imcindyho的個人專頁

天氣轉涼又係時候打邊爐啦，去左太和既大滾友，餐廳裝修行宮廷風，好有特色！最鍾意佢地既湯底，真材實料，開始打邊爐之前飲返幾碗先玲瓏浮凸•花膠雞湯鍋 (半隻)金黃湯底味道香濃，湯內有花膠，店員提醒滾起後先飲落再落雞件，三黃雞雞味濃郁，肉質嫩滑，份量十足牛肉拼盤(細)雖然點左細份，但份量都唔少，共有六款牛：封門柳、本地手切牛頸脊、和牛牛展、牛肉粒、牛舌同花雕酒浸牛肉！本地手切牛頸脊有彈性，肉味較香濃，牛肉粒厚切多汁，最特別係花雕酒浸牛肉，食到淡淡酒香味！手打蟹子鮮蝦丸蝦丸肉質彈牙，蝦肉餡鮮味十足菜苗帶子餃餡料飽滿，皮薄食落口感更好即炸響鈴非常鬆脆，放落湯底1秒就可以吸到濃湯精華，又可以做到微微脆口既口感大滾友雜菜拼盤適合多人分享，拼盤內有多款蔬菜，娃娃菜、唐生菜、油麥菜、金菇、粟米、蕃茄等，超級豐富自家製竹蔗茅根甜度適中，配搭打邊爐岩晒，清熱解毒又止渴…查看更多

係Jollibean飲豆乳就飲得多，面煎糕就第一次食！原來新加坡人好鍾意連埋豆漿一齊食當做早餐架，而家係香港都食得到，即管去試吓先▪️流心花生醬面煎糕一串有7粒，食落口感外脆內鬆軟，好似雞蛋仔咁，內餡充滿流心花生醬，另外仲加配茶記菠蘿脆，令整體食落更香甜酥脆 ▪️金秋冰糖燉雪梨天氣乾燥想滋潤吓，點咗個冰糖燉雪梨，雪梨非常多汁，加上冰糖更加香甜，既養顏又養喉嘅甜品▪️9°微甜濃豆乳可以揀冷/熱飲，豆味算濃，微甜版本豆味更突出▪️香芒小宇宙芒果汁味道香濃，有芒果粒、西米同小丸子，最愛小丸子煙韌口感▪️木瓜雪耳雪梨豆乳樽底有木瓜雪耳雪梨做配料，3款都帶有天然甜味，配搭豆乳一齊飲也不錯▪️可可豆乳豆乳x朱古力味都好夾，甜度適中…查看更多

Le Jus係間主打健康新鮮果昔既飲品店，以原個新鮮蔬果調配而成，保留所有營養同纖維，不含添加糖份、防腐劑及人造色素，岩晒忙碌又想注重健康既都市人🥤Green Magic $42由羽衣甘藍、菠菜仔、奇亞籽、芒果 、熱情果、蘋果調配而成，顏色墨綠色咁，望落好健康既感覺！具有高纖同排毒功能，而且仲加入superfood奇亞籽，可以提升飽足感，整體味道飲落幾清新，芒果、熱情果同蘋果增添清甜味🥤Spring Clean $42由紅龍果、香蕉、無乳糖鮮奶同希臘乳酪調配而成，顏色鮮艷，口感清爽順滑，紅龍果、香蕉可以促進腸道蠕動，從而改善便秘問題，味道香甜容易入口…查看更多

同家人聚餐都係鍾情食中菜，樂天皇朝有點心、拉麵、小籠包等菜式，晚市時間來到沙田分店都幾多人用餐，環境闊落座位舒適▪️原味小籠包每次到樂天皇朝必食之選，小籠包上枱時熱辣辣，一定要趁熱品嚐！小籠包皮薄柔軟，湯汁香濃，豬肉餡鮮味十足又多汁▪️上海生煎包一碟有3個，生煎包麵包軟熟，底層煎香左有微脆口感，內裡餡料都算多汁▪️上海炒年糕一道經典上海菜，年糕軟糯Q彈而且炒得好入味，配上肉絲同大白菜，非常香口又惹味，年糕煙韌口感真係非常好食▪️紅油鮮蝦抄手拌麵抄手有4隻，餡料飽滿有鮮蝦同豬肉，幾彈牙！拌麵質感煙韌彈牙，充分拌勻辣醬，有越食越辣既感覺，陣陣麻辣香氣，食得過癮…查看更多

ᴛʜᴇ ᴍᴏᴄʜɪꜰꜰᴏɴ ᴄᴀᴋᴇ 最近推出咗聖誕限定蛋糕系列ᴄʜʀɪꜱᴛᴍᴀꜱ ᴄᴏʟʟᴇᴄᴛɪᴏɴ🎄三款蛋糕都充滿聖誕氣氛，慶祝節日一流💕🎂烏龍茶脆脆可可 Chocolate Oolong▪️4-inch mini cake $460蛋糕賣相趣致又可愛，切開後層次超豐富，共有六層：濃郁可可忌廉、濃郁烏龍茶忌廉、烏龍茶脆脆、鬆軟可可戚風蛋糕、招牌煙靭麻糬、濃郁煙韌可可布朗尼！招牌戚風蛋糕濕潤又鬆軟，夾雜住烏龍茶味同可可味，中間仲有脆脆同煙靭麻糬，蛋糕底層有濃郁布朗尼，整體食落好有層次感～真係又靚又好食😋…查看更多

去咗港威商場嘅姚姚酸菜魚食飯，推出左幾款套餐都有酸菜魚同北京烤鴨，依個主題幾特別，而且份量都算多▪️滋味共享套餐 $438套餐包括酸菜魚、半隻北京烤鴨、川味鴨架同酸辣土豆絲，份量都足夠2-3人分享▫️姚姚酸菜魚可以自選辣度酸度同油量，鱸魚片份量都好多，魚肉口感嫩滑彈牙，酸菜青嫩爽脆，整體湯底酸辣適中帶麻辣香氣，酸酸地越食越開胃，如果有得配埋薯粉食一定仲正▫️北京烤鴨烤鴨有半隻，鴨肉切成薄片方便食，鴨皮帶油香，餅皮蒸到好熱，一籠都有10塊，餅皮包裹住青瓜蔥絲及甜麵醬，夾埋一齊食口感豐富又惹味▫️酸辣土豆絲土豆絲切成條狀，清脆又爽口，酸辣味道配上蒜蓉同醋汁味道非常惹味，仲帶點麻香味，也很不錯▫️川味鴨架一鴨二食，以川味製作香辣惹味，肉量雖然唔多但整得入味…查看更多

肉肉大米不時都會推出期間限定口味漢堡，今期推出咗忌廉菇菌漢堡! 今次點咗3件漢堡扒，一件原味、一件芝士同一件忌廉菇菌！坐低後店員就立即遞上湯、白飯、一隻生雞蛋，湯係菇菌麵豉湯，配合返期間限定嘅忌廉菇菌漢堡，幾足料有好多菇係入面，仲有魚蛋！枱上備有多款醬汁及調味料，可按照自己口味加落碟上！用餐期間西蘭花、湯同白飯都可以任食，食得好滿足第一件漢堡送上時已預先煎至半熟，再係自己面前嘅鐵板加熱，漢堡肉味香濃又多汁！接住第二件係芝士漢堡，加入即刨芝士，同埋一片車打芝士，芝味十足又邪惡！最後第三件係期間限定嘅忌廉菇菌漢堡，忌廉醬汁好惹味，上面再加上大量炒香左嘅雜菇，感覺好豐富又香口！…查看更多

到訪又一城美式意大利餐廳Amaroni's，臨近聖誕節，餐廳佈置得好有氣氛，坐低後店員隨即遞上暖笠笠餐包，蒜蓉包鬆軟，口感不錯，refill咗多1次▪️鮮釀海鮮牛油果海鮮他他混入蟹肉、蝦同魚塊，食落感覺清新，配搭牛油果食口感軟嫩鮮美，底層還有凍蕃茄醬點綴，味道酸酸地更開胃▪️經典紐約薄餅薄餅份量都幾多，切成9件，適合2-4人分享～配料豐富，有意大利肉腸、蘑菇、青紅椒、洋蔥、馬蘇里拉芝士，可以揀配蕃茄醬或千島醬！薄餅既軟熱又香脆，滿滿配料令口感更豐富▪️焗鮮蝦雞肉長通粉長通粉配上烤蝦、雞肉同巴馬臣芝士，味道好夾，並加入意大利火腿增添咸香味，蒜香忌廉汁滋味又香口…查看更多

去咗銅鑼灣喫茶ちょうぼ 食飯，餐廳裝修得有格調，座位舒適，適合同朋友傾計用餐▪️白雪椿芝士蛋包飯用上廣島白蛋，半熟蛋口感滑溜，配上濃厚芝士汁非常惹味，下層仲有一件好厚嘅漢堡扒同炒飯，份量十足▪️和洋酸忌廉辣肉腸‧大蜆鍋配香草薯條酸忌廉汁醬好濃郁，每隻蜆肉都沾滿醬汁，大大隻而且份量好多，配上嘅香草薯條炸得好脆，點埋酸忌廉汁又幾夾▪️喫茶特製・白雪の椿小食盛四款小食各有特色，最愛芝士年糕，咬入口充滿芝士香氣，口感煙靭，蟹肉忌廉可樂餅炸得香脆，仲有芝士竹輪同蘑菇薯蓉，非常豐富▪️暖洋芝士燒竹輪卷竹輪卷燒得乾身，灑上紫菜碎份外滋味▪️原個濃厚西瓜汁成大個西瓜上台好浮誇，加左個接駁口飲得好方便，清甜又解渴…查看更多

自己人係沙田開左新分店，餐廳主打食新派潮州菜，多款精緻又有創意既點心，玩味十足，餐點送上時個個忍唔住相機食先，造型滿分，食物味道都有驚喜！▪️鳳梨雀仔賣相非常靚，小鳥放在鳥籠內非常趣致，食落似鳳梨酥，酥皮入面包住鳳梨餡，香味又好味▪️金魚戲水游水金魚湯蝦餃賣相100分，以高湯浸住嘅蝦餃，啖啖蝦肉好足料▪️仲有多款特色點心包括黑蒜蝦燒賣、蟹粉芙蓉餃、粉紅佳人（龍蝦肉餃）賣相都係好精緻，值得一試▪️潮汕滷水炸乳鴿乳鴿外皮香脆，肉質嫩滑多汁，帶點滷水香氣， 整得夠入味▪️潮汕炸蠔餅蠔餅炸得香酥可口，蠔仔份量俾到足，炸粉夠薄食起上來更有口感，點上辣椒醬食味道更惹味▪️百花紫菜酥紫菜酥食落好有驚喜，面層紫菜酥脆，底層蝦膠混合墨魚膠彈牙，雙重口感滋味，並加入粟米粒增添甜味▪️豆漿蟹肉番薯葉苗用上豆漿湯底襯托番薯葉，味道濃郁，蟹肉份量都算多 ，夾埋一齊食口感層次分明▪️蟲草花紅棗燉烏雞燉湯係以單碗位上，熱辣辣既湯最好飲，滋補又暖胃▪️潮汕落湯錢糯米粉團口感軟糯，煙韌口感非常正，沾上糯米粉&五仁粉香甜又好味…查看更多

PHI Coffee & Pancake係啟德體育園北園開咗分店，店內佈置得好舒適寫意，給人放鬆心情感覺，最近更新左餐牌，推出幾款充滿節日氣氛嘅餐點，即刻要嚟試吓！🎅🏻楓糖烤南瓜沙律 $92南瓜有烤過，加埋楓糖好香甜，配料仲有水牛芝士、果仁碎、燕麥、同新鮮沙律菜，口感豐富有層次🎄地中海式蕃茄海鮮配吐司 $218好豐富嘅海鮮雜燴，有大蝦、青口、魷魚圈、魚柳同海蝦，配搭嘅蕃茄醬汁味道好香濃，再用烤過嘅厚吐司點醬汁非常好食又惹味！🪵香烤牛肝菌栗子貓耳朵粉 $126醬汁菇味濃厚，好多舞茸菇，肉厚嫩口，貓耳朵充滿住醬汁同蛋漿，少少煙韌口感，整體好惹味香口💎焦糖紅寶石玉桂梳乎厘 $138梳乎厘空氣感十足，蛋香味濃，焦糖蘋果酸酸甜甜，蘋果蓉仲混入apple cumble令口感更豐富，充滿節日氣氛嘅甜品☕️朱古力泡泡 $56 開心果咖啡 $68飲品賣相精緻，朱古力泡泡上佈滿聖誕造型嘅朱古力碎碎，氣味濃厚！開心果咖啡加入奶泡同開心果碎，口感層次豐富，甜度恰到好處…查看更多

天氣涼左又係時候打邊爐，今期牛大人又推出期間限定湯底，試咗「養生菇菌燉雞鍋」好香菇菌味，亦好足料！而且最近至12/2晚市點選「日本黑毛和牛A4+ 套餐」仲有得送江蘇太湖大閘蟹🦀一隻，大滿足！日本黑毛和牛A4+ 套餐會送澳洲M9和牛牛丸2粒同海鮮拼盤！仲會有日本黑毛和牛A4+、伊比利亞黑毛豬梅肉、鮮甜鮑魚任食，真係好豐富！和牛滿滿油花，肉質軟腍，入口即化，令人回味！另外都試咗幾款幾特別嘅小食，蝦蝦霸霸脆多士非常脆口惹味、日本和牛橘梨伴豆腐清新開胃、阿嬷豆乾魚蓉麵，仲有夜市類小食：烏金墨汁手作腸、三和夜市雞皮卷、夜市撈脆薯、海苔鹽酥雞、滷味五香雞胗，開始打邊爐前食下小食都唔錯啊！用餐期間仲有店員拎道具過嚟玩東南西北🎲遊戲，凡惠顧極上和牛、純種全血和牛或以上套餐顧客均可參與遊戲，每檯一次，有機會獲得童年玩具/牛大人小禮品…查看更多

慶祝節日多數鍾意揀西餐，去咗有多年歷史嘅美式西餐廳 Dan Ryan's Chicago Grill! 餐廳燈光微暗有情調，浪漫有氣氛！今次點了一人餐可以自選前菜、主菜同甜品，彈性度高，點餐過後就送上一籃餐包，有四款唔同口味嘅包點！▪️周打蜆肉湯忌廉味道香濃，湯內好多料同蜆肉▪️凱撒沙律份量都幾大碟，灑上滿滿巴馬臣芝士碎同沙律醬，沙律菜好爽脆，配有麵包粒同蕃茄粒▪️蕃茄肉眼牛柳寬麵醬汁充滿濃郁蕃茄香味，寬麵彈牙又掛汁，啖啖都沾滿醬汁，肉眼牛柳粒煮得入味，份量都幾多▪️慢烤美國進口BB豬排骨估唔到半份份量都咁多，豬排骨肉質非常軟嫩，輕輕一切就食到，醬汁濃郁又惹味，仲配有薯條同椰菜沙律，非常豐富▪️自家製布朗尼蛋糕朱古力士多啤梨朱古力味道濃厚，蛋糕食落有質感，加埋朱古力醬勁邪惡，整體甜度偏高▪️紐約芝士蛋糕Cheese cake重芝士味，口感滑順濃郁…查看更多

「玥」位於元朗Yoho Plus, 主打食台灣菜!! 今次食咗佢哋嘅二人餐，味道同份量都不錯，食得好滿足～▪️黑蒜雞湯二人餐每人有一盅湯，味道濃厚而且好足料，有雞腳、菌類仲食到粒粒黑蒜，熱辣好飲▪️塔香鮮蚵煎蛋蚵仔份量都幾多而且幾厚肉，伴上蔥花同醬汁 味道香口惹味▪️鳳梨咕嚕肉色彩繽紛嘅一道菜，咕嚕肉整得入味，配料相當豐富，加入三色椒同幾款水果入去炒，令醬汁更香甜▪️樹子香菇炒水蓮水蓮口感爽脆，加入香菇、樹子同蒜頭一齊炒得香口惹味▪️手工安格斯滷牛肉飯滷牛肉煮得軟腍又入味，而且牛肉大大粒食落有口感，用上安格斯牛肉肉味更濃郁，簡直係白飯小偷▪️芋泥芋圓鮮牛奶將鮮奶加入配料之中，非常美味，份量足夠二人食，芋圓煙韌Q彈，仲有桃膠、紅豆、珍珠、芋泥等配料，非常豐富…查看更多

燒肉控又出發食燒肉🤤 和牛燒肉‧純位於尖東希爾頓大廈，今次點咗<特選和牛燒肉二人餐> 套餐好豐富，和牛亦非常高質，賣相靚又好味! 💥時令沙律雞絲沙律卷伴入芝麻醬感覺清新，沙律菜包裹住雞絲口感爽脆💥是日刺身章紅魚&呑拿魚兩款刺身都好厚切，肉質緊緻，富有彈性💥前菜三點▪️松葉蟹肉：配濃郁醬汁，絲絲蟹肉鮮味十足▪️牛肉茶碗蒸：非常滑溜，高湯與牛肉粒味道香濃▪️和牛刺身：牛肉上搭配馬糞海膽同柚子啫喱，感覺奢華，味道亦非常豐富💥和牛壽司兩件火炙牛肉壽司輕輕炙燒過更能感受和牛油脂香氣，碎牛肉壽司伴上蔥絲增添口感💥和牛拼盤▪️特選和牛西冷▪️特選和牛牛排肉▪️和牛上等牛排肉▪️日式壺漬和牛牛排肉▪️蔥燒長條牛舌▪️辛辣厚切豬腩肉拼盤上枱時好震撼！靚牛全放在長型石板上，牛肉色澤鮮艷，油脂均勻，仲有超靚雪花！店員推薦由長條牛舌開始燒，質感爽口彈牙！牛排肉油脂較多，入口油香更突出！但講到最邪惡嘅一定係和牛西冷，燒嘅時候火光熊熊，超惹火，口腔滿滿牛油香氣！💥海鮮釜飯配料有虎蝦、魷魚、紫菜，蔥等，店員隨即以醬油拌勻，釜飯熱辣辣，鮮味可口，底部仲有少少飯焦，好香口💥牛肉清湯有青蔥同好多牛肉碎，蘿蔔煮得軟腍又入味💥甜品最後嘅甜品有柚子雪葩拼蜜瓜，清暑解膩…查看更多