Kat Lee 0806的個人專頁

又到食大閘蟹季節喇！今年繼續鎖定滬江飯店～ 呢間紮根尖沙咀超過40年嘅上海菜館，每年10至12月特設蟹宴，真心係我嘅私藏名單！✨ 賣點爆燈 ✨✅ 每日鮮拆蟹粉、蟹膏！全港極少見堅持「人手即拆」，老師傅每日花5小時處理，新鮮度滿分。✅ 四十年蟹宴品質無得輸，堅持用上乘食材，傳統上海手法融入港人口味，蟹粉菜式多變又精緻。✅ 除了經典蟹粉，仲有多款坊間少見嘅自家製蟹饌，每次嚟都有驚喜。✅ 連日本電視台都年年嚟採訪！難怪每次飯點都見到好多日本遊客專程嚟朝聖～✅ 環境闊落舒服，有大張圓枱，好適合同成班朋友/一家人聚餐。✅ 位置超方便！尖沙咀站一出就到，對面就係國際廣場，門口仲有打卡電視牆添。大家快啲過嚟食啦！❤️❤️❤️…查看更多

一間充滿宮廷色彩嘅火鍋店，裝潢好有特色！就連裝住食物嘅器皿都好有儀式感同埋勁精緻！食物方面係一人一鍋套餐，同朋友嚟都可以各自揀唔同嘅湯底！可以避免在口味唔同嘅尷尬情況！我朋友就揀咗「瓏」套餐，我就揀咗「御」套餐，然後大家share一齊食，超豐富！「瓏」套餐-康熙花膠雞湯鍋-竹蔗茅根一杯-正宗日本稻庭烏冬-日本蟹柳-唐生菜-風琴豆腐-和牛芝士一口餃子-手打黃金流心鮮蝦丸-本地手切牛肉「御」套餐-紫皇蟹粉豚肉餃-手打黑松露惹菌鮮蝦丸-日本廣島蠔-百花釀豆腐-A5黑毛和牛-唐生菜-正宗日本稻庭烏冬-竹蔗茅根一杯-順治特色卜卜蜆鍋真心每一樣都好好食，不過講到最深刻就係黑松露鮮蝦丸，滿滿嘅黑松露味，好香口，仲有個芝士一口餃子，真係好濃嘅芝士味，咬落去啲湯汁都爆出嚟，而家都好回味，仲有稻庭烏冬都好彈牙，廣島蠔都好大隻，十分推介！我見到仲有服裝可以着嚟打卡，同埋有得抽扭蛋添！真係有得食有得玩🤣…查看更多

二訪鍋霸！自從上年食過之後，就念念不忘，因為實在太好味，而且性價比高☺️最近就同老公再去食，不過今次就是另一個吃到飽養生火鍋套餐：第二級 美國Prime Grade 牛肩胛肉，鴛鴦湯底，揀咗藥膳沙茶雞同埋壽喜燒湯底❤️仲追加埋海鮮！有花膠片、墨魚仔、黑毛肚😋肉肉方面，除咗Prime肥牛片同無激素豬肉片高質之外，沙茶牛肉都好令人驚喜，肉質勁滑！呢度除咗嘢食好味之外，飲品選擇都超級多，仲有值得一提嘅係佢哋嘅雪糕有好多款， 當然唔少得Movenpick同Häagen-Dazs，重點係無限任食！雖然係二訪，但係都冇令我失望🥰…查看更多

呢間一直係我既list，今次終於有機會黎到，價錢唔算平，不過食物都有質素，其中明太子麵包仲可以免費refill，都好好食！我食咗三文魚他他，好好食，份量望落去好似唔多，但係食晒之後都有少少飽飽地！另外飲咗佢哋嘅水果茶，有蘋果嘅果肉，有驚喜！同朋友吹水吹咗三個幾鐘，係一個幾舒服嘅地方傾吓偈！有機會會再嚟！唯一要挑剔嘅位，就係行上第二層嘅樓梯位比較窄，同埋好似唔太夠人手，有時都要等一段時間先見到staff…查看更多

平時去開佐敦唔係做facial就係做body check，但其實佐敦都有好多隱蔽飲食小店，仲要CP值極高！鍾意食日本嘢嘅我，成日都會發掘吓一啲好味又抵食嘅日本菜餐廳，今次就比我搵到呢間喺佐敦白加士街嘅日式小店，係好食之餘又抵食！是日menu:📍灸燒三重丼-三文魚厚厚的，赤蝦都好鮮甜！📍牛肩胛湯烏冬-好濃郁嘅牛味，個湯都好清甜📍厚燒仙苔牛舌-真係好厚身好Juicy📍明太子玉子燒-呢個真係必點！好香濃嘅蛋味同芝士味，而且明太子唔會太鹹，味道啱啱好！📍芝士年糕-口感綿密，芝士香而不漏，推薦…查看更多

話說之前太忙，好耐都冇好好地出街食飯，今日行開荃灣，突然間好想食牛舌飯，就諗起呢間廿一堂，曾經都係我嘅飯堂，因為真係CP值好高！是日menu:牛舌芝士焗飯（芝士白汁）$48豬扒芝士焗飯 $51牛舌依然都係好厚身，芝士味好濃！食咗咁多次，依然係我心目中嘅平靚正之選！兩個人加埋$100都唔使，真係好抵！如果平時出街諗唔到食咩，又唔想食得太貴，就可以考慮呢間，食物選擇又多！不失為一個好選擇！而且唔洗點排隊！…查看更多

對上一次黎呢間已經要數十年前，以前覺得呢間餐廳好好食，而且大大份，事隔多年再訪，果然冇令我失望！呢度既pizza真係冇得輸！味道依然好好，又大份，可能唯一既轉變係，物價真係高左好多！…查看更多

平時下午茶時間，除咗去酒店hightea，仲可以去餐廳食tea chill—chill！同老公經過荃灣呢間Outback，見到佢哋最新推出咗一個Happy Hour菜單，供應時間係星期一至五下晝3點至6點半，就去試吓首先想讚一讚呢間分店嘅Staff，好親切又有禮貌，食都食得特別開心！佢地而家仲有飲品優惠，「生啤買二送一」同「2杯Cocktails/Mocktails HK$108」、「任選4款啤酒HK$118」，食品優惠方面有「下午甜點套餐AfternoonSweet Set HK$88」同埋兩款小食都係$118。是日 menu：香脆薯條混煙肉芝士爆谷蝦杏仁醬流心朱古力馬卡龍配雲呢拿雪糕熱忌廉朱古力我老公平時少食海鮮，但都對爆谷蝦讚不絕口，個芝士薯條又係一絕，啲拉絲多到食落仲好有芝士香味，最後就食馬卡龍配雪糕同埋飲埋杯熱忌廉朱古力，馬卡龍唔會死甜，真心推薦！…查看更多

旺角不嬲都好多好食嘅小食，突然間好口痕想食雞蛋仔，之前上網見到呢間都好多人打卡，今次就嚟試吓，果然都係冇失望⑤佢個門面設計都好特別，好有香港街頭文化嘅特色，等嘅過程都可以打吓卡！我叫咗兩份雞蛋仔，包括法式檸檬芝士同埋伯爵茶朱古力，再加一杯檸檬利寶納梳打，伯爵茶朱古力好香濃嘅茶味又唔會太甜，法式檸檬芝士就酸酸甜甜，好Fresh，大推！臨走前見到哋仲出咗全新口味章魚燒雞蛋仔同埋開心果醬格仔餅！下次要試吓先！…查看更多

聖誕節當然要食聖誕大餐，今次嚟咗呢間，首先叫咗日本直送大拖羅、加洲卷同炙燒壽司五點盛，大拖羅好新鮮，最驚喜係芝士玉子燒！啲芝士真係好多，甜而不漏❤️玉子熱辣辣都好好食，會encore!每次去日式料理店，我都會睇吓有冇茶碗蒸，今次都唔例外，叫咗蟹芡茶碗蒸，味道清甜，另外都叫咗個日式釜飯，我哋揀咗和牛！和牛真係做到入口即溶，好驚喜🥰如果想食到飯焦，可以焗佢大概5至6分鐘❤️咁就啱啱好！口感仲好似食緊煲仔飯咁，冬天食都岩晒❤️…查看更多

而家天氣咁凍，打邊爐就最啱，暖笠笠咁！今次就揀咗嚟鍋霸吃到飽台式養生火鍋，佢哋一直都好好口碑，果然都冇令我失望！Staff好友善又helpful!我哋揀咗Prime牛頸脊吃到飽set配上藥膳花膠雞煱湯底，個湯底真係值得一讚！花膠好多，而且雞都好滑又彈牙！真心有驚喜！是日menurime Grade安格斯牛頸脊西班牙伊比利亞黑毛豬PRIME肥牛片無激素豬肉片台灣鴨血凡立貝台灣腸芝士小籠包（流心）Prime Grade安格斯牛頸脊同西班牙伊比利亞黑毛豬實在太好味，再encore咗一次！餐廳好貼心送上鹽酥雞同炸花枝丸，仲可以配上四種口味既Shake Shake粉！好惹味呢！臨尾仲食埋Movenpick雪糕，真係好滿足❤️…查看更多

旺角不嬲都好多好食嘅小食，突然間好口痕想食雞蛋仔，之前上網見到呢間都好多人打卡，今次就嚟試吓，果然都係冇失望☺️佢個門面設計都好特別，好有香港街頭文化嘅特色，等嘅過程都可以打吓卡！我叫咗兩份雞蛋仔，包括法式檸檬芝士同埋伯爵茶朱古力，再加一杯檸檬利寶納梳打，伯爵茶朱古力好香濃嘅茶味又唔會太甜，法式檸檬芝士就酸酸甜甜，好Fresh！臨走前見到佢哋仲出咗全新口味章魚燒雞蛋仔同埋開心果醬格仔餅！下次要試吓先！…查看更多

每隔一排就會突然間好想飲茶飲，之前一直都想試呢間吃茶三千，今次經過APM嘅時候見到佢哋有推出限定飲品，於是就試下先！其中一款限定飲品就係粉紅爆水珠珠香蜜！另外我就再叫咗杯寶島經典水果茶！茶底係用萃茶機現萃茶葉而成，所以茶飲值得等待❤️粉紅爆水珠珠香蜜用咗松針綠茶＋百花香蜜＋櫻花味纖玉果子，飲落好香茶味，啲果子都有咬口！寶島經典水果茶就用咗鳳眉紅茶，加埋滿滿嘅水果，有蘋果片、檸檬片、百香果，真心推薦！…查看更多

一直都覺得西貢係一個好適合chill同hea嘅地方，今次嚟到Cozy Coffee，已經唔係第一次黎，不過每次黎都有驚喜！今次叫咗Cozy All Day Breakfast，材料好豐富，有我最鍾意嘅煙三文魚、炒蛋、香草肉腸、煙肉、大啡菇，同埋乳酪/沙律菜/酸種包，食完真係大滿足！個紫薯燕麥奶都好出色，奶好香滑，帶有淡淡嘅紫薯香，成個人都好relax!我老公就飲咗個「少爺啤」，同埋食Bacon Cheese Burger w/Fries，我偷食咗一啖，牛肉係入口即溶！食完正餐就食甜品，除咗法國佬烘焙店甜品，仲叫咗個士多啤梨牛角包窩夫，好香好脆！…查看更多

我老公好鍾意食蛋包飯，於是揀咗呢間同佢一齊去試，因為呢間出名勁多蛋包飯可以選擇，而且都好好評！是日menu:明太子奶醬蛋包飯濃厚芝士肉醬蛋包飯Matcha Latte焙茶巴斯克芝士蛋糕佢哋嘅蛋包飯真係好出色，濃度啱啱好，唔會過鹹，我食明太子奶醬蛋包飯，明太子同埋奶醬嘅味道好夾，而且好香濃，濃厚芝士肉醬都好好味，芝士唔會太油，但係都有芝士香！除咗蛋包飯，佢哋嘅甜品都好出色，個焙茶巴斯克芝士蛋糕味道好特別，唔會甜到漏，因為有焙茶嘅香味好清新，口感都好Creamy！真心大推薦💕…查看更多