Kelkel.ho的個人專頁

星期六俾朋友帶去炑食日式廚師發辦，係除咗有刺身之外，亦有高質天婦羅嘅一餐。價錢同質素成正比，海鮮滿滿，性價比高。開始由靜岡番茄，酸甜清爽，開胃。前菜之後係茶碗蒸，蛋滑得來蛋味夠，仲有好多蟹肉，幾滿足。刺身有石鯛同兵庫生蠔。石鯛爽口彈牙，配柚子醬油同普通醬油都啱；生蠔海水味重，鮮甜。天婦羅係今次最喜歡的一環，即炸即食，粉漿好薄，剛好包住食材。• 瀨尿蝦同蠔• 粟米好甜• 山梨柿餅用紫蘇葉包住cream cheese，甜鹹香幾有層次主食係刺身丼，有海膽、牡丹蝦、中拖羅、大拖羅、火炙魚、薑蔥秋刀魚，一次過食到咁多款，非常豐富。最後有味噌湯同咖啡杏仁雪糕。雪糕有好多杏仁粒，咖啡味香濃。環境舒服乾淨，服務有禮，食物質素高，CP 值高。最深刻係天婦羅同海鮮滿滿的刺身丼。…查看更多

酒樓係灣仔樓上舖，平日星期四晚上都接近full house，可想而之食物質素同價錢都好吸引。簡單叫餸食飯，份量大到差點要打包。必點即燒乳豬，係店內招牌，仲可以細細份叫¼隻，肉厚皮脆，配夾包自己包住食，口感豐富，幾好味。另外點咗：• 滑蛋蝦仁煎米粉：底層煎得脆卜卜，蛋嫩蝦仁鮮甜，汁多夠入味。• 椒鹽鮮魷：炸得脆口，椒鹽香口，四人分一碟都覺得唔夠。服務員態度親切，食到尾聲話有免費糖水，可惜太飽冇位試。下次會留肚。…查看更多

最近去咗大坑「曦」的招牌Omakase，超滿足！環境舒適，光線柔和，服務貼心，平日星期二都滿座，超人氣！🥰🍙 食物亮點師傅建議刺身同壽司輕沾醬油Wasabi，突顯食材原味。選材新鮮，處理細緻，每件都驚喜！🍣 胡麻豆腐：軟滑，芝麻香濃，開胃。🍣 真鯛魚配紫蘇花：鮮嫩，清香好搭。🍣 鰆魚刺身：微炙，柚子胡椒提味，彈牙。🍣 象拔蚌刺身：爽脆清甜，滿足。🍣 鯖魚刺身：無腥味，入口順滑。🍣 魚湯：濃郁暖胃，海鮮風味足。🍣 池魚壽司：深海鹹香，風味獨特。🍣 牡丹蝦壽司：嫩滑，甜味自然。🍣 秋刀魚壽司：油脂豐富，薑蔥清新。🍣 蟹肉茶碗蒸：蟹肉滿滿，細膩溫暖。🍣 鰹魚壽司：鮮味濃，回味無窮。🍣 拖羅壽司：入口即化，蒜香提味，層次豐富。🍣 自家醃製鮟鱇魚肝：軟糯濃郁，份量足。🍣 海膽魚子迷你丼：海膽順滑，魚子爆汁，海味滿滿。🍣 雞湯素麵：清淡，份量適中。🍣 日本蜜瓜：超甜，完美收尾！🥳🌟 總結「曦」的Omakase用心製作，食材新鮮，味道同服務一流！今次平日晚上都全席滿座，證明人氣滿滿， 十分建議提早預約。…查看更多

今次同朋友一齊去日本旅行，勁掛住居酒屋，就決定去Mokumoku Yakiton試試。環境超chill，木製裝修加暖黃燈光，好似行入日本小店放鬆一刻。服務員好親切，上菜快手。價錢感覺超抵食，肉食控同朋友聚會必去！嗰晚食到好滿意，仲有燒菠蘿做甜品🎉🥢 蕃茄沙律- 開胃小品超醒胃，啖啖開胃🍴 德島生蠔 - 勁鮮甜，滑溜得想多啖✨🧄 蒜芯豬肉卷 - 必食，蒜香撲鼻✨🍗 雞翼串 - 皮脆肉嫩，juicy 得嚟又香口✨🥓 煙燻豬腩 - 煙韻撲鼻，配日式芥末醬🐷 豚肩肉 - 嫩滑同時燒又好香口🍢 豬腩串 - 肥瘦適中，汁多味濃，仲有炭香✨🍗 豬肝串 - 意外之喜，鮮嫩唔腥🥒 芝士萃肉瓜 - 芝士同肉瓜嘅奇妙配搭🍯 燒菠蘿 - 燒得香脆，有焦糖脆脆喺面，外脆內軟✨…查看更多

同朋友去咗彩羽壽司晚市Omakase，位於灣仔謝斐道，環境簡約又溫馨，坐喺吧枱睇住師傅即場手握壽司，充滿儀式感。餐單由刺身、壽司、熱食到甜品，層次分明，食材新鮮，味道有驚喜，仲得打卡。價錢方面，性價比得高。🔸 刺身師傅即場為煙燻鰹魚加泡泡煙霧，有視覺效果同打卡一流。另外，超愛生蠔，配上松露汁，勁高級，入口滑溜又帶多重香氣，層次提升咗好多。鮟鱇魚肝同泡芙合二為一，口感同造型好特別，令人眼前一亮。🔸 壽司壽司由清淡到濃味遞進，最愛拖羅同海膽。拖羅油脂分佈靚，入口即化；海膽鮮甜，加上有海帶，提升鮮味，味道更多層次，質素高。🔸 太卷彩羽太卷冇驚喜，拖羅、海膽、醬油漬蛋黃、青瓜包成一卷，入口爆汁又有層次，味道濃郁但唔膩，切面層層分明，好味道。🔸 甜品桃刨冰粉嫩夢幻，果肉同微甜冰粒清新收尾，仲要即場制作，超啱影相。另一個水果雪糕都好可愛，有熊仔加持。…查看更多

今日同朋友去 La Parrilla 食午餐，兩個人叫咗兩個 set，一齊 share，食得開心又唔會太飽滯。前菜有 Steak Tartare 同 Super Salad，牛肉新鮮，沙律爽口，開餐前食啱晒。主菜就揀咗 Flat Iron 牛排同燒雞。估唔到steakhouse 的燒雞真係有驚喜，超滑，唔乾，燒得好香。牛排就有 6款醬可以配，幾特別，食落唔悶，可以試唔同味道。配菜方面，Fries 香脆唔油，Marshes Potato 滑到好似忌廉咁，兩款都好夾主菜。餐廳環境寬敞，坐得舒服，唔會迫夾夾，啱晒慢慢傾計。地點就喺中環，近大館，行過去好方便，食完仲可以去附近行吓街。午市套餐價錢合理，兩個人 share 完覺得好滿足，會想再嚟。…查看更多

最近經過尖沙咀地鐵站，忍唔住入手咗西樹泡芙三款唔同味道嘅泡芙，包裝有心思，盒入面仲有冰袋，方便外帶返屋企慢慢嘆。🔸 熱情果荔枝泡芙（季節限定）一打開見到中間夾住粒荔枝，口感爽甜；Cream就係熱情果味，果香自然，食落層次感幾豐富。🔸 白桃乳酪泡芙乳酪餡滑溜溜，入口帶清新白桃香氣，甜度適中，成個味道簡約耐食，唔會太複雜，適合鍾意清爽口味嘅朋友。🔸 士多啤梨乳酪泡芙乳酪餡料同樣滑身，帶少少酸味提味，士多啤梨香氣唔算太強烈，但自然順口，甜度剛剛好，唔會假甜，整體清新。三款泡芙風格唔同但都走清新路線，冇誇張甜味，好啱夏天食。包裝夠細心，連帶回家都唔怕溶。…查看更多

一向都鍾意食西班牙菜，最吸引我嘅係 tapas 文化——細細碟可以試好多款，無需揀到頭痕，仲啱晒同人一齊分享。早前有朋友介紹話 La Paloma 嘅西班牙菜好地道，氣氛又輕鬆，所以某晚放工後就約咗一位朋友平日夜晚去試吓，感覺寫意又舒服。食咗幾款 tapas，驚喜唔少——好似喺西班牙街頭閒坐咁，真係幾放鬆。吞拿魚他他鮮味突出，配搭微酸嘅醃洋蔥幾開胃，第一啖就開心晒；鵝肝配多士香滑濃郁，多士脆口，一啖落去好滿足，大家都唔自覺咁慢慢咀嚼細味。西班牙火腿芝士三文治用咗伊比利亞火腿、黑松露同芝士，外脆內香，啖啖都拉出芝士絲，超治癒，影相打卡一流。鮮嫩八爪魚配薯仔、煙薰紅椒粉及橄欖油八爪魚煮得好嫩，薯仔吸晒橄欖油香氣，紅椒粉提味，簡單但唔失驚喜。甜品方面揀咗傳統西班牙炸脆條配朱古力醬及雲呢拿雪糕，炸得香脆唔油膩，配埋雪糕一齊食，有種幸福嘅感覺，完美收尾。成晚餐廳環境開揚又唔太嘈，兩個人坐得舒服，啱晒傾偈嘆晚餐。講到尾，嗰晚最吸引目光嘅，係幾乎每張枱都見到嗰碟巨型西班牙海鮮飯，份量誇張得嚟好吸引。雖然今次人數唔夠未試到，但已經默默bookmark咗落腦，下次如果揾多啲朋友一齊嚟，一定要叫嚟share住食，打卡都夠震撼！整體嚟講，食物有水準，氛圍舒服，無論係輕鬆晚餐定傾偈聚餐，都幾適合。有機會都想再嚟發掘多啲其他菜式。…查看更多

朋友拍板去Wingman食雞翼，環境輕鬆自在，專注食雞。今次我哋叫咗雞，全部都係雞，有24隻雞翼可以任揀四款唔同口味，再加埋兩款小食。如果食素嘅朋友都唔使擔心，加錢可以轉做植物肉，照食得開心。我哋揀咗黑椒檸檬、咖啡燒烤醬、金雞和自家製鹹蛋黃口味。最鍾意係黑椒檸檬，，酸酸胡椒味醒神；最驚喜就係咖啡燒烤醬，咖啡香味出乎意料地夾。每隻雞翼都係用無激素、不含抗生素、歐盟認證嘅走地雞，食得安心又有味。最有印象係牛油小粟米，牛油香滲入粒粒粟米，甜香焦脆係全場MVP。Sweet Potato Fries就正常發揮。新鮮檸檬特飲酒啱啱好，解膩得嚟唔搶鏡。整體係一餐舒服又輕鬆，食材有誠意，味道有層次，雞翼原來唔係咁簡單。…查看更多

已經有一段時間冇食omakasa, 今日放工就俾好朋友帶我去食餐好，話要慶祝下轉工成功。餐廳店內氣氛超chill，木質裝潑同暖燈光，像日本小店咁舒服，啱晒同朋友坐低慢慢享用～🏮 呢次我食咗14件廚師發辦的餐，仲追加咗馬糞海膽壽司，實在太滿足！開場有真鯛同岩手縣帆立貝，新鮮得入口即化；墨魚同北海道銀雪魚滑溜又Q彈；靜岡縣嘅金目鯛油潤香口！深海池魚配柚子皮清新得來有驚喜，牡丹蝦配上燒蝦膏濃郁到不得了😍。北奇貝同野生油甘魚壽司就有鹹香的調味，梳子魚同中拖羅juicy到爆，煙熏鯖魚同鯖魚燒得剛剛好，層次豐富❤️。追加嘅馬糞海膽壽司真係神級，鮮甜濃郁，滑感爆棚，超享受！青森縣魚籽帶甜味，最後配上抹茶奶凍口感順滑，味道香濃，係完美ending～😋師傅一邊做一邊聊食材，態度超親切。14件omakase質素一流，新鮮度爆棚，係同好朋友聚餐嘅好地方！💕…查看更多

同朋友聚會，一個話想去銅鑼灣買野，另一個要食日本串燒，我又想坐得舒服方便傾計，就決定去前排同事食完勁推介的Mokumoku Yakiton 。店內裝修好有日式居酒屋feel，燈光偏暖，氣氛好放鬆，啱晒同朋友坐低傾計慢慢食。我哋叫咗幾款串燒，當中有幾款真係幾啱口。蒜芯豬肉卷和豚肉鵪鶉蛋卷，超級好味。蒜芯豬肉卷外面微焦，入面的蒜芯好爽好juicy，好惹味。而豚肉鵪鶉蛋卷一樣外面香口，鵪鶉蛋軟腍腍，食落有糖心蛋嘅感覺，熟度啱啱好❤️食完又再叫二度encore 係用上西班牙黑豚肉的串燒，最愛的有肩肉串、豬頸肉、夾心肉和豬肋骨。簡單調味帶出香濃的肉味，咬落去有肉汁，大大串，食完都要encore。燒生蠔，大大隻脹卜卜，好鮮甜，帶點海水嘅鹹味，食落好清新好creamy。整體黎講，呢度嘅串燒同小食質素都唔錯，食材新鮮，燒得剛剛好，係一個舒服嘅地方同朋友聚餐。…查看更多

我話想食鐵板燒，朋友二話不說同我嚟間餐廳，環境同服務都幾有水準，鐵板燒嘅氣氛舒適，適合享受一頓悠閒嘅晚餐。餐牌上的燒龍蝦、鮑魚同升級和牛牛排吸引咗我嘅注意，於是我決定叫個套餐樣樣都有得食。主菜方面，厚燒和牛牛排質素唔錯，肉質嫩滑，油花適中，鐵板燒帶出嘅焦香同蔬菜配合得宜，食落口感不俗。燒龍蝦同燒鮑魚表現出色，兩者都新鮮得來肉質彈牙，配上濃郁鮮香嘅肝醬，帶出海鮮嘅天然甜味，配搭鐵板燒嘅焦香，味道層次有驚喜，值得大力推介。海膽海鮮炒飯亦係一個亮點，粒粒炒飯帶有海膽嘅鮮味，配上海鮮嘅甜度，份量適中，食完有滿足感。海帶湯清甜易入口，適合同鐵板燒嘅濃味菜式平衡，味道純粹簡約，令人感覺舒適同輕盈。甜品方面，燒多士配芝麻雪糕，燒多士外脆內軟，作為完美收尾。總體嚟講，御鐵嘅食物質素同環境幾好，尤其是燒龍蝦、燒鮑魚，味道同呈現方式都有一定水準。…查看更多

最近我同朋友喺時代廣場附近逛街，突然想搵個地方食飯先返屋企，佢哋就話要帶我嚟試試，因為食物多選擇。餐廳環境有啲似居酒屋，坐得特別舒服，真係好適合朋友聚餐。我哋點咗幾道菜，首先係唐揚雞翼，外皮酥脆，裡面肉質超嫩，食落特別過癮！跟住係鐵板帆立貝，口感彈牙，一口接一口都停唔到。仲有厚燒牛舌，肉質軟嫩，牛味香濃，真係令人印象深刻。另外，燒白鱔新鮮滑嫩，外脆內軟，食完覺得好滿足。蟹盛御好燒就有啲似日本的大阪燒，裡面有滿滿的蟹肉，味道真係相當唔錯。最後係明太子奄列，質地非常軟熟，口感滑順，對於鍾意食蛋嘅我嚟講，呢道奄列簡直太對味❤️…查看更多

凍冰冰唔打邊爐，又可以暖笠笠，仲唔係食壽喜燒。我地叫了兩個唔同的set share 食，有鮑魚做前菜，刺身、海膽和牛刺身，茶碗蒸、壽喜燒有牛舌、美國熟成牛、日本和牛肉眼和牛西冷、野菜籃、釜飯烏冬、舞茸菇清湯和是日甜品（開心果雪糕同蜜瓜）。兵之膳係一個相對原整的日式壽喜燒體驗，和牛入口即溶，非常肥美。當中最鐘意是海膽和牛刺身，配有蛋黃的和牛壽喜燒和滿溢筋子釜飯。由於我地兩個人樣樣肉都想試下，猶豫不決嘅時候，店員好主動同我地講，可以share❤️如是者，我地樣樣都試到，仲食到每一款牛的分別。除此之外，都好開心遇到招待我地的店員，佢對每一款肉都好熟悉，可以清楚同我地講解佢地的分別同特質。而控制火候都好好，做到我地要的五成熟，調味方面，煮烏冬的時候可以㨂濃味同淡味，表現非常貼心❤️…查看更多

今日終於鼔起勇氣走入呢個睇落只賣果汁同蛋糕的鋪頭，原來係food court 入口，food court 個範圍都算大，好多枱之餘又有空間感，仲有好多唔同選擇。呢間日式餐廳有唔同的選擇，有賣壽司，日式定食同咖喱飯😍 由於想食牛，就叫咗和風牛肉定食，$88, 包麵豉湯、沙律、前菜同主食。個牛熱辣辣，份量多，仲要d 牛肉軟腍腍，唔會有肥膏同筋黐住，質素好好。之後會想試試呢間嘅壽司，新鮮即叫即整，款式多，最緊要價錢相宜。…查看更多