happy_bigtummy的个人专页

星期六lunch約左朋友試新嘢。呢間平時行過，都覺得好chill。只可以坐室外，被植物包圍住，都好啱打咭。有好多植物，仙人掌🌵多肉，仲可以買番去。不過當日係陰天，坐室外有啲涼。如果天氣好，一定會坐耐啲。食物價錢好合理抵食，叫左二個set加沙律，份量都好多，完全夠食，仲好好味。不過只有提供麵包同意粉，杯咖啡種類都多。唯一既缺點係有蚊，加上本人惹蚊。希望cafe都可以種啲可以趕蚊的植物。…查看更多

本來星期日約咗朋友係沙田去睇展覽，出左門口朋友先話會遲D到，咁唯有無聊一個人行下街先，行行吓有啲餓，突然想食嫩雞煨麵，就走左去好耐無食過既上海姥姥。去既時候啱啱過左lunch ，所以都唔使等就直入，用餐過程職員既態度都好好👍！一入去就叫左嫩雞煨麵，等左陣個麵就黎左，好耐冇食過，啲雞唔算嫩都幾”鞋”口，同記憶既味道有出入，但可以接受既。一個人食晒成碗麵都好飽，本黎仲想叫埋個豆沙煎餅好彩無叫唔係一定食唔晒！可能好耐無食既關係，唔記得咗原來除咗加一外仲會計埋茶錢。…查看更多

離黃埔站2分鐘既路程，工作完後和朋友路經見到，一行四人一時好奇入咗去試吓。叫了個 墨魚花鮮青花椒味烤魚( 小麻小辣)，再加了一份小龍蝦、墨魚丸、火鍋粉和蒜蓉烤茄子。首先個烤魚沒有特別，算不過不失，但個味唔會吸引到我想再去食。而個火鍋粉和蒜蓉烤茄子算正常野，都係無驚喜！小龍蝦唔算好食，剩左一半，重點係當時大家都係食唔飽既情況下都無人想食埋佢。跟住我要重點講佢個墨魚丸，呢個真係俾到個驚我哋！佢上既時候見到有8粒野係碟到，一開始都唔覺得有咩問題，直至我地夾起既時候就驚訝地發現，原來佢係得開半既，所以實際我哋得4粒，一碟48蚊既墨魚丸得4粒，即係話18蚊粒墨魚丸，朋友仲好好咁幫口話可能好好食先咁貴，但最後我地食左發現譚仔既墨魚丸都比佢好食時真係嬲咗，講真果下我覺得自己做左水魚。唔會有下一次。…查看更多

 其實係第二次來呢度食， 我地一行四大二小。夜晚六點九到，無咩人有枱俾到我地， 吃完開始多人，都有8成。 不過人多要BOOK位，枱同枱之間有啲近，因為有小朋友覺得唔太好。原本我地叫左滷水拚盤，點知侍應來左滷水掌翼，我地又食左呀。>.<我地都覺得滷水好味，豆腐都入味又滑，小朋友都鍾意食, 不過想食拚盤多啲。麵線好食，調味都好好，唔會炒到好油，咸肉就麻麻地，我哋食淨咸肉。我地叫左一個香煎蠔仔烙同一個香煎水瓜烙, 因為屋食人中意食唔同餡。蠔仔烙外層酥脆，蠔仔鮮甜又足料。水瓜烙都好食, 唔係度度有。上枱顏色好靚，西蘭花好食過帶子，帶子係有啲腥。個人覺得太清淡，有啲腥，麻麻地， 可以唔叫芋頭太厚，如果係薄片會好啲。小朋友浄係食外面層糖霜。…查看更多

平時行過都見到好多人排隊, 於是約左朋友係開門時間來到, 唔洗排隊即入座。濟州柑橘乳酪 好可愛，打卡一流。😍我地叫左二個韓式雞肉同牛肉飯卷 , 仲有雞蛋、菠菜、蘿蔔，口感清爽不油膩。小朋友都啱食，不過我地一致覺得牛肉飯卷較好食。芝士菠菜雞肉千層麵 ,  有菠菜同雞肉，好健康,  芝士味唔太濃, 但好好味。有驚喜既士多啤梨窩夫, 即叫即整, 唔會太多CREAM又唔會死甜。…查看更多