ml0825的个人专页

今日來開大圍，行過圍方試吓搵食，見到呢間#上陽樓，入面地方唔算好大，但都有 9成滿，於是問門口接待Lily 小姐有冇位，第一句就話有位，正準備帶我哋入去，後面有位先生同佢講：「攞左飛等緊，唔係俾佢咩？」接待小姐先醒起係喎，就叫我哋等等，佢帶咗果位先生入去，出返來佢竟然已經係無左我哋係度等緊位件事，繼續佢有佢自己做其他嘢🤦🏻‍♂️ 咁唯有再問佢有冇位，係咪要攞飛，佢先知道自己忘記咗，跟手就俾返頭先帶左入去果位先生張飛我重用，都幾環保🤣等左幾分鐘就真係有位喇，入座坐低睇吓點心紙，嘩😳原來都幾貴，小點都要$48，而入面隨便一個普通點心都係大點 $58，其他外面酒樓是大點，佢呢度就會係「「優，美，良，特」厲害👍🏼隨便點了幾個點心同埋一碟炒河，既然收得咁既價錢，當然希望食物都有相同水準☺️果然食物品質幾好，味道好，份量就大同小異，用料新鮮，可以話係物有所值，貴得有道理！只係服務方面就一般般，未算係細心同周到！整體來講都有 80分！…查看更多

朋友介紹，第一次來吃，可能是公眾假期關係，人流不多，打開 menu 看看，始終是小店，選擇不多，而且食物都會標榜用什麼食材，以佐敦位置來講，感覺價錢是偏高些少，食物水準普通，不會有驚喜，飲品價錢都係 $40-$68 之間，平日跟主餐才有半價優惠！服務方面不過不失，而且都係主張自助形式，自己攪掂🤣另外應該係可以帶竉物入內，因為見到隔離枱有帶狗狗，但我就覺得食肆最好有講明，始終唔係所有人都喜歡！餐廳環境有點像快餐店設計，以木傢俬為主！…查看更多

今日天氣凍凍地，諗住隨便買份外賣返屋企食，通常落完單到攞外賣都係 10-15分鐘就走得，雖然今日係星期六，佢哋同平時一樣晚飯時間都係客滿，我唔係第一次係度叫外賣，起碼叫過幾拾次，今次係等最耐最耐既一次，我入去追問左3次都話好快好快，我只係叫炒炒麵，收銀姐姐同我熟，都忍唔住行去廚房問，反而執外賣果個就懶懶閑，佢哋規矩係唔俾係店舖入面等，外面冷冰冰又有風，最後係等左30分鐘先攞到手 😡😡 最差嘅係店員一句「唔好意思」都係講，俾左我就轉頭走人😡 係度寫出來，係希望佢哋老闆睇到，自己去檢討一下…查看更多

第一次踩入來啟德呢個新開發區，其實係屋企都望住呢度一直既演變，但行入來就係第一次☺️新商場俾我感覺好新鮮感，唔會同出面果啲一樣，食肆都幾多選擇，先去頂層再行落去，正值 lunch hour, 遠遠被呢間開揚既 cafe 吸引住，落到來 3樓 cafe 門口，睇睇個餐牌，其實價錢都算中等，食物款式雖然唔太多，但都幾吸引，即管入去試試！服務員由門口到坐好，都非常有禮貌有笑容👍🏼最後揀咗他他牛，鱸魚，牛頰肩，兩杯飲品！只係等左 5分鐘左右，飲品先到，Mocha 加上拉花點綴，味道剛好，唔需要落糖👍🏼另外係菊花茶，一個茶包稍嫌淡左少少😏再多5分鐘，他他牛上枱，賣相100分，味道好好👍🏼大嘅多5-10分鐘，兩碟主菜分別上枱，服務員都會提醒小心碟比較熱，鱸魚皮好脆，魚肉好滑，加埋個汁岩岩好，非常鮮味！牛頰肩肉質好淋，配埋4條黃色甘筍，賣相好靚，而且好鮮甜！另外係要讚一下，服務員對是否需要加水好細心，只要水杯剩一半都會過來加滿 👍🏼…查看更多

咁岩今日出開灣仔, 行過呢間新開茶餐廳, 外面同普通茶記裝修一樣, 午膳時間幾多人, 呢度有散叫亦有 set lunch, set lunch 有個冬蔭公海鮮會 (飯或意粉), 選了意粉試試, 等左 5-10分鐘上枱, 放係面前呢一碟, 單係賣相已經要俾滿分, 雖然份量好似好少, 但原來都幾夠飽, 而且講明係海鮮, 蝦就一定唔會無, 有兩隻大蝦, 兩隻青口, 仲有魷魚, 蜆肉等等, 意粉同海鮮都好有冬蔭公味道, 最主要佢唔會太酸太辣, 係岩岩好, 餐飲點左凍咖啡, 味道唔錯, 不過冰就多左少少, 可能唔太識用佢既網上點單功能, 原來可以揀少甜少冰, 自己無睇清楚, 唔關餐廳問題另一方面係員工好有禮貌, 地方乾淨, 新開最緊要做到呢 D, 希望一直都 keep 住咁好, 可以再返頭幫襯…查看更多

行過路過想食個下午茶，見門面都唔差，門口個餐牌定價唔太貴就入去試試！自己點餐幾方便，點了一個「惹味黑椒汁海鮮燴螺絲粉+葡式凍咖啡」咖啡先到，可是喝一口就不想喝，味道很苦，咖啡味很少，可能我唔識葡式咖啡係咩味🤦🏻‍♂️ 之後等了差不多十分鐘，螺絲粉到了，第一眼望落去以為叫齋螺絲粉，海鮮係邊🤔 摷左好幾下終於見到好細粒嘅魷魚同細蜆肉，基本上成個餐 99% 都係螺絲粉，黑椒汁無黑椒味，完全唔覺得點惹味！第一次就非常失望，雖然係下午茶餐，但水準都唔好咁掛 🤦🏻‍♂️ 真係多謝晒…查看更多

已經唔係第一次過來食飯, 真係可以講會食上癮, 重點係今次過來無預先訂位, 真係 walk-in, 一踏入門口, 親切友善既員工就話今日既 Afternoon Tea 已經 full 哂, 因為我去到既時候係 1 點半有多,  但我話我想食 Brunch, 唔知仲有無得食, 估唔到竟然答案係有, 而且仲可以食 2個鐘, 咁就順利入左去 ! 其實呢度星期日既 brunch 基本上網上都係 book 唔到, 主要係呢個 brunch 有齊中西美食, 而且留言都係個個讚不絕口, 所以一定要來試試 首先來既係最喜歡既海鮮併盤 - 波士頓龍蝦, 生蠔, 帝王蟹, 大蝦, 非常新鮮, 之後係 5小碟, 呢 5小碟係無限任點, 包括 : 豉椒炒小墨魚, 豉油雞, 蕃茄布拉嘉芝士沙律, 法式鴨肝凍批, 蜜汁叉燒,  5款味道都非常好, 個人最愛係法式鴨肝凍批同埋豉椒炒小墨魚, 隨後就係主菜, 每人 7款揀 1款, 我揀左煙三文魚牛油果多士, 屋企人就揀左黃金蝦球配白飯, 一邊吃主菜, 一邊再加添幾個小碟, 最後真係食到幾飽最後 3款甜品中揀左紅豆沙芝麻湯丸, 如果連紅豆沙都可以無限任點就好 ! 加埋杯 Mocha, 呢餐係完美既完成, 結果係食左成 4 點先蕫離開, 另外要讚既係呢度每一位員工, 每次過來都感受到好 warm, 好親切, 笑容滿面, 簡直係無可能唔會再來…查看更多

好少來到東涌東薈城新開部份, 一般都係下面坐巴士去其他地方多, 今次約左朋友來食晚飯,  揀左呢度來食飯, 好耐之前係銅鑼灣食過, 算係不過不失, 今次來呢間希望都唔會有差別因為臨近冬至, 所以套餐都係以冬至為名, 幸好價錢可以接受, 而且份量都幾夠, 起初以為唔夠, 加多左一客原味小籠包, 不過原來係無加錯到, 理由係套餐既特色皇朝小籠包真係食唔出佢講既味道, 點都係原味先最好食 ! 醉雞酒味稍為弱左少少  ! 四季豆較為乾身, 味道一般 ! 小黃魚炸得岩岩好, 而且好鮮味 ! 至於水煮牛肉就不過不失, 牛肉份量都比預期中多 ! 炒年糕個人就覺得比較咸左 D ! 最後既豆沙鍋餅幾好, 唔會太甜, 而且又係熱辣辣上枱 ! 不過都係果句, 逢親有大節日, 去任何地方食飯都要對食物有所保留同埋打少少折扣, 始終人太多, 出品就一定有參差…查看更多

呢日收工朋友約左係中環食 dinner, 朋友介紹試下呢間平民法國菜, 因為佢來過幾次 lunch 都覺得唔錯, 所以就試下 dinner ! 朋友一早訂左位, 唔使等就可以入座, 地方唔算大, 但唔會覺得好焗束, 呢次揀左兩個頭盤, 分別係法式焗蝸牛, 法式牛肉他他, 同埋主菜係鴨腿, 辣肉腸, 巴馬火腿煲仔飯 ! 起初諗緊夠唔夠食, 落單時老闆話煲仔飯唔會太細, 可以唔使加多個菜, 仲話食到咁上下真係唔夠先加, 好細心先來既係法式蝸牛, 不過不失, 未有驚喜, 而法式牛肉他他都唔錯, 牛肉加入配料之後, 肉質唔錯, 如果再加 D 雪梨係入面應該個口感會仲好, 之後等左 15分鐘左右, 煲仔飯上枱, 煲仔唔算細, 而且感覺幾足料, 初頭以為係成隻鴨腿砍件上, 原來係走骨起哂肉再撕好哂, 配埋辣肉腸同巴馬火腿, 味道好夾, 少少辣少少咸, 雖然法式煲仔飯係唔會有飯燋, 但依家有煲仔飯既香味, 都係一個幾特別既嘗試 ! 最初唔係想試煲仔飯, 但原來有唔少想食既都係要預訂, 下次要再來既話, 一定先預訂左想食既特色野先…查看更多

淥鼎記唔係第一次來, 記得有疫情前已經開始來, 疫情期間人流好少, 有點冷清, 但當時既質素, 服務都非常好, 而且 like 佢地社交平台會仲有折扣 ! 依家疫情穩定了, 再來就無左任何折扣, 但就多左個火鍋前既半主菜 4 揀 1 , 但其他既質素就開始有偏差左今次火鍋前半主菜就揀左要少辣既酸菜魚,  Order 完唔使 10分鐘就上枱, 來到仲係好夠熱, 酸辣味尚可,  魚就好滑好食, 而且份量都幾足 !  食完就揀左幾個小食來食下, 泡椒雞翼尖幾值得推介,  食得辣既就會覺得醃得好入味, 反而蠔油雞腳就炆得太淋同埋有 D 咸, 其他小食都係一般般 ! 到火鍋喇, 今次就揀左花膠美人鍋, 呢款鍋之前都有食過, 係幾唔錯, 不過今次就完全係差左, 花膠少左之餘, 仲要係細塊左好多, 湯底亦無之前咁夠味, 之前係可以滾左之後先來飲一小碗嚐下味道, 依家值頭無人會過來咁樣叫你試, 而且埋到來既湯都唔太多, 加左水就會失味道, 所以都有佢, 先食左無得番添既牛肩胛, 小海鮮併,  呢 D 都係新鮮比較好, 而其他都係出去出面自取, 感覺已經無左以前中上既格局, 但價錢就仍然係走中上,  每位 $348 + 10%…查看更多

老實講, 真係好多年無來呢度食拉麵, 記得以前讀書時期, 放左學間中都會過來食碗拉麵當晚餐, 果時食到同服務員同埋煮麵既日本師傅都熟哂, 依家來到真係有 D 陌生, 加上每次都好多人等位, 又無左日本師傅了, 而且 menu 上既食物係多左, 但自己都係鍾情係傳統既拉麵同埋日式餃子今次都要等左成 20分鐘先有位, 好彩有吧枱坐, 記得以前放左學一個人走來食, 一定係坐吧枱, 食到日本仔師傅都認得, 佢既廣東話都講得好好, 所以係可以同佢溝通到 ! 之前一向都會叫九州拉麵或者叉燒拉麵, 不過呢日唔係太肚餓, 所以就叫左櫻花蝦拉麵, 魚豚骨拉麵, 同埋日式煎餃子 ! 坐吧枱睇住師傅煮拉麵時, 就當係自己置身日本既拉麵店, 師傅煮完會直接遞過來, 就會有種無形既開心感覺 ! 櫻花蝦拉麵只有一塊叉燒, 半隻溫泉蛋, 同埋櫻花蝦, 如果肚餓既時候我一定唔會揀呢個, 因為食我唔飽, 櫻花蝦好香, 叉燒係日本麵既靈魂, 再加埋豬骨湯底同埋軟硬適中既拉麵, 當然有埋溫泉蛋咁先係正宗日式拉麵, 可能太耐無來食, 覺得以前既豬骨湯底係好味好多, 果時仲會起碼飲半碗先停口, 而另一個魚豚骨拉麵, 豚肉岩岩好, 而且好入味, 不過呢個就無配溫泉蛋,  日式餃子就同以前既味道差唔多, 一口一個, 而且唔會太油膩, 另外一提既係呢度既價錢真係好經濟, 所以點都係好值得再來…查看更多

鰂魚涌係我一向少來既地方, 晚飯時間行過見到呢間日本店舖有點陌生, 與附近舊區環境有點分別, 門口放了餐牌, 價錢合理, 於是乎走入去試下, 小伙子禮貌周周的招呼, 坐低再細看餐牌, 雖然選擇唔多, 但 D 丼既組合又幾岩食, 而且都係便當形式, 仲要有埋甜品 ! 如果茶碗蒸多少少蛋同實少少, 感覺會仲好食, 依家稍為稀左少少 ! 今次試左豐州海鮮丼, 入面有 7款食物, 其中 6款都有刺身, 而且仲要係厚切, 好新鮮 ! 起初以為份量唔係好大, 但食落其實都夠飽 ! 甜品係兩小舊日式蛋糕加生果, 好清新好好味 ! 不過新開既, 當然有好大既進步空間 ! 繼續努力 ! …查看更多

約左朋友去西營盤食飯,  一路行一路睇下邊間吸引,  行到皇后大道西, 俾佢個招牌名吸引到,[大頭蝦] , 好明顯係東南亞餐廳,  我都有一段時間無食喇沙, 所以就叫左個海鮮喇沙, 朋友就叫左個火車頭, 另外再加左個炸蝦餅同炸軟殼蟹首先來到係海鮮喇沙, 好香既喇沙味, 湯好濃郁, 飲一啖係覺得好重海鮮味, 已經好加分, 雖然唔算係最正中既喇沙, 用油麵加米粉, 我揀左要河粉,  河粉好滑, 再索埋 D 喇沙湯, 食入口係勁正, 入面既材料仲有蝦, 炸魚, 青口, 札肉, 魷魚各兩件,  再來係火車頭, 亦係河粉底 + 清湯, 味道 OK, 唔太濃, 有生牛肉, 坑腩片, 牛丸同札肉  ! 炸蝦餅就一般般, 蝦味唔係太夠, 可能粉多左 D ! 最後係炸軟殼蟹, 好大既兩隻, 比預期中大, 剛炸出來好香, 食入口係好重鮮蟹味, 軟軟的脆脆的,感覺好正, 值得一試 !…查看更多

近來出去旺角多左, 呢晚又出開旺角, 順便睇下有咩食, 結果都係行返來朗豪坊呢度, 主要都係對呢度食物有信心 ! 坐低睇下個 menu, 本來諗住散叫, 但見個二人餐都幾吸引, 價錢唔算太貴, $288 一位, 有龍蝦有燕窩, 只係擔心夠唔夠飽 ! 先上枱係 [脆脆 BB 豬沙律] 亦即係乳豬沙律, 但無諗到竟然係得一件, 當時真係有 D 火,  一件都可以俾得出手既, 食落真係好脆好香, 而且唔會肥膩 ! 之後再來就係 [金銀蒜蒸開邊龍蝦] , 蒜味好香, 龍蝦處理火喉岩岩好, 而且非常新鮮, 肉質爽口彈牙 ! 再來就係 [海皇燕窩] , 燕窩份量唔少, 海皇羹應該係用龍蝦肉來煮, 好香好濃, 蝦肉都好多 ! 跟住就係 [鮮茄帶子浸時蔬] , 用既係新鮮帶子, 應該係兩粒帶子切開, 估唔到配上鮮茄湯係幾好味 ! 跟住再來就係 [蛋白岩米桶仔飯], 呢個桶仔飯估唔到係咁有口感, 而且有一種難以形容既香味, D 飯仲有少少咀嚼感 ! 最後就係甜品, [薑茶滑湯丸], 第一啖入口既薑茶會覺得好辣, 因為食完個比較清淡既桶飯所致, 但第二啖之後就會覺得薑味岩岩好, 唔會好嗆, 兩粒芝麻湯丸好滑 ! 6個菜食哂之後, 其實係覺得岩岩好, 少少飽, 但會好回味 ! …查看更多

近來出去旺角多左, 呢晚又出開旺角, 順便睇下有咩食, 結果都係行返來朗豪坊呢度, 主要都係對呢度食物有信心 ! 坐低睇下個 menu, 本來諗住散叫, 但見個二人餐都幾吸引, 價錢唔算太貴, $288 一位, 有龍蝦有燕窩, 只係擔心夠唔夠飽 ! 先上枱係 [脆脆 BB 豬沙律] 亦即係乳豬沙律, 但無諗到竟然係得一件, 當時真係有 D 火,  一件都可以俾得出手既, 食落真係好脆好香, 而且唔會肥膩 ! 之後再來就係 [金銀蒜蒸開邊龍蝦] , 蒜味好香, 龍蝦處理火喉岩岩好, 而且非常新鮮, 肉質爽口彈牙 ! 再來就係 [海皇燕窩] , 燕窩份量唔少, 海皇羹應該係用龍蝦肉來煮, 好香好濃, 蝦肉都好多 ! 跟住就係 [鮮茄帶子浸時蔬] , 用既係新鮮帶子, 應該係兩粒帶子切開, 估唔到配上鮮茄湯係幾好味 ! 跟住再來就係 [蛋白岩米桶仔飯], 呢個桶仔飯估唔到係咁有口感, 而且有一種難以形容既香味, D 飯仲有少少咀嚼感 ! 最後就係甜品, [薑茶滑湯丸], 第一啖入口既薑茶會覺得好辣, 因為食完個比較清淡既桶飯所致, 但第二啖之後就會覺得薑味岩岩好, 唔會好嗆, 兩粒芝麻湯丸好滑 ! 6個菜食哂之後, 其實係覺得岩岩好, 少少飽, 但會好回味 ! …查看更多