都得。最後見到嘢飲，有杯大奶茶。叫左黎，嘩真係好大杯，完全想像唔到，好似隊啤咁，正！朋友叫左個荔枝梳打。ok!…查看更多

71 後嘅假日，瞓到晏一晏起身，三點幾先想食嘢就同母親落街搵吓下午茶食，順便飲杯嘢。落街見到呢間燒味舖嘅下午茶幾大份，又未食過，就走咗入嚟食。阿媽叫咗一份下午茶餐燒鵝拼燻蹄米粉，我太肚餓嘅關係就叫咗碟乳豬燒鵝五寶飯食燒鵝拼燻蹄米粉切咗個燒鵝上髀比母親，雖然分量比較少，但下午茶有得食髀位都開心既。燒鵝皮脆，肉汁都夠，配番酸甜醬唔錯。燻蹄爽脆，不過個醋就唔係好夠酸，可能岩番一d唔食好酸既人喇。乳豬燒鵝五寶飯有乳豬有燒鵝呢個飯份量都好豐富，而且全部都係貴價靚嘅燒味，乳豬嘅皮好脆而且有乳豬醬，好食。有埋鹹蛋送飯成個餐好豐富。夏天梗係整返杯凍檸茶。…查看更多

今天閒日放假，特登走過來太子食下午茶。終於嚟到好想黎的一間 cafe。呢度裝修的確好好正，一入門口已經有張好靚既凳比人打卡。另外間Cafe有唔同嘅乾花掛咗係個牆上邊，整個感覺都好浪漫，連咪門口全部加咪係一個紫色既世界。蟹柳明太子意粉旁邊有木魚絲，好有日系風味既意粉。意粉用扁意粉好夠嚼勁，同咪好乾身。蟹柳蟹子同埋明太子相配，整個感覺都好有日本風味最後有杯心心咖啡，味道okay. 在閒時黎呢度嘆個tea ,絕對不錯…查看更多

今次同朋友去咗佢屋企附近食晚飯，見到間餐廳叫小確幸咁得意，咁就試下喇。紐西蘭肉眼扒牛扒岩岩好5成熟，表面煎得好脆，肉汁配埋黑椒汁好好味！朋友仔唔係好食得辣，佢都話個黑椒汁好香好惹味😆配咗個薯角係有椒鹽調味過的，夠脆又夠香！All Day Breakfast 最近都好迷丹麥多士，好開心呢到有呀！啲牛油搽係個面都烘到好香好脆呀🤣個奄列成半隻碟咁大個，勁吸引😍食落啲芝士周火腿爆曬出嚟🤣見到餐牌仲有Benedict egg，決定下次再嚟食先！最尾仲有杯咖啡…查看更多

好耐冇嚟過食。佢竟然keep到差唔多的水準，令我驚訝。南乳雞球米線既南乳汁仍然好味，南乳汁好容易做到死鹹咁嘅味，你呢度有好香嘅南乳味得嚟仲要唔會覺得好鹹。酥炸雞球炸得好好，唔會過火太老，米線配既雪菜仍然不錯，但主角米線就又煮到有d淋，唔係好夠彈牙，不過感覺上都係一次次有時又啱口感，有時又會偏硬，有時偏淋，希望下次岩心水。個人叫咪炸魷魚，酥炸口感配上彈牙魷魚一流（當然膽固醇都一流。。。）難得食一次就冇所謂啦。埋單$100都唔使，咁多年都覺得佢好抵食。…查看更多

今日天氣寒冷，係食麻辣米線嘅日子。平時呢間鋪午市都好多人，今日見到有位就即刻坐低試吓啦。叫左個腩肉、牛腩加竹笙麻醉辣小辣小鍋米線。味道不錯，冇譚仔嗰啲一隻死鹹味，小鍋酸菜同埋肉碎都唔錯，小辣既辣度都啱啱好不過可能因為午市關係，d姐姐態度好一般。本來坐位已經好迫，姐姐拎住碗熱辣辣既米線都會當你無地咁行過。佢哋仲會大大聲互相喺度鬧交（同客人無關）。可能有人覺得咁樣係親切啲啦，我真係不敢恭維啦，最怕被佢地太大動作整污糟…查看更多

放假去行山，由嘉道理農場行去粉嶺。聽聞過聯和墟有間老店好好食，終於嚟到食一次。兩點幾去到要等4-5張枱。呢d下午茶時間都好多人。不過最重要就係豬手未賣晒，有得試！等咗15分鐘就坐低，三個人叫左多份淨豬手、淨牛丸同淨牛腩。淨豬手軟硬程度適中，有清清地既鹹香同埋鮮味，係好難食到既一種comfort food 既感覺。可惜都係冰鮮豬手，不過都明白嘅新鮮豬手唔賣百幾蚊都圍唔到本。淨牛丸牛丸爽口，有牛肉味，合格。淨牛腩係廣東式嘅炆牛腩，味道偏淡，牛腩嘅話我都係想濃味潮州腩多點。…查看更多

平安夜夜晚都應該無一餐正餐食，先去左旺角食個下午茶先。今晚一定玩到好夜，所以就諗住搵個飲中茶既地方，飲多2杯中茶醒神今晚玩。見到喜惶呢間點心鋪又有下午茶餐，又有杯中茶飲，就入左去🥳🥳🥳叫左個$48下午茶餐，連咪茶錢$52，好抵食，好飽。蒸鳳爪排骨飯。飯好夠熱，亦唔會太爛，好乾身。蒸飯最怕d飯爛哂又濕，但呢個唔會。餸分量豐富，味道可以。蒸蟹肉菜苗燒賣燒賣餡料食到一粒粒豬肉，唔係一pat肉醬，好高質！太肚餓食到一半先影相😂 仲有2粒燒賣。其實佢呢到出名係牛肉製品，不過未有機會食到，下次再黎食。…查看更多

經過尖沙咀食個簡單午餐，又走咗入海防道街市搵嘢食。去咗文記見佢有海南雞飯好似幾好味，叫咗一份真係唔錯。熱奶茶11:30 坐低都係早餐既茶尾，有少少澀，不過奶香茶味都合格，落番多少少糖就可以。海南雞飯蔥油同埋蒜蓉都不錯。雞滑既但略略肥左。飯用番普通白飯，無油飯。整體來說不錯的一份午餐，午市都好多人黎到，應該呢間最經濟實惠啦。見咁多人又食完喇，咁就走先，仲有個厚切豬扒未食，下次睇吓早餐或者下午茶餐嘅時候再試。…查看更多