小da子的个人专页

近來肺炎情況嚴重，為左減少在街上除口罩，所以放工都係食外賣，通常搭緊車就叫，咁15分鐘後去到就拎得回家吃。今次試呢間外賣，就未食先打30大板1. 我20:21打去叫外賣，最後竟然要21:11先拎得，足足要50分鐘先煮好3樣野，我叫的只是炒金邊粉、炸蝦餅和馬拉盞通菜，都只是好平常菜式，應該無什麼難度2. 等等下打黎，問我拎左未？下？你係漏單定點呀？3. 我去到等左15分鐘仲未有，還要我先付款，加快流程我無問題，但點知找錢時找少左$1，講真，平時唔會同佢計較，當俾貼士，但今日要我等咁耐都未有得食，真係忍唔住出手要埋那$1講完外賣情況，講下野食先炒金邊粉: 入盒都可以用蛋紋包著，賣相幾好！但麵質有d爛，要諗諗點樣可以適宜外賣炸蝦餅：另一半晏d先食，但蝦餅都係脆既，炸得幾好！馬拉盞通菜：我ok, 但另一半覺得稍辣整體來說，食物ok, 外賣效率麻麻…查看更多

友人來港，共6人搵飯食兼新年團拜。由將軍澳站步行10多分鐘，餐廳在1個類似10多棟樓的屋苑內，屋苑好似剛入伙，好靜。餐廳不易找，近海旁，有室內室外。星期五晚，全滿。據說，餐廳的廚師和合伙人之前在西貢的西餐廳工作，所以感覺有點像西貢的西餐廳，半數廚師和侍應是外國人，也吸引了一些外國人幫襯。叫左:1. 雞肉牛油果沙律: 幾fresh，雞肉也不老2. 焗薯皮：呢個係我的精選，今晚碟碟都幾好味，但我最愛呢個！3. 三文魚意粉: 餐牌是闊條麵，但來了意粉，因味道幾好，也忘了深究😅4. 蒜蓉蜆肉意粉：幾香蒜蓉味，帶少許辣味，唔錯！5. 華哈卡薄餅: 同行友人們話要揀d特別的，唔想係Pizza Hut 有的，所以揀呢款。味道帶少許甜甜辣辣酸酸，合胃口6. 肉眼扒：相對一般，我個人下次會想試ribs7. 家鄉蘋果批：平日食開的是厚厚的蘋果批，但我卻愛呢個，較薄身，唔太甜，是日次選！…查看更多

黎到尖沙咀想食台灣菜，係openrice搵平價野食，搵到呢間，奪得最優秀東南亞美食的稱號。Openrice話P1出口，但其實係P2近d。夜晚8點頭去到，可以直入。剔完野食，要去收銀處付錢落單。食物好快到，叫左:1. 細碗魯肉飯: 味道ok, 但肥肉多2. 鹽酥小食拼盤：包括雞、脆薯和花枝丸，脆薯上有類似話梅粉的東西，中和了油膩感3. 招牌紅燒牛肉麵：加$3轉了新竹米粉，我覺得幾索味唔錯，但友人就唔多中意口感4. 肉燥青菜: 青菜無味，全靠肉燥，而呢款肉燥帶少少甜味，幾好5. 珍珠奶茶: 叫左少甜少冰，味道正常…查看更多

放工黎到深水埗，睇下openrice有咩好食，揀左呢間，港鐵站一出過對面行幾步就到，初頭見成間店得1圍，有d擔心...叫左: 燒魷魚鬚: 燒得不夠香口、我喜歡有少許燶，今次只可說肉質嫩滑燒蟶子、象拔蚌、貴花蚌：只要新鮮的海鮮，落蒜蓉去燒已很香、很美味了燒雞翼：燒得香口和脆，自行加點孜然粉，好味燒菠蘿：香甜，可惜連皮上，有d𠝹口豬骨湯烏冬：湯底香濃，只$3x，抵！食燒烤點少得啤啤佢，一杯500ml才$28，抵呀！2個人食燒海鮮只係$334，絕對抵食！…查看更多

因為有coupon, 食完後近乎半價，否則咁貴真係唔捨得黎食餐廳位於7-8樓，坐電梯去8樓後，侍應帶我地行番落去7樓，可能係book左檯，所以先有窗邊位睇靚景睇講下食左咩先:1. 冰鎮清酒鮑魚: 只得3隻鮑魚，但超過$300，好貴呀！但估唔到咁入味，鮑魚下面還有些好像茄子的蔬果，都好入味。唔計價錢是值得一食的。2. 桂花汁冬菇: 冬菇充滿桂花味，甜甜的，但我覺得點左XO醬後更美味3. 花膠釀蝦肉：我們點的是light portion, 侍應介紹時說適合2人份量，所以只得4件和2條菜。花膠若能再厚肉d更好(貪心的人啊~~)4. 花雕蛋白蒸龍蝦: 叫左2份，1人1份。龍蝦彈牙，蛋白有花雕味，但有d水汪汪。5. Burgundy 白酒2杯: 侍應介紹的，適合配海鮮。我唔係飲開酒，所以唔知有幾好，只覺倒出來已好香和易入口，唔錯的。6. 甜品: 唔係好記得叫咩名，一碗係石榴，另一碗係杏汁湯圓，2碗都味道中上，本來怕杏汁味怪，但這碗ok。這裡的夜景很美，服務也非常好，食物質素高，只是價值實在很貴，用券半價後再加一也要1000-1100,正價要超過2000...…查看更多

因為考車肥佬所以心情有點差，來到尖沙咀行街，在附近search飲品店，搵到呢間在小巷裡，若不是故意來，真的不會發現不能說是文青打卡地方，因為周圍的環境都很一般，就算店面有裝修，都沒有relax的感覺因為心情一般，也很熱，所以想叫檸檬類飲品，於是叫了櫻花淚，介紹說這是接近失戀的感覺。店員提醒，飲品是咸酸味，我覺得可消暑，ok ar!這杯飲品，沒有其他飲品的色彩繽紛，打卡一般，飲到底會看到2片檸檬和花瓣，不算特別...…查看更多

本身中意食泰國菜，見到呢間新開張，就黎試下啦。星期日中午近1點，都只係半滿，是因為位置偏僻嗎？！叫完野食，等左10-15分鐘，才叫我哋個號碼。叫左：1. 黃咖哩豬肉配飯： 黃咖哩香，味道正常，但豬肉份量一般2. 馬拉盞炒通菜：味道辣過黃咖喱，但菜有d老3. 沙嗲雞串：有點乾，醬汁香4. 蝦餅：比較乾，點完醬都係一般5. 龍眼冰：其他店舖的都好甜，呢間就算叫左少冰，都唔太甜，合我意2人食左$179，呢個價錢呢個質素，有d貴…查看更多

一行9大1小星期六晚黎聚舊兼開餐，小店溫情多☺️☺️因為人太多，大家都各自叫主食，再叫d小食share。事不宜遲，等我介紹下我食過既美食啦~~1. 100%手打牛肉漢堡石鍋伴飯(追加牛油大啡菇)：Woo~~牛肉真係手打架！我中意壓碎撈匀黎食，配埋我至愛既大啡菇，美味啊😋😋2. 布萊恩麻辣石鍋雞煲：同行有人叫雞煲，我本來不以為然，覺得呢度出名手打牛肉架嘛，食雞煲有點怪...點知黎到後，好香好惹味，轉頭已俾我地幾個KO😂😂3. 慢煮醬油清甜大根：我地分2批到達，第1批叫左呢個話好食，我地於是再叫，完全唔知點解蘿蔔可以咁入味，好味道呀！我地叫第2碟時，老板娘仲話最後一碟了，真係叫得快先有得食！唯一覺得爭d既係離港鐵站有d遠，不過為左美食、為左見朋友，無計啦！…查看更多

在想，18歲時的我，會有怎麼樣的勇氣和夢想呢？這店的店長正是個18歲的小子。咖啡店開在近尖東站的小巷裡，店內有wifi，是朋友聚會、留白放空的好地方今天2人嘗試了：Latte 和 Mocha: 我倆都不是特別喜歡咖啡的，但難得的覺得咖啡味道不俗👍安格斯牛柳粒沙拉: 因為牙齒不好，所以很怕牛柳粒會有筋或太有嚼勁，而這個沒有這情況酥炸軟殼蟹闊條麵：外觀幾好，只是略嫌軟殼蟹有少許過火小子，繼續努力💪🏻💪🏻…查看更多

同2位舊公司既妹妹食飯，很喜歡她們，也欣賞她們工作的output, 希望她們在新公司繼續努力！叫左：咸牛肉芝士吐司配薯條: 一如網友所講，不是好咸，淡味，但都幾好，至少健康d咸蛋炒魷魚鬚跟蒜蓉包:第1次食咸蛋炒魷魚鬚，味道唔錯，不過勁多洋蔥，所以要"發掘"d魷魚鬚出黎。蒜蓉包都幾好味！黑豚肉柳配茄汁吞拿魚長通粉: 因為其他幾樣主菜都有我地唔中意食既野，所以只好揀呢樣，但...真的好一般...另外叫左幾杯飲品，我那杯係黑牛，味道較淡，也無吱吱聲，是因為我們在2樓，拎上黎放得太耐？…查看更多

家裡之前已食左中秋做節飯，所以正日反而兩小口子出去食。無揀多人既中菜，走左去食韓國菜。叫左:蒜香無骨炸雞：落order時係叫有骨既，但既然都炸左費時浪費了，雖然無骨貴過有骨，但都照食了。味道都唔錯，但好似無全份雞既份量，因為平時係其他炸雞店食有骨全份時好飽既秘制章魚蛋漿熔岩炒飯： 其實我係因為見人推介呢個炒飯而黎，即席係面前炒，色香味俱全韓國啤酒：共有4款啤酒成日去韓國餐廳都係飲hite,所以今次想試其他，個另外2款都無貨，唯有試black beer stoct。本身對黑啤好感麻麻，覺得好苦，但呢款只覺味較濃，我中意！後來發現原來都係韓國hite既廠出品。平時食完韓國菜，又芝士又炸雞都會好飽，但呢間份量較少所以ok，然而價錢沒有平左，所以感覺有d貴...…查看更多

因為另一半要遲收工，唯有過黎中環同佢食晚飯係附近搵左呢間餐廳，係呢區應該叫做平價😂Openrice 介紹係日本菜，但我真係唔多覺囉，最多只係fusion菜😅叫左：豚肉小籠包：味道唔錯，若係出自日本餐廳就更加要加分了菠菜皮蝦餃：唔係好食到菠菜味，但蝦爽口千層豬扒擔擔麵：豬扒炸得唔錯，口感鬆化，但麵無咩擔擔味Kikusan roll: 推介，連平時唔多食海膽既另一半也覺得幾好😋花生黑芝麻驢打滾：食完好似仲爭d，於是加多個甜品，份量唔多剛剛好…查看更多

今日和相識左好多年既舊同事食生日飯遲左10分鐘到，佢地話要等位，我知係我地遲到唔啱在先，但明明入面有位！而且book檯和confirm時都無話只留檯5分鐘，但reception就話打電話confirm那位肯定有講，算啦，口同鼻拗！況且仲有2位未到，唯有坐低等下啦！不過，個人認為reception那同事態度可以好d會更好叫左：黑白芝麻吞拿魚塊：係幾好食既，但份量超少，4個人食每人只分到少少黑糖單骨雞翼：味道唔錯，配薯條至尊海鮮西班牙炒飯：材料豐富，有蝦、青口、帶子、扇貝、蜆等西班牙黑毛豬薄餅：唔錯唔錯，推介！彩虹麻糬窩夫配雪糕：完全俾個名和樣吸引，可惜甜到難以接受，是晚敗筆！另外，我地坐中間長檯，環境較嘈難以傾偈（食到後面d人走左d就好d)，而我地個位較凍，每人都叫左熱水果茶驅寒…查看更多

生日去食自助餐，俾介紹中既花膠、鮑魚所吸引，於是決定揀呢間啦！夜晚分2場: 5:30和8:45，5:30點會放到工...於是揀8:45，放工後係附近行街先8:30左右黎到，超多人排緊隊😮。9月中天氣熱，企左陣已流晒汗，之後有職員黎派籌，排隊搭𨋢上去，坐低已9點了。立刻叫另一半出去自助區排隊拎野食，我就負責點order紙。Order紙係正常野食，如魚生個d。而磯燒海鮮也是要落order紙既，如鮑魚、扇貝、蟹、蜆青口、蝦、菠蘿等。個人覺得鮑魚、蜆和蟹都唔錯，但蟹較細隻，燒完雖然香口但無咩肉食。出面排隊既先係重點，但一般要排15分鐘以上，包括:姫松茸湯: 我好中意飲湯，正呀！紅燒鮑魚花膠冬菇: 我地排左3-4轉，味道唔算太入味，但感覺值回票價！另外仲有片皮鴨和燒味等，但之前1晚去做節時剛食左片皮鴨，所以留番個肚食其他野好過。至於飲品和甜品都有10幾廿款揀，當然，我地重點攻擊movenpick 雪糕啦！不過，人手唔係好足夠，檯面食完既碟遲遲無人收，但飲食業長期缺人都理解既...…查看更多

星期三晚8點左右係旺角搵食，上網見呢間評價唔錯，就行去睇下使唔使等位啦，好在一黎可即入2人叫左Kama signature lobster set（$458），內有：- 龍蝦包: 呢個我係英國某間出名食龍蝦既餐廳都食過，上次可能期望過高所以覺得一般，也覺得今次呢個好食d，好似連個包都鬆軟d- 烤蒜蓉牛油龍蝦: 係咪我太貪心呢，覺得2個人分半份龍蝦好似少左d，不過味道都ok既- 龍蝦什錦海鮮石鍋湯烏冬: 其實我本來不打算點set既，純粹是為了這烏冬而點，因為這烏冬無得散叫，結果也沒有讓我失望，好味- 薯條: 正常，有需要既可叫waitress給ketchup 另外，點了荔枝啤梨cider（$69）, 3支中得呢支係有貨，感覺甜了點個人覺得若龍蝦什錦海鮮石鍋湯烏冬和流心芝士龍蝦三文治可在晚市散叫會更好，另外下次也想試下龍蝦茶碗蛋…查看更多