wilson0920的个人专页

由細到大都好鍾意食包，女友講左幾次話試下依間littlebao，結果二月十三黎左依度預祝情人節。可能係平日夜晚既關係，唔駛等就有位。叫左一個侍應推介既soft shell crab bao，一個pork belly bao，一客clams同一個Ice cream bao做dessert。個clams既湯底幾特別，用紹興酒做，不過d clams有d沙，扣d分。兩個bao入面，個pork belly bao好食d，塊肉加埋個包好夾，反而另一個就普普通通。反而最令人驚喜既係個Ice Cream bao！個炸bao配埋salted ice cream with caramel岩岩好，令人回味！Overall，用中式蒸包配搭西式burger既造法幾新鮮，不過未去到一試上癮既感覺。…查看更多

睇好多食評話座銀係全港最貴最好食既日式拉麵，女朋友都話有興趣，見今日去完中環AIA嘉年華之後就順便過去試下。七點鐘過到黎等左幾分鐘就有位，叫左雞白湯拉麵同海鮮雞湯拉麵各一碗，同埋一份炸雞。等左一陣就有得食，雞湯同海鮮湯底都好濃郁，不過d拉麵就好普通，可能我比較鍾意食d蛋味重d既麵。而兩片肉就更加普通，其中舊慢煮白雞肉仲有冰鮮既感覺。反而碟炸雞比預期中炸得好，唔算好油膩。Overall黎講碗麵唔算係差既，不過唔值百五蚊(連加一)一碗。…查看更多

同女朋友一直話要食生炒糯米飯，佢話要食灣仔強記美食，又係米芝蓮推介，拖左咁耐終於可以喺平安日食到。因為大家都放假既原故，所以可以晏就三點幾去食，完全唔駛排隊。叫左兩碗糯米飯，魚蛋燒賣蘿蔔各一份，好快就有得食。可能因為期望太高，碗糯米飯有少少失望，d臘腸都叫唔錯同埋d飯幾有糯米味既，不過就無喜出望外既感覺，反而蘿蔔就好甜幾有驚喜。Overall d野食都偏貴，可能因為租貴掛，不過d伙計都幾有人情味，有機會都可以再食。…查看更多

新鮮出爐既米芝蓮推介，lunch hour去到果時已經有十個人等緊，途中仲有東張西望訪問，不過低調既我地當然就拒絕左。大概等左三個字就有位，因為排緊隊果時已經落左單，所以好快d野食就到左。叫左招牌既滷肉飯，鹽酥雞飯同火腿肉鬆蛋餅。蛋餅沒有很好食，唔香，女朋友唔鍾意食咁淋既蛋餅。滷肉飯係主打，台灣入口，幾夠味仲唔會覺得好肥膩，但如果鍾意食好肥既人就未必岩。鹽酥雞炸完都幾嫩，仲有好多菜，粟米同豆腐，算幾好。Overall黎講未算好特別，價錢同茶木差唔多，而且位置有少少遠，未必會encore。…查看更多

女朋友話要食依間餃子屋好耐，上星期日終於有機會食到。大概六點半黎到已經有好多人排緊隊，用左三四個字等左十幾張枱終於到我地。張枱比平時餐廳細，張雙人枱剩係夠放兩碗餃子，對面坐走廊既太太仲成日話比人撞到。叫左個上湯杞子浸菜心，有十粒杞子都算有誠意，而且個湯好重魚味，唔錯！之後再等多三四個字d餃子先黎，有d耐，可能係因為好多外賣單。一黎到見到d餃子真係好大隻！！同女朋友加埋叫左十六隻，真係食到爆肚叫左四款唔同既餃，有韮菜，白菜，香菇同三色。韮菜同香菇餃好多蔬菜鮮味，而三色餃入面d椒仲出乎意外之甜，可惜白菜餃就普普通通。Overall間野係值得推介，只係等既時間有少少令人卻步。…查看更多

Come to this restaurant to celebrate my beloved’s birthday. Arrived on time at 8:30, we already got attracted by the decoration of the restaurant - a simple wooden table in which the Chiefs prepare the food in front of you.The first 4 dishes: truffles rice, 2 sashimi and abalone are already very good, while the upcoming sushi are just world class. They are served on the wooden table and you are requested to finish them by your own hand. Even for the dessert, the mochi was freshly made from a Kyoho Grape and it’s perfectly matched.It’s our first Omakase experience and we definitely love it!…查看更多