SallyYeung3346的个人专页

去Mikiki見到十三姨酸菜魚當然要去吃我食媽鍾意嘅酸菜魚啦！，去到時18:30冇乜人所以就唔使等位，即刻可以入座『當然要記得嘟安心出行同疫苗紀錄先入得架！』。環境乾淨優美，卡座相對闊落，裝潢跟一般中餐廳不一樣！全餐廳是以木色系列為主題這裡是以掃碼方式下單，食物有套餐或散點選擇。我地揀咗晚市自選套餐中嘅二人餐$228。。。。有招牌十三姨酸菜魚！這個是二至三人份量，另有水晶粉配著。 店員話係用了海鱸魚，這款魚較少骨的是常見做酸菜魚的品種。魚肉的份量幾多，魚肉嫰滑啖啖肉冇骨而且不腥！🤤。可自選辣度，酸酸辣辣好開胃，水晶粉吸入湯汁好入味😆仲配埋配料，“鹹菜，萵筍， 水晶粉，豆芽” 十分豐富，我地仲加咗土豆片增加口感！辣味我們點中度辣，感覺剛剛好！不太辣！不太酸亦！不太鹹！而其實內裏包了水晶分基本上不用點上白飯！除了酸菜魚仲有1個小菜同可以揀兩款小食。小菜揀咗口水雞而小食就係酸辣小木耳同雞絲涼粉。口水雞完完全全合我心意，口水雞辣味十足，雞肉是涼的，配上脆口香花生及香蔥，整個搭配得非常完美！雞絲涼皮夠惹味，啲涼皮滑脫脫，冷盤小食唔錯！酸辣小木耳。。酸辣度剛剛好！甜品就加咗我鍾意嘅紅糖糍粑(6件) HKD$48，吃辣的食物通常也會點這個，糍粑做到外脆內軟，口感煙韌軟糯。加配甜甜的紅糖，可以中和辣的味道個餐係包酸梅湯。。但我地唔太好所以每人加左$6轉其他飲品都超值！今晚2個人食到攬住個肚都係食咗$304！勁超值！！十三姨酸菜魚地址：新蒲崗太子道東638號 Mikiki商場Shop 119營業時間：1130am至9pm電話：2398 0885…查看更多

呢間小店我一直都食開，性價比高，今晚比阿廚師哥哥叫左我去試新野，即管睇下你有咩新搞作😏今晚主菜係炸豬手，伴鰻魚炒飯，同埋甜品先上左碟炒飯，我就一般好鰻魚，但都忍唔住食左幾啖，因為炒得夠香，同埋勁多木魚，郁下郁下，加左D三色椒，成件事健康左😂 如果你唔食椒，可以提早同廚師講架，呢間小店最好既地方，就係基本上佢會滿足客人既要求，做到既佢地都會做，例如，你以為佢係西餐廳，點知你又估唔到，其實佢可以煮中菜，我見過其他客咁食，我真係見過😂 廚師話只要預早話佢知，佢會準備食材~ 返番正題，隻炸豬手終於上枱，完全可以媲美Kxxg Luxxig o個隻，呢個份量，兩個人都食啱啱好~ 每次去Kxxg Luxxig都要叫多D人先可以食隻豬手，如果唔係就會食唔哂。個皮炸到好鬼脆，D肉好稔同入哂味，勁正! 話就話兩個人份量，但我完全可以一個人食哂佢🤭 係見同朋友黎，先留返D比佢咋😏 廚師話佢本身想配D小食，例如炸薯角洋蔥圈，我話正呀，可以配啤酒添呀~佢個酸菜都唔錯，不過好似爭少少野，我同左廚師建議，睇下佢下次煮成點先~ 比個籍口叫佢請我食多一次🤣 不過你叫我比百幾蚊食呢隻豬手我都OK呀，真心值呀~ 個薯蓉本身好食，不過有豬手酸菜當前，薯蓉淪為配角啦~最後佢仲送左個甜品比我，個Waffle配雪糕好似好簡單，但呢個配搭無得輸，食完炸野可以解一解，賣相一流，你唔好expect佢做到日本咁靚咁fancy，你食既係呢間餐廳既人情味，當然仲有味道啦😂 最後我一定會飲佢杯即磨齋啡，成件事完滿哂😊佢自開業一年幾，自問都幫襯唔少，只要o係附近做野，我都會黎食，個水準都keep到，佢會定時定候換下餐牌，所以都keep住有新鮮感，小本經營，我覺得大家去開柴灣，可以幫襯下小店，而唔係新翠商場入面D連鎖食店順帶一提，我見過有食客要求想食素，廚師都無say no，煮左素意粉/飯比佢，有時D餐廳廚師睬佢都傻，所以呢點都值得一讚👍🏻 我建議直頭整返款素菜比人揀，咁就perfect池啦👏🏻…查看更多

食媽我今日會去葵興做嘢，於是就約下食友一齊食個飯。記得上次有位好同事介紹放題，價錢抵！質素對得住個價錢，聽到就梗想開下眼介啦。位置好方便，葵興地鐵站一出。扶手電梯一上就係了。。以188蚊位嘅價錢食物選擇都唔算少。。有刺身，火鍋，壽司，小食區，甜品，雪糕等等⋯⋯刺身方面有三文魚、墨魚、鮑魚片、希靈魚、甜蝦、仲有象拔蚌等，整體嚟講都算新鮮。不同日子及時間，收費也不同，而且還可以加額無限任食生蠔及松葉蟹火鍋方面就有3種湯底選擇: 蟹粉粥、壽喜燒同豬骨湯。亦有個火鍋區任食，配料除咗肉類同菜類，仲有大蜆同蝦。有個專區提供醬料，麵食，炸魚皮等⋯⋯而且仲有生啤（想飲就通知職員為你服務，而且要18歲以上人士先可以接觸酒精飲料架！）仲有部爆谷機！可以滿足到小朋友嘅最佳設施仲有蠔食，有炸蠔、芝士焗蠔同蒜香燒蠔，蒜蓉焗反覺更香口，令蠔的香味更突出，我們再有添蒜蓉焗蠔，絕對係回本!!大蝦沙律，蝦雖不算很大，仍很有分量，口感新鮮，配合沙律一齊吃，仲有其他小食都相當不錯架！在這價錢唔算貴價，可以俾多少少錢就無限任食生蠔及松葉蟹，甜品種類又多款式，雖然唔係最高級或頂級的味道，但都好親民而合理，正所謂一分錢一分貨，個人覺得已經很不錯，很適合一班好友聚會大吃大喝。 …查看更多

Add Some Thai” 中西泰合璧的Fusion”新派泰菜，用上你意想不到的食材，「蟹肉蛋白」、「西班牙風乾火腿」等等，味道竟出奇地好! 環境空間感十足，裝潢吸引，桌椅全以木製，加上棕櫚樹等裝飾，裝修極富泰國風好有古色古香的感覺，餐具方面也用過一點心思，專門用上木製的碟子，羹匙和筷子，很有回歸大自然的感覺。「西班牙風乾火腿炒肉碎生菜包-$78」，肉碎味道濃郁，有西班牙風乾火腿的調合，令生菜包增添淡淡鹹香。「金不換蠔煲-$108」, 蠔肉夠厚又有蠔嘅味鮮，醬汁又惹味，配上金不換更是絕配！「A.S.T.（Add Some Thai）小食拼盤-$148」- 包括春卷，炸蝦餅x4，單骨雞翼x4，豬頸肉，泰式無骨鳳爪，炸蝦片並以沙律菜墊底！量夠多！泰式鳳爪個汁多酸又多辣！正！「A.S.T.（Add Some Thai）串燒拼盤-$158」- 包括泰式沙嗲豬／雞肉 （各2串）, 紐西蘭牛柳粒串（2串）, 菠蘿車厘茄串（2串）, 白菌串（2串）, 炸蝦片並以沙律菜墊底！「原個椰青」即叫即開，好新鮮，是解辣解膩的上品。。「芒果香蕉Smoothie」略嫌香蕉味蓋過咗芒果味，但口感冰涼都唔錯！「芒果糯米飯配雪糕-$68」-糯米飯熟度剛剛好唔會過稔或太硬，芒果又夠香甜！尤其係個芒果雪糕真係好芒果味！好好味！能夠於工廠大廈中覓得集環境同食物都咁高質的確唔容易，性價比極高值得推介俾大家！…查看更多

食媽同老公揼低食寶拍拖撐枱腳想去食川菜，搵Openrice幫下手睇下就揀咗呢間位於旺角中旅社後面嘅捌壹壹！舖面唔算好大但環境尚算寬敞舒適。餐廳主打雞煲、酸菜魚同特式香鍋，食完主菜，然後可以再加湯嚟打邊爐，一個價錢享有兩種唔同食法。首先試下個必食『冷鍋酸菜魚 HK$148 』以呢個價錢呢個份量都幾抵食，絕對無因為平而魚得幾塊，而且係用海鱸魚，分量都幾多而且好嫩滑又冇魚骨因為老公唔太食辣嘅關係，所以揀咗小辣，但同我平日喺大陸食有少少唔同，唔太酸，不過個味道唔錯，魚都好入味。湯底可以飲埋，微微酸、唔油又清潤，感覺都幾開胃架！然後又嗌咗一鍋『水煮牛肉』我嘅至愛！用料豐富！牛肉又多又嫩，又有大豆芽，青瓜，寬粉做配料豐富非常！麻香味又夠剛剛恰到好處！小菜都點咗幾款，味道都幾惹味，比較適合港人口味，因為口味溫和唔會太重手過辣！有口水雞，雞都幾嫩滑。乾扁四季豆，有肉碎而且味帶椒麻香，涼伴蓮藕川北涼屋～小辣！黑糖糍粑 糍粑用糯米做 ， 落單先即炸再灑上黃豆粉。趁熱食外脆內煙韌 。 點埋黑糖醬，質感會juicy!!!紅糖桂花冰粉 ，再配啲紅莓乾，清涼清甜又解滯，一流推介！冰粉以外可以選擇沙冰，荔枝沙冰～又大杯又清甜解辣，好適合我老公！而我自己就嗌咗杯柑橘青檸梳打，又解渴又潤喉！我地兩口子點到成枱都係兼且又食得滿足又飽都係平均340一位，合理價！性價比高！！…查看更多

食媽牛一，好姊妹們為我慶生，知我鍾意食生蠔所以揀咗荃灣呢間蠔站食西餐食蠔滿足下我。。！地點位於荃新天地一期扶手電梯一想就見到唔太難搵環境都尚算闊落開陽感覺舒適等齊人之後都要Ben時間睇餐牌食物啦。我完全毫不猶豫地第一時間order $10生蠔一打先！（掛住食～唔記得問係邊度嘅蠔）食完一打都唔夠喉要即刻要order多一打！D生蠔雖然唔算非常肥美，但勝在感覺新鮮有淡淡的海水味完全滿足到我呢個蠔迷！跟住再帶左一盒山下刺身嗌左一下客山下刺身山下唔跟就order左一份生蝦刺身啲蝦肉都幾厚同實！配上生蝦嘅醬汁非常泰式好好味！好惹味！另外在帶咗個酥炸魷魚魷魚本身都幾厚肉啊，不過炸得有點偏乾。。。唔少得嘅梗係要個冷盤嘅沙律啦我哋就揀咗個大蝦牛油果藜麥沙律，一上枱見到紫色好靚好吸引！不忘都要點份蒜蓉包食！主菜又點少得炸豬手呢！略嫌炸得有啲偏乾咗少少⋯⋯呢碟蒜香大蜆扁意粉都覺得好出色！味道好惹味！好味吖！…查看更多

食媽又出動去食好西！於是就揀去一鍋堂位於荃灣嘅大鴻輝中心 ,以任飲任食經營，佢嘅選擇好多，淨係湯底有成16款，韓式泡菜湯、麻辣湯、潮汕湯、藥膳湯、櫻花蝦湯、沙嗲湯、莞茜皮蛋湯、清湯!! 仲有唔少特色湯底，好似馬來喇沙、東陰公、胡椒豬肚湯、杏汁豬肺湯、沙參肉竹鯊魚骨湯、蘿蔔粟米豬骨湯、蕃茄牛粒湯、鴛鴦鍋!!我就揀咗杏汁豬肺湯底啦！好足料又多豬肺而且有所再點架！店內環境都幾寬敞，冷氣亦非常夠！入座後發現要掃QR code點餐,好方便, 有晒圖片, 不用舉手搵職員落單快速送上!!每枱都有一樽火鍋湯底供備用，唔夠先再出去拎 仲有個食物架，而d食物盤可以層層疊方便擺放!!這個8吋蟹柳，每口啖啖肉，滿足 !! 肉食愛好者必吃手切安格斯肩胛肥牛!!食材新鮮不在話下，無論海鮮類還是丸類，就連蔬菜都有個專櫃任選任食，平衡飲食！菜芯、油麥菜、娃娃菜等全部放在雪櫃內保持新鮮度，以自助形式自取，夠窩心。飲品都好多選擇, 有成兩個大雪櫃，同蔬菜櫃平排一齊，好歸一！有成兩個大雪櫃，同蔬菜櫃平排一齊，好歸一！有自家製洛神花茶同木敦果茶有乳酪同軟雪糕，蜜瓜味軟雪糕好好味，另外有甜筒同配料選擇,好玩又好味!見門口好多人等緊，應該似係walk in客，所以建議book定位食就唔使等!!…查看更多

以日韓料理放題為名，除了各式燒肉、也有沙律、壽司、湯水、熱盤及甜品雪糕任食!!自助拎嘢食個位選擇算多，有刺身、凍肉、蔬菜、熟食同甜品，而餐廳係主打燒肉，所以肉類選擇多、質素也不錯，有豬頸肉、豚肉片、豬五花、牛排、牛柳粒、牛仔骨、豬扒、 雞翼、雞扒、雞腎、鴨胸、多春魚、等等..可以任食 。 每人都有一客, 比較高級豬腩片, 鮮蝦, 雪花牛肉，燒或灼任君選擇！因為可以同時打邊爐！！！刺身專櫃方面, 有北海道帶子，八爪魚，三文魚，希靈魚，玉子，甜蝦，質素不錯, 尤其三文魚和甜蝦都很鮮甜!!熟食區選擇不算太多....而小食方面就有薯條，麥樂雞，蝦多士 仲有章魚燒吃! 店員會先係爐上舖一塊牛油紙,避免d野食燒焦，唔易黏鑊，用更少油燒烤，食得更健康紙係無限換，燶左就可以要求換，不過服務員會主動過黎換紙。紙上烤肉就冇咁易燶，肉唔會黑蚊蚊!!自助調味區自由揀醬汁，醬汁款式都好多，有韓式辣醬，柚子醬，胡麻醬，燒肉汁等等，總有一款岩口味。仲可以同時間打邊爐，湯底有三款俾大家選擇，有辣有唔辣！我地食完一round又一round!!!總結d燒物好正, refill又快,唔會太淡,仲有鹽, 七味粉, 黑胡椒可以自行調味,店員換碟都幾快, 態度又好!…查看更多

千賀水產の鮮鍋道場~ 一聽個名就知道以水產海鮮為主打嘅6小時任飲任食酒店式火鍋 !每枱按人頭有鮑魚海鮮拼盤仲有牛小排同鯪魚滑，墨魚滑！都好豐富，非常大堆頭！ 包括有鮑魚' 脆魚鯇、 白沙貝 、馬刀貝、還有特大隻貴妃蚌！貴妃蚌真係好大隻㗎！成隻手掌心咁大隻！而且食落好鮮甜，又夠爽口彈牙 ！仲有指定剌身款式， 屬於較高級食材, 有三文魚、油甘魚、北寄貝、希靈魚和赤蝦，象拔蚌非常鮮甜，可惜不能Encore要自費。然後會有任點任食項目，肉類和海蜆是找店員落Order!  而湯底就有9款 - 日式壽喜燒、韓風人參雞鍋、地獄麻辣鍋、沙茶擔擔鍋、野菌清湯鍋和黑蒜油豬骨鍋，想豪華點的，可以額外加$60點波士頓龍蝦鍋或番茄野菌蟹鍋. 選擇韓式人蔘雞湯，適合秋冬滋補! 自助吧檯有好多選擇,放滿咗我哋成日會食到嘅火鍋配料，例如粟米、翠玉瓜、蕃茄、魚蛋、芝士腸等……丸類都有好多選擇，芝心丸，海胆丸，牛丸，貢丸，墨魚...等等等等.... !!!當然唔可以少得啲蔬菜啦， 食左蔬菜打底點都冇咁易肥嘅！ 皇帝菜呀，西洋菜呀，唐蒿菜呀，三色椒等等........除咗可以打邊爐之外，這裏也有熟食供應！ 而且款式超級多 ，一個胃根本試唔曬！ 熟食會陸陸續續不同地供應， 食完一盤就會有新款式推出！ 而且熟食絕不馬虎！醬料有12款，大路的有麻辣醬、芝麻醬、炸蒜和葱花等；冷門點的有紅椒絲、唐芹、辣椒油。自助區內放著各款小蛋糕、啫喱和生果，還有 雪糕和多款韓式雪條。飲品也有廿多款罐裝和紙包汽水和茶飲，記者推介餐廳自家煲製的竹蔗茅根，清甜順喉，酸梅湯則太甜了！另外還有汽水機和熱茶，選擇好豐富。…查看更多

觀塘御前大江戶食放題, 地點近地鐵站,  三百幾蚊就食到日式磯燒放題. 店內樓底好高好開掦，座位與座位之間好闊落,每張檯有一個爐仔for爐端燒, 以平板電腦落單, 方便快捷又環保!而且自取食物區, 任食前菜,有沙律,少量熟食,有甜品,以及有幾個大雪櫃放了很多飲品, 罐裝、紙包裝, 就連啤酒都可以免費任飲,還有多款雪糕雪條!餐廳先按人數每一檯送上呢盤磯燒海鮮, 份量以人頭計, 呢盤海鮮只限一次性送上, 磯燒海鮮包括: 甲羅蟹殼、鮑魚、扇貝、大蜆、生蠔,每款海鮮都大大隻, 好新鮮單單這個拼盤感覺上都值回票價!  有些海鮮可以無限任加, 當中就是這些大蜆、魷魚、海蝦等…甲羅蟹殼係燒之前將蟹蓋上既攪拌, 燒好之後, 會形固食半固體質感, 味道有好香既蟹膏味, 味道好濃郁, 偏鹹最特別係原隻毛蟹都有得任食而且都幾鮮甜！！第二主打當然係刺身啦, 刺身就有多款選擇,每次order既刺身以冰墊底,包括三文魚、吞拿魚、帶子、油甘魚，還有象拔蚌、赤貝、玉子、劍魚腩等!宜家做緊生蠔特價＄9隻（半打起），身為蠔迷梗係要試下啦！！蠔都幾厚肉，又好鮮味！值得一試！！整體黎講, 食放題最緊要係冇漏單、上菜速度快、款式多、食物質素好, 呢度都齊哂主要既條件。另外, 服務都好周到, 特別係磯燒食物時, 待應經過都會上前幫手睇下食物有冇燒過龍, 收碟效率都好快, 唔洗密密食, 吉碟阻住張檯位置令我地食得狼狽, 有機會必再度encore!!…查看更多

食媽好朋友生日約食飯，揀咗大家都鍾愛嘅泰菜！ 想地點方便大家就揀咗試新餐廳- 椰子樹- 地點喺佐敦嘅德興街！ 就喺恆豐酒店後面好方便！！門面好光猛，店內環境都好寬敞感覺唔會侷促幾舒服,而且服務員態度好親切殷勤。一開波就先嚟個泰式生蝦($88), 蝦大隻而肉夠厚實略嫌帶些少雪味但點上秘製泰式醬汁後整體係好味嘅！然後要咗個 柚子沙律（$78），味道清新香口因為配上酥炸葱頭惹味無比！ 仲有 串燒沙嗲 （6串＄78） 豬，牛，雞各2串！串燒燒得啱啱熟唔會過火，點上沙嗲汁好香！係唔錯！ 明爐烏頭（＄168）～味道酸酸甜甜好開胃！冬蔭功海鮮湯（＄88）～味道帶甜唔太覺得辣，用料豐富！招牌海南雞（半隻 ＄98）～雞夠嫩滑海南雞汁酸辣適宜！泰式咖喱虎蝦 （＄138）～咖哩汁香夠惹味配上香濃又脆口嘅蒜蓉包簡直就一絶！馬拉盞椰菜苗 （＄78）椰菜苗爽脆，馬拉盞香！蒜蓉法包（＄38）夠脆但略嫌蒜蓉味不足芒果黑白糯米飯（＄58）即叫即蒸，又暖又煙韌，椰汁可以再濃度些少就完美啦！而且飲梳打水系列飲品都會用泰國嘅樽裝梳打水上枱俾你架！^_^總括而言係唔錯嘅，服務殷勤又細心，食物質素性價比高！值得一試！…查看更多

食媽同好友今次就去左觀塘到食西,今次就試左依間工廈樓上- 藏著驚喜的新派壽司店 –「古今2」! 地點都易搵 -喺港鐵觀塘站 D4 出口  步行約1分鐘落天橋轉右 工業中心4期上一樓轉左就係啦。門面好有風格 - 金屬波紋牆壁，電燈泡用繩索吊下，為餐廳添上一層工業味，與觀塘的風格不謀而合.店內佈置屬日本工業風，尤其雀籠燈罩都幾吸睛！[古今2]除了供應一般日式飯麵類，最大的特色就是卷物,取名有創意好似有 - 蕉魔、忍者雙辣、東京爆脆、火山、青龍、超級龍卷風…光看其名都估唔到係用咩材料做同咩味道。好在餐牌上都會寫上每款卷物用的食材名,每款卷物靚到似圖畫，勁有氣派！。[古今2]唔淨只得 特式卷物，更提供不少熟食：小食、炸物、鍋物、飯、麵、烏冬；午餐及下午茶時段分別售賣便當及小食、麵食等.首先黎個日式麻醬地中海沙律 $75 (蝦，八爪魚，三文魚籽，蔬菜，海藻，玉子)賣相又靚，口感好特別同顏色少女風嘅 - 紅粉佳人 $110 (辣味吞拿魚，三文魚，蟹柳，牛油果)味道甜甜咸咸真有驚喜! 顏色鮮明同浪漫卷名 - 忘不了您 $88 (芒果，炸牛肉，芝士)燒雞翼 $58 - 皮脆肉嫩，不失肉汁！正！！  燒白鱔 $78 - 皮脆肉滑，鮮甜！非常正！！ 野菜鍋 $78 - 清清地食d菜嘅好選擇,不過都係d基本野，但有清甜味，唔錯!香脆美味 - 炸軟殻蟹天婦羅 $75服務唔錯！！員工都好nice，個個都好親民!…查看更多

觀塘工商大廈林立，食店亦愈開愈多，呢間樓上café地方大，環境寬敞,而且café 內有桌球和飛鏢玩，好適合和朋友一起聚餐.所以食媽我就上網睇完揀咗呢間『俾個5我』嘅工廈西餐同食爸撐下枱腳順便同佢慶祝生日食半自助餐！上到去見到餐廳面積好大，有長枱，又有望到海景嘅sofa卡位，而枱與枱唔會太貼，唔會坐得好逼。同食爸去食半自助餐 - 平日就要$298+10%一位, 而到假日(5,6日)就要$328+10%, 主菜一款，其他都係自助任食2小時 !一入門口左手邊就係蠔吧⋯⋯『即叫即開』保證新鮮！有海水味但唔太咸，半自助餐來說，可以任吃即開生蠔，絕對性價比高!!唔錯！!仲有大愛嘅刺身吧，有三文魚，鱲魚 同埋八爪魚。。。正！仲有個海鮮吧（有蜆，蝦同蟹）都係任食架！材料都幾新鮮,雖然種類不多，但refill得快！每天提供不同的餐湯同蒜蓉包都可以任食，配埋一起有加分！『今晚係～紫薯湯～幾清甜！』主菜揀咗 1.澳洲肉眼扒（8安士）配黑菌汁(3成熟)  //  2.法式寶雲酥羊架(5成熟) 廚師手勢唔錯，熟度剛好唔會過火而太熟！沙律吧雖然選擇不算多，但基本款都齊全，番茄、青瓜、沙律菜等⋯⋯質素不錯👍🏻仲有多種唔同嘅醬俾你揀，總有一款啱你口味！每晚約有多款甜品任食，食媽我食咗芝士蛋糕、啫喱、Tiramisu等，芝士蛋糕鬆軟味濃！質素唔錯架！完全係間性價比高嘅西餐廳， 值得一試！！…查看更多

今日約咗朋友喺九龍城食泰國菜慶祝生日,之前見到呢間Sweet Grace 蛋糕店見寫住【流心蛋糕尊門店】而且又見到D蛋糕好得意而價錢亦合理，仲可以印相寫金句都幾特別！蛋糕選擇都唔少架！有朱古力味，伯爵奶茶味，阿華田味,同芒果味，tiramisu ，草莓同原味等……當然佢地唔係只得蛋糕賣都有其他甜品賣架，有布甸燒，　花盆蛋糕， 半熟芝士迷你蛋糕....一早幾日前經過就去訂一個同好友分享！而且我就揀咗幅好友最鍾愛既貓貓相送俾佢！張相係獨立同蛋糕分開交俾客人，然後自行於食之前先放上蛋糕面㗎！！阿華田半熟蛋糕，口感軟滑，阿華田味濃，好味！！而且SIZE細細個好適合飯後食， 唔會太漏而太飽！…查看更多

食媽今次一家4口去駱駝漆大廈入面既特式Cafe - I's Land Cafe食好西去！嗰度係一間用上田園風裝修既Cafe,用上好多花花草草及木系裝飾打造一個石屎森林中既綠田園,令你可以望多d綠色野對眼可以Relax下......餐廳大廳內用枱與枱之間用上書架作間隔，亦可用作圖書架供圖書借俾客人睇！好窩心而且尾端位置有一間玻璃房，可以用作包場活場之用架！安排好坐位就當然要睇下食乜啦⋯⋯食物選擇雖然唔算好多，但都夠你揀了，可能我一個人揀嘅時候會比較有選擇困難症上身！最終我就揀咗個叫『秘密花園』2人套餐，有湯，有小食，有主食，意大利飯或粉，有飲品，仲有甜品！今晚餐湯係～忌廉蘑菇湯，粒粒蘑菇肉跟蒜蓉包，蒜蓉好香味好香又唔太油，烤到成塊金黃咬落脆卜卜！正！小食3選1， 我哋揀咗水牛城雞翼！飯就揀咗南瓜汁海鮮意大利飯，南瓜汁香甜，飯粒彈牙，海鮮豐富而又新鮮!Main Course - 就2選1， 我就加錢($98)揀咗14oz澳洲帝骨肉眼扒-要咗5成熟，肉味香濃而且廚師手勢了得熟度剛剛好做到5成！仲有配菜 除左有蔬菜之外仲有紫薯薯蓉食落好清甜配埋肉肉食有畫龍點睛既作用另外加多一客『徳國咸豬手』～$178～都幾大隻又唔會太肥，肉質幾嫩唔會好乾同嚡口，配上三個醬汁，有甜，酸辣，同燒汁俾你揀！而且都同樣有配菜 除左有蔬菜之外仲有紫薯薯蓉食落好清甜！餐飲方面就點咗杯比較特別嘅藍莓茶。有幾粒藍莓果配上茶都幾清新！甜品方面我地加咗28～32要咗心太軟，一份係朱古力同一份綠茶味。。。正！…查看更多