hkfoodiencats的個人專頁

幾個月都冇打過邊爐，早前同朋友夜晚去咗將軍澳呢間台式一人一鍋，有幾款唔同嘅套餐可以選擇，我哋選擇咗可以任食美國Prime Grade 極上牛頸脊同埋西班牙伊比利亞黑毛豬嘅$298放題套餐。呢個套餐除左一般火鍋食材嘅任飲任食，仲有埋Prime Grade牛肩胛肉、西班牙無激素豬肉片、台灣沙茶牛肉、精選雞腿肉同埋深海魚柳。每款肉嘅味道其實都幾好，不過當然我哋主打都係食極上牛頸脊同埋黑毛豬啦。極上牛頸脊肉質鮮嫩，口感柔軟。而西班牙伊比利黑毛豬肉質豐腴，口感鮮美。我地都忍唔住食左好多。湯底方面，我同朋友分別揀咗藥膳椰子清雞湯同埋藥膳蟲草花桃膠雞湯。椰子雞湯嘅味道清甜，無論係配肉類定係蔬菜類都非常適合。至於藥膳蟲草花桃膠雞湯都係一個非常有益健康嘅湯底。蟲草花具有補肺益氣、滋陰潤燥、提高免疫力等多種功效。而桃膠就係一種高膠原蛋白嘅食材，有助於美容、滋潤皮膚、保持關節健康等等。打邊爐嘅同時可以食到養生嘅食材，一舉兩得。另外丸類方面，我覺得呢到嘅手打牛丸同埋芋泥貢丸都好好食。深海魚柳好嫩滑，都好值得食。最後有任食嘅Movenpick雪糕，不過我比一款柚子乳酪味嘅Gelato吸引左，就放棄左Movenpick。…查看更多

前兩日去開荔枝角嗰邊，同朋友一齊夜晚一齊食呢間台灣菜。麻辣鬼椒雞腿芝士蛋吐司$55呢個吐司真係好好食！！首先真係爆餡，雞腿肉好嫩滑，個醬汁有少少辣辣地，又唔算太辣，仲有好多香濃嘅芝士，同埋流心嘅雞蛋，好好食。蝦餅+$28有三塊，炸得香脆，配埋泰式辣醬好食。蕃茄紅燒台式牛肉麵$78好大碗麵，麵質彈牙，牛肉係煮得軟淋嘅牛肋條，配埋小棠菜、紅蘿蔔、白蘿蔔同埋滷蛋，加上番茄紅燒湯底，呢碗麵好豐富。芝士蛋餅$35蛋餅好香，入面有香蔥、蛋同埋流心嘅芝士，食落好香濃芝士味。冬瓜茶+$5冬瓜茶味道香甜。桂花雪梨羅漢果茶+$12感覺好健康，好似話冇再添加糖，飲到天然嘅雪梨同羅漢果味。芋頭椰汁三色圓$46有好多芋圓，大大碗夠兩個人share。芋頭椰汁味道香濃。…查看更多

好耐冇食過和牛，前排同朋友一齊去銅鑼灣呢間餐廳食A5飛驒牛。嗰陣推出左個精選套餐，$788就有A5飛驒牛西冷套餐食，相當抵食。什菜沙津好大碟沙律，一開頭食啲清新嘅沙律開一開胃先。有得揀牡蠣牛肉豆腐湯或者辣味碎牛肉湯，我地揀左牡蠣牛肉豆腐湯，飲落都有少少胡椒嘅辣味，幾惹味。特選A5飛驒牛西冷雪花分佈得好靚，油脂豐富，幾乎入口即溶，店員教落燒嘅時候燒到一邊有血水先翻去另一邊燒，燒完又唔算太膩，正。汁燒秋田豬肩肉&日本産雞腿肉一個餐入面有齊雞牛豬，雞腿肉食落好嫩滑，燒完可以有外脆內軟嘅效果。主食我地揀左海鮮石鍋飯，類似湯飯咁，有唔同嘅海鮮同埋蛋花同埋飯，清清地得黎又充滿鮮味。甜品有芝麻味同豆腐味嘅雪糕揀，我就揀左芝麻味。白桃牛奶另外加左杯白桃牛奶，甜甜地又充滿奶香。…查看更多

同一個好耐冇見嘅朋友約食飯，佢帶左我去尖沙咀呢間新開嘅Omakase，睇一睇價錢，以晚市黎講，性價比相當高。有兩個價位嘅Omakase，分別係$680同$880。同朋友咁耐冇見，我地決定揀貴啲嘅$880。前菜5款盛合有五款精心準備嘅前菜，當中我最鍾意嘅就係巨峰提子煮同埋秋刀魚仔。越食越開胃。刺身5款盛合五款刺身分別有帶子、牡丹蝦、天然鯛、北海道水蚌、拖羅，仲有三文魚添。刺身款款味道鮮甜，先有淡味嘅慢慢食到濃味嘅刺身，每一口都係一種享受。燒北寄貝北寄貝燒得彈牙，個汁清甜鮮美。白子茶碗蒸白子配茶碗蒸呢個配搭幾新鮮，但又幾夾。蛋好香好滑，仲配左少少柚子喺白子上面，清新啲。鯖魚押壽司壽司飯同芝麻混合左，同鯖魚中間仲有一塊紫蘇葉，食落帶紫蘇葉同芝麻香氣。肉類係和牛燒，和牛煮得好入味，肉質鮮嫩，牛味香濃。煮物3款有三款煮物，我最鍾意嘅係芝士豆腐，食落好creamy好滑，充滿芝士香，上面仲要有海膽添！之後有一碗菠菜麵，湯底清清地，喺寒冷嘅天氣下食埋好暖胃。甜品有日本生果同埋蕨餅，為呢一餐作一個完滿嘅結束。…查看更多

前幾日同朋友去開上環，行到好熱，見到有間新開嘅飲品店，有鮮果乳酪，即刻同朋友入去買幾杯飲品消暑。間鋪裝修都幾靚，充滿心思。紅火龍果果酪 $38成杯感覺好健康，新鮮嘅紅火龍果同Greek Yogurt blend埋一齊，飲落酸酸甜甜，清新開胃。濃滑木瓜奶奶 $38木瓜味好濃郁，奶味都好重，飲落creamy，好正。飲完呢杯應該會幾飽肚。奶蓋炭焙抹茶 $33奶蓋唔算太稠，好輕易就可以同時飲到茶同奶蓋，平衡得幾好。炭焙抹茶嘅奶味同茶味濃郁，充滿炭焙香氣。…查看更多

前幾日同朋友去左尖沙咀呢間A5和牛放題，啲和牛真係好高質，性價比極高。日本黑樺牛火鍋放題 $398/位首先一開始就揀左湯底先，我地揀左黑松露野生竹笙松茸菌鍋，入面有好多松茸菌，個湯清得黎味道香濃，感覺好養生，用呢個湯打邊爐都唔洗點醬汁。一開頭就上左個海鮮拼盤先，店員會先蒸熟海鮮，然後再燒，有帆立貝、蝦同埋蠔，食落鮮甜。之後送上牛肉、豬肉同埋手打丸拼盤，以層架上好靚。之後店員會送上全部款式嘅A5黑樺和牛同埋日本佐賀名水豚，款式好多，牛肉有八款，豚肉都有四款，放到成檯都係。如果覺得特別鍾意食邊款，都可以任點。我最鍾意就係A5熊本黑樺和牛特上霜降小排，食落油脂感好豐富，碌一碌就食得，入口好滿足。呢個價錢食到咁多款咁靚嘅和牛真係好抵食。豚肉有兩款係加上醉玫瑰，食落帶點酒香同埋玫瑰花嘅清香，幾特別。呢到嘅飲品都幾出色，除左冷泡茶之外，仲有奶茶同埋沙冰等等。仲有唔少小食同埋火鍋材料任點，最特別嘅係有一款火灸芝拉絲蝦餅Pizza，蝦餅作為pizza嘅餅底，真係第一次試，但又幾正喎。最後食返球雪糕，加啲oreo就perfect啦。…查看更多

前兩日同朋友去左將軍澳海邊呢間戀上台式料理，有戶外位又有室內位可以坐。我同朋友都比較怕熱，就揀左坐室內位，否則戶外位望住海景食飯應該會正啲。戀上生煎包（4隻）$38生煎包皮薄，入面足料，一咬落去就爆汁，幾唔錯。基隆市甜不辣 $58甜不辣配上椒鹽粉，點埋酸酸甜甜嘅醬汁，好惹味。戀戀蚵仔煎 $68好耐冇食蚵仔煎，今次食到蚵仔煎好開心，好有去左台灣夜市嘅感覺。蚵仔每粒都好飽滿大粒，啖啖都食到蚵仔。戀上三杯雞 $88熱辣辣以煲仔上，以大蒜同薑片爆香左，食落好惹味。唔會太油，雞件食落都幾滑嫩。台灣胡椒蝦 $168第一次食胡椒蝦，有五隻好大隻嘅蝦。胡椒味真係好香，食落辣辣地好惹味，胡椒味濃，但蝦肉都不失鮮甜彈牙。朋友話佢會為左個胡椒蝦再黎食呢間餐廳。紫戀葡萄 $40奶蓋口感濃稠，鹹鹹甜甜。底下葡萄綠茶甜甜地，同奶蓋都幾夾。粉戀瑰荔 $40我個人比較鐘意呢杯，同樣都係有奶蓋，但底下嘅茶有玫瑰同荔枝香，飲落比較清香。…查看更多

前幾日同朋友去將軍澳呢間餐廳食Dinner，我地叫左份Iberico Ham、一份pasta同埋一份ribs。24 Month Iberico Ham (50g) $188風乾24個月穀飼西班牙黑毛豬火腿Iberico Ham入口充滿鹹香同埋橡果香，肉質結實，油潤，脂肪比例啱啱好。如果配Melon就會貴$80，我地冇揀要melon，就會有薄多士，入口薄脆帶油香。Roasted BBQ Baby Spare Ribs $208秘製醬燒豬肋骨見到隔離檯叫左呢個，望落好大份好吸引，於是我地就叫左。有四大條豬肋骨，每條都比起平時食嗰啲大好多，食呢個好夠飽。豬肋骨上面滿佈香甜嘅BBQ醬，下面有好多薯條，薯條點埋豬肋骨上面啲BBQ醬或者點附上嘅茄汁都好食。仲有啲沙律菜同埋粟米。豬肋骨食落好滑嫩入味，好食。Spaghetti "Aglio e Olio" $148傳統意式蒜香辣椒意大利麵我地坐坐下聞到廚房傳來陣陣好香嘅香味，都喺到估係咪炒緊我地個意粉，結果真係！呢個意粉好惹味，辣辣地又充滿蒜香，仲有啲菇。出乎意料地好食，同朋友幾乎要爭住食。…查看更多

前幾日同朋友二人黎咗食牛大人晚餐火鍋，入面啲座位好寬敞，坐得舒適。今次揀咗澳洲極上和牛套餐，湯底就牛大人秘方麻辣鍋中辣。呢個套餐有多款肉類可以點，而我地就最期待牛小排、和牛M5牛肩卷同埋期間限定嘅北海道十勝豚！手機落單後幾分鐘就上菜，好有效率。牛肉脂肪分布平均，沾埋牛大人特製醬汁食非常開胃。個湯底辣得黎帶有麻香，除咗肉類之外其他配料就咁食都有湯頭濃郁味道。蔬菜同丸類配料可以自己出去夾，都有好多選擇，包括少見嘅蕃薯葉，香芋貢丸等。個貢丸係我每次同朋友黎都必食嘅！除咗有豬肉香外，佢有粒粒芋頭係入面，令到整體口感鬆軟啲唔會太硬實。海鮮類我地就試咗海蝦、鯛魚片等。入口冇海鮮雪藏腥味，肉口感紮實而有海鮮甜味。建議食多咗紅肉嗌吓魚片調劑番，因為佢清爽得黎令人好有胃口啊！我地有試牛大人嘅黑糖珍珠鮮奶，每人加$25就有，同出面手搖店嘅一樣咁靚，有黑糖掛杯紋路，打卡一流。牛奶同黑糖比例岩岩好，食緊辣火鍋嘅時間飲一飲就好解辣同解渴，啲珍珠煲得香甜煙韌，不經不覺就成杯飲哂。下次有朋友聚會都會想黎再食啊！環境舒適，上餐速度又快，大家都食得開心。…查看更多

前幾日同朋友去開西營盤，臨走前喺呢間叫Eden嘅餐廳食左個tea。龍蝦沙律滑嫩雞蛋台式鐵板吐司 $88龍蝦沙律嘅份量唔少，雞蛋炒得好滑嫩，烤得香脆嘅鐵板吐司加上清新開胃嘅沙律菜，配埋龍蝦沙律同炒蛋，味道豐富。寶島蛋餅 配 輕量沙律 ＄73蛋餅有唔同口味揀，我地揀左芝士味。煎香嘅蛋餅包住滿滿嘅芝士，食落充滿鹹香，仲有啲沙律可以解膩。手工芋頭牛奶 +$17芋頭牛奶打成沙冰，芋頭味幾香濃。黑糖奶蓋波霸奶茶 +$17黑糖奶蓋幾特別，除左有平時奶蓋嘅鹹香味之外，仲有黑糖嘅甜味，口感都幾濃厚，好飲。…查看更多

見銅鑼灣Fashion Walk開左間新餐廳，望落環境好似好靚咁，就同朋友過左黎dinner。原來呢到係一間韓式居酒屋，有多種韓國美食，環境亦令人覺得舒適，係個可以同朋友談心嘅好地方。前菜首先送上免費嘅前菜，食落開胃。熟成泡菜布拉塔 $145布拉塔大大粒，芝士味香濃，口感幼滑。配埋泡菜同埋豬肉呢個配搭創新但意想不到地夾，鹹鹹辣辣好惹味，食下食下都不知不覺就食曬。炸雞 $188係無骨炸雞，有兩種口味，分別係原味同埋甜辣口味。原味上面配左銀魚仔，另外仲可以點柚子蛋黃醬，我覺得呢個醬清新得黎幾好食。炸雞食落外脆內嫩滑，充滿肉汁。白切肉 $188白切肉煮得嫩滑，清爽唔油膩。用菜包住食，加上自己鍾意嘅配料去隨意配搭，每次食到嘅味道都會有少少唔同。八爪魚 $258八爪魚烤得好香，仲配搭埋泡菜，充滿韓式風味。略嫌烤得過火左少少，但都可以接受。燉牛肋骨 $228呢個好好食！牛肋骨煮得好入味，牛味香濃，咬落嫩滑唔乾柴。份量都有唔少，有大約五六件牛肋骨，每件都大大件。配埋蘿蔔、蓮藕同埋冬菇，食呢個會好飽。…查看更多

前幾日同朋友去左宋皇臺站附近嘅呢間日本餐廳Dinner。餐廳樓高幾層，有爐端燒、鐵板燒同Omakase食。因為嗰日好想食壽司，所以我地就揀左Omakase。漬物店員首先送上幾款漬物，分別有牛蒡、蓮藕、榨菜同埋薑。前菜係沖繩水雲草，上面白色嘅係山藥蓉，仲加左少少醋，食落酸酸地好開胃。刺身北海道真蠔，加左青檸汁。建議食左頭嘅部分先，口感比較爽，肚嗰到就比較creamy。真鯛海膽卷拼深海池魚可以加少少紫蘇花喺真鯛上面，食落好香。深海池魚食落好爽口。石垣貝加入岩鹽，帶出鮮甜味。醬油燒帶子燒到半生熟，加左少少七味粉吊味，再用香脆嘅紫菜包住。北海道蝦夷鮑用最原始嘅方法，就係清蒸，先試原味，然後試下點鮑魚干醬。最後啖湯都可以飲埋。鮑魚食落好彈牙，入口鮮美。黃金池魚紫菜包住食，已經撈左豉油同Wasabi，仲撈左啲薑、芝麻同埋日本關西嘅牙蔥。鹽燒赤鯥魚油分比較重，可以加少少青檸汁，如果覺得太油膩都可以加啲柚子味蘿蔔蓉。燒龍蝦龍蝦膏醬加忌廉一齊燒嘅龍蝦，上面加啲蘑菇片，聞落已經好香。食落有香濃嘅牛油味，又鮮甜。仲有粒士多啤梨，意想不到地又甜又大粒！北海道白粟米食落好清甜，口感同一般粟米有少少唔同，有啲似甘蔗咁嘅感覺。壽司日本間八魚食落爽滑，帶點油香。北寄貝味道甘甜。白蝦加左紫蘇花。野生中拖羅鮮嫩肥美。煙燻春魚用禾稈草煙燻嘅馬交魚，食落充滿煙燻香味，口感柔軟。大拖羅油脂相當豐富，食落有入口即溶嘅口感。炭燒鯖魚食落有炭香味，炭燒將油分逼左出黎，食落格外美味。海膽北海道函館產海膽，食落鮮甜creamy。拖羅手卷加左蔥、紫蘇葉、芝麻同埋大量拖羅蓉，用香脆嘅紫菜包住。仲加入左黃蘿蔔，食落會有少少甜甜地，好好食。玉子燒入面有蝦嘅成分，食落嘅口感有啲似布甸，甜甜地仲帶點酒香。馬刀貝花甲清湯飲落清得黎又充滿鮮味。甜品係提子啫喱加日本香印提子，食落好清甜，為呢餐作一個圓滿嘅結束。…查看更多

前幾日同朋友下午喺中環行行下，覺得好熱，於是就去左呢間西班牙菜食少少Tapas嘆下冷氣。The 'EL Cerdo' Olive Mix $38有雜錦橄欖，食落酸酸地，幾開胃。lberian Ham Croquetas $48係炸黑毛豬火腿球，外層炸得好香脆，入面食落creamy，有啲黑毛豬火腿粒，充滿鹹香。Cristal Bread / Fresh Tomato & Garlic Mix $48法包薄薄地，焗得好脆，上面滿佈鮮番茄蓉，酸酸甜甜，口感一流。Churros con Nutella $58見到外層咁脆，本身以為咬落去會偏硬，點知又唔會喎，食落去係外層香脆但入面鬆軟，比起我平時喺其他餐廳食到嘅churros好食，呢個相當有驚喜，點埋nutella更加係一流。$58嘅份量咁多相當抵食。Latte $40都幾滑，唔錯。Iced Coffee $45 …查看更多

見到呢間餐廳好似開左冇耐，位處將軍澳中心一個相對開揚嘅地方，就同朋友一齊黎試下呢到嘅Dinner。Dinner set會包是日沙律、是日餐湯、主食同埋一杯飲品，都幾抵食。沙律大大份，食落幾香芝士味。餐湯係番茄蜆湯，味道濃郁，仲要唔少蜆，呢個餐湯有驚喜。牛油果三文魚焗飯 $128好少見焗飯入面會有牛油果，因為我好鍾意牛油果，所以毫不猶豫地揀左。焗飯好大份，牛油果同三文魚份量都好多，表面再加層厚厚嘅拉絲芝士，加埋食落口感香滑，正。飯係雞蛋炒飯底，食落幾香。香煎法國香雞伴白菌忌廉雞汁 $218有兩隻雞腿，表面煎得幾靚，食落唔會太鹹。白菌忌廉雞汁幾香，建議點呢個汁食。法蘭西人厚多士 $68四件厚厚嘅西多士炸得外脆內軟，中間夾住nutella，仲可以搽埋煉奶同同楓糖漿，好邪惡但好食。如果怕太甜就可以搽少啲煉奶同楓糖漿。土多啤梨班戟 $108班戟有三片，食落口感有啲似蛋糕，我幾鍾意。每片班戟中間夾住厚厚嘅cream同士多啤梨。啲cream好滑好重奶味，估唔到我竟然食曬所有cream。日本牛乳蛋撻 $15呢個蛋撻超有驚喜，估唔到咁好食！酥皮好薄，餡料十足，食落又軟滑，蛋味有香濃，甜度適中，就算本身食到好飽都忍唔住想食幾多個。熱檸檬水 $0熱美式咖啡 $0 …查看更多

前幾日同朋友一齊去食鐵板燒。一開始店員就奉上花旗蔘茶。十八層海膽杯（一人前）正價$1388，八折後$1110。沙律有薯仔沙律同埋沙葛沙律。沙葛好清甜，有柚子香。前菜櫻花蝦玉子食落甜甜地，帶啲櫻花蝦香味。海膽杯海膽杯有成十八層，分別有燒白飯魚脆片、黑魚子、北海道紫海膽、沖繩海葡萄、帆立貝、明太子沙律、牡丹蝦、北海道紫海膽、海膽魷魚、凍磯煮鮑魚、北歐花膠、藍鰭吞拿魚拖羅蓉、北海道粒貝、三文魚子、北海道紫海膽、北海道松葉蟹肉、北海道紫海膽，材料相當豐富。鮮海帶碎上面嘅海膽同魚片夾住食，之後海葡萄嗰層開始就倒落碟到食，啖啖都有唔同嘅材料，好正。龍蝦兩食 +$150一邊係用海膽醬同芝士焗，另一邊用左海膽牛油、龍蝦頭同龍蝦膏去煮，有兩種唔同風味。龍蝦食落新鮮彈牙，味道好味特別，係出面食唔到嘅味道。鰻魚塊皮燒得好脆，魚肉好嫩滑，充滿油香。蟶子皇上面有櫻花蝦同煙肉碎。食落鮮甜，有少少辣辣地，充滿牛油香。燒野菜有幾款野菜。茄子上面有木魚碎，食落有酒香。燒甜薯夾住燒棉花糖，棉花糖燒到流心狀態。仲有粟米筍、蘆筍、車厘茄、南瓜。荔枝豚肉卷用左十勝黑豚肉，包住荔枝。黑豚肉嘅肉味香濃，荔枝清甜，可以解膩。法式煎鵝肝配時令水果$368鵝肝煎得啱啱好，油脂豐富，內裏依然有肉質而嫩滑，配埋充滿果香嘅醬汁好夾。旁邊嘅淮山蓉壓成餅狀，食落軟糯煙韌，幾特別。另外仲有紅酒雪梨，帶有酒香而不嗆喉。火焰海膽甲羅燒$298三文魚子、蟹膏、蟹肉、黑魚子同埋洋蔥，撈埋一齊食充滿鮮味，味道同口感都好豐富。特色紙包花膠羊肚菌蜆湯好特別，成包一次過煮熱再原包上碟，好大包湯。入面好足料，有唔少花膠。炒飯好香好惹味，炒飯一粒粒炒得乾身。配埋隻煎得好靚嘅蛋，一食落去蛋汁流曬出黎，撈埋啲飯好好食。海膽雪糕好特別，食落仲有啲爆炸糖喺入面，又好似有啲芝士味咁，少少鹹鹹甜甜咁，幾好食。自家製橙味蛋糕幾清新，酸酸甜甜。抹茶蕨餅煙韌好食。…查看更多