waipen的个人专页

之前曾經喺台灣食過嘅火鍋店，而家香港終於開咗第一間海外分店，要即刻嚟試吓。餐廳入面環境裝修得好靚呀，好舒服，好闊落，餐廳職員亦都禮貌非常好，又不停播台灣歌，職員會用普通話溝通，應該係台灣店既職員有黎香港幫手，好似真係去咗台灣咁。見到餐牌寫話台灣一年賣900萬鍋，有超過10款湯底，即刻揀咗一款賣到500萬鍋嘅招牌石頭湯同另一款年售200萬鍋嘅台式麻辣奶香湯嚟試吓係咪真係咁勁。呢度係用套餐形式叫嘅，一個套餐就包一個湯底一款煮食同埋出面就會有自助任食吧，仲要有埋飲品同甜品，最平$165就有交易。見平日午餐餐牌$88已經有個主菜火鍋加任食自助吧，非常抵食，午餐、晚餐都有100分鐘時間，夠晒時間食。我同朋友分別嗌咗手切溫體牛肉同埋極上無骨牛小排，啲肉相當靚仔，份量亦相當多佢有得揀少同埋大咁我就一份大一份少兩個人食啱啱好。湯底好快就上咗枱，蔬菜自助嘅配料亦都好新鮮，其中嘅蝦滑同埋丸類都好好食。火鍋套餐仲包一杯台式飲品同埋白飯或者粉麵最後仲有一個甜品送，十分之滿足。鎮店招牌石頭鍋，果然名不虛傳佢係用好多魷魚乾同海鮮類嘅乾爆炒之後配上昆布湯衣食嘅湯底非常之足料飲落好鮮甜又冇味精嘅感覺完全唔口渴。去到中途冇湯嘅時候職員仲會好熱心主動過嚟幫你加湯，佢哋加湯仲要唔係加水會問我哋係咩湯底之後，分別幫大家加屬於自己本身嘅湯底，十分之驚喜。成個set食晒之後真係超級飽，仲飲咗好多湯，我同朋友都好滿意一定會再幫襯…查看更多

今日同朋友去咗觀塘一間台式小店，由門口到店內佢都裝修得幾有台灣風味，入面仲好闊落。佢有好多款式既台灣野食，牛肉麵，魯肉飯，拌麵，鹽酥雞都有，而我同朋友就揀咗個台式火鍋雙人餐。我哋一人一個鍋，叫咗台式白胡椒鍋同牛骨沙茶鍋，佢餐廳中間仲有自助醬料吧同有得斟熱茶。蔥，蒜之類都擺得幾整齊乾淨。兩個火鍋湯底都好濃郁，我地都揀咗跟餐既牛肉，佢碟肉好大碟，仲有配埋既丸都好多款式有花枝丸，貢丸同燕餃，生菜同高麗菜都好新鮮跟餐仲有前菜既皮蛋豆腐同埋炸花枝丸。皮蛋豆腐就不過不失，但係炸花枝丸就好有驚喜！上到枱個陣仲係熱辣辣，同台灣夜市食到嘅差唔多，好好味佢個火鍋套餐真係好夠飽，仲配埋麵食同台式飲品，我叫咗個仙草奶綠只需要額外加$8，幾好飲。我同朋友就揀咗冬粉同皇子麵。我自己就好中意冬粉，佢同普通米粉，或者粉絲唔同，係煙in啲嘅米粉，十分之索湯又有啲咬口，配呢個沙茶湯底埋尾食真係一流最後仲有雪糕做甜品，係雲尼拿味雪糕，係好滿足嘅一餐…查看更多

今日收工之後約咗朋友係裕民坊食西餐。門口睇落乾淨企理，入到去個vibes幾好，播緊啲流行既英文歌。我地兩個人叫咗兩個主菜同一個黑松露薯條。晚餐仲包一杯32$ 既野飲同餐湯今晚晚餐個湯係甘筍湯，個湯都唔錯，食到啲甘筍蓉似乎仲有啲南瓜蓉，飲落幾清新1.炸軟殼蟹忌廉意大利飯個軟殼蟹炸得好脆，雖然望落細細隻但係又好有肉地，個忌廉汁味道食落唔會好Heavy，中間有啲黃椒，紅椒同露荀，加強口感之餘又令到個汁無咁單一。2.德國脆皮咸豬手配酸菜一上枱好驚喜因為好大碟份量好充足，個皮炸得好脆，都幾夠味，配埋沙律啱啱好，好夠飽，兩個人有啲食唔晒，因為真係好多肉，仲可以點啲蜜糖芥末醬，食落無咁漏。3.法式炸薯條配黑松露薯條炸得好脆，佢係用黑松露鹽，係幼身既薯條，好脆口，份量又係好大，兩個人食完主菜再食埋薯條真係好飽。跟餐既凍果茶就正正常常唔會話好甜埋單兩個人，每人$200 左右，食到咁大碟豬手真係幾唔錯…查看更多

終於嚟到呢間傳說中嘅打卡餐廳，門口環境已經見到好靚，入面裝修得都好適合打卡，仲要係寵物friendly，可以帶貓貓狗狗一齊黎。今次叫咗三樣嘢食，1.水牛芝士巴馬火腿無花果沙律首先有個水牛芝士巴馬火腿無花果沙律，賣相都好靚，味道都好清新配合得唔錯，啲水牛芝士大大嚿，好夠飽。2.牛小排紅咖喱意大利飯另外仲叫咗個牛小排紅咖喱意大利飯，啲牛小排生熟到啱啱好都幾嫩滑，個味道酸酸甜甜加少少辣辣平衡得幾好，入面有芝士，蕃茄同菠蘿，唔好望佢細細份咁都幾夠飽。3.焦糖卡士達疏乎厘班戟之後就係睇餐牌已經好期待嘅甜品，焦糖卡士達疏乎厘班戟，一上枱已經聞到好香嘅蛋香味，個班戟好厚好鬆軟，又夠晒香甜，有啲餅碎增加返啲口感，做甜品收尾，好滿足，同埋又好飽，佢啲醬又夠晒多，打卡影到佢啲相流晒出嚟好吸引。飲品就叫咗個陳皮洛神花茶同埋焦糖餅咖啡，個陳皮洛神花茶嘅茶壺同茶杯造型好特別，陳皮洛神花茶感覺都幾消滯幾開胃，酸酸地中間又有少少陳皮嘅甜香味，個焦糖餅咖啡嘅焦糖餅好脆，甜到啱啱好，食少少之後塞埋杯咖啡入面，杯咖啡即刻加咗焦糖味。整體嚟講都幾滿意，啲位又好坐，又好適合打卡，食物質素都幾好，配搭幾特別。…查看更多

今日試左近期觀塘大熱嘅日式漢堡扒排唔到挽肉と米就試下呢間本土野先本身都擔心性價比未必高，但又出乎意料好唔錯喎😋仲要服務好好，店員好細心介紹野食1.手打芝士安格斯漢堡扒飯 配咖喱汁 （$128）📸一上枱啲芝士已經流左啲出黎都幾吸引，再加個流心嘅蛋黃打咭一流蘭王蛋黃好creamy，撈埋啲一齊食口感好正漢堡扒上面有蘭王蛋黃、蘿蔔蓉、加個自選嘅配菜（泡菜/酸瓜，店員提我地芝士就唔好配泡菜會唔好食🤫）個漢堡扒生熟度岩岩好，好重牛味，又夠厚肉，都幾juicy平時食漢堡扒最怕濟，但佢上面啲蘿蔔蓉同酸瓜平衡得幾好，享受到啲肉之餘又冇咁易食濟咖喱汁老闆話一流，又真係幾有誠意，唔係平時成日食到果啲味精包裝咖喱味，相對感覺輕盈啲，但味道又仍然好足好香2.手打和牛漢堡扒配漢堡汁（$118）同安格斯最大分別入呢個和牛明顯係再軟林好多，再juicy啲，但如果喜歡食牛味重啲嘅，安格斯個牛味就會再出啲汁方面，我個人就喜歡漢堡汁多啲，佢啲汁都係走輕盈路線，偏甜少少，呢個配左泡菜試下，泡菜比酸瓜酸好多，但夾埋偏甜嘅漢堡汁都幾夾、幾開胃，漢堡肉份量都好多3.吉列蠔 （跟餐加配$18）上枱個陣仲好熱，岩岩炸出黎、要讚佢幾有心思唔係求其比啲蛋黃醬你就算，係洋蔥青瓜（？）咁嘅醬，幾清新餐廳環境走日系路線，幾好坐，會播啲幾hit既日文歌，價錢唔係話特別平，不過都物有所值👍🏻，收工去食都keep住有人入座，走個陣出面仲要排隊…查看更多

呢間西餐開係東廣場既正中間，行入啲就會見到，因為佢算係商場佔地最大既餐廳，望落特別氣派。東廣場係觀塘地鐵站行5分鐘就會到，都算方便。今次同朋友黎叫左一份沙律同一份主食，加多兩杯野飲同甜品。先上菜既係芒果牛油果蟹肉沙律切開黎睇顏色好豐富，食落都好清新，啲蟹味咸咸地又幾夾芒果既甜味，因為有牛油果，食完都有啲飽。之後上菜既係美國香煎雞胸，佢伴碟既汁好香，配埋隔離啲蔬菜食，感覺健康又入味，雞胸煎得好脆又唔會好鞋，岩晒中意健身既朋友。仲要好大塊，一個人應該食唔晒。飲埋個羽衣甘藍汁同香蕉牛油果奶昔，真係飽晒，兩杯飲品都唔會好甜，飲得出係生果鮮榨，無溝好多糖。最後食埋個tiramisu收尾，咖啡味濃郁，成餐都好滿足，食完之後比我既感覺係，佢啲既食物同飲品都係健康清新，唔會重甜又唔會好咸，味道岩岩好，一定會再去埋單兩個人每人200幾蚊左右，值回票價，餐廳既侍應服務都好周到，換主食同甜品都會係上餐前幫你換好新既碟…查看更多

呢間nuttea係銅鑼灣地鐵站times square出口，落去city super方向就會輕易搵到。鋪頭位於city super裡面，一落電梯就會望到。Nuttea主打堅果類沖泡而成既奶蓋，同一般奶蓋大有不同，我本身都好中意榛子味嘅食物同甜品，諗都無諗就決定左要伯爵朱古力堅果奶蓋茶。現場都等左一陣先拎到飲品，因為佢每杯都即刻沖而唔係就咁倒比我。個杯蓋好好用，反起就可以直接飲，店員仲會比多枝匙羹提你可以就咁食啲奶蓋，我原本仲驚會太咸，或者重奶蘇味，但食落完全唔蘇，仲好重nuts味，就咁食都好過癮。食左幾啖，再配埋啲earl grey一齊飲，個味道好滿足又唔會好漏，我個人好中意呢款堅果味既配搭，絕對係值得再飲。…查看更多

呢間韓式餐廳喺觀塘APM隔離個座商廈入面，觀塘地鐵站行5分鐘就會見到。我星期一收工黎食，1900左右黎到已經要排隊，好彩我有book位，咁就唔洗等。入到去佢大致上都係卡位嚟嘅，佢個環境好闊落，坐得幾舒服，餐廳入面有好多個電視播緊韓國嘅MV，十分之有韓國feel。佢晚市有啲二人套餐同四人套餐，不過我同朋友兩個人就決定左散叫，因為我地驚食唔晒。我哋全晚叫咗一份韓式原味炸雞，蟹黃炒淮山麵同埋一個炸紫菜卷，佢炸雞有得揀一份同半份，我哋就揀咗一份。首先上枱既係蟹皇炒淮山麵：呢個麵相當有驚喜，因為好少見其他韓國餐廳有咁嘅口味嘅炒麵，佢個麵仲要係非常之煙韌一啲都唔林，好夾佢嗰個蟹黃汁，味道好好，少少甜撈埋啲蟹子一齊食，我同朋友好快就清晒成碟。食完個麵岩岩好就有炸雞送到。佢個炸雞勁熱辣辣，忍唔住拎黎食嗰陣差啲熱到辣親手，佢地好貼心炸雞上枱個陣會連埋骨盤同手套一齊比你，咁就唔會食到成手都係。跟呢個原味炸雞仲有兩個醬汁，一款係甜酸醬，另一款就係蜜糖芥末味嘅蛋黃醬，我就好鍾意呢個蛋黃醬。好夾佢個炸粉同雞肉。搣開佢啲雞仲會見到出晒煙好多肉汁流出黎，非常之好味，佢既一份雞，我同朋友都有啲食唔晒，入面有雞翼，雞上髀同雞鎚，好大份。食完個炸雞同炒淮山麵其實已經好飽，最後食呢個炸紫菜卷都爭啲食唔晒，但佢又好香口，出面係炸紫菜包住，入面原來係粉絲黎，口感好得意，食落唔會滯，最後同朋友都清得晒全枱既食物。今餐非常之滿足而且價錢都唔貴，兩個人$200都唔使就可以落樓，總數$360左右。食物水準好高，絕對會為左淮山麵同炸雞而番黎再食…查看更多

今次嚟到呢間餐廳喺觀塘地鐵站B出口要行大約10分鐘左右，佢喺成業街一間工廈入面上4樓。呢間餐廳主打韓式風格，店內店外都有可愛同特別既佈置。入到去感覺幾chill，仲有播緊廣東歌同kpop。今次同朋友各自都叫左個韓式三文治餐，有跟一杯熱飲。我地分別叫左黑毛豬同爆芝蛋帕馬三文治。份三文治即叫即整，到上枱既時候相當有驚喜，因為賣相好好，仲要超大份我食個份黑毛豬每一啖都咬到好多肉，配埋啲西生菜同芝士，味道好豐富，個包仲要烘到熱辣辣，好脆，味道唔錯。而我朋友果份仲誇張，係超多蛋，直頭爆出黎咁，我諗一個人食佢個款三文治都有機會食唔晒，食一份都好夠飽，佢蛋中間仲夾住啲帕馬火腿，咸咸地既香味，係同黑毛豬唔同，我比較中意佢帕馬火腿個種咸香，兩款三文治都好抵食。之後我地叫左杯熱latte同coffee，latte幾香唔會太多奶，本身已經落左糖，甜味岩岩好，而朋友都話佢本熱咖啡唔錯，飲到咖啡豆既香味。個杯身仲有個可愛貼紙呢個價錢人均$40 左右仲要跟熱飲，真係唔話得，好抵食，而且味道好好…查看更多

呢間cafe係朗豪坊正中間，佢係設有每人最低消費$70不過佢一杯咖啡都成$60左右，所以其實兩個人去再叫多一件cake就啱啱好夠最低消費。佢咖啡嘅定價都算貴不過飲落又真係同Starbucks Pacific呢啲唔一樣，佢嘅咖啡豆係有啲酸澀，但好香口，唔會苦，叫左一杯steam同latte 都好好飲。個latte入面有啲蜜糖，味道幾夾。蛋糕就普普通通唔係話特別好食，唔會好甜，配埋咖啡飲係幾唔錯…查看更多

呢間牛大人係Apm鱷魚恤5樓，如果無網上訂位，基本上都無乜可能即時拎飛就有得入去食。牛大人有3款既肉類任食選擇，最貴既有澳洲和牛食，但我今次就無叫到最貴個set，叫左中間價位既牛都好好食。佢任拎既菜同飲品都好多種類，而且菜同丸好擺得好乾淨，望落好整齊。菜同丸都好食，唔會爛晒同埋三尖八角。晚市一個人連加一300$ 都唔洗，仲有2個鐘可以食，唔洗排隊既話絕對係抵食又好味…查看更多

今日係星期六，壽司郎10:30就開門，早左半個鐘嚟排隊，係佢一開嘅時候就已經可以入去食，其實都唔算等得好耐。入到去係有60分鐘嘅時間俾你食，所有嘅壽司其實都好抵，味道都唔錯。當中我認為最值得食嘅就係期間推出緊嘅特大油甘魚腩，特大拖羅同埋軟殼蟹呢三款都超大碟，而且魚無筋好新鮮，拖羅入口即溶都係27$ ，呢個價錢絕對係超值，軟殼蟹簡直係可以用誇張黎形容，啲蟹係完全蓋住啲飯，成半隻蟹咁。好好味佢啲甜品同雪糕都值得食。如果平時唔洗排隊，一定係會揀壽司朗。…查看更多

呢間千兩嘅環境幾舒服，幾靜、坐得幾闊落。呢一個卷真係滿足晒咁多個願望，上面啲配料好豐富，又有好多款，都算幾好食，食落幾新鮮。呢個卷都算幾抵。呢個三文魚三味，味道就極普通，好似去食元氣咁嘅味，但價錢就貴咗幾倍。而呢一個帶子柞薯餅就值得一讚，佢揸到外脆內軟，配左啲明太子醬賣相都算唔錯。入面流心啲cream好味，都有啲帶子肉食到。呢個醬油漬吞拿魚入口即溶，冇筋都算係幾好食，價錢亦唔太貴都值得叫一叫。個軟殼蟹手卷就冇乜特別，啲肉好少，得啲蟹腳，除咗多咗啲菜，同元氣嘅一模一樣。呢個鮟康魚肝，我個人認為就冇乜特別，唔係太香，不過慶幸都冇腥味嘅。總體來講，就比較普通，但價錢都唔算太貴嘅，搵唔到食咩嘅時候，食下都唔會話太過失望。…查看更多

嗰日lunch選擇去咗淘大嘅牛角次男方坊食，見門口冇乜人，好快就入到去。佢係採取先付款買嘢食後入座嘅政策嘅。Lunch就有得揀自選雙併，我就揀咗牛腹腩同牛舌嘅配搭。另加一個麵豉湯，同一個可樂，就70幾蚊。食落比我想像中嘅好食，牛舌就一般般啦，有少少韌同埋冇乜牛味。牛腹腩就有少少驚喜，食落都好肥美，都幾嫩口，牛味都幾重。啲汁就偏甜嘅，但係配搭落去都唔錯，餸同埋汁份量就啱啱好可以送晒啲飯。Lunch呢個價錢同呢個味道來講，都算係唔錯。…查看更多

我下午五點幾去到嘅時候，完全唔需要等位，輕鬆就入到去啦。五點幾嘅時候，仲有得食下午茶餐，價錢呢非常之抵，但係明顯份量就比較少。所以我哋兩個人，其實係當晚餐咁食，所以就叫咗四個餐。我見佢嘅餐牌其實都幾多款食，好似有好多好正宗嘅新加坡菜咁。我哋穩陣啲就先叫咗一個咖央多，一上枱熱辣辣、脆卜卜，仲配左兩隻溫泉蛋俾我哋點嚟食。味道非常之唔錯，亦都唔算太甜，我諗算係適合香港人嘅口味。之後就嚟咗米紙卷，米紙卷裏面全部都係蔬菜，冇乜味道，配上芒果醬，得芒果醬有味。佢之後就嚟咗一個鴨胸摻摻，啲鴨胸就冇乜特別，個皮有啲硬，咬唔開。但本身味道都OK，少少辣，都算幾惹味。 米粉都算幾爽口，所以整體來講呢都唔錯嘅。最後就係一個炸雞扒雞油飯，個大雞扒就一般般，似台式嗰種炸雞扒多啲。而個雞油飯佢就有花生、魚乾配搭其實味道都唔錯，但就稍為普通左一啲。呢間餐廳總體來講性價比都算高，下午茶諗唔到食咩嘅話，平平哋都可以考慮。…查看更多