ogcreams66's Profile

荔枝角呢頭開左呢間新嘅紅米主題餐廳, 喺d2隔離, 呢幾日中午都好多人排隊, 同同事二人嚟左試下。餐牌有好多野食揀, 好雜, 可以話係大fusion有 pepper lunch, 咖哩, 蛋包飯, 喇沙, 焗飯, 海南雞, 肉餅飯, 韓式炸雞等等..睇到個menu都疑惑咁多唔同嘅菜式, 究竟邊個係佢地主打菜呢? 咁我是但叫左功夫無骨海南滑雞伴馬來喇沙湯手打烏冬, 點知一嚟到, 我地當堂嚇一跳:說好的馬來喇沙呢, 點解係50嵐個假拉面湯底嘅? 點解馬來喇沙會有昆布同粟米嘅? 完全有被騙嘅感覺, 雖然我都唔expect呢到會食到啲咩正宗嘅喇沙, 但應該都唔會係50嵐呢種湯底掛?食落當然完全唔好味😷食到一半都仲好肚餓, 但都完全唔想食落去😷。。。食到好灰...同事叫左個肥牛鐵板pepper lunch, 聽講都好難食。😷😷😷呢間野真係唔會有下次😷menu講到有咁多野食, 但都係掛羊頭賣狗肉嘅。…Read More

葵芳咁多間小食鋪頭, 我有幾間係特別鍾意, 每隔一排就自自然想返去食一食, 呢真章魚無雙都係其中一間。今次叫左明太子味, 佢啲小丸子唔會好厚粉, 薄薄一層好煙un, 而且啲章魚都好大粒, 一啲都唔慳皮, 最後係啲醬汁好多好豐富, 加埋啲木魚一齊食, 口感好有層次, 真心比起大阪好多間章魚燒, 呢間嘅質素都拍得住什至更好。近年葵涌廣場嘅小食店越嚟越難做, 有好多間我好鍾意食嘅店都先後換左手, 希望呢間鋪頭可以長仲長有, 等我可以成日去食啦!…Read More

online dining platform 搞promotion, 輸入個code點餐就有折, 咁呢日就同另外個同事一齊叫 online dining platform , 只可惜整個餐廳嘅選擇真係欠奉, 唯有揀左食coco咖喱飯。我叫左個吉到豬扒咖喱蛋包飯, 野食上到嚟都仲幾熱, 吉列豬扒幾脆唔錯, 個蛋包飯都幾好味。外賣質素拍得住堂食!…Read More

呢間鋪頭喺半年前行過經過成日見倒好多人排隊, 一直想試下睇下係咪真係咁好味, 今次終於搵倒機會食。雖然鋪頭唔大, 但裝修別具特色。叫左個三寶牛肉面, 有牛筋, 牛鍵同牛肋條。粗面好有趙頭, 軟硬道剛剛好, 係我鍾意食嘅面底。不得不讚呢到嘅濃湯, 飲得出真材實料, 牛肉味非凡, 一路食一路想飲哂啲湯。唔係味精嗰種周圍都飲倒嘅味。為呢個面加左唔少分。總括而言, 以台灣牛肉面嚟講, 呢間餐廳嘅水準都算心較好味, 如無意下嘅言下次應該都會再幫襯。…Read More

葵芳新都會廣場作為潮流集中地, 小食店同野飲店開到周圍都係, 貨如輪轉。小店淨係玩gimmick最多一年貨仔就會執粒, 要留得住客人唔係咁容易。飲品鋪更加係最大競爭。今次試左呢間3tea, 試左佢芒果雲頂, 雲頂即係奶蓋。佢嘅奶蓋同平時其他鋪頭嘅奶蓋好唔同...唔算好好飲, 有啲奶粉味, 如果想單純飲到奶好creamy ge感覺呢杯就俾唔倒你。不過勝在茶底幾香, 飲得出唔係求其搵包茶包沖嘅茶, 算係加返分。26蚊算中等價, 不過再幫襯就未必。…Read More

同3個朋友喺深水埗想食個西餐仔, 但又唔知食邊間, 之後誤打誤撞嚟左呢間紅蕃茄食, 咦點知又幾抵食唔錯wo。我叫左呢個意式海蝦意大利粉😋啲蝦勁大隻好新鮮咁, 唔會好似好多餐廳啲蝦咁霉霉地😂以呢個價錢嚟講真係足料。朋友叫呢個, 舊牛柳整得幾淋, 食落浸味都好香。薯格就都係基本貨啦😂之後因為啲蝦好味所以另外追加左4隻紅海蝦🙈另外朋有叫左黑松露蜆肉意粉, 都係好好味😳好食過delifrance😂😂😂最尾個朋友叫左西式鹽燒倉魚😳😳😳呢個就真係有啲驚喜, 冇諗到喺西餐廳會有呢隻倉魚食。好入味但就唔會太咸, 又好脆身😳😳好正呀!!總括而言呢間紅蕃茄真係幾正in terms of佢嘅價錢同食物質素, 會再幫襯!…Read More

嚟荔枝角唔知食咩好, 就求其喺d2 walk in呢間嘢, 環境舒服應該係呢到嘅優點。我同兩個朋友都坐得幾舒服。可惜啲食物就麻麻, 價錢就呢個食物味道嚟講都有點不值。食左個刺身, 冇咩特叮。食左呢堆串燒。係個雞翼燒得唔錯, 其他都一般。帶子有點難, 調味都偏咸。坐就舒服, 但未必真係有下次。…Read More

聽人講得多, 第一次食夏威夷魚生飯poke。上次食隔離間wing it覺得唔錯, 今日試埋呢間poke。啲配料係自己揀, 我揀左牛油果, 蕃茄, 豆腐..至於魚生就揀左tuna。叫左half half一半係壽司飯一半係菜。撈暈食都幾正的。食落其實都幾fresh。同牛油果都係絕配, 舊魚生唔錯。不過又冇大家吹捧得咁好味, 食多幾啖會有少少漏。會prefer過隔離食雞翼。舊壽司飯都唔錯的, 調味個汁幾特別, 同平時食開 式壽司飯嗰種又有少少唔同。…Read More

最鍾意食雞翼, 上網見倒呢間雞翼專門店就見客經過呢頭試下。自己一個諗左好耐叫4隻定8隻😂8隻好似太多, 4隻又好似唔夠飽。最後都係叫左8隻。叫左兩種味一個係普通just wing it一個係crispy. 上面仲擺左啲黑松露😂雖然影完相出嚟望落去有啲dry, 但就咁食咁幾好味。佢有好多醬可以自己調配😂有啲醬又幾好味wo衰鬼。個人比教喜愛wing it buffalo同blue cheese。好正至於隻crispy雖然係炸, 但食落感覺又唔會好熱氣。本身仲驚食唔哂..點知食完8隻仲想追加😭太好味。…Read More

以前住堅尼地城, 一段時間冇過嚟, 前兩日返嚟行一行, 發現好多餐廳都唔同咗😷行落嚟見倒開左間新日本餐廳, 就入嚟試下。食完覺得都幾好味, 不過唔知點解好似好少人咁。我地一行兩個人, 叫左一個串燒一人餐, 再叫多左啲小食同烏冬🐰呢個串燒牛舌超正😂 有口但又唔會覺得好韌, 而重點係個柚子鹽, 配埋個牛舌好正😂好搞笑第一次咁樣食啲菜。啲菜一瓣瓣咁樣點隔離個醬。個醬好似係麵豉醬嘅味道。估唔到都幾好味😂呢到有個豬腩肉串同雞軟骨。舊豬腩肉調味唔錯同肥瘦得宜。雞軟骨就不過不失😛明太子手羽包住啲明太子😍😍😍啖啖肉勁好味😂最中意食明太子😂我個人嚟講唔係幾好呢種雞肉棒, 成日覺得個口感好怪😂呢個雞肉捧好個size好似比一般嘅大。食落都okay。個蛋同啲sauce撈暈左就點雞棒食。叫多左一個明太子烏冬😍😍又係明太子😂烏冬+明太子真係港女至愛😂呢個好好味。食完呢個岩岩好夠飽。去到日本餐廳必叫嘅三文魚刺身😍 其實我覺得三文魚刺身只要三文魚夠新鮮😂就點都冇得輸, 佢個三文魚幾新鮮同肥美😂呢間日本菜環境唔錯, 食物質素都一流。如無意外應該會再食。…Read More

葵涌廣場雖然好似好多嘢食, 但其實好多食得多啲已經有啲厭。今日試下呢間, 都唔錯。叫左個麻辣wasabii手撕雞手卷, 先19蚊但大大隻。好麻辣。係好麻辣。麻辣味同wasabii雙重刺激住味蕾。其實係正, 但我食唔倒咁辣, 有少少辛苦。而個份量。。好多手撕雞。係好多手撕雞。櫻桃小咀包唔住..一路食一路跌落嚟😂好狼狽😂葵涌廣場有勁多活同嘅麻辣嘢同手撕雞, 但其實每間都有佢自己嘅特色。呢間係幾好味, 下次會再挑戰。…Read More

今日陪朋友黎到深水埗買野, 當然要揾揾好野食la~見到依間係食"米苔目"幾得意就試試佢la!!! 入到去睇到d報導, 先知原來香港應該得佢地先有"米苔目"食, 竟然比我地誤打誤撞揾到隱世小店服務員都好nice, 同我地推介菜式, 最後我揀左佢地出名既豬潤, 雞肉配米苔目. 一向小食豬潤ge我都竟然覺得好食wo, 口感好彈牙, 米苔目外形就好似銀針粉咁，食落就有米香好順口，正! 下次會再黎試埋佢其他小食~…Read More

譚仔無論邊間分店lunch time 都好多人, 對於得1個鐘頭lunch 既打工仔, 想食到都唔易架~ 見依間採用自助形式, 諗住會快d la, 可能真係太多人, 反而覺得慢左喎......今次order 左雞肉炸醬清湯, 個湯好似落多左水咁味道偏淡, 炸醬味道都唔夠濃, 如果鍾意食淡味ge 會比較適合. 不過譚仔ge味道食一次又唔可以作準ge, 我會比多次機會佢, 希望下次會有驚喜!!! 不過我都係鍾意長沙灣廣場分店多d!!!…Read More

喺佐敦買完嘢, 同朋友好想食米線, 見到呢間openrice正評幾多, 就入咗去食。 叫咗魚皮餃同豬肚兩餸, 另外仲嗌多咗三隻雞翼。湯底叫咗小辣。 食落去湯底其實唔錯, 有啲胡椒味咁樣, 但小辣對我嚟講已經太速, 食得有啲辛苦。雞翼算係幾好食, 但係返到屋企之後當晚就即刻搞肚痛。。。又屙又嘔。 成晚瞓唔到覺, 嘔咗六七次。😭😭😭 第二日睇醫生醫生話係急性胃炎, 打咗支止嘔針先至好返少少, 醫生話成因有可能係食咗啲唔乾淨唔衛生嘅嘢, 數落就係食咗呢個米線, 試過一次真係驚驚...以後都唔會再返嚟食。…Read More

瑞士汁雞翼一向都係佢地既招牌菜色, 係得荔枝角返工點都會去試試. 其實之前都幫襯過幾次, 不過唔知係唔係佢地生意愈來愈好, lunch 太多人等既關係, 趕急到未食完就收碟, 短短15分鐘已經問左4,5次d野食仲要唔要, 如果唔係食野特別快, 真係會有壓迫感架  而且佢地d野食唔係上得特別快, 員工態度又唔算好好, 最重要係佢地ge瑞士汁好似無以前咁好食, 唔係次次都keep 到水準, 真心失望~~…Read More