hung wai hong的个人专页

今日女朋友想食泰國野，專登入洪水橋有間穩世泰國餐廳食開好好食，點知去到佢冇開😔，咁就去附近另一間泰國餐廳，就係亞來泰菜，好差既體驗，食完個肚都齊齊唔舒服.叫左4樣野，全部都唔好食，生蝦，冬陰公湯，泰式豬肉炒椰菜苗，泰式炒蟶子仲有杯青檸梳打 $22，不知所謂，7up+一片極薄既青檸，勁多冰，一啖都飲哂 😡生蝦，個醬汁辣得黎好香蒜味，但係d蝦唔新鮮，冇嘜蝦味，雪到有d硬 🙁冬陰公湯，普通囉，不過裡面有兩隻蝦，d肉梅既 😑泰式豬肉炒椰菜苗，諗住都穩陣，真係估佢唔到，底下d菜黃黃地，又有d爛既，完全唔爽，d肉都唔要求佢脆口，不過都唔好un到好似擦子膠咁 😰泰式炒蟶子，頭一舊食到有沙已經嬲左，跟住舊舊都有沙，又有怪味，食左幾舊已經好比面好差，完！…查看更多

係旺角通過諗唔到食咩就會黎呢度打冷. 地方係迫d, 夜晚多人就會好嘈，不過佢係朗豪坊格離真係好方便，平平地又好食.4個人食，叫左6樣野加啤酒.1. 蠔仔粥（細），4個人一人一碗岩岩好，潮州粥，湯唔鹹唔淡，蠔都足料，好食. 唔夠喉，下次要叫個大既.2. 鵝片，魯水味唔會搶左鵝片d味，鵝片夠新鮮，食落好香，又唔會太老，口感都唔錯，好食.3. 蠔餅，必食，足料，蠔仔好鮮甜4. 椒鹽鮮魷，外脆內爽，炸粉厚度適中，鮮魷新鮮又冇過熟，5. 豉椒炒蜆，呢個麻麻地，蜆冇嘜味，又有沙6. 雜菜煲，都係麻麻地，d菜太林麻麻果d下次唔食，一定會再黎食…查看更多

呢排凍凍地岩哂食烤魚，呢間野係冬菇亭入面，算乾淨. 晚飯時間都唔多人，walk in都即刻有位.2個人食，叫左酸菜烤魚$145 + 蘿蔔$32，另外加支青島 $23原來酸菜烤魚冇辣，一食完全唔對路，跟住叫佢加辣，唔知係咪老闆黎，拎左d黃黃地色既辣椒比我地，仲介紹呢隻辣椒個辣味香d, 食落脆口. 加左辣之後真係超正，好好食，魚又夠鮮，多肉少骨. 要後加其他食物的價錢偏貴，$32一碟蘿蔔都唔算平，不過都好大碟，但係d蘿蔔好大舊，食到尾都未夠林Btw, 呢度冇冷氣，夏天未必會黎，趁冬天要食多幾次.…查看更多

其實我都幾鍾意食車仔面，不過好易中伏，榮記就穩陣，過開銅鑼灣一個人的話通常都係食榮記，唔洗諗. 舖頭細細，坐到好密，個個都喇喇林食完走.今次平日夜晚一個人，等左15分鐘左右.食墨魚頭，蘿蔔，美味齋，油麵.湯好香，加少少辣，正！😋蘿蔔冇渣，夠淋，好甜.墨魚頭好爽口，好鮮味，唔會好似有d冇味又硬. 美味齋應該係麵筋黎，吸滿湯既味，味好濃，同個名一樣，美味.我自問都算細食，不過食完好似冇飽既感覺，不過都ok, 多d面會好d.值得推介！…查看更多

行過見到呢間米之蓮既生煎包，我記得佢之前係荃灣，一直都冇機會試，就試一試佢.門口有少少位比人買完食，睇到入面好大個鑊係度煎包. 買果陣冇人，唔洗排隊，不過買完諗住開動望一望返去，排哂隊，好好彩✌🏼️買左4粒原味 $28新鮮出爐，超級熱🔥🔥用返一般生煎包食法，咬一小口，加醋，再飲佢d湯，再食個包.皮唔會太厚，底仲要係趣既. 湯好熱，好鮮甜. 個肉都好正，唔會太濃味，好好味. 😋😋有驚喜，食完想再做，但無奈食量有限，下次一定要再食.…查看更多

聽人講辻利茶舖係老字號，好好食。行過ifc就去試下，門口有位比人企係度食，唔洗排隊. 買左拎住個機仔係門口等一陣就有得食.試左抺茶沙冰加牛奶雪糕 $68牛奶雪糕好重牛奶味，口感滑得離唔會太軟.抺茶沙冰d抺茶唔夠均勻，個底會濃d, 個面就淡d, 總濃度都係一般般，d冰又比較大，飲下飲下要等冰溶再飲.呢排都有食/飲其他抺茶沙冰雪糕，個人覺得呢間會比下去. …查看更多