小飛飛Debbie的個人專頁

行街行到攰有的肚餓約咗朋友晚飯又未夠鐘，見到甜牙牙諗住食碗岀前一丁麵點知一坐低妹妹同我講唔好意思岀前一丁賣晒！我問咁乜嘢麵都冇？妹妹話有呀辛辣麵，好我就要一個下午茶餐餐肉辛辣麵因為我都冇睇餐牌，冇諗過有咁多嘢！講真的麵唔係正式韓國麵，但味道幾好喎，蛋亦煎得剛好，麵包係即烘的！要讚這個餐是有用心機煮的。還送了一杯柚子紅茶，這個就算吧！好像茶餐廳一坐低送上那杯茶一樣沒味道的！最後點解係慳家之選呢？大家估下幾錢？眼都突埋岀嚟，係24蚊，抵抵抵！！…查看更多

個個都話呢間莆田好正！今日終於有機會試試！6點幾去搵位仲未滿，好快就被安排坐下！望下個餐牌，好多野都想試！見到佢蟶子做緊promotion，先黎一個椒鹽蟶子！好香口，不過朋友話唔夠海鮮味！之後要咗個海蠣前！即係普通既蠔餅！九轉小腸好特別！不過$78得幾粒有d唔抵！最值得推介係以下呢個酥炒芋頭！外脆內軟，出色之作！食完之後唔夠飽！叫多個鹵麵同印糕！3人晚餐$600有找！特別菜色，價錢可以接受！不錯不錯！…查看更多

今日原本要上跳舞班，點知屯門公路又塞車遲大到，於是决定都逃學！記得曾經食過這間越式料理印象中不錯，就再次幫趁吧！今次竟然有驚喜！點了個大叻叻沙，碗麵來到放底已經聞到陣陣香，那湯很濃郁，有椰汁味，花生味，而檬粉中的豆腐泡吸收了所有湯汁，每一口都好滿足同學仔就叫了生牛河，這個沒有什麼特別，而且牛肉有㸃硬，湯㡳略淡。15元還可加小食，我就加了春卷，味道也好，還有生菜跟沒有因為15元就偷工減料讚！最後就是略嫌飮品比較小選擇，沒有一般茶餐廳的飲料，只選擇了汽水，朋友叫了跟餐的薏米水有㸃過甜！但總結是好，已經決定下星期再來過啊！…查看更多

放工過後和友人到新城市廣場逛逛，輕鬆一下。為免同人逼，早d食野先！入到去環境舒適，座位也寬敞，但大熱天時，冷氣嚴重不足！這是最大的缺點！講返食物，叫了兩份set dinner！一份帶子寬條麵，前菜係凱薩沙律！寬條麵值得一讚！彈牙得黎配上醬汁，好夾！另一份係pizza！批底薄脆，雞肉亦好嫩口，值得一試！整體黎講呢餐唔錯，食得多集團式既pizza，轉下口味是不俗的選擇…查看更多

一心諗住食碗魚湯米線拿拿聲走入去坐低，二話不說就點了碗魚湯菜餃米線，餐茶凍檸茶！碗麵嚟到唔係幾熱嘅⋯⋯的湯唔止冇魚味，最弊連味精味都冇淡茂茂再嚟杯檸檬茶，如圖見到一樣凍檸茶冇冰嘅？重要好忙咁一路食一路趕烏蠅一路食一路諗返去唔好肚痛呀！勉強可以讚就是那菜餃吧！皮薄多料算啦！都唔會再嚟…查看更多

約了朋友時間未到肚子餓食返個下午茶先！見到啦！點了三鮮湯年糕飲品是酸梅湯還加了十元有春卷！最愛這樣子有時一個人唔想咁單調只吃一碗麵，有這個加十元就只有兩條春卷可以多了一味又不會食唔晒湯年糕非常熱太好了最愛吃那熱燙燙的！春卷好脆要讚的是一點都不會油膩！這樣都只是$57元而且還有一壺熱茶啊！…查看更多

明知今日端午節於是兩人為免人多，决定早點出門食晚飯，突然好想食上海菜，商量後就揀了上海婆婆啦！㸃了雪菜肉絲炒年糕，葱油餅，醉豬手，最後甜品是荳沙窩餅先說炒年糕真不錯年糕煙靭雪菜不太咸，讚葱油餅就夠脆同香口至於醉豬手就麻麻了，不夠酒味，而且偏淡不好吃，反而要說的就是好爽口！最後甜品荳沙窩餅呢！都好味荳沙夠多而皮亦軟中帶脆！最後一提他們逢假日只有一個半小時堂食哦，如果諗住約朋友傾計就别約假日啦！…查看更多

呢間茶木無得攞飛,門口成日都排大隊!今日排下排下排咗成個鐘先到我地!下午茶時間無餐!我叫咗個酥炸排骨麵,飲咗杯綜合水果茶!朋友叫咗個香腸肉燥飯!飲珍珠奶茶!幾樣食物都唔錯,排骨炸得十分鬆脆!香腸就好有台灣風味!因為好肚餓,我地再叫咗個小食share!超推介!!!就係佢啦!!!酒糟豆乳雞翼!朋友大愛!淡淡酒香,加上甜甜地辣辣地又香口!下次一定要再食!!!呢餐幾滿意!只係排隊時間長,同埋其實都幾貴!午餐食咗成300蚊!…查看更多

今日Aeon shopping day 行到攰，於是去V city紅椒力量醫肚，八時半了，都坐了成客心想應不會太差吧！先說朋友這碗豬頸肉喇沙河，樣子不錯，但不知道是否將要收工已經賣光了，那湯是溝了水的淡而無味！到我這個咖哩雜菜菇飯，味道還可以但明明是雜菜菇嘛，抱歉我只能找到一片小小的草菇及一條冇錯冇數錯喎係一條靈芝菇！係咁多餸啦！最後杯凍檸茶又係差，完全冇茶味又唔甜又唔酸又唔夠凍，算把啦唔會再嚟，拜拜！…查看更多

同朋友食飯,總有傾唔完既話題!食完餐飯都未傾夠,就要去幫襯下糖水店!滿記甜品夠曬出名!屯門分店裝修過後第一次幫襯!門口個兩位侍應態度麻麻!但入到去serve我地個個又幾好態度!放低熱野會叫我地小心!食物方面,我叫咗個海底椰西米露!夠曬凍又滋潤,大讚!友人叫了芒果涼粉同富貴蛋白!涼粉味道唔錯,芒果都幾新鮮!只係唔係好夠凍!至於蛋白呢,甜度適中,不過略嫌唔夠蛋白!整體黎講,十分滿意這間糖水店,集團式經營也沒有粗製濫造,值得一讚…查看更多

最鍾意去韓國旅遊尤其是當地的美食，真是百食不厭，講真在香港真的食不到當韓國燒烤肉的靈魂！但反而在schoolfood這裡還可以食到點點韓國美食的風味總算止止渴！先說這個拼盤不得不讚這個年糕，是炸的他可以做到外脆內軟，表面只有小小金黃但脆口中間就有年糕糯糯的質感，推介！再來我至愛烏卒卒飯卷魷魚爽口這個飯一個字-正！最後推介這杯柚子浮水梳打，和偏辣的韓國食物簡正就是絕配！這餐食得滿意又飽足，期待下次再光顧啊！…查看更多

今晚到洪水橋探朋友，朋友提議到附近這間社企食飯，就試試吧，我們各自叫了自己的餐，我點了這個墨汁海鮮意粉，先來的就是南瓜濃湯+蒜蓉包還有蔴醬沙律南瓜湯味道偏淡，沙律就是我要求多汁的，而蒜蓉包就最岀色很新鮮和重牛油味讚！這個主菜墨汁意粉說真的看不到是什麼，吃落口就是有洋蔥，青椒，魷魚和青口，墨汁沒有腥味不錯，份量也大我吃不晒啊！這個是我朋友的蛋汁煙肉意粉，就像卡邦尼味道吧！要說的是喜歡他們的意粉硬度適中最怕是那些煮了過火的讚！總結這裡是不錯的餐廳，價錢也合理吧！我朋友也沒介紹錯啊！…查看更多

黃雨警告等埋個女收工四點了一心在附近食個下午茶算了，怎知坐下來才發覺此餐廳只有星期一至五才會有下午茶沒辦法照叫啦！我要了個酸辣豬扒上海麵，女女就要豬軟骨上海麵再加一碟炸大腸，兩杯凍檸茶，先說我的豬扒麵，讚！豬扒炸的時間剛好，沒過火，而酸辣湯底也貼心的有選擇辣度，而女女的豬軟骨就遜色了，豬軟骨沒味道，肉質也鞋鞋的似煲完湯的，至於炸豬腸就推介了，炸得脆脆的而又厚肉不乾那甜酸汁也好好味道，至於兩杯檸茶也茶靚和甜度適中整體都值得讚！…查看更多

今晚約了朋友敘舊，到銅鑼灣食韓燒，之前都是三人行到韓國旅遊，一心想重温韓國燒肉的日子，怎知大失所望，這裡地方很有韓國風格，但食物就⋯⋯先說我們是三個女孩，先點了二人烤豬套餐和葱餅，來到時是份量小得可憐那豬肉薄如蟬翼，只有幾片還有幾片豬頸肉最搞笑是只有一片薄薄的菇片，一片？真是一片！跟著我們便再加了牛和一個石鍋飯，反而個飯味道不錯要讚，而且泡菜和生菜也免費添加的服務人員也添得很快，也不錯，只是那碗湯他說只給一碗可以再添，但問題我們三個人又沒有碗供給怎樣喝呢！總括來說是失望呢！…查看更多

約咗好幾個月,終於約得成班friend到泰聚一聚!位於西鐵站旁,方便至極!環境亦都非常優雅,好適合三五知己嘆美食傾下計!食泰國菜,每次都一定會叫個泰式拼盤!呢個拼盤認真唔錯!特別係個炸餅外脆內軟,值得推介!跟住就係個沙嗲串燒!d肉烤到啱啱好!唔會太硬!正!最後要推薦埋個魷魚!香口得黎完全唔韌,仲好有魷魚味添每人平均唔使300蚊!食環境加埋食物既質素,下次朋友聚會有回頭有回頭!…查看更多