Cindy_Tam的个人专页

今日放假打算同朋友去cafe食嘢，所以就試咗呢間。一入到去發現裝修偏向殘舊，相信都有一定嘅歴史😂😂。企係門口睇咗陣餐牌，考慮咗一陣，我同朋友都決定試下佢！💡餐廳收取加一費🌟富士山黑豚肉咖喱飯 $118打卡一流嘅菜式，成個feel好日系。咖哩係偏甜個種，肉片唔鞋，味道都ok。🌟秘製牛油果忌廉海鮮意粉 $108呢個意粉一上完菜，侍應就話個意粉俾漏咗野我哋，話幫我地加翻。之後再重新一碟個陣發現原來係俾漏咗啲海鮮我地😂😂。講翻個味道先，牛油果係啱啱好熟，撈埋落啲忌廉到一齊食，味道好夾。意粉好creamy，啲意粉索哂啲汁，入口每一啖都有陣陣忌廉味😋。…查看更多

今日一家人收工去咗食呢間餐廳，係去前已經睇咗其他食評話要訂位同食片皮鴨最好預訂先，所以係早一星期就book定位同半隻片皮鴨。7:30左右入到去，已經見到好多人食緊，差唔多枱枱都有叫片皮鴨，可想而知片皮鴨真係最出名。💡餐廳要俾茶位錢（每位$4）💡餐廳無加一費🌟北京填鴨 ($168 半隻)間餐廳最出名就係北京填鴨，因為比起其他食北京填鴨嘅餐廳平，份量又夠，所以差唔多枱枱都會叫。即使係半隻都好夠食，上枱時鴨皮仲係脆卜卜！💥再提大家如果唔係食第一輪晚市嘅話，就記得要打電話去預訂定！🌟東北農家炒飯 ($68)炒飯炒得乾身，而且都幾足料！🌟乾煸四季豆 ($68)呢碟菜偏油，唔夠惹味！🌟糖醋里脊 ($82)酸甜開胃，里脊肉炸得好酥脆。…查看更多

今日假期約咗朋友去到深水埗Kokoni 食嘢，未去之前已經睇咗IG有好多人都大讚呢到嘅野食同飲品，所以我都好期待！我係星期六大概1點左右到，無人排隊，仲有好多位淨，但去到3-4點就開始多人。🌟抹茶特調 ($60)呢杯飲品材料係豆腐丶燕麥奶同抹茶。送到上枱個陣，職員同我講記得好攪勻先飲。一飲口就食到豆腐碎再加抺茶味，呢個配搭好夾😋！唔會過甜啱啱好，好飲到我決定會再去多次飲🥰。🌟牛油果Egg Drop ($72)呢間舖頭嘅egg drop ，我見基本上每枱都有叫😋。我亦都唔例外，叫咗牛油果egg drop！入面有半個牛油果係啱啱好熟，個炒蛋亦好滑，好香。Egg drop仲夾住一塊沙律菜，令成個包唔會太滯🥰。另外，餐廳仲係寵物友善餐廳，提供埋寵物野食。各位主人可以同狗仔一齊食嘢😆…查看更多

今日放假，夜晚就同朋友去尖沙咀食飯。本身想食嘅兩間餐廳都唔接walk in客，所以就求其係韓國街揾咗間餐廳醫肚。 達人包車環境舒服，坐嘅空間都算大，適合一大班朋友黎，但食物價錢就偏貴，而且味道麻麻。🌟前菜 (免費)一坐到入黎，店員好快就上咗前菜。有1)醃蘿蔔青瓜: 酸甜酸甜脆卜卜幾開胃 2)粟米彩椒沙律: 撈咗沙律醬嘅粟米同彩椒，正常味道 3)泡菜: 我覺得係屬於偏鹹嘅泡菜🌟達人燒肉拼盤 ($320)見到餐牌張圖幾吸引，望落同係韓國食嘅差唔多，所以就叫咗黎試。點知黎到，個爐係唔包埋個湯，湯另外放。不過都唔影響食嘅，只係圖文不符咗啲。啲肉係無醃到，直接用牛油煎，好彩無乜肉膻味，都叫ok，同俾嘅肉都算多。職員會幫你燒埋同剪好啲肉，就唔洗自己郁手整，都幾方便🤣。🌟魚糕湯 ($190)魚糕湯都算豐富，魚糕多到食極都仲有，配菜就有金菇丶洋葱丶蜆丶青口等等。但味道就同一般自己買魚糕，自己用上湯煮嘅味差不多，所以我覺得收190蚊呢個價都幾貴😖。🌟甜米露 ($20)罐裝飲品，正常味道，只係價錢有啲貴🥲。…查看更多

係荔枝角呢頭真係好多外賣店，其中一間我成日食嘅就係飯Hub。佢地大多數嘅飯都係$38起。🌟日式吉列豬扒飯 ($38)佢嘅吉列豬排就唔可以expect係脆卜卜，但都叫做ok，放得入口個隻😂。而且配菜有半隻蛋同啲菜(有麻醬)，38蚊黎講都叫豐富！🌟香脆炸雞飯配蜜糖芥末醬 ($38)呢個飯嘅雞件真係好多，但都係同一個問題係唔脆，不過都係38蚊，唔脆我係接受。同豬扒飯一樣，都有半隻蛋同菜附送~呢個炸雞配咗蜜糖芥末醬，係幾好食，不過食咗2件起就有啲滯🤣 雖然佢啲炸嘢唔太脆，但整體味道都ok同幾豐富㗎！👏🏻…查看更多

今日收工就同朋友去咗K11 Art Mall呢間新開嘅cafe食飯，餐廳係行日系風，但食物就以西式為主。🌟珍寶美國牛肋骨(400g)丶炸薯角丶田園沙律 ($288)牛肋骨肉質唔錯，中間部分好冧，近邊位嘅肉就比較韌。但我同朋友都十分滿意個汁，好入味😆。炸薯角同普通平時食到嘅味一樣，而田園沙律係用咗黑醋汁，酸酸地咁，好開胃😋🌟香煎帶子意粉 ($168)帶子有3粒，一粒係偏大size😍，帶子煎得啱啱好，唔係乾爭爭，食落好鮮甜。意粉入面仲有啲菇同茄子，食落都好夾，唔會係奇怪配搭黎🌝。意粉仲要係辣辣地，好惹味，食到我唔夠喉😂😂🌟LAKE ($48)今次叫咗呢杯幾夢幻嘅野飲，係利賓納+荔枝醬+Sparkling water 。本身呢個組合都唔會伏，所以大家都可以放心叫。但要留意，因為杯野係漸變，飲到底會好甜(因為啲利賓納汁無攪拌到)。大家都可以好似我咁，影完相就攪勻佢😆…查看更多

之前一直都好想試鳳鳴腸粉，可惜每次經過都係已經閂咗門（下午4:30就閂門），加上無得堂食，疫情下企係街到食有啲麻煩但最近係荔枝角附近做嘢，終於有機會試到 ！由於佢地舖係即叫即整嘅腸粉黎，所以要啲時間等，一般要等10分鐘左右。而家天氣咁熱，大家可以先打電話或者whatsapp落定單，咁去到就即刻拎唔洗企係街到等！呢幾次食，我都揀石磨雞蛋豬肉腸粉(單點$24) ，佢地嘅料俾得算足夠，我係會食到啖啖豬肉粒同雞蛋香味腸粉有分白米（原味），紅米同黑米。我三款都試過，感覺白米同白米差唔多口感，但黑米就會相對地鞋身啲，無咁滑！佢地嘅醬汁都好好食，尤其係秘制麻香汁，大家一定要試下！石磨雞蛋豬肉腸 （原味）石磨雞蛋豬肉腸 （黑米）…查看更多

那個ㄋㄚˋ ㄍㄜ係一間位於大角咀嘅台灣餐廳。之前舖位比較細，容納唔到咁多人，試過係舊舖8點左右到已經無哂嘢食買，最近6月中搬咗去大啲舖位，終於有機會一試可能係新舖開張初期，等食物黎嘅時間都比較耐，我大約7:10pm左右入到去，要等到7:45pm左右食物先到，隔離枱有漏單情況出現，不過店員態度同禮貌好好，會即刻跟進翻仲有去唔同枱問客人有無差啲咩野食未到今次就試咗古早味手工滷肉便當($62)同那個焢肉便當 ($66)。我覺得那個ㄋㄚˋ ㄍㄜ食物偏甜，似翻台灣人口味。手工滷肉便當，滷肉好好餸飯，但略嫌滷肉汁有啲多，浸住咗啲飯。如果鐘意飯撈汁嘅人可以都試！而我覺得那個焢肉飯好有驚喜，大家唔好見到有層肥肉就覺得好肥膩，因為佢地將焢肉處理得好好，小小力一夾啲肉就會夾開，證明炆得夠淋，仲要入口食到滷汁嘅香，肥而不膩，令人不知不覺食哂成個飯。我本人就推介大家試下焢肉飯每個餐都會跟翻5個小菜，大家可以睇翻枱頭會有塊牌介紹翻，小菜味道唔錯！見好多人推介嘅麻辣菜甫可能無哂，今次就無緣去試到希望下次去可以試到另外一提，跟餐會送翻價值$25嘅飲品，如果過咗$25，補翻錢就可以。今次就試咗鳳梨古早紅茶(原價$33，跟餐補$8）一入口會有鳳梨嘅香味，後續係紅茶嘅茶香，唔會好甜而那個早餐奶茶(原價$28，跟餐補$3）偏向有炭培口感，如果喜歡呢種味道可以一試！…查看更多

相信啊元來了，大家都聽過，係香港出哂名，有幾次去都要排隊！餐廳地方較為偏僻，但為咗一嚐啊元美味，都要花下腳骨力！首先第一樣叫嘅係滷肉飯（細）。面頭鋪滿滷肉，我會將滷肉撈好令每啖飯都有滷肉嘅，真係好好食！成個飯好簡單得滷肉，但就令我食到一粒飯都無滷肉真係白飯小偷！第二樣係烷肉飯！同行朋友一向都唔愛食肥肉，但呢個飯佢讚不絕口，話肥嘅部分完全無啫喱嘅感覺，無臭味，入口即化！我都試咗，果然係入口即化，又係可以配上好多飯第三樣百香果綠茶，叫咗少冰少甜，啱啱好！有百香果嘅清新，同綠茶好夾，唔係死甜，糖漿味！第四樣就有失望，係九份芋圓。本人好喜歡食煙韌野，芋圓係我至愛！黎過幾次食滷肉飯，蛋餅，小食拼盤都無失望，所以對芋圓都有好大期待。點知上到場成碗湯係好清好淡味，仲有啲酸酸地，好怪。芋圓痴埋一舊，不過芋圓味道咬口都尚算合格但個湯真係fail哂，好似用1份紅豆湯沖咗10份水落去。下次黎，我唔會再叫芋圓，失望！其餘就推薦大家食！…查看更多

呢間餐廳自己同朋友都成日去，因為味道真係好好！首先跟餐會附送一碗湯。大家唔好以為係味精湯，並唔係！平時啲例湯重味精又無咩料，呢到寫明係無味精嘅！So far飲過咁多次後都唔會覺得好口渴，所以我覺得無味精呢點係成立！個人推薦呢到嘅南瓜湯(唔係次次去都係南瓜湯)，好好味，好甜好香！即使夏天熱辣辣都唔會加錢轉飲凍飲(平時我係會㗎)到戲肉部分！本人食過呢到嘅海南雞飯同泰式豬頸肉飯。兩款都各有千秋，好味道！但我麻麻鐘意食雞，所以通常叫泰式豬頸肉飯多！而家就同大家講下兩者味道！呢到嘅招牌海南雞飯係去咗骨，食落好方便，仲有4個醬俾你揀。啲雞件好滑好香，油飯亦都一樣！雖然海南雞飯好食但我更推薦大家試泰國特色豬頸肉飯！叫呢個飯要等5-10分鐘，因為豬頸肉係即叫即做，所以上到枱啲豬頸肉係脆卜卜！咬落唔鞋仲有小小肉汁！有日食完外面餐廳嘅海南雞飯，即刻覺得同呢個無得比。第二日就即黎呢到食翻！大家留意翻午市同晚市都多人黎食，要等位㗎！…查看更多

之前係IG到見到有foodie推薦，所以決定去試一試係咪真係咁好食。今次叫咗個晚市二人餐($198，無加一)。圖中有二人菜單俾大家參考！第一樣要講嘅係送菜次序好奇怪！待應先黎咗主菜海南雞飯、小食拼盤、蝦餅撈麵、時菜一碟，到最後個道菜竟然係前菜木瓜沙律！開胃菜變咗最後先黎第二樣，食物味道普通，根本無網上講得咁好味。油飯唔香，得個色！小食拼盤味道正常，畢竟係冷凍食品，到到餐廳都係個啲味。撈麵嘅金邊粉一餅野咁，得個靚樣！仲有一碟嘅時菜，食到一半發現有頭髮，不過係外面食飯都呢啲都見怪不怪，唔係昆蟲就偷笑了第三樣，待應落單混亂。坐得食咗45分鐘左右，已經聽到有2枱表示俾錯野。仲要有枱話黎到碟野同相裏面完全唔同，不過都係個句圖片只供參考，大家食飯只可以小心揀，未免中伏…查看更多

本人已經係呢間車仔麵檔食過好多次，只要諗唔到食咩就會食，價錢相宜又好食！有好多餸俾人揀！當中有三款自己最喜歡，亦推介大家去試！第一係蘿白，清甜無渣，必試！第二係自家製餃子，店員會係舖頭到包，有韮菜同椰菜餃揀，個人就喜歡椰菜餃，有啲木耳，爽口！第三係豬腸，並唔係普通白烚，見過外面有好多食店都係白灼。呢間滷到啲豬腸好入味，完全無臭味另外湯底有清湯，牛腩，沙嗲同咖哩汁。個人中意腩汁加咖哩呢個配撘，辣辣地，好滋味！怕辣可以食沙嗲，唔辣！最後提提大家，記住星期三舖頭休息唔開！唔好摸門釘！同埋店舖坐位比較少，有機會午餐同晚餐要等位！大家記得留意啊…查看更多

今次第一次食呢間野，新開大約一星期。同屋企人叫咗蝦餃燒賣呢啲野食下。雖然選擇種類唔算好多，但係味道的確唔錯！蝦餃同蝦腸嘅蝦爽口彈牙大大粒皮又夠薄！食物質素普遍唔錯！職員服務態度好好，叫佢地幫我催單，唔會話ok就走，會翻黎話翻俾我聽等多5分鐘就有。…查看更多