eat.wanderlust的个人专页

呢排成日俾呢間泰國餐廳暴風洗版，我又未食過曼谷火車夜市嘅網紅火山排骨，決定同朋友一試。Milu Thai位於銅鑼灣耀華街百樂中心，成棟都係餐廳。餐廳以塗鴉風為主題，充滿活力。一坐低見每一枱都有火山排骨，當然我地都有嗌啦，期待 ！🐷 火山排骨一上枱真係嚇親，比想像中仲要大份，超巨型，夠4個人食。 有3至4舊大骨，砌成一座小山，加上青辣椒芫荽蒜頭檸檬葉醬汁，好惹味。肉質幾腍，唔算難拆，餐廳有提供膠手套，唔怕整污糟而且用手食更有風味。筋位軟嫩，又有骨膠質，層次豐富夠香口，絕對會再食。🍛 咖哩三重奏 (配蒜蓉包)除左招牌火山排骨，呢個咖哩三重奏都值得一試。上枱嘅時候店員會放個燭台熱住個咖喱，一個鍋分左三格有三種咖哩，包括青咖喱、紅咖喱同馬沙文咖喱，啱晒有選擇困難症嘅人。每格都配上唔同嘅海鮮，青咖喱係三種入面最辣，不過都唔算辣，配上厚肉軟殼蟹，好味。紅咖喱有蝦、青口同帶子，唔會辣，海鮮都幾足料。而馬沙文咖喱就重椰香同埋有少少甜，配上炸魚塊、扇貝同薯仔。仲有蒜蓉包粒粒點咖喱。我地另外嗌咗個薄餅，同想像好唔同，係酥皮唔係軟身的。🥗柚子鮮蝦沙律因為太多肉嘅關係，要咗柚子鮮蝦沙律。鮮蝦份量唔少，彈牙爽口，柚子清甜多汁，無苦澀味，酸酸甜甜夠開胃。仲有搭配腰果，香口。🥬馬拉盞炒椰菜苗菜有4種 – 椰菜苗、通菜、芥蘭同雜菜，而煮法都有4種 – 蒜蓉、馬拉盞、飛天同清炒。因為椰菜苗唔係成日有得賣，比較少食，一於試吓馬拉盞整法。椰菜苗新鮮翠綠，口感爽脆，帶點微辣，炒得夠鑊氣。…查看更多

餐廳位於金龍中心，離地鐵站都幾近好方便。見到最近有人分享呢間嘅芫荽火鍋，心思思想試吓。就同埋朋友一齊去，兩個人嗌咗好多芫荽食品，份量都幾大又好味。芫荽控必去😆▫️🍲 芫荽海鮮卜卜蜆鍋 - 鍋入邊已經有蟹、蝦、蜆同埋生蠔，海鮮配上芫荽，個湯底清清地唔油膩。芫荽控唔好錯過呀🥩 頂級新鮮手切本地肥牛 - 打邊爐點可以冇肥牛，牛味濃郁，份量都唔少🥟 芫荽蝦餃 - 自家手工包嘅餃子，啲蝦新鮮彈牙，粒粒爆餡，用料豐富🐮 芫荽爆汁牛丸 - 爆曬汁牛味重，同芫荽味幾夾🦐 鮮蝦蓮藕爽 - 蝦夠新鮮唔會霉，蓮藕爽脆，出奇地夾🌽 椒鹽粟米 - 粟米嘅甜配上椒鹽嘅鹹，又幾好味喎🥬 蔬菜拼盤 - 蔬菜新鮮，有唔少選擇，白菜、娃娃菜、菜心乜都齊…查看更多

仲記得最初twinkle baker 只係一間小店，而家越做越多分店，周圍都有好方便。第一次食係一個綠色嘅仙人掌蛋糕，又精緻又好味。每次行過佢嘅舖頭見到啲蛋糕咁靚都好想買嚟食，今次終於買咗個星河玫瑰嚟試啦。用黑白色做底再加上白色珠珠，好有星河嘅感覺，再加上紅色玫瑰，又精緻又靚，唔捨得切嚟食。至於味道方面，外層係芝麻味牛油忌廉，入邊係原味海綿蛋糕加上黑芝慕絲、薑茶蜜糖同埋麻糬粒。芝麻味濃郁，配上薑茶蜜糖，鬆軟嘅海綿蛋糕配上煙韌嘅麻糬粒，口感豐富。味道唔會太甜可以食多幾件😋…查看更多

行完SOGO，就去咗隔離嘅澳門逸園中心晚餐。成棟澳門逸園中心都係餐廳，主要以日本餐廳為主。我地就俾呢間嘅特色卷物吸引咗， menu設計簡潔，除咗卷物、刺身同壽司，仲有串燒、鍋物。價錢親民，性價比都幾高。我地叫咗兩個卷物同一份炒飯，份量都幾多👯‍♀️🌶 辣妹 – 卷入面係炸蝦同芝士，上面就係辣味吞拿魚同蟹子，仲有少少脆薯片，點埋啲醬汁，食落口感豐富。🕷 蜘蛛 – 有青瓜、牛油果、蟹柳同軟殼蟹，軟殼蟹炸得酥脆，青瓜同牛油果就中和左油膩感，唔錯。🦪 海膽帶子炒飯 – 用上珍珠米， 炒至爽身粒粒分明，加埋厚肉嫩滑帶子粒，份量都幾多。仲有海膽喺面，夠晒香濃，滿足。…查看更多

平日lunch時間，門口有幾個人排隊，大概5分鐘就入到去。店舖唔大，環境企理乾淨。上菜都上得幾快，不過唔會催你或者俾你好趕嘅感覺，服務態度都好好。嗰日無牛坑腩，叫咗普通牛腩，牛味濃郁，煮得夠腍，連住少少肥肉，肥瘦適中，好味。而手打黑白墨魚丸夠彈牙，有咬口一啲都唔粉， 有啲墨魚碎粒，夠晒墨魚味。湯底都飲到牛味，之後無口渴應該無味精。蘿蔔清甜無筋。河粉幼滑，唔會好易斷亦唔會一pat野，份量十分慷慨，對於女士來講夠晒飽。會再幫襯，希望下次可以食到牛坑腩啦。…查看更多

呢排成日見到呢間店，又約埋朋友黎試下先。餐廳大概有10個bar檯位，另有3張2人order檯。公眾假期前夕嘅晚市，都要等下位，雖然無得book位不過好似有得用apps 拎位。見人介紹過 $380起跳嘅omakase，不過第一次食就試下set先啦。我地嗌咗特上壽司拼盤同壽司拼盤。兩個拼盤都係有十件，特上就有多啲貴價魚，可能我比較大食，食完十件都仲未飽。壽拼盤有油甘魚、三文魚、甜蝦、真鯛、帆立貝、三文魚籽、池魚、吞拿魚腩、北寄貝、辣味三文魚。而特上壽司拼盤有吞拿魚腩、深海池魚、牡丹蝦、赤貝、海膽、三文魚籽、火灸左口魚邊、鯖魚、魴鮄、蔥吞拿魚腩。其實所有魚都新鮮好味，厚薄適中。印象比較深嘅係火炙左口魚邊壽司，夠厚身又有油香。吞拿魚腩就好肥美，魚油分佈均勻，入口即溶。總括黎講，呢個價錢係呢個地段食到呢個質素係相當唔錯。下次有機會會試埋Omakase。…查看更多

成日見某社交平台有人打卡，終於約到朋友去試。閒日夜晚，差唔多full晒，大家記住book位。餐廳裝修係懷舊香港大排檔feel，地方企理乾淨，唔會迫。係高級版大排檔 👯‍♀️ 兩個女仔一共嗌咗四樣嘢，份量都幾大，完全食唔晒 😛🦑 金沙脆鮮魷 - 魷魚夠厚身，爽口彈牙。炸漿唔會太厚，炸得酥脆唔油膩，外酥內嫩。可惜金沙唔夠，多啲鹹蛋就完美🍤 黑松露鮮蝦多士 - 多士唔係普通麵包，係酥皮底，超級鬆脆。蝦好大隻，爽口彈牙。上面仲有黑松露，另外配上黑松露沙律醬，夠晒香 🐷 青芥沙拉骨 - 排骨好大舊，絕對足料。Wasabi味濃郁，溝咗沙律醬，唔會太過辣，清新唔膩🥬 金銀蛋浸時蔬 - 我哋揀咗莧菜，超大碗！清清地，食咗咁多肉要食返個健康嘅…查看更多

繼上個月食完旺角分店，今日再食銅鑼灣店👯‍♀️🌆 銅鑼灣店位於食街登龍街嘅V Point 25樓，樓底好高。原先被安排喺窗邊corner位，擁有兩邊窗景，不過就只有高椅。由於著裙關係，坐普通椅舒服啲，而且個景觀都夠晒開揚。👍🏻 上次旺角舖嘅手套係散開擺喺裝骨筒入邊，呢間嘅手套有個袋仔入住，感覺更加衛生！不過可能所有舖頭都轉左，始終距離上次食都有一段時間。🍯🧄🍗 今次去食見到有個新出嘅蜜糖蒜香烤雞，一於試吓，同果味蒜香烤雞唔一樣，佢係有蒜片嘅。雞肉嫩滑，雞皮烤得好香脆，非油炸齋烤都有呢個效果，真係犀利！蒜味唔會過分濃郁，蜜糖嘅甜味比較出，仲有微辣，好味！🥚另外試咗韓式雞蛋卷，雞蛋入邊包住青瓜、紅蘿蔔、午餐肉、蟹柳、紫菜同芝士。材料豐富，份量都幾多，雞蛋整得幾滑，唔錯唔錯。…查看更多

地址係觀塘區嘅工廠大廈，其實位置係喺觀塘同牛頭角之間，由APM行過去大概8分鐘，唔算太難搵。隱世嘅壽司餐廳，豐富又抵食👫🏻🥗 蟹籽沙律 - 蟹籽份量都幾多，加埋清新嘅青瓜絲，沙律醬份量啱啱好，唔會太膩。🐟 三色刺身 - 有三文魚、油甘魚同赤貝，厚切新鮮又肥美 🤤🍣 三款壽司 - 吞拿魚腩、甜蝦、左口魚，樣樣都新鮮鮮甜。最愛有輕輕火炙過嘅左口魚，逼出油香，正👍🏼🥑 牛油果軟殼蟹卷 - 卷物有六件，牛油果同軟殼蟹幾夾，再加埋蟹子，口感豐富 😉🍤 芝士炸蝦卷 - 都係有六件，蝦好大隻又炸得香口，再加上火炙過嘅芝士，口感豐富 🤗🦀 蟹皇丼 - 有拆咗肉嘅蟹肉、三文魚子、海膽同玉子。份量充足一唔孤寒，真係啖啖肉！滿足 ☺️…查看更多

平日上去食晚餐，餐廳地方夠大夠寬敞，人數唔多，主要係印度食客，證明夠晒正宗。店主係嚟咗香港30幾年嘅印度尼泊爾人，識講廣東話， 熱情好客。我食唔到辣，佢幫我將所有嘢都減辣，貼心 ☺️Menu 選擇好多，有小食、Tandoori 、雞牛羊海鮮，當然仲有素食選擇。我哋兩個人眼闊肚窄，而且份量都幾大，結果食淨要打包。▫️🥔 Bombay Aloo 特式香料薯仔唔好以為係簡單嘅薯仔，配上印度香料，又炸得啱啱好， 好惹味！▫️🧀 Sizzling Paneer 特式印度燴芝士掙扎咗好耐要呢個定係 Palak Paneer，因為菠菜芝士一直係我最愛。結果呢個燴芝士都冇令我失望，好味。▫️🐟 Tandoori Fish - South Korean Fresh Water Thread Fin 香燒馬友魚呢個係我大力推薦，條魚夠晒肥美好有肉地，骨唔算多，容易入口，而且燒得啱啱好，夠晒香，正呀👍🏼▫️🧆 Dal Makhani 香滑黃豆蓉 & Green Onion Naan 薑蔥烤餅 & Pullau Rice 印度皇飯黃豆蓉係我另一大力推薦，有少少甜辣，黃豆蓉磨到好滑，配埋印式香料，再加埋薑蔥烤餅一齊食，索晒啲汁，正！至於個印度皇飯炒得粒粒分明，唔會油膩，加咗印式香料，味道夾得啱啱好，推薦👍🏼▫️🥥 Young Coconut 椰青 & 🍺 Asahi ▫️🥃 Cinnamon Whisky 肉桂威士忌呢個係店主送俾我哋嘅飯後餐飲，聞落去好香濃嘅肉桂味，唔錯唔錯👍🏼寬敞嘅環境餐廳位於一樓，幾容易搵…查看更多

由於太想念家鄉，一於豪一豪試吓呢個$1688 豐‧特上 omakase set。餐廳環境舒適，位置唔多，大概可以坐10個人，咁樣師傅可以有多啲時間同每一位食客交流。聽閒主理師傅Michael係前日本首相橋本龍太郎嘅御廚松戶利雄嘅徒弟，經驗十分豐富。咁就omakase（お任せ）「 拜託了」✨ ☕️ 一坐低先上熱茶同小食，有核桃小女子(玉筋魚、小梭子魚)，甜甜地嘅核桃加上醃製過嘅小女子，非常可口。另有柚子蘿蔔，蘿蔔切成厚片，酸酸甜甜，再加上薄薄嘅薑片，清甜開胃。 🥒 酸青瓜配菠菜 - 菠菜煮得爽身，酸青瓜嘅沙律醬份量適中。🦐 明蝦 - 肉質爽甜，彈牙得嚟又細綿黏口。🥚 明太子玉子燒 - 明太子份量啱啱好，唔會令玉子變得過鹹或者過辣，甜中帶辣，層次豐富。🍇 來自沖繩嘅海葡萄，其實係一種可食用嘅海藻，晶瑩剔透，味道鹹鮮，清甜爽口。🐚 然後係自家養殖嘅角螺，喺身後嘅魚缸拎出嚟，夠晒新鮮，夏天嘅角螺會比較爽甜，咬落爽脆彈牙。🤍 最後仲有北海道帶子，超爽超厚身，口感豐富。🦀 呢碟嘅重點除咗已拆肉嘅北海道毛蟹同味道濃郁嘅蟹膏，仲有當造嘅滋賀縣無花果，踏入五月成熟期嘅無花果果肉夠腍可以連皮食，旁邊仲有用自家釀製左3年嘅梅酒整成嘅啫喱，真係創意同味道都係一流💓🐟 刺身款式都唔少有右手邊嘅薄切鱆紅魚，灑上海膽粉，有啲鹹香，點埋柚子酸汁，完美。 左手邊底下係輕輕燒過嘅金目鯛，配上海膽同肉質鮮甜嘅白蝦。另外亦有螢光魷魚，新鮮爽彈。最後食嘅係大拖羅，完全冇渣，入口即溶，魚油豐富，最後就食埋靜岡番茄清清口入邊嘅味道。🍣 壽司有五款，壽司飯軟硬適中，師傅熟練嘅握功，壽司飯完全唔會散開。🐟 活赤貝 - 師傅𠝹花之後，上碟前用手拍拍，赤貝即刻伸縮，超級新鮮 ！🐟 左口魚配左口魚邊 - 火炙咗嘅左口魚，逼出油香，再配上左口魚邊嘅油脂，夠晒滋味 ！🐟 北海道銀雪魚 - 超級強勁嘅骨膠原，十分肥美，超贊 ！🐟 醬油漬吞拿魚 - 味道濃郁，肉質軟腍，魚味十足，完全冇根 。🐟 北海道根室海膽 - 肥美嘅根室海膽，入口即化，海膽鮮甜creamy。師傅話顏色越深味道越濃郁。🐮 宮崎A4和牛粒已經調好醬汁，配上蒜片一齊食，蒜香完全提升左和牛嘅味道。🦀 昆布紫蘇葉鱈場蟹 - 外表似紫菜卷，原來入邊包左鱈場蟹同紫蘇葉，炸得一啲都唔油膩， 好香口。最後仲有粟米芯天婦羅，爽甜嘅味道。🍲湯品有慢煮5小時嘅干貝大蜆湯，湯料豐富，鮮甜濃郁，讚！ 🍨甜品放入木色的格仔箱中，豆腐雪糕味道清清地，口感軟滑，唔會太甜。蜜瓜清甜多汁，天然健康。至於白兔入面嘅蜜瓜味卷蛋，份量適中，蜜瓜忌廉非常creamy，呢個配搭唔膩好味，完美嘅一餐。💓 每一道菜都係心機作，用嘅都係當造嘅食材，而且配搭新穎，非常值得一試！…查看更多

K11 Musea有唔少餐廳，一路以為DAMA只有雪糕，原來仲有鹹點同飲品。餐廳堂食位置唔多，有兩張檯同幾個counter位。裝修夠晒色彩啱晒打卡，而食物主打健康素食，都係好ig-able。同朋友兩個人嗌咗兩個餅捲套餐同埋雪糕做晚餐，$300埋單。CP值高，味道、健康同打卡都做到。▫️餅捲只有兩種選擇，日式麻醬烤豆腐卷同牛油果燒烤醬素菜卷，兩個叫晒。▫️日式麻醬烤豆腐卷 – 有百頁豆腐、毛豆、甘筍、羽衣甘藍、車厘茄，再配麻醬，口感豐富。▫️牛油果燒烤醬素菜卷 – 燒烤汁配牛油果，出奇地夾，素菜卷有好多款唔同配料，清新好味。▫️套餐仲配一杯自選飲品，嗌咗招牌水果烏龍茶同雜莓沙冰，怕甜可以叫少甜或無糖。飲起嚟比想像中清新。▫️食完鹹點就到雪糕，嗰日有3種味道 – 紅肉火龍果、菠蘿薑同綠茶。菠蘿薑味道有少少辣，夠晒醒神又特別。紅肉火龍果味道清甜，配埋朱古力味雞蛋仔，無用雞蛋整嘅雞蛋仔，係用咗植物奶同木薯粉等材料去整，外脆內煙韌，連埋新鮮生果同果仁一齊食，正！…查看更多

每當想食韓國嘢，自然就會諗起尖沙咀嘅韓國餐廳街，不過今次選擇咗喺美麗華廣場嘅呢間傳統米芝蓮韓國餐廳。有一段時間冇去美麗華，原來已經裝修咗， 4樓成層都係餐廳，新羅寶位置都幾方便易搵，枱同枱之間唔算太密集，仲有三間VIP房。仲有就係抽風系統做得好好，食完唔會有一陣韓燒味😂同朋友嗌咗個燒烤二人set，對於兩個女仔黎講份量都幾多，去到最後食唔晒。。▫️前菜食韓國菜點可以冇小碟前菜，媽媽的味道。▫️南瓜湯南瓜湯都幾清甜。跟餐仲有餐飲，我哋就嗌左兩杯啤酒。▫️雜錦煎餅煎餅分別係韭菜煎餅、薯仔煎餅同埋煎蠔餅。煎得乾身唔會太油膩，幾好！▫️雞肉、五花肉、牛排骨肉三款肉只有雞肉有醃過，味道啱啱好。牛排骨肉油脂分佈平均，有牛味。五花肉肉質都幾好，唔會太肥，食落無羶味，燒到脆口，唔會靭又唔會膩。▫️餃子年糕湯年糕片都幾多，仲有兩隻餃子，湯係傳統嘅牛骨湯，唔錯。▫️炒雜菜粉絲粉絲炒得乾身，唔會太油，韓國菜點可以冇佢。▫️石鍋飛魚子雜錦拌飯最後仲有個石鍋拌飯，撈埋辣醬，個底有啲飯焦，夠晒香。不過份量真係太多，食唔晒，嘥咗。。…查看更多

新年套餐有兩款，今次就食好少少，試吓658嘅HANWOO HERE套餐！套餐份量十分之多，兩個人食一定夠飽。▫️前菜、爐邊蛋同埋芝士粟米都係無限添加。▫️個擺盤好得意，牛肉放嘅位置係同部位匹配㗎。▫️大蔥牛脷 - 牛脷十分好味，連埋啲蔥一齊食，絕對冇膻味。正呀！▫️韓牛前胸肉 - 呢個位置口感比較實在，牛味比較重，唔錯。▫️醬油霜降牛小排 - 牛之中最鍾意食呢個，油花比較多，加上肉質比較軟身，鮮嫩又多汁。正呀！▫️厚切黑毛和牛 - 油脂都幾多，食落一啲都唔會韌，唔錯！▫️墨魚 - 都幾厚切，可能我哋燒得唔好，有啲韌，比較難嚼。▫️鰻魚 - 都幾大條，燒起上嚟有啲難度，有皮嗰邊比較容易焦。肉質彈牙，如果有鰻魚汁就一流啦。▫️韓式豬手 - 鍾意食呢個，有少少肥，食落口感一流又有骨膠原，用生菜包住蒜片、大醬食，一流！…查看更多

吉列炸牛扒定食 - 外面炸得鬆脆，入邊大概只有一成熟。等石燒上面嘅牛油完全溶化之後就可以放吉列牛扒上去燒，牛肉嘅牛脂再加上牛油，食落非常香，肉質亦好嫩滑，加埋吉列牛嘅脆邊，口感一流！頂級板腱牛扒定食 - 呢個係每日限量，落單嘅時候店員好貼心咁提醒牛板腱係牛嘅膊頭位，會比較瘦同埋中間有條筋，建議五成熟，要睇吓我哋啱唔啱食。雖然切起上嚟係有少少難度，食落亦比較韌，不過肉質鮮嫩有彈性，加埋炸蒜片、鹽同醬汁一齊食，唔錯。所有定食都會配上豆腐、沙律同埋飯素飯。而且牛嘅份量亦非常多，夠晒飽。而家仲做緊二人同行優惠，第二個人可以用半價享用六款指定定食，好抵。當日禮拜六餐廳長時間爆滿，要去記得book定枱呀。…查看更多