guccib的个人专页

作為尖沙咀的熱門打卡地,K11購物藝術館旗下的音樂餐廳絕對是個不能錯過的好去處。這裏不僅供應美味佳餚,更會在週五、六晚上提供現場音樂演出,為用餐增添了絕妙的藝術氣息。一踏進餐廳,迷人音樂悠悠飄來,頓時就讓人放鬆了下來。我們選了個靠窗的位置,可以一邊欣賞外頭繁華的街景,一邊沉浸在音樂的魅力之中。我們點了一系列的特色菜式,味道都非常出色。首先推介的是「all day breakfast」,裡頭有各種美味的早餐元素,如香濃的燒羊肉、甜脆的珍珠洋蔥,以及黑松露炒什錦菌菇,口感層次豐富,令人百吃不厭。接著上桌的是「魚子牛乳滑蛋」,蛋液細滑綿密,上面還鋪著一層金黃酥脆的魚子醬,既高貴又美味。「香烤蘋果馬鈴薯」也是一大亮點,薯仔外酥內軟,淋上濃郁的奶油醬汁,簡直是人間美味。除了這些主菜,我們還點了一些配菜,如清新怡人的「田園沙律」,以及香濃醇厚的「法式奶油焗薯」。最後來一個酥脆可口的「牛角包」作為甜品,簡直是完美收尾。另一道叫好又叫座的菜式是「XO醬炒虎蝦奶油扁意粉」,蝦肉彈牙鮮甜,與濃郁的XO醬和奶油醬汁絕妙搭配,讓人忍不住一口接一口。我們最後還點了「香烤新西蘭肉眼」和「焗番薯配菜」,肉質鮮嫩多汁,搭配焗得香噴噴的番薯,簡直是肉食者的天堂。總的來說,這裏的菜式不論在口味、質感還是視覺呈現上都堪稱一流。加上現場優雅動人的音樂演奏,使整個用餐過程都充滿了美好的藝術氣息。難怪會吸引這麼多食客慕名而來,實在是尖沙咀的一大亮點。下次來香港一定要再來打卡,感受這裏獨特的音樂餐廳魅力!…查看更多

一直都心心念念好耐冇去過牧羊少年啊由以前喺深水埗嘅細細間店已經去過而家竟然變到咁大間。而且裝修超靚空間感好大同埋有好多唔同植物，一直都係鍾意佢嘅漂書嘅概念而家已經少咗人睇書但係佢哋收納唔同書籍好啱呢啲我鍾意睇書嘅嘢人。餐牌真係超多嘢揀，而且見到佢有二人套餐四人套餐全部都價錢兩百幾蚊就有，喺呢個環境真係幾抵食而且啲嘢都好好我哋叫咗希臘沙律，意粉同埋雞翼。全部味道都好正而且亦都大大份有心思。尤其是佢個意粉入邊有幾隻大蝦都好新鮮，同埋好多肉碎所以好惹味。另外希臘沙律係我勁鍾意食嘅菜式呢度份量好大而且而且見佢係一人餐的話仲有得點半份雞翼炸得好香口，而且有得選擇點五點醬汁真係好正。舖頭食多好多打卡位勁鍾意呀。飲品餐牌亦都好多選擇有果汁沙冰咖啡唔同嘅茶，啱晒唔同人心水而且仲見到有啤酒同埋特別嘅特調飲品甚至係奶蓋都有。…查看更多

一入到去餐廳店員已經好熱情咁招待安排咗位置俾我哋，出邊有大魚缸活海鮮不過因為我哋只得兩個人食飯所以並冇叫太多海鮮。環境都好闊落而且啲枱都好大所以坐得好舒適最緊要啲店員好親切所以好唔錯。我哋點左幾款食物最鍾意嘅就係呢一款鵝肝因為真係非常之厚，而且仲可以捱本分所以兩個人分享都可以食得晒唔驚潮州菜一定要咁多人一齊食。另外雞頸肉超級爽口估唔到咁好食，而且調味好好我哋另外仲叫咗個潮州炒飯，配埋一齊食簡直係一流。另外餐廳都提供時令嘅菜式，例如就算連蔬菜都會有時令，我哋點咗菜心另外配上調味熱辣辣非常好食而且真係勁大份。而且所有嘢都好足料推薦推薦。…查看更多

同事生日收工齊齊去試下旺角尼間烤魚工房，近地鐵站夠方便。一上去見到餐廳五光十色嘅霓虹燈牌好夠氣氛！9點到埗店員安排我地4人坐卡位，地方闊落，仲推薦我地叫夜晚9點後嘅特價宵夜set。我地叫左鮮青椒味烤江團魚，set餐有得揀四款串燒，我地揀左韭菜、粟米、雞腎同肥腸，樣樣都熱辣辣。同事叫左藍妹，我唔飲酒就叫左至尊生果茶同冰爽葡萄紅柚，有得少冰少甜十分貼心！生果茶滿滿生果有蘋果、橙、士多啤梨、火龍果、百香果，仲有椰果增加口感！葡萄柚都有好多果肉，兩杯野勁大杯，酸酸甜甜啱晒食辣野解渴！飲住野食住串燒，主角大大鍋烤江團魚就上枱喇，條魚勁大，面頭鋪滿青紅椒花椒，仲有豆花送，放系鍋湯慢慢吸汁！烤左十靚分鐘滾起食得，鍾意食魚但又怕腥嘅我地，尼條魚絕對無尼個問題，嫰滑又唔算多骨，湯底麻麻辣辣，食左豆花之後大家都覺得唔好嘥左個湯，加多份火鍋粉同蔬菜組合，倒埋落去慢慢煮，吸晒麻辣汁超正！我地仲叫左烤茄子、烤羊架、烤扇貝、烤鮑魚。茄子得我食所以專登試下中辣多蒜，辣度十足蒜茸又惹味！羊架有少少肥膏，肉質好稔！鮑魚烤得啱啱好，大大隻扇貝上面鋪滿粉絲，撈埋食一流！店員服務好周到，時不時幫我地加湯加火種。有魚有肉有菜大家都食得好滿足，環境同食物都好啱打卡！推薦大家試試！…查看更多

一大班朋友去旺角有乜好食呢？，今晚介紹呢間正正喺登打士街廣場2字樓，呢間餐廳燈火通明有20多張枱，可以足足容納100人用餐，大部份都係四人座位，我哋坐低就order咗江圍魚烤魚煱，來的是大大條的江團魚，足足有10寸長，加上鋪滿紅綠青椒，麻辣配料，火紅紅的一盤，湯滾開了，條魚非常新鮮，尤其是背部嫩滑滑，白雪雪的魚肉，經過我們大大口口的吞進嘴內，滿口都是麻麻辣辣，極之嘢味，我哋好快order咗藍妹生啤，配特色燒烤貝類海鮮鮮，方便的二維碼落單，配搭孜然粉烤羊架，孜然粉，再加上燒烤上碟熱烘烘的，羊架油脂，香溢滿口，另外我哋亦都叫咗兩杯蘋果蘆薈綠茶同埋至尊水果茶，多種的水果，紅紅綠綠，大大杯配搭燒烤海鮮，真是絕配，跟住落嚟我哋叫咗蒜蓉烤鮑魚，生蠔，扇貝，最重要的是我們選擇左兩種味道就係蒜蓉和蒜辣味，呢幾款海產非常之新鮮，而且好嫩滑多汁，不會過火，貝殼海鮮恰到好處，佢哋嘅烤茄子，大大塊片開兩邊，滿滿都是蒜蓉醬，非常惹味，三五知己喺旺角區，呢間BBQ燒烤魚店值得我哋一再嚐試。…查看更多

同區搵餐廳見到新開嘅燒肉店，殿堂の燒肉。見到係單點燒肉，燒肉の鬼馬上去試吓。刺身和牛他他 擺盤好用心，將生蛋穿開，然後配搭自己喜歡嘅材料：蔥花，京蔥，Wasabi，鹽，青檸。溝埋真係好好食最後食塊薑片，清清個味蕾。法式鵝肝多士鵝肝配上蘋果好清新，而且減少油膩感。大阪城和牛4點盛合一上枱已經好誇張，有三款日本和牛，三角腩，和牛肋條等。店員話呢個係殿堂級推介，用日本直送嘅和牛做嘅精選😍另外有我最喜歡嘅厚牛舌，設計好得意可以用個夾夾檸檬汁唔使整污糟隻手。大蜆冷麵呢個又係值得一題嘅佳作，超大隻蜆，已經好打卡，配上掛湯既調味，非常開胃。牛油果軟殼蟹沙律勁大隻軟殼蟹，牛油果裝着醬汁，感覺幾新穎，食完咁多和牛，舒服晒。仲有叫咗小食味淋網燒魚乾，芥末秋葵車厘茄漬，都唔錯呀。…查看更多

終於見到唔洗排隊，之前都食過幾次，刺身都幾新鮮下，今次坐底，見到有個新menu有兩個餐，一個係手握壽司set，另一個係串燒set，2個人唔洗諗，每樣叫左1set試試。兩個set既前菜都唔同，其中有個白色粟米，超甜超好食🥰。主菜黎啦，壽司共有13件，大拖、海膽夠新鮮就唔多講，已經係omakase既級數，唔洗點豉油先可以食到每件既鮮味，仲有件吞拿魚蓉手卷，超滿足，最後埋尾有碗奶白色既鯛魚湯，飲埋就真係飽飽😎😎😎😎。另外一個串燒set，有雞翼、雞肉丸子、雞肝、雞心等等，好有日本街邊串燒風味，串串都燒到岩岩好，有小小燶邊，脆得黎又唔過火，跟住有超大隻鮑魚、和牛、超大隻虎蝦，堅好食，仲跟左個雞白湯麵，個湯超濃郁，仲濃味過平時拉麵鋪d雞白湯，唯一挑剔既地方就係麵身淋左d，真係美中不足，再硬番小小就very good👍👍👍👍! 另外加分地方係服務非常好，環境都唔錯🙂🙂🙂…查看更多

去咗尖沙嘴東K11特色川菜館晚飯。餐廳叫＂蜀客＂主要以川菜為主，餐廳燈線非常之柔和，可以走出外邊有一個露台可以眺望維多利亞港，我們坐地之後之後。點左蝦仁，在白色的大碟上，大蝦經過油炸後，淋加特別的辣汁，大蝦相當新鮮，配搭香脆的腰果，非常適合佐酒。瑤柱豆苗蟹粉，將蟹粉和瑤柱，豆苗輕輕用雞油炒過，食完之後嘴瑤柱和蟹粉味道配合得剛剛好。招牌菜當然是川菜的麻辣鍋，有鴨血，牛百葉，午餐肉，大盤有八角，草果，蔥花，芫荽，紅椒，花椒油，材料十足，睇見都胃口大開，鍾意麻辣的朋友肯定喜歡這個菜式。跟住又是送酒的菜式，椒鹽豆腐，豆腐加上少許炸粉，經過油泡後加上少許五香椒鹽，淋上少許醬汁，好有豆腐味和外脆皮。油浸菜心帶子，新鮮加上上湯和菜心，都幾清淡。香煎藕餅，蓮藕切片夜釀豬肉碎，煎香，非常有爽脆。杏香蝦球，先將大蝦球走油，加上杏仁和調製過的醬汁，擺碟上有青瓜，大飽口福後加上飯後甜品，薑汁湯圓，和豆腐花，呢一餐飽飽的，圓圓滿滿的富足晚餐…查看更多

名人推介的牛腩粉專門店，以新鮮牛腩製作既招牌清湯坑腩河，牛腩鬆軟又有肉香，覺得佢哋嘅牛腩最出色，食落薄膜和豐富的膠質，爽軟不硬湯底清甜不膩另有有清湯腩及咖喱牛腩兩大類唔同口味，配粉麵可單拼、雙拼、三拼，可撈可放湯。咖喱湯底嘅味道濃淡得宜。我咖喱味道配埋清湯口味一流，超好食嘅牛腩再加埋最愛嘅咖喱。小食方面點左醉雞，份量多而且肉質嫩，淡淡雞肉嘅味道再配埋適當的酒，美味又香。呢個價錢食到咁大份嘅雞，超級抵而且地方方便喺正觀塘，打工仔外賣返Office食都係一個非常唔錯嘅選擇而且佢外賣包得妥當，會分幾個包裝，所以返到Office都仲係好好味。…查看更多

試過尖沙咀嗰間已經覺得啲肉類好正，今次去香港島就決定搭去佢哋分店食個lunch，午餐有七折好抵，而且肉嘅質素真係非常好。叫咗個九宮格，和牛牛三角，prime 牛，厚牛舌，薄牛舌，同埋飲品。啲牛肉真係勁正而且尤其是和牛牛三角，用呢個價錢食嘢我真係喺香港未試過，因為出邊食普遍咁樣嘅黃牛已經要差唔多兩三百蚊一碟，仲要份量比得咁足，每塊都超好食。見到佢啲油花真係舔舔脷，見到佢哋換咗啲新嘅爐具燒嘅效果差唔多，不過張枱都幾靚。另外試埋呢個prime.一樣嫩冇和牛咁油膩肉味比較濃，又係呢啲，折埋唔洗一舊水一碟邊道搵。重頭戲。九宮燒牛盛盒，每款牛肉有啲，尤其是佢醃製嘅牛肉我勁鍾意因為個味比較少食到，非常香口。中間和牛油花超勁又係我嘅最愛。我諗厚牛舌呢個都勁多人推介，眼見應該有10mm ，而且完全冇嗰啲根位，咬落去爽、滑、香、濃。超好食，而且可以掌握溫度。呢個又係超級抵，有成二十塊而且好大大件。必須食。超滿意嘅一餐而且啲同事服務都OK，一叫到即刻應，掉筷子即刻幫手執。…查看更多

因疫情關係，去咗一間旺角餃子館，店舖的名叫做＂餃掂＂，我們order左之後，大概15分鐘，服務員裝好我們點的幾款餃子，其中包括野生黑松露素餃子，素餃子，大滿貫煎餃子，在加上主食，四川涼麵，重慶鮮肉雲吞，小食有黃金皮蛋，雖然是打包回家食，回家之後煎餃子依然熱烘烘，再加上店舖特製的辣醬，值得一提的是鮮肉雲吞，本來以為紅紅的一層辣油，會好辣，吃上幾口，不覺得好辣， 味道剛剛好，晶瑩剔透的黃金皮蛋外皮，跳彈彈的外皮，加上金黃色的蛋黃，未食都已經流哂口水了，兩款煎素餃，外皮煎到微微焦脆，加上豉油和黑松露清香餡料，非常美味，四川涼麵，涼麵再加上大量碎的蒜頭同埋香蔥，麻油，麵條彈彈口，少少韌度，香煎軟心芝士煎餃，一咬下去是滿滿的流心芝士，加上少許醬汁，好好味，疫情之下是外賣的好選擇。…查看更多

約埋一班朋友去咗尖沙咀K11的一間川菜館晚飯。餐廳名字叫做＂蜀客＂環境闊落，走出餐廳外，有一個偌大的露台，可以遠觀維多利亞港的夜景。服務員安排坐位上之後點左，點左我最鍾意食的腰果蝦仁，上碟的時候非常有睇頭，在白色的大碟上，大蝦經過油泡後，加上甜酸和輕微的辣汁，大蝦隻隻都爽口彈牙，配合酥炸香脆的腰果，真是食指大動。炒三茹，冬菇經過切片和其他茹類。用特製的豉油，冬菇非常之入味，醬油亦不會太鹹，剛剛恰到好處。蟹粉瑤柱豆苗，好有心機的將蟹粉同埋瑤柱炒好後淋上翠綠的豆苗上，食完之後嘴裏還有蟹粉的餘香。終於嚟到川菜的招牌菜。紅油燴鴨血，牛百葉，午餐肉，睇見一大盤紅色加上大量蔥油，芫荽，紅椒，花椒油，材料十足，未食之前以為非常麻辣，但食進咀裏是可以接受的麻辣，之後頭都會留一點汗。最後吾少得的當然是甜品啦，煙煙銀銀的薑汁湯圓，加上薑味十足，甜到剛剛好的甜品後，就這樣完成視覺同埋味覺，視覺滿足的一餐晚飯。…查看更多

等咗好耐總算等到食大隻蟹季節了!所以訂了天文臺道8號"星薈"去品嚐大閘蟹!進入酒樓就被一 個無敵海景的露台吸引了!當然不忘先來個打卡!然後坐在靠落地玻璃一邊看著五光十色的夜景， 一邊品嚐我心愛的大閘蟹! 一坐低侍應立即問要飲橙汁還是花雕酒?我當然選與大閘蟹絕配的花雕酒啦!首先來一度小 食，包括有又爽又香的肴肉，及外脆內軟滑的豆腐，豆腐外皮炸非常香脆，而內面卻超級軟滑，然 後再來一籠蟹粉小籠包!一個字"正"!肉汁豐富蟹味濃郁! 品嚐完小食主角終於到了，侍應先來一隻公的大閘蟹，大約五両左右，一打開蟹蓋就聞到香噴噴的 蟹味!蟹膏飽滿肉質鮮嫩!近來抗疫的確令人疲勞!現在可以一邊品嚐大閘蟹!一邊看着香港的夜 景!一邊嘆番杯花雕!的確人是人生的一樂也!突然覺得所有壓力一掃而空! 吃完一隻公的，再來一隻乸，打開這一隻，重新再嚟一個大的驚喜!蟹膏飽滿色，色澤金黃，蟹香 味十足，未食已經流口水了! !吃完乸的接二連三在上另一隻公的!同樣非常美味! 飽嘗完大閘蟹，就來一碗粟米鮮蝦羹，裏面有幾隻大大隻又爽又鮮的蝦，真係非一般的粟米羹，吃 完粟米羹，再上一度紅糟菌皇金姿，初時看來以為一片一片微微金黃的是爽爽豬頸肉，但一入口才 知道是花姿餅做的，用味道濃郁的手打花姿餅切片，加上用翠玉瓜及其他配料，用紅糟汁炒制而 成，味非常特別而且好吃!吃到這裏已經超滿足了!但原來好戲在後頭!侍應再來一籠香噴噴的臘 味糯米飯，嘩!味道超香!須然已感到有點飽，但依然忍不住口繼續吃!然後再來精美甜點!享受 完一餐美味的大餐後，心情感到極為愉快!又到買單的時候，嘩!心情 更喜出望外原來是做緊抗優惠價!今晚這個一頓晚餐，食足三個鐘，真係可以用環境靚!食物正!價錢平!來形容!…查看更多

康城終於開新嘅餐廳，見到門口排晒長龍梗係要試吓。門口同事首先俾咗餐牌我哋睇一睇，見到門口LED推介嘅嘢食都好正例如有烤鴨、小籠包、宮保蝦球、小羊排、牛肋骨呢啲招牌菜式都好吸引。而且仲有新張優惠、啲相同埋食物都好似好吸引咁，經理同店員嘅服務亦都周到。我哋叫咗一份黃金鴨件，由於我哋五個人所以叫師傅加多左一件，而且配埋魚子醬可以自己控制份量非常用心。呢個部位聽店員介紹就係隻鴨最黃金最好味嘅位置，就好似鴨中拖羅。另外烤鴨亦都香酥而不膩，分量多而且皮脆肉滑。配料方面亦都會配上山楂、哈密瓜、京蔥、蒜蓉、等等配料。另外都點左啲點心，尤其是係佢啲小籠包湯汁非常豐滿，而且皮薄。入口果下真係要小心因為入邊超多湯汁而且又甜又新鮮好味。宮保蝦球嘅秘製醬汁條配得非常好食，而且每粒蝦都大大粒外皮非脆。而且我哋重點左松子魚個造型非常特別尾巴係曉起嘅，比起出邊食嘅松子魚都特別。另外椒鹽鴨㗎亦都非常嘢味好食。另外呢一個一品脆碎香超有驚喜，咬落爽口而且一啖過。整體來講食物有驚喜員工水準亦都訓練有素，舖頭嘅裝修同設計都好靚而且設有室外同埋包廂，應該會喺康城大熱！…查看更多

每逢節日一定要一班人食飯，不過而家有限最令出唔到去，所以決定梗係叫到會啦。平時都會通常都係Pizza或者炸雞、今次就試吓上海菜嘅到會。店員包裝非常細心而且保溫效果非常好。而且可以食到熱辣辣嘅點心，仲有佢哋馳名嘅招牌爆汁牛肉餅。果然名不虛傳，雖然有唔算係即刻煎出嚟最好食嗰個感覺，但係都依舊爆汁😆另外呢個必須要介紹啲皮炸得勁脆，而且醬汁亦分開上，非常好味。仲有一系列肉類同小菜例如醉雞、口水雞、黑松露蝦、酸菜龍躉魚等。除咗點心小菜之外而且仲會有啲菜類、飯或者面炒飯同埋我最鍾意食嘅上海粗炒都非常嘢味。好味！…查看更多