LawmanLaw的个人专页

本身好少寫食評，但都要評論一下，今日下午約三點到達，不用排隊，店內人亦唔多，可隨意選位而坐，叫了三餸麵，豬腸，豬皮，魷魚，朋友都係叫了三餸麵，我見職員沒有落葱花，此時諗住自已去落，點知比個員工大聲喝罵，叫我唔可以自己落，其實在戶客角度去看，做乜要咁大聲呢？態度惡劣，當時其實已經下午三點，唔多人，但員工還是口黑面黑，好似欠佢錢咁，我想像唔到，如果係繁忙時間的情況如何？言歸正傳，粗麵淥得唔夠時間比較硬，朋友食油麵就好少少，餸方面份量係足夠嘅，唔孤寒，但豬腸有陣壓味，麻麻地，豬皮算合格，但質素唔平均，因為有部份入晒味，有部份好明顯新滷唔淋未夠入味，魷魚較細條，剪得比較細粒，一般般，湯頭尚可，其實成碗麵反而辣先係𩆜魂，個人認為名大於實，兩琬麵盛惠$106 以這價錢，質素同服務態度，絕對不值，基本上一次就夠…查看更多

因疫情原因，好耐冇幫襯，連舖位搬前了也不知道，去到才發現，我選了粗麵，以前好似係有2個麵餅，宜家得1.5 個，但淥得唔夠時間略為硬了點，豬腸全部幼的仲要剪定成碗，唔夠淋比較un，以前係人客叫，員工先原條夾上來剪開，魷魚以前用大條嘅，宜家全部細細，明顯將貨就價，豬皮無乜特別，佢個辣就冇變過，好香帶小小甜，非常好味，但整體來說唔會再去，因為我寧願你收貴啲，做好啲，材料同返以前咁，宜家唔拖唔水，唔知想點咁！失望…查看更多

昨晚一行8人訂了7點半，我們準時7點25分已到達，當時我們到達時已有8人正在等待入坐，所以待應也招呼此8人入坐先，我們只有等下一張枱，店員通知我們已正在執枱當中，完成後便可入坐，誰知此時有8名客人由電梯內走出來，走向與一名略胖的女店員拍拍肩打招呼，這店員就讓她們內進了坐了我們的枱，此刻我們當然跟店員理論，這名略胖女店員還想説慌耍我們，辯稱他們一早已有人到達了，我們睇得清清楚楚，好明顯就是剛到達，此時那略胖女店員已經不敢再走近我們，找來另一店員出來跟我們道歉，終於擾攘了近半小時，接近8點我們才可入坐。這店食物質素其實唔錯，我們叫了碟餐牌上最貴的牛肉$3佰幾元，略貴但真的好吃，雪花很平均，生𧐢來到時完全未解凍，食了起碼半小時還是與冰底連成一片，其他食物不過不失，埋單8人$2941，平均人頭消費$367。食物幾好都沒用，即使訂了位也要等半小時，盡管經理請了我們飲品，這次還是一次不愉快經歷，所以唔會有下次，銅鑼灣火鍋這價錢有大把選擇！…查看更多

以前好鐘意係度食雞腸粥，門口放了一盤滿滿的雞腸，好有氣勢。昨天從臨舊地，裝修靚左好多，而且不止雞腸粥，還有飯麵和其他，不再專注做一種食品，感覺上已轉手，我還是叫了一碗雞腸粥，朋友叫了一碗牛根魚片河，雞腸粥有點失望，不再是以往新鮮雞腸，是水浸雪藏的，還可能是鵝腸，雞腸份量小得可憐，$34 蚊是有點貴，但粥底依然好味的，朋友的牛根魚片河有點睇頭，份量十足，牛根入味岩岩好，河粉晶瑩好味，但朋友話略偏咸，但這碗粉還是ok 的，這碗粉盛惠$40，總括黎講，裝修後偏貴，沒有了以前的味道，一次就夠了！…查看更多

之前看了一篇報導，寫到佢個Sunday brunch 好正，標題係生𧐢任食，半自助餐形式，所以友人生日，立刻訂位，衝著生𧐢而去，但去到先發現佢地所謂嘅任食生蠔根本就係騙人，我們4人12點去到，等到接近1點先放出來，仲要排隊每人2隻，大概派了一打度就停止，之後又等45分鐘先再派一打，如是者大概三次之後，最尾個次仲要派得半打，于是乎我走去問個鬼佬廚師，佢即時答案係sold out, 仲叫我下週請早，我之前兩round 每次2隻，第三round 攞唔到，所以只食了2隻咁大把，以$368再加一尼個價錢真係呃人到極點，佢其他有刺身2款，三文魚同呑拿，壽司3款，凍食有蝦，翠螺，青口，蟹蚶，龍蝦，本來個龍蝦係最吸引，但唔知點解，第一轉龍蝦都好覩仔同正常，之後個d蝦身瘀瘀黑黑，見到都唔想食，其他自助食物都係一般，整個自助bar 部分最值得食嘅反而係Parma ham 同芝士，最後個main course 都係唔掂，羊架太熟，Risotto太硬，pasta 無味，熟嘅三文魚叫比較好d，全單4人埋單$1729, 尼個價錢絕對可以有更好選擇，諗諗下之前睇嘅報導應該係缐稿，完全中晒伏，所以唔會再有下次，失望的一次！…查看更多