debbieww的个人专页

放工係元朗搵食時經過升哥點心同男友食咁多次日式野韓式西式野，但就一直未試過去飲茶食點心二話不說就決定入去食7點幾入唔駛等位，入邊都已經坐滿一半人睇Menu除左傳統點心，都有好多新派點心但今次主要食傳統點心！當然要食蝦餃、燒賣、菜苗餃呢三樣都有鮮蝦，都好大粒同彈牙，邊食邊覺得好幸福～同酒樓食有過之而無不及！高性價比小籠包，湯汁好鮮甜煎同香口野就有有蘿白糕，茄子，港式味道～值得一提，呢度既燉湯好有誠意！沙蔘玉竹花膠燉螺片足料，鮮甜同好夠火喉，一定要點！好特別既係，好多係一個人入去飲單人茶食蒸飯，呢度D蒸飯好大籠，下次黎要試試佢！…查看更多

今日有事出咗土瓜灣一轉，做完之後肚餓就同友人喺附近搵食。咁啱經過呢間金鶴拉麵，竟然開喺d咁偏嘅位，但呢間嘅店面同附近d店特別大對比，即管去試下。入到去原來有樓上雅座，成間店都係用沉穩嘅黑色做主調，明明係餐廳，但係每枱食客講嘢音量都好細，搞到我都唔敢太大聲講嘢。我鍾意呢間店嘅寧靜氣氛，幾有日本風，同之前去嘅拉麵店好唔同。朋友點咗蒲燒鰻魚飯$198，我就點招牌嘅金鶴雞白湯拉麵 $98，一齊share嚟食。金鶴雞白湯拉麵面頭有炸牛蒡，好脆口，平時唔食牛蒡嘅我都食晒。之前未食過雞湯做湯底嘅拉麵，個湯係濃濃雞香，但唔會覺得有油膩感，好好味呀！碗麵都好足料，有配雞肉同叉燒，個雞肉口感好得意，爽到唔似食緊雞肉咁！ 鰻魚飯係一set，有湯有前菜，湯唔係大路嘅味噌湯，睇返先知係鰻魚肝湯，好好利用咗食材！雖然一開頭覺得有d貴，但食完就覺得係值！首先個賣相好靚，條鰻魚好厚身，鋪滿成盒飯，同埋因為無骨好易入口，魚肉keep住有餘溫，加上鰻魚汁，係我食過最好食嘅鰻魚飯～仲有樣好笑嘢，友人去完店嘅廁所之後叫我都要去下。入到去，見到個女廁勁大，有自動揭蓋嘅馬桶，你地睇下洗手盆旁邊有咩，我睇到係日式嘅貼心，仲以為自己去咗酒店廁所。今次嚟係覺得好impressive，食完心滿意足。環境好，食物好食，店員好attentive，有日式嘅細心，住附近嘅可以多d留意呢間店！…查看更多

今日約左男朋友去YOHO MALL 睇戲，睇戲之前要搵野食醫下肚。黎之前一早search定食咩了，今次要食米芝蓮推介既日本野! 食拉麵jo!間店就係711對面，見到紅噹噹既招牌就知搵岩位。去到個時仲早，六點幾，所以就可以直接入坐，當時我地都超肚餓，再到遲DD就要等位了～雖然無見到人咁做，但Ｄ椅子既設計係咪俾人放隨身物品呢～拉麵jo個MENU睇到人眼花撩亂，好多選擇，樣樣都想食（流口水）。今次我地點左四樣野食，炸八爪魚球$48，蝦餃子$70，沾麵$89，特製低溫叉燒麵 $118，青森蘋果乳酸梳打$28。因為好肚餓，八爪魚球同蝦餃子一送到就旋風式食晒。第一次見蝦餃子，個賣相超靚，入面係韮菜豬肉，如果多Ｄ韮菜同煎得再脆Ｄ一定更好食～八爪魚球係岩岩整好，熱辣辣既八爪魚＊係我至愛～食落係好似大板食既口感！特製低溫叉燒麵一定係必定要影黎打卡用，賣相簡直係花咁，哈哈。第一次食用低溫整既肉，呢個叉燒味道好岩我口味～個拉麵湯底好濃，拉麵就偏軟身。而沾麵就麵就偏硬身，搭半肥瘦既豬肉加熱熱既濃湯，都唔錯！今次對拉麵jo店員特別印象深刻，佢地都好好禮貌。而且店員企位安排好，即使我地坐得比較入，都好易叫到店員點菜。我仲聽到有女店員好有耐性介紹每種湯底俾另一枱客聽，值得一讚。…查看更多

好耐之前都已經知道葵涌有間米線好好食，但我一直都無機會去個頭附近。今次終於有機會去食呢間，真係十分之期待😝😝我同男友係佢11點開店前已經去到，個時10點搭十左右就開始有3/4個人排隊！包括一位抱住bb黎嘅爸爸！原來好多都係外賣自取，包括我！我叫左小窩米線微辣加菜肉雲吞。雲吞滿滿白菜！最好食嘅係碗麵嘅靈魂！湯底同米線！湯底個隻酸甜好對到我嘅口味，真心係我食過嘅湯底內面最好食。而米線唔會太淋，有一定嘅咬口，而且湯汁會依附係米線。超好食…查看更多

之前餃子屋未裝修之前食一次，今年同男友一直都想食返呢間人氣餃子，今晚要去食啦！6點去到都已經滿座了，拎票等左10分鐘就有得入座。店舖大左但位都係有啲迫，不過可以多啲位就算啦我依然都係叫左韭菜湯餃6隻$34！因為多人，點完都要等一陣先上菜～韭菜餃子🥟依然無令人失望！每隻餃子嘅份量都好多都好大粒，餃子餡都係好正，好濃嘅韭菜味😋😋而湯底好清甜，太耐無飲湯了，飲下呢碗補數！男友點左三色椒加咖喱薯仔煎餃，兩隻味都好正！我覺得咖哩味好好食！Ps 唔知有無天水圍友覺得呢間餃子屋同新北江嘅餃子餃好似🧐🧐…查看更多

黎荃灣做野，每日返工都好期待同事帶我食好野！今次中午同同事去左附近食漁川米線！呢度啲卡位都幾迫，4人卡位都只係坐得啱啱好。黎呢度緊係試下出名嘅魚湯，我就點左手工墨魚餅米線，盛惠$38元。等左5分鐘左右就上菜！白色魚湯搭4舊墨魚餅。湯底我就覺得普普通通，魚味唔算太濃，不過不失咁。而我覺得最好食嘅係個4舊墨魚餅！！！個墨魚餅咬落好彈牙好爽，而且墨魚味濃，有墨魚嘅鮮甜，個啲普通墨魚丸係比唔上！米線嘅話，份量偏少，體力勞動完嘅我去食就唔夠飽…查看更多

今日同男友去左深水埗搵食今次我地黎試呢間食馬來西亞野食嘅蘇媽 蘇媽馬來西亞茶餐室！6點半左右去到唔駛等位直接入！個門面裝修好特別，有道小推門；而入面嘅裝修都好有心思！不過坐位就逼左啲。因為得2條友，好可惜無辦法點咁多野食。我地點左皇帝骨肉骨茶，馬來西亞咖哩麵同埋一杯檸檬薏米水。飲野就無咩特別，檸檬🍋味好重，薏米味無咩，而且仲煮得唔夠好硬。肉骨茶部分，店員會先倒2碗肉骨茶，如果唔係睇到人地點完肉骨茶嘅過程，就會諗肉呢？原來肉係後上嘅！我飲唔慣肉骨茶，我覺得好苦，而男友係覺得ok 嘅！我覺得馬來西亞咖哩幾特別，唔會太辣，而個麵好得意，好彈牙～…查看更多

今次有事同男友入左西貢，順便搵好野食！上網睇呢間小店嘅fish and chips係好正宗同好食，所以我地今次就食呢間！其實我一次都無叫過英式fish and chips黎食！係一個新嚐試！我地叫左一份細嘅fish and chips takeaway，盛惠$48！有唔同醬可以跟，我地唔知頭唔知路就亂點左他他醬。等左5分鐘左右，我地就拎去海旁個邊睇住海食賣相睇落好乾身，但塊魚切開，魚肉唔會乾。塊魚都算厚身，食起黎口感更好。但佢炸皮同肉分離左，男友話英國食個啲唔會咁。我地揀嘅他他醬好大蒜同洋蔥味，唔多啱我口味，點左幾下就會點了。…查看更多

呢排跟新阿姐係光輝圍做野，原來呢頭都有好多野食我地做野做到2點半先食lunch，咁就避開左打工仔學生哥食中午飯嘅人潮，唔駛我地等咁耐！菜單有牛，有豬等等選擇。今次我就揀左BBQ蛋豬堡，盛惠$31。大約等左10分鐘個取餐牌就震，可以去拎個包。拎返黎個時都係驚嘆緊個漢堡包真係好大大到都唔知點食好我另一位女同事選擇續層食，但我覺得要一啖咬晒每一層先得入面啲BBQ醬好多，多到必晒出黎。而層豬肉堡隻色同味道同牛好似😂😂成個包整得好有誠意！正…查看更多

最尾一次係荃灣區拍住呢位好人阿姐，佢就係今日帶我同另一位同事去食係熊貓酒店樓下嘅邪惡all the breakfast！睇menu都已經選擇困難症，阿姐強烈推薦食all the breakfast！話好大份好抵食！！我揀左田園烤雞扒早餐$84、要加一嘅。入面有煎雙蛋、雞扒、牛肉腸、兩塊薯餅、法式吐司🍞配蜂蜜。同埋有包一小杯沙律 🥗加熱綠茶。送到黎,個賣相好啱打卡！分量真係好大份。估唔到薯餅咁大舊。味道唔算獨特，就該有嘅味都有。…查看更多

第一日轉黎荃灣返工，阿頭話呢個星期一齊係荃灣食好野，正！今日佢帶埋我同另一位同事黎食呢間山西刀削麵😍之前同男友食過一次，今次要再次重溫下刀削麵！！！我地12點幾去食，始於都係食飯時間，我地等左十幾分鐘度。入面坐滿晒人，就知呢度嘅麵幾受歡迎！！我就點左菜餃子刀削湯麵🍜，要加一杯熱豆漿個湯底好好飲！個刀削麵口感煙un，口感一流！而且好吸湯汁呀，只係食麵都已經覺得好幸福～至於個白菜餃就不過不失，無咩特別呢間啲豆漿唔會太甜豆味濃～好飲！…查看更多

新北江呢間餃子店我去過無10次都有8次，一買野食就會諗到佢。次次去都有好多人去幫襯，食過咁多次，今次決定要寫返啲野去歌頌呢間小店！今次我都係叫返韭菜餃6隻，同埋加上海麵。之前一直都係食湯餃，今次決定轉轉佢，試下煎餃。雖然拎到返去無咁新鮮滾熱辣，但都係熱嘅。外皮煎得好脆，但個餃子餡係好juicy!呢間嘅韭菜餃嘅肉係有濃濃嘅醬，偏向濃味，適合重口味嘅人！煎餃配埋淅江紅醋係好好味！而呢度嘅湯底係無得輸！好鮮甜！而上海麵好有口感。…查看更多

今個星期難得係荃灣返工，阿姐帶左我地去食好野。佢話呢間紅茶佢成日食，個菠蘿油不得了，我同另一個細嘅都好期待。我地等左十幾分鐘就入得。間餐廳裝修走懷舊路線，入到去睇都有幾多位。我地要叫左啲lunch set，我就叫左泰式香茅飯$49，會跟一碗湯同飲品。今日嘅湯係蕃茄湯；飲品就叫左熱檸水。碗蕃茄湯隻色偏橙，而唔係紅色；內面好足料，滿滿洋蔥，飲起黎似重茄味嘅羅宋湯！而主菜，香茅豬一啲都唔泰式，無甜酸醬反而有好多汁。睇落似汁燒豬扒！呢份豬扒好好食，煎得好香，份量又多，連跟嘅菜都好好食，相當有誠意！推薦！最後，我地3個人share左一個新鮮出爐嘅菠蘿油，牛油完美溶化，完美嘅午餐！…查看更多

同好友隔左好耐先約到，係行海港城之前我地就係美麗華行左陣，見餓就搵下呢度有咩好食。原本想食漢堡包🍔，但見係對面嘅小食糖嘅裝修好特別，好多張中小學上堂嘅枱，感覺好懷舊。入到去坐，呢間餐廳嘅擺設好用心，有啲舊漫畫、舊相機。原來呢間係食台灣野，平時我地都鐘意食台灣野，所以決定一試。呢間係自助形式嘅餐廳，由落單、拎餐、收餐都自己黎。我叫左排骨麵同玫瑰洛神花茶，老實講，兩樣都係得個樣。麵嘅湯底好清淡，麵又唔吸湯汁個排骨一拎到黎就已經凍左個花茶超甜，洛神花味唔重…查看更多

我同男友都有睇開Ming 仔嘅片，去完佢九龍塘studio嘅外面望望，難得黎到呢一頭，咁就決定去埋ming仔推薦，位於樂富既食棧試試佢嘅燒鵝脾飯！因為係酒樓食要收茶錢，我地就買左外賣，除左燒鵝，我仲想試試呢度嘅叉燒，所以今次叫左叉鵝飯$60，未食過咁貴嘅燒味飯，哈哈拎住張收據去燒味部拎呢個貴價叉味飯！買飯會送一包紙包飲品！迫不及待就去左附近嘅公園開餐！師傅俾左燒 鵝 脾 呀！成個飯嘅賣相好吸引！叉燒見佢有切兩舊唔同叉燒，所以有肥有瘦，平時鐘意食瘦叉嘅我，今次竟然覺得肥叉好食啲！肥叉好入味又好咬口，瘦叉就太實！而燒鵝初頭食嘅外皮好脆，肉好入味，但厚肉個啲味道就差少少。飯淋嘅汁同出而燒味店嘅汁，味道好似唔同，好味啲咁（唔知係咪心理作用😂😂…查看更多