GnnW的个人专页

皇牌套餐送雞煲：230（5周年優惠，冇加一）打卡：送海鮮拼盤位置：比較隱蔽，要Google吓，要好近先能夠見到招牌，有啲舊嘅大廈環境：店內幾正常乾淨，比較細嘅空間，出入要注意隔離枱都幾近服務：態度好，希望可以多啲喺店面，方便啲客人嗌嘢，廚房職員切緊牛又要做店面嘢就唔係太好嘅，唯有等吓食物：雞煲上枱要等滾先食得，味道幾好，食完加湯，同時送海鮮，完全唔夠位，個鍋擺唔正個爐。海鮮聽到有用timer ，但還是有少少蒸過籠，啲殼同肉係相連嘅，覺得安心😂食完海鮮又再要等湯滾，之後自動送上頂級牛肉，牛肩胛，保濕豬豚肉各一碟，頂級牛肉好，有牛味，肉質都幾好，豬以豬肉嚟講幾好食，但係主要目的都係食牛，牛肩胛不過不失。配料喺唔算太多選擇中都有西洋菜，娃娃菜，牛柏葉，兩款魷魚，鮮蝦福袋之類，同一啲大路嘢，可惜冇蕃茄，魚亦只得一款，冇鯇魚咁好食。調味料區大路得嚟差咗冇麻油，辣辣油。凍櫃好多飲品選擇，但冇熱嘢飲，有少少扣分。甜品櫃冇食到百福、美味棧仲有（似）自製燉蛋，其他甜品全部試咗嘅感想：唔掂，太唔甜，啲調味/份量可能出咗事。雪糕櫃自己抔嘅家庭裝雪糕ok，冇位試食泡芙。由於有周年優惠整體嚟講都幾滿意。…查看更多

啲嘢食呀裝修呀職員bla bla bla全部都同其他分店一樣啦（稱讚嚟㗎）食物：烏冬+2炙燒熟蝦+2炙燒三文魚（下午茶餐40）正常好食檸檬淺炸目鉢吞拿魚下腹肉17話係稀有部位，試下佢，有少少筋，仲有淺炸唔太食得出，試下炙燒返應該會好食啲銀鱈魚雙味17又係試新嘢，有啲驚喜，肉質嫩滑，如果可以再燒耐啲會更加香之前都喺啟德食過另外一個炙燒嘅嘢，唔知係咪規定燒幾耐，都係燒耐啲會香啲環境：有一處無傷大雅嘅傢俬瑕疵，但更大嘅問題係所有分店都有嘅問題：啲杯底永遠係花曬，但係密胺杯係膠杯嚟，一係換其他安全物料，一係唔好用啲硬刷去刷，呢個問題希望可以所有分店都搞搞佢服務：要讚下啲職員全部好nice囉，我幫襯嗰段時間遇到嗰啲，帶位+兜售中拖羅、點盤、收銀、幫手改單嘅職員，全部都well trained，係其他分店嘅水平之上，嗌號碼、攞林sum嘢嘅職員就同分店水平一樣。嗌號碼嘅職員後來喺改單嗰段時間好主動咁去幫排我後面嗰一位顧客去自助收銀機埋單呢一點係可以讚嘅。中間有段小插曲就係我唔記得咗用券，啲職員全部係好有耐心咁樣幫我取消張單再入過…查看更多

因為包薯片有張優惠券就去食吓套餐：三豬（紅、皮、腸）麵+奶茶49魚蛋：免費味道：個湯汁好惹味，但係食多幾啖就已經好辣了，都只係叫咗小咖喱辣~~~~豬紅比較企身，唔太似傳統嗰啲咁軟爛（啱我口味~~~~），豬腸豬皮魚蛋都係正常好食（餐牌好似搵唔到呢個魚蛋小食？）仲有半條菜心當均衡魚蛋嗰咖哩汁太杰，可以唔使咁足料，已經好辣~本來想叫熱檸茶啲hea嘢，但係順便試吓奶茶，俾我試到，呢個就失色嘞，茶味同奶味都出唔到，特別係奶唔夠，完全唔解辣呀（已經攤凍飲）環境：有啲位個冷氣吹正個人好凍（可能我個人虛~）換咗位先好啲，但唔敢飲凍嘢~服務：職員禮貌ok，加多5％左右應該能夠達到幾好嘅程度衛生：光猛，座位地板都乾淨，冇廚房味吹出嚟（至少轉角位之前都聞唔到）抵食：本身想自選車仔麵，20底+一餸9-13左右，兩餸起，仲要未計嘢飲，個餐好似最近先有（？）都算抵啦，見二人餐仲99蚊㖭，另外有個豬腸竹昇麵竟然19蚊，下次有機會可以試吓…查看更多

選咗食無肉嘅任食，70分鐘，有啲趕。實際上，2點人唔多，夠鐘見好似收緊吧枱，比我早到嘅枱同我都無趕嘅。麻辣鴨血豆腐鍋凍豆腐好好食，鍋底心較辣，食辣持久力不足唔好揀，影響任食進度。前菜冷盤，泡菜最好食，凍腸都ok，細食唔需要夾其他。丸類，大致正常，黑墨丸夠特別，又好食，細食唔建議食特別迷你嗰種。菇菌瓜菜粉麵。仲有公仔麵，全蛋麵嗰啲，食唔到冇夾。建議可以多啲少見款嘅菇。炸魚皮凍咗都脆，響鈴有啲受潮。有飲品櫃，雪糕櫃。$78加一後$86，之前$68會合理少少，不過個環境算舒適，雖然當日無趕客，但如果加返少少時間會食得舒服啲。收銀嗰位職員好熱情，亦有耐性。…查看更多

環境：好近尖東站出口，室內環境乾淨，卡位幽暗有氣氛食物：丸雞貝白湯拉麵套餐+紫蘇雙檸洛神花茶138（特別餐牌）貝汁醬油拉麵128兩款嘅湯底都係鮮甜，有種飲燉湯嘅感覺。貝汁醬油比貝白湯的味道再濃郁一啲，兩款都係好味。麵量正常，配料同餐牌顯示都好接近，就係比較少嘞本身啲肉片都係比較薄身，一係切厚返少少一係加多一片會好啲啦。期間限定的帶子非常出色，中心仲係生生哋，外面煎得香口，有餐廳水準，值得一讚，雞肉嫩滑而且係全熟。有一個缺點係各自都好食，但啲味互相之間冇一種好融合嘅感覺。花茶嘅甜，有少少蓋過洛神花嘅特色，啲邊料可能督得未夠暴力，一直唔係太出味服務：整體感覺幾好…查看更多

upload唔到圖食物：蕎麥芝士合桃麵包13.5個皮度有芝士碎，烘得特別鹹香，麵包中的芝士是小方粒，加埋合桃好夾，意料之外嘅好食。整體少5%鹹可能perfect。蛋撻6.5普通，喺西餅店買唔要求新鮮出爐，皮酥化嗰啲，但蛋液落得實在少啲，橫切面係同酥皮1：1一樣厚啫。夏威夷果曲奇30（非餅卡可以特價26）未食，包裝幾靚。員工：當時有兩位員工，兩位嘅態度都好嘅，但係特別想讚揚收銀，佢會提醒客人使用餅卡需計算原價，態度親切有禮，當時有三位客人，佢對每位客人嘅態度都好一致，好有耐性，亦會提醒儲積分。雖然只係入去買少少嘢，但係個購物氣氛幾好。…查看更多

其實我有啲失望，但基於人道立場以整體嚟評分俾個ok佢。食物：龍蝦伊麵（68）見最近優惠小菜有個龍蝦伊麵，諗住去試吓。去到一共有6款，不過只能6選1就照食龍蝦。麵低係上湯，唔係芝士，其實唔係好夾，唔知係咪蝦殼炒太燶，變咗有陣味，唔係話好好食。龍蝦本身係好食嘅，係個麵拉底咗分。黃金蝦（138）要嗌一個正價小菜，幾好食，新鮮煮出嚟仲好熱，啲蛋黃收埋係碟底，食第二間酒樓佢哋低包裹住成隻蝦，大家手法有啲唔同，各有各好食啦。花生（唔知幾錢）有啲香葉同八角，可能自己炒嘅，咁都有誠意嘅，但問題一陣先講。服務：得幾枱人，我哋都偏晏先去，一啲都唔繁忙，但寫完紙冇人想嚟落單，成日避開我哋啲視線真係好差。價錢：埋單兩個人共278，我都知酒樓收茶芥加一，但係點計到條數呢。因為我後來先知，都冇check單。2025年嘅8月嘞，不時睇新聞都見執咗好多老牌食肆，仲好似十幾年前咁狼死式收費，最後仲有幾多人會繼續去吖。題外話：某間出名做1蚊雞特價嘅酒樓，二人以上係可以嗌多啲款，呢度就冇得咁。某酒樓又唔會叫人一定要嗌正價嘢，本身啲人自己大多數都會嗌少少啦。可能係想杜絕呢啲問題啩，但吸引咗啲人流都係當宣傳費，而家咁得幾枱客會好啲咩？佢個定價企到咁硬，我諗都要等經濟好返啲先有機會翻試了。…查看更多

$68無加一。明太子醬燒海鮮丼+迷你刺身+湯有隻杯喺收銀隔離有茶自己斟。自己收盤。幾好。丼：穴子，炙燒三文魚，免治吞拿魚，紫蘇葉，帶子，仿蟹棒，薑迷你刺身：三文魚，八爪魚，玉子，甜蝦，免治吞拿魚，紫蘇葉，薑湯：昆布，白蘿蔔，三文魚（小心有骨仔），麵豉純粹記返:見到兩個店員，一個正常helpfulness，有bonus要出俾佢，另一個hea做，可能係俾返工擔耽誤嘅㩒手機小公主。座位同附近幾間舖share，非繁忙夠坐。相啲wasabi 唔記得影完就唧咗上去…查看更多

平日下晝4點幾入，好似得一枱員工食緊，店員好好咁俾咗卡位我坐。之後都係得三枱人入咗嚟。正常服務，有笑容，表情和善，用一般聲浪招呼人，not a發晦氣餐廳。😂佈局簡潔，有啲泰國裝飾，見到兩個店員唔似本地人，可能真係泰國人嚟。叫咗下午茶嘅冬蔭功湯粉，有飲品，加一後50蚊。聽到人哋嗌海南雞飯都幾快上，我個粉耐啲可能無乜人嗌係即叫即煮😂，有青口，魷魚×2，蝦，配菜有草菇，秀珍菇，車厘茄。海鮮淥得啱啱熟唔柴。湯夠味但唔重味精，只係我估未必完全自己煲嘅（直覺嚟啫）。幾舒適，可以試吓。…查看更多

晚市早鳥108，平日服務費40。位置就腳。介乎推介同唔推介之間，睇返想點取捨。早鳥時段價格便宜，想咩都食吓，想過口癮都可以考慮。（正正常常嘅，以下有講嗰啲係可以改善嘅位）飲食品質：豬牛肉片，一分錢一分貨，優惠後大食啲都好易回本，但正價時段就未必會揀呢間。有秋刀魚同多春魚，同行好友試咗多春魚，佢有攞多次我諗都應該食得吓嘅。我自己就不了（其實一坐低就聞到舖頭有燒魚味，所以覺得抽風唔好，燒嗰陣當然又係有🥴）有幾款菇可以攞，幾好。丸有特別啲，反而普通嘅就少啲。一口牛醃得幾好，可以配搭啲醬料，牛扒鹹咗啲，唔點醬都鹹，似燒烤店醃。嘢飲都幾多款，罐裝嘢唔洗點評，水機斟啲清酒好似冇酒精😅自己整嘅甜品有誠意，但可以再好食啲。火鍋湯試咗壽喜燒，韓式辣湯，後者似就咁紅色韓式辣椒醬溝水only。冷盤食得吓，除咗泡菜唔知自己整定買，唔入味。（似乎韓式嗰啲都好出事😂）沙律吧啲菜都幾新鮮。進餐體驗：有預約記錄，但店員說找不到（好彩好多空位，冇乜擾攘就安排返座位）自助區和座位的佈置不太好，自助一邊，位一邊咁，最後被安排較遠嘅位置，有d失望（明明前啲大把位）。一嚟抽氣唔係咁好，二嚟清潔有啲求其，見到員工的收拾餐枱的情況，6個字：有清潔，但不多噴吓清潔劑抹吓，座位有上手啲油同焦咗嘅嘢😅，枱同全部嘢好似都黐立立咁。除了開爐、換燒烤紙和埋單有員工外，其餘連火鍋湯比較危險的部分都係100％自助，店裡有啲細路會去攞嘢食，其實真係唔係咁好，最重要係清潔情況唔理想，40服務費就唔太合理，香港普遍食店都鐘意咁巧立名目收費，真係唔太好。小插曲：店員有問著校服嘅學生係咪偷飲酒，話佢哋唔可以飲，可能佢只係驚俾人間舖抄牌嘅，但佢又真係做得啱，都想俾返個like佢…查看更多