小肥Ｂ的個人專頁

好耐未去過葵芳，假期專登去逛逛。葵芳廣場內跟以往一樣人山人海，地下有間人氣旺嘅「孖寶車仔麵」，鋪面算大，不過附近都有不少食肆，競爭激烈。人流快都算易搵位，$45三餸麵餐送熱飲，葵芳區唔算便宜，叫左牛丸、豬皮、咖喱魷魚，仲有滷水豆腐、豬腸、白蘿蔔..牛丸：好味，唔係平價貨所以得兩粒白蘿蔔豬皮豬腸：印象唔深刻，普通都算合格滷水豆腐：入味但豆腐唔夠滑（忘記拍照）咖喱魷魚：用另外一個碗盛載上枱，入味又彈牙，令人回味無窮！…查看更多

因為唔熟大埔，搵左一陣至去到鋪位，店內位置坐得舒服， 叫左著名嘅聰明哥豬扒（只加$2抵食），因為急不及待吃了一塊，所以照片係冇左舊嘅，豬扒非常入味，薄外脆內有肉汁，夠香口另外叫左豬腸：乾淨又夠淋豬皮：外觀平平無奇，但出乎意料好味，完全無油憶味道咖喱魷魚：夠爽又入味白蘿蔔：可能現時季節蘿蔔未係最甜，無渣算合格牛腩：不過不失，有咬口（每枱都有微辣菜脯任食，好味又新鮮，加落碗車仔麵一齊食更好味）好食車仔麵唔易搵，多多值得推介！…查看更多

週未中午時段等了8分鐘就有位，唔算多人，佢個位置正是以前[一點心]舖位，舖內位置不多而且坐得比較擠迫。坐下只見員工手忙腳亂行出行入，更拿錯上手客人帪單給我們，但沒有給我們餐具直至我們要求，來了碗皮蛋瘦肉粥，但我地係要粟米南瓜粥喎，阿姐回覆話只有這款粥，如果沒有粟米南瓜粥應該預先通知客人，處理手法不當皮蛋瘦肉粥：粥底比較稀，揾唔到瘦肉徐記蝦餃皇： 蝦餃係迷你size 味道尚可牛肉腸粉：賣相不佳，挾起未放到碗已經皮開肉爛散曬，食落仲有d酸味，可能牛肉唔新鮮鳳爪排骨飯：鳳爪偏硬，排骨味道可以北菇棉花鷄：魚肚欠酒香，鷄肉「鞋」上湯鮮竹卷：沒有記憶，應該是一般般，無影相因為想趕快食晒走人～這個價錢應該有更好選擇！…查看更多

去開尖沙咀上堂，順便來這裡吃個午餐，推門進來，幽暗燈光，散發另一種情調，先來個羅宋湯跟餐包，羅宋湯酸甜適中合格，餐包番熱微暖，再來黑椒牛扒，賣相吸引，牛扒軟淋薄，如果稍為厚肉點會更好，黑椒汁夠香，另一個BBQ汁豬扒飯，出乎意料之外原來BBQ是酸甜汁，賣相都可以，豬扒煎得香軟有肉汁，兩個午餐連加一服務費埋單過百元。…查看更多

有日本炭燒鰻魚飯專門店在香港開店，急不及待要去試食，每次去日本都會去不同店舖吃鰻魚飯，在店外排隊時一陣陣炭燒鰻魚香撲鼻更令人期待，可能名代宇奈抽油煙機超強力，沒有燒鰻魚香以致要找店舖位置。已經過了午餐繁忙時段，店內食客不多，鰻魚飯套餐有碗特濃麵豉湯及漬物，兩樣都超鹹，喝了兩口已經放棄了，期待的炭燒鰻魚飯終於端上餐桌，鰻魚燒得剛剛好，表面外脆內軟又肥美，醬汁足夠，再灑下七味粉一起吃，好滿足喔，色味都有，稍嫌未夠香味四溢。…查看更多

一直都想試試這𥚃滷物，今次途經剛剛有客買完離開，又未有人排隊，我便急不及待上前買左滷水鵝翼、滷水豆腐，滷水腎。仲可以選擇原味/麻辣，我揀左原味。小店應該是家庭式經營，一個少女負責斬鵝片鵝翼，另一個少女負責包裝。此店滷物不會死鹹，味道剛好！…查看更多

跟友人路過寶湖商場，剛巧有位便坐下，叫左招牌牛丸河，雲吞麵，還有店內推介冬姑炆花膠、沙薑雞。招牌牛丸：期望越高失望越大，牛丸好咸但係無牛肉味，一碗得三粒，非常珍貴，河粉超「鞋」口雲吞麵：細細粒雲吞但無蝦肉沙薑鷄：鷄肉夠嫩滑冬姑炆花膠：冬姑夠滑但唔入味…查看更多

與友人去美孚經過林昌記，見店前無人排隊，見佢寫住魚蛋好出名，我們又未試過，便買了咖喱魚蛋來試食，咬一口，又粉又淋，味道唔似魚類制成品，我們都疑惑自己係咪食緊魚蛋，最終都食唔落掉左…查看更多

昨天經過灣仔金鳳買了個菠蘿包，店員説多謝$6，我心裏想如果物有所值價錢不是問題，旺角金華菠蘿麵包都係賣$6個，接過包來第一感覺是沒有暖感，應該放涼了一段時間，開始扣分，吃第一口包是濕淋的😖，可能是麵包出爐時的倒汗水造成（也是不夠新鮮），包皮太甜又淋而且又唔鬆軟，菠蘿包基本要求要新鮮、鬆軟、脆皮，所以總括來説金鳳菠蘿麵包並不合格，所以不一定一分錢一分貨，下次都係去番隔兩條街快樂餅店，麵包新鮮又好味，價錢只售$4…查看更多

得知米芝蓮高度評價佢嘅鷄仔餅，行經咪買半斤$25（以前$40斤）試吓，攞上手凍冰冰（唔係新鮮出爐），個皮軟淋淋，網友話饀料芝蔴、花生、杏仁..但我食唔到喎，只有肥豬肉，我認為鷄仔餅要皮脆內軟，要有𡁻口才合格，奇趣餅冡老闆真的要多謝米芝蓮了！…查看更多

途經此店，被貼在門口的「咖喱薯仔鷄翼飯」相片所吸引，看到店內有空枱便走進一試。另外叫了蕃茄焗豬扒飯+凍檸茶凍檸茶：三片極薄檸檬，而且完全沒有茶味，跟凍檸水沒分別😰我最期待的咖喱薯仔鷄翼飯終於來了，跟圖片有很大分別，飯和咖喱份量都很少，基本上是鷄件、薯仔分別煮熟再淋上咖喱汁😖鮮茄焗豬扒意粉：找了一會才找到一薄片蕃茄😅不知是豬柳還是豬扒，剪開了幾條上碟賣相好差😩完全沒有heart!自己走出去埋單仲要收我地加一服務費，離譜！！！😡…查看更多

係旺角想吃燒味飯，經過連和走入去試吓，睇完兩張餐牌都無燒味飯價目，原來價錢只貼在牆上，叫左碟燒肉飯$38無包例湯，等左十分鐘碟飯終於遞上枱，燒肉沒有一件是連皮的燒肉皮是燒肉精華，但是吃這些燒肉皮好似食香囗膠總括而言燒肉甩皮已經不合格…查看更多

途經黃大仙龍翔廣場，因為趕時間無睇食評便入左去，見全場滿座，心想應該唔會太差吧，點知係出乎意料的差。黑椒牛柳絲炒意粉：這是下午茶餐份量少都算，牛肉得三小片而且好韌有渣，意粉是涼的，我以為自己叫了冷盤。楊州炒飯：這款炒飯很經典，只有少量火腿+雞蛋炒飯，不如索性叫鷄蛋火腿炒飯，而且是涼的，可能是一早炒好的。…查看更多

富臨在鯉魚門開業約一年，訂枱時酒家職員說明會提供兩小時免費泊車服務，原來泊在富臨對面露天停車場，心想都方便攞車。餐牌只有兩款套餐選擇，散叫選擇並不多，老人家想吃乳豬，但無乳豬拚盤，便叫了一隻乳豬，額外叫一個套餐，不久傳菜阿姐端上一隻燒乳豬（完整未片皮切件），接下來更精彩，女待應拿出鉸剪將乳豬剪成大塊 ，乳豬肥肉多過瘦肉，我們都是第一次吃鉸剪燒乳豬，為免老人家不快，我們沒有投訴但心裏有數，蒸鮮鮑魚仔、蒜茸粉絲蒸元貝（粉絲多元貝細）、椒鹽瀬尿蝦（蝦肉並不新鮮，有勬點誨）、椒鹽焗蟹（蟹膏算多）、清蒸海斑（不過不失）、珍珠鷄（茶市剩餘物資👎），最後仲欠碟清炒時菜遲遲未到，我們催促了6次，足足等了40分鐘才上炒菜，就剛剛過了兩小時免費泊車時限，要額外付每小時泊車費$36，大家才明白究竟發生什麼事了！ …查看更多

途經西環有金漆招牌的金記冰室，1967年開業老字號令我有懷舊衝動,見到內裏有吉枱便坐下，枱上也是吉的（什麼都沒有）要求侍懬才遞上餐牌,叫了菠蘿油、凍奶茶,炸鶏翼麵，菠蘿包算新鮮,但凍奶茶就未見突出, 炸鷄翼是用滷水鷄翼翻炸, 我也是第一次吃這種做法, 麵是普通不過大光麵，但煮得過淋…查看更多