Alisa C.的个人专页

星期日放假瞓晏D 再食一個All Day Breakfast就好滿足 做過research知道呢到嘅Egg Benedict唔錯 所以今日就試試Egg Benedict唔錯 個sauce唔係最正宗果隻sauce hollandaise 帶點甜 我麻麻地甜嘅醬 所以扣少少分 但係個麵包幾好 個邊有少少脆 內裡軟 個蛋整得唔錯 啱啱好 煙肉都煎得好 脆脆地 但係個煙三文魚稍微有點腥味 沙拉ok我哋叫做一個Caramel Latte同一個Rose Latte都可以 味道比較輕間店比較細 檯都係細張 座位同隔離檯好近 但係都可以接受整體嚟講係滿意嘅…查看更多

呢間龍門一番已經試咗好多次 從來都冇令我失望過 晚市好多人幫襯 拎咗飛等咗陣先有位 一坐低就可以揀一種茶 我哋每次都揀人參烏龍茶 好好飲 雞絲水晶粉皮做前菜一流 個醬好香 紅油抄手 辣辣地 幾好味上海小籠包 皮薄 裡面嘅湯汁好正四川雞柳炒年糕 我嘅至愛 每次必點呢間餐廳唯一嘅唔好係每次去到想嗌嘅湯都冇😂 太多人幫襯冇辦法 今次叫咗無花果雪耳燉雲吞雞湯 上之前會問使唔使幫我哋分埋 我哋試過唔同嘅湯都係好飲嘅 呢個都唔例外 好足料 好好飲😋果日我哋係慶祝生日 帶咗個蛋糕黎 切餅費要收HKD60 但係可以揀一款甜品 我哋揀咗個高力豆沙配雪糕 佢原價都要HKD52 高力豆沙個味道ok呢到嘅staff好有禮貌 態度好好 真係要讚下龍門一番好值得一試 有好味嘅上海菜 有靚湯 What do you want more? 👍…查看更多

突然想食Burger 咁啱係荃灣果頭所以就search下有咩選擇 見到呢間轉角·見係附近同埋評價唔錯 所以想試下 睇其他人嘅review都話間餐廳好難搵 結果我真係搵咗好耐先搵到😂 到咗餐廳好彩唔多客 野食好快就上咗我叫咗個煙肉漢堡 個漢堡唔算大 塊漢堡牛排比較薄 但係HKD55黎講都算合理 味道唔錯 但係塊包有D乾野飲嗌咗杯桂花烏龍茶 味道ok 但係HKD25稍微有D貴 好在點一杯正價飲品會送一份細薯條 薯條嘅份量都唔少 啱啱炸起 好食整體黎講都滿意 無論野食環境都幾好…查看更多

我同我個friend去咗元朗嘅野川拉麵の深燒食堂食野傾計 果日係平日 差唔多7點鐘到咗 都唔算多人 坐咗陣個場就開始滿我哋兩個人叫咗一份三文魚刺身 一份帶子刺身 兩隻生蠔 一份泰式生蝦 一串燒牛舌 同埋一碗雪場蟹柳讚岐手打烏冬三文魚刺身肥厚鮮甜 值得食HKD38就可以食到咁多塊帶子刺身 好新鮮 超抵食生蠔HKD15一隻 要求唔會好高 都過得去泰式生蝦比較冇咁出色 佢配嘅醬嘅味道有D奇怪 所以都係點豉油算另外我哋叫咗個雪場蟹柳讚岐手打烏冬 揀嘅湯底係血池地獄湯底 淨係聽個名就覺得辣😈由於我平時食得好辣 所以呢個辣度對我黎講唔係真係好辣 最多係中辣左右個湯底係正嘅 烏冬都正正常常 食到辣嘅朋友可以試下燒牛舌好好食 夠厚 燒嘅時間啱啱好我哋兩個人叫咗咁多野食 有埋刺身同生蠔 都係HKD245 真係好抵食 絕對值得推薦👍…查看更多

同舊同事聚會 有人推介呢間臭臭鍋 所以試下有9款唔同嘅鍋揀 同一班人黎可以試下唔同嘅湯底😋我就揀咗臺式麻辣鍋(大辣) 對食得辣嘅我黎講個辣度都ok 平時唔係好食得辣嘅朋友就最好揀第個鍋 我個同事揀咗小辣都覺得太辣每個鍋嘅價錢都係HKD112 可以揀一碗飯或者一個粉絲 我個麻辣鍋本身有好多餸 包括有娃娃菜 牛肉片 麻辣餃 甜不辣 福州魚蛋 豬紅 沙白 米血糕 大腸 魷魚圈 凍豆腐 金針菇 炸枝竹 泡麵 鳴門卷 和青豆角 另外仲可以單叫一D餸或小食 但係我食我個鍋已經好夠飽😂野飲叫咗杯百合果綠茶 HKD26 都幾好飲整體黎講都幾抵食 一個鍋已經包咗好多野食 加埋一都係HKD152 以呢個價錢黎講味道都算唔錯適合一班有唔同口味嘅人黎食 可以叫唔同嘅鍋 …查看更多

之前係網上見到呢間餐廳嘅黑松露菌醬意式馬斯卡普芝士夾心Pizza就已經吸引到我 結果冇令我失望 超好味 不過我個friend就覺得黑松露同芝士味太濃 所以如果唔鍾意重口味嘅可能就唔啱食 黑松露菌芝士Pizza會同佢哋自家製嘅提子醬一齊上 個醬甜甜酸酸都幾好 呢款Pizza仲拎過素食獎㖭 絕對值得推薦另外呢間餐廳有自選車仔意粉 可以自己揀要咩麵, 醬, 配料同餸 我哋就叫咗個卡邦尼扁意粉加巴馬臣芝士, 菠菜同煙三文魚 全部都係我嘅至愛😍 好好味 如果平時係其他地方搵唔到自己最愛嘅意粉配搭可以黎呢到自己揀我哋仲叫咗個香煎吞拿魚田園沙律 味道ok 但係唔係好特別同埋一個肉眼牛排配飯 由於我鍾意食得好生 所以叫咗三成熟 肉質好嫩 正野飲叫咗杯宇治抹茶紅豆奶昔 好好味因為我哋叫咗太多主食 所以食唔落甜品😂總括黎講呢間金船長餐廳好值得推薦 價錢合理 又好味 我到依家都仲掛住個黑松露菌芝士Pizza😌…查看更多

見到係青山公路天際中心到開咗間Cafe 見佢哋入面裝修靚 價錢又合理 所以試下早餐好抵食 叫咗B3 “珍寶法蘭克福腸 配 煙肉粒炒蛋 及 迷你牛角包” 雖然餐牌冇寫 但係仲有細份嘅沙律㖭 大份兼好食仲叫咗B2 “雞蛋沙律醬 配 煙肉牛角包 及 迷你沙律” 呢個牛角包比起B3嘅大件 雞蛋沙律醬加煙肉好match 好好食 雖然綠茶鮮奶嘅綠茶味係比較淡 但係都幾好飲熱巧克力咖啡嘅朱古力味較苦 加咗糖都還好 下次會試下其他呢間Cafe嘅staff好親切 好有禮貌環境好舒服 裡面嘅裝修好靚 有好多兔仔嘅圖案 設計的有心思 呢個價錢絕對抵 好值得推薦🐰…查看更多