鎣鎣的個人專頁

而家喺香港搵個地方唔限時食嘢，真係好難。星期五收工朋友帶咗我去中環串燒酒場，話呢度可以慢慢飲慢慢傾，太開心了吧。試咗啤酒同Cocktail, gin tonic略嫌酒味淡咗啲，啤酒超有誠意用冰杯上，超級透心涼。蔬菜類必點嘅係矮瓜同韭菜串，爆蒜烤燒加上孜然粉嘅加持，冇得頂！仲有好容易烤到乾晒嘅秋葵都燒得恰到好處👍🏻我真係好鍾意食雞皮，呢度竟然有雞皮紙，同燒雞皮兩款😍雞皮紙有炭香味，燒雞皮油香味就重啲，睇吓你鍾意食邊款😊超肥美蒜香燒蠔，一隻真係唔夠，我同朋友每人食咗兩隻都仲想再要😆蜜糖燒雞翼，平凡中嘅不平凡，焦糖香嘅外皮，入面仲係好Juicy嘅嫩滑雞肉。…查看更多

幾年前食過屋企附近嘅元朗分店，覺得佢啲海鮮生猛，烹調時間掌握得好，整體印象唔錯。可惜元朗店關閉了，好耐都無食過。今晚同老公一齊wfh, 好想食蒸海鮮，但又唔想買餸，決定貢出最近既尖沙咀食佢！認住呢隻蟹位置有啲偏僻，行到我成身汗。就係呢個招牌蒸籠，好可愛哈哈我哋點左$449/位既套餐海鮮無得呃人，望落已經好精神值得一讚係佢啲海鮮洗得好乾淨～份量唔算多，每款都係人頭計。重點想讚呢個蟹皇大元貝未試過食元貝上面加蟹皇原來蟹粉會令成粒元貝嘅鮮味再提升蟹粉好鮮甜，元貝十分彈牙第一次食野生琵琶龍蝦我覺得佢嘅蝦肉比澳洲龍蝦更加幼嫩同鮮甜係我最期待嘅綠膏蟹爆羔，超鮮，蟹肉都好結實肥美，十分鮮甜完全無令我失望釜山鰻魚肉質鮮嫩，加上薑絲一齊食，完全無腥味。不過個人認為蒸鱔無調味料始終都係爭少少，燒會更正更適合。最後個粥底夠熱夠綿。有排骨，粟米，芋頭等材料，再吸收埋海鮮嘅精華，無得頂食埋幾碗粥就夠晒飽啦～事隔幾年再食，水準依然雖然無華麗嘅裝修，但贏在新鮮，會再幫襯。…查看更多

講真，好耐無食過任食雞煲。因為質素麻麻，只係但求填飽個肚。不過今日食完有啲改觀，可以再食喎！叫咗小辣嘅重慶雞煲。雞件大細適中，完全係一口size上菜嘅時候洋蔥已經炆到好淋，即刻可以食，呢點好值得讚記得第一round食完雞唔好加湯住呀～～～跟住佢放花膠水，魷魚，牛柏葉乾炒真係超級正有冇朋友都同我一樣好鍾意濃味食花膠彈牙爽口，放落湯就會煲到太淋，咁樣食係最滋味！牛柏葉好掛汁，超正點少得濃味牛叫左B餐，可以另點肩胛肉眼，雪花肥牛黑毛豬梅花肉同埋廣島蠔雪花肥牛，顏色有光澤，唔係平時雪到瘀瘀黑黑咁。食落油脂味香，口質軟滑。肩胛肉眼幾有驚喜。牛味比雪花肥牛重，肉質厚實，但唔韌脆骨腩，必點爽口彈牙，鮮甜，無腥味飲品種類好多竟然有龜苓膏仲有鴻福堂飲品食咗咁邪惡嘅雞煲，飲番啲養生，清熱嘢，自我安慰下先…查看更多

成日經過見到好多人排隊，想食好耐都未食到。今日竟然比我見到唔使排隊，即刻同老公撐下檯腳先唔食得辣嘅老公叫咗個濃湯蕃茄牛筋腩米線，拼滷水豆腐。牛筋件件都好大舊仲要好爽口彈牙，讚牛腩炆得夠林，好入味美中不足係蕃茄湯比較普通，算唔想上蕃茄濃湯底。滷水豆腐好入味，細細件，一口size我最鍾意食辣點左個麻辣鹽酥雞扒米線，拼黑醋貓耳朵。鹽酥雞炸得好香脆，唔厚粉，雞肉仲保持嫩滑，唔鞋口，好好味黑醋貓耳朵帶啲蒜香味，好香，酸酸地好開胃鐵觀音芝士奶蓋奶蓋香濃夠滑，芝士味重，混埋鐵觀音甜度適中，好飲！水果四季茶不過不失，消暑解渴一流…查看更多

嫂子一家約埋我去食海鮮午餐，慶祝孖女考完哂試一家大細梗係要坐得輕鬆舒服，原來嫂子已經一早訂好位，去到仲安排咗間房俾我哋4個添～房間空間感十足，私隱度高，開會，傾計一流。阿嫂請客，我唔客氣啦～～～喜記正宗炒辣蟹～一上碟我就諗起好多年前喺銅鑼灣食嘅XX辣蟹。蒜香味撲鼻，分量十足！你睇吓隻蟹鉗！！！真係好肥美呀～～～新鮮嘅蟹肉，一食就食得出嗰種鮮甜，肉質彈牙，蟹味濃。仲有啲爆香左嘅蒜蓉同薑蔥，送飯一流絕對唔可以放過蒜蓉粉絲蒸波士頓龍蝦～本身我對龍蝦冇乜興趣，尤其是芝士焗。竟然今次蒜蓉粉絲清蒸我覺得好好味！佢個龍蝦係超級彈牙，配埋帶啲油香嘅蒜蓉，仲有索晒啲蝦汁嘅粉絲。。。100分豉椒炒蜆～炒蜆吐沙工序好緊要，呢度嘅炒蜆完全冇沙，而且蜆肉肥美，唔會炒兩下就縮晒水，得返啲殼。豉椒味炒得夠香，略嫌唔夠辣。蒜蓉粉絲蒸扇貝～扇貝非常大粒，而且蒸嘅時間啱啱好，唔會過熟韌口蟹油炒麵～見佢個賣相以為係普通嘅豉油王炒麵啦～點知，有！驚！喜！佢面頭嘅蒜蓉就係用蟹油爆香左，佢令全個麵都昇華咗真係好香口開胃…查看更多

今日同friend講開想食海鮮，於是就去咗食蒸鍋。其實之前食過蟹仙其他分店，覺得佢嘅海鮮好新鮮，服務又好，所以今次試吓新蒲崗分店掂唔掂先～竟然有我最鍾意嘅菜莆基本嘅調味料Yeahhhh 我今晚好期待既海鮮拼盤隻蝦仲識郁㗎青口同刀貝～好鮮甜彈牙鮑魚同生蠔～蒸生蠔真係麻麻哋好食可能係我本身鍾意食新鮮生蠔，蒸左之後嘅口感反而覺得怪怪地。鮑魚好彈牙雖然兩款蟹同埋一隻琵琶蝦都係得一隻，每人食得半份～但正所謂少食多滋味，重質不重量三款海鮮入面我最鍾意隻羔蟹！！係爆羔呀完全唔想點豉油或者任何調味料！原汁原味先食到佢蟹肉嘅鮮甜，蟹膏嘅香滑同油香味～～屋企可唔可以買一個自己蒸呢？仲有呢個香炸爽脆魚皮就咁食同埋用嚟送粥都好夾！全部海鮮嘅精華就落咗喺呢煲粥入面仲加入左粟米同埋排骨，好甜好綿既海鮮粥底～～一定要留肚食呀…查看更多

係朗豪坊做完facial, 約左幾個閨蜜食火鍋。Google map過，5分鐘腳程就有一間火鍋店你睇個湯底幾足料係花膠同鯊魚骨呀～～原來鯊魚骨係食得架，仲好爽口添，口感好特別。呢個湯底係配埋泡飯㗎～脆卜卜嘅泡飯加入熱湯，好新奇既配搭，非常好味。我建議大家加湯馬上食兩啖，然後留返另一半泡飯浸一陣湯先食！咁就可以食晒脆卜卜泡飯，同埋吸哂湯，軟林林既泡飯～～兩種感覺，一樣好味爽脆鮮綠嘅萵筍麻醬冰菜～原來冰菜咁樣食係好爽脆，好清新架多女仔就自然食得多蔬菜類～哈哈涼拌秋葵係必吃既鬼馬油炸鬼淥幾秒就食得！香脆之餘又無油益味～正呢個牛魔王塔，影相一流之餘，味道都好好！有齊三層牛肉，唔同口感，油脂感，三種唔同享受(牛頸脊，安格斯牛，手切牛)而家只要分享喜鍋專頁，全單即享88折！！真係超抵～～～優惠唔知做到幾時㗎～記得打去問吓先呀…查看更多

恢復晚市堂食後，第一次約姊妹們食晚飯！大家都係愛辣之人，梗係揀番間川菜刺激下呢個土豪版酸菜魚真係唔係講笑，一上枱嘅時候嚇親！！霸左我地半張檯！！我哋好興奮，大鄉里咁影左10分鐘先肯開動～～魚肉非常大塊，無骨又夠滑。酸菜十足，酸味適中，湯底夠辣，非常好食！如果麻味可以重番少少就100分～大盤花菜～炒得超香超夠鑊氣最鍾意佢吵到有少少微焦，果種香味同口感係零舍唔同ga仲有啲豬肉片嘅油香，成碟餸都好開胃！！杏仁青檸蝦球～蝦球炸得超香脆！！蝦肉彈牙，無雪藏味，炸粉夠薄，但好脆口～配上酸酸甜甜嘅檸檬汁，同埋薄薄嘅杏仁片，簡直係perfect match係三樣野裡面最好食ga!!!!!…查看更多

今日約咗閨蜜去shopping,之前IG見到呢間米線店，D過橋米線好豐富，而且坐窗口位仲打卡一流添～訂位時註明想坐窗口位，去到真係有好開心米線配料有10小碟加煮食肥牛一盤(大約4~5塊)麵食可選七彩麵或米線我覺得配料裏面酸菜同魚腐係最好味嘅～其他都真係普普通通。七彩麵質地軟滑，唔比米線輸蝕，可以一試！另外要讚嘅係湯底夠熱，可以煮熟配料之餘，仲夠時間影相打卡總括嚟講可以一試，不過無驚喜，價錢亦唔平～唔會成日幫襯。…查看更多

過年前最後一個weekend出黎辦下年貨，突然好想食台灣野！搜尋附近食肆竟然見到呢間台灣過江龍段純貞係如心開左分店即試啦～～三寶麵(牛腱心，牛筋，牛肚)牛肚好入味，彈牙牛筋係全筋部位，好夠軟稔，帶點爽口，正重點推介牛腱心！！！質地係超嫩滑，牛味重，油脂味香濃，係超級驚喜麻辣蒜味腱心半筋半腩牛肉麵有幼麵同粗麵揀原來粗麵係手工麵～～我見到隔離枱食先知下次一定要試番！右面都不過不失，有粉麵香，都幾Q彈呢個酸菜係跟麵餐嘅好夠酸好開胃滷水拼盤牛展嫩滑軟稔，完全唔痴牙好好味滷水糖心蛋熟度適中，食到蛋汁香味，正冬瓜薏仁檸檬茶呢杯特飲相當推介薏仁味濃，配以檸檬清甜，超級清新，微甜，解渴消滯酸梅湯酸酸甜甜，提神醒胃，唔錯…查看更多

男友住咗元朗咁耐都唔知原來有呢間隱世美食。好彩今日一家人等小巴嘅時候，入咗嚟食嘢，先發現到好嘢介紹比大家！名川麵棧雖然其貌不揚，店內簡單裝修。但勝在疫症期間非常清潔衛生，令我堂食都好放心。食物種類超多！！各式粉麵飯任君選擇見到隔離枱叫咗冬菇花膠飯好大碟好足料，我都即刻跟～～～花膠大大嚿，全牒起碼有4-5塊！一d都唔姑寒仲有冬菇都好大粒，而且非常入味！！呢個冬菇花膠如果10分滿分我一定比9分！！(扣咗1分因為佢唔夠熱) 呢個絕對係酒樓級嘅滋味冬菇花膠可以配飯或麵，我揀左米線。估唔到跟餐既粉麵個湯底竟然係豬骨濃湯底，一d都唔馬虎仲有木耳粟米等配菜，誠意十足。見到佢有個激辣霸王雞好想挑戰下賣相好豐富，見到佢面頭啲辣椒粉，唔知係咪真係會辣到跳舞呢事實證明啲辣粉係冇料到，只有BB辣不過值得一讚係佢啲雞件好滑，點埋蔥爆香過嘅豉油真係好香口，超好送飯爆香過嘅蔥全部食哂，一粒不留仲有索哂雞汁同豉油香嘅芽菜，點可以放過*炸雞翼*看似簡單，但係可以炸到外皮咁鬆脆，而裏面肉汁仲咁豐富，實在難得好好味！追加多個菠蘿油～呢個就略為遜色一點嘞，菠蘿包係熱同脆嘅，但係牛油就已經溶咗一半。同我理想嘅傳統冰鎮牛油，有啲距離。飲品方面，涼粉奶茶同鹹檸七都好有水準…查看更多

講得切喺二人限聚令，六點餐廳關閉前一日，去嘆一個西餐，預祝同男朋友周年紀念相信好多朋友黎海之戀呢個商場，都係同我哋一樣行Donki對呢個商場完全唔認識，周圍行吓行吓見到呢間Cafe有晒聖誕佈置，幾有氣氛咁，就入咗去試吓我同男朋友每人叫咗個餐大家都揀咗龍蝦湯龍蝦湯好香濃，入口都好細滑但我最想一讚既係佢個黑糖包，唔需要加牛油已經好好味，仲要暖笠笠㗎呢杯Mocha真係好好飲！朱古力味香濃加上咖啡味亦好出色配埋上面果層cream,真係100分～凍檸茶正常水準安格斯牛肉芝士漢堡配薯條係我最鍾意嘅波浪粗薯條，好香脆油益味，絕對係即叫即炸牛肉牛味重略嫌質感比較鬆散芝士偏硬，如果可以整熱佢，溶番少少就Perfect蜜糖雞翼炸到金黃色，夠乾身，外脆內軟但味道較淡。牛扒本來我哋想叫medium raw, 但店員話至少要叫半成熟～嚟到嘅熟度唔錯肉質彈牙，切開仲有肉汁流出，油脂分佈適中，好啱我口味…查看更多

成個禮拜冇見過男友，難得今日佢有時間同我食個lunch, 就睇下佢帶我食咩好西今次佢帶咗我去食市林立嘅耀華街一座大廈喎原來係食吉列牛忌廉烏冬閒日4:00pm真好，無咩人，可以靜靜地歎個lunch. 店員安排咗窗口位俾我哋，好舒服。男友叫咗一個吉列牛set老實講吉列牛唔係第一次食～但係呢間吉列牛既炸粉做得好香脆所以吉列牛燒完之後，肉汁仲可以鎖住，好Juicy, 外脆內軟牛味重，略嫌油脂感唔夠，如果可以有番d油脂會更加香口登登登登～～我最期待嘅忌廉烏冬出場係超級大碗滿滿既忌廉呀！！！點估到香滑嘅忌廉會同煙韌既咸味烏冬咁襯呢雞肉烏冬原本係咖喱味既好香好煙韌～～配埋室溫嘅香滑忌廉，感覺特別，意外地襯，真係超級好味！！蜜糖單骨雞翼單骨雞翼一口可以放入口～係我最愛蜜糖味香炸得好香脆，美中不足係味道比較淡，只食到甜味。呢個忌廉烏冬真係驚為天人，我一定要再嚟食過…查看更多

去完朋友clubhouse游水，見佢樓下有間茶餐廳，我地貪方便就呢度攪掂啦當晚都有唔少客人坐出面，夜晚涼涼地都幾chill的，日頭就咪攪喇(仲有呢度原來望到獅子山架)肺炎期間，室內室外都好衛生，搵膠袋蓋住餐具格離左右都食緊既小菜套餐～不過我見佢仲有好多其他特別野食，所以無叫餐。燈櫈～～～呢個就係openrice同ig都有人極力推介既冬陰公龍蝦湯飯一上枱已經香味撲鼻冬陰公既惹味唔洗解釋，加埋龍蝦濃湯既鮮味，呢啖湯係出色到 不 得 了 !仲要超級滾熱辣，裡面有索到入哂味既泡飯，再配埋碗脆卜卜飯焦，真係無得頂，好夾，好好味點呢個冬陰公泡飯加錢就可以享用埋呢個焗田螺薯蓉同田螺好香滑可口，讚！仲有呢個雞煲都好正！雞件size 岩岩好，又滑又嫩，調味醬好食，辣度適中，送飯一流呀…查看更多

今日同男友行完元朗千島湖，即刻上網睇下附近有咩好食～好想食海鮮，但係而家有疫情，打邊爐又係高危。。呀，蒸海鮮咪無問題囉新田購物城真係平時上大陸玩先會經過，都未入過去。今日有揸車就岩哂嘞！因為呢度食飯可享用免費泊車，可以慢慢食，又唔洗諗泊車，抄牌問題好得意，成個魚缸放係店中間，一入去我仲以為好似泰國夜市咁有得自助夾海鮮一坐低就送上呢客溫泉蛋超幼滑，拌埋豉油，一流既開胃小食行完山真係好需要一杯冰凍啤酒！！爽呀～蟲草花木耳蒸滑雞雞件超嫩超滑，蟲草花又香口，木耳索哂雞汁同蟲草花香，份外滋味我最期待既海鮮大大粒元貝鮮甜好味，時間岩岩好，熟度適中新鮮鮑魚拼盤上枱時兩隻鮑魚仲郁架，保證新鮮，所以味道特別鮮甜本地生蠔雖然size無美國蠔咁大隻，但勝在唔縮水，而且好肥美juicy, 好好食你睇下d白蜆幾肥嘟嘟無沙，鮮甜一定一定要歎埋個粥全部海鮮既精華都落哂去，配上芋頭，南瓜，蟲草花，個粥係極之鮮甜好味！！如果煲耐d會再綿d呀真係一個人食兩碗係基本仲有腐竹糖水做飯後甜品不過味道偏甜，但有糖水濕濕口都係開心的真係好滿足呀…查看更多