cunningbun的个人专页

琴晚睇咗兒登嘅e to E演唱會尾場，其中一幕過場片見到阿正sell佢開嗰間coffee shop😂 好奇之下今日來探下路😝Pistachio Creme Brulee ($55)喺門口見到呢個廣告就想食了！賣相跟廣告相符，賣相好靚同埋都算大碗。碗邊有開心果仁碎，口感豐富了。Cream都滑，同有淡淡開心果香，味道ok。來之前睇近期食評話都擔心呢間嘅態度會差，但今日我來到覺得佢哋都好nice，仲提醒我小心杯茶好熱。…查看更多

酸種蛋撻 Sourdough Egg Tart $16以酸種蛋撻嚟講，Puff Bake又唔夠同區嘅Bakehouse又平又好食。至於佢跟同區Hashtag B嘅星星形千層酥皮蛋撻比較來講，又唔夠Hashtag B嘅星星型千層酥皮餅皮咁驚豔。Puff Bake價錢亦都唔係特別出眾，價錢雖然冇特別貴，但呢個價同區有更好選擇。蛋漿都冇記憶點。簡單嚟講，唔難食，一試無妨，但唔需要排隊幫襯，同區有更多更好嘅酥皮蛋撻選擇。另外，店員又黑口黑面，唔係太有禮貌，下次不了。#Eggtart…查看更多

今次係第二次來幫襯了，上年來食過覺得味道有保證，所以今次路過屯門碼頭決定特登過去食。今晚嘅Menu跟上次來嘅已經唔同咗，而晚餐嘅主菜套餐就配有餐湯同飲品。餐湯我揀咗南瓜湯，咬到有一粒粒南瓜肉，好甜嘅南瓜🎃味，高質！😋香辣蒜片欖油大蝦炒意粉🍝 ($128)今次我揀咗加辣，不過加辣就真係太辣了，好像喧賓奪主了。連去譚仔食開大辣嘅我都覺得有譚仔大辣嘅辣度。本身個意粉用欖油去炒已經比較多油，加辣變相加多咗辣椒油，更加油冧冧。我建議揀返正常辣，而唔食得辣嘅要揀減辣。不過呢個意粉夠晒重口味啱我，我下次會想再食過😝🍋跟餐嘅凍檸茶唔需要凍飲加錢，值得一提嘅係佢竟然俾咗五塊檸檬，如此足料嘅餐檸茶真係市面少見了。雖然全店免收加一，但服務都到位，店員溫文有禮，而且好像冇用餐限時。呢間真係稱得上係隱世好食cafe，價錢合理，餐牌會不定時更新，味道偏濃味啱我口味，可以經常再來食丫#支持小店…查看更多

用app book咗檯，夜晚來食個便飯有折扣。西冷牛扒🥩(10oz) $288本身order前會擔心西冷牛扒比較瘦，食落會好韌，同埋佢冇寫牛扒出產地。但整間餐廳只係得西冷這一款牛扒選擇，所以揀無可揀就order了。碟西冷牛扒一來到就感覺份量好足，牛扒🥩好厚好大塊！雖然本身order咗7成熟，但佢整到幾乎全熟。雖然佢幾乎全熟，但係食落竟然唔覺得韌，完全冇黐牙，仲好有彈性添。本身塊扒嘅黑椒味都好香，唔駛點汁都好食。我覺得唔鍾意食生嘢嘅人就算order佢全熟，都可以享受到一塊正牛扒了🥩。泰式石鍋虎蝦冬陰功湯 $88用石鍋裝住個湯，賣相同誠意唔錯。可惜虎蝦得兩隻，湯內仲配搭咗啲奇怪配菜例如西蘭花、紅蘿蔔🥕，唔係正宗嘅煮法。湯嘅味道偏酸。話晒都係酒店Cafe，服務ok。今次用app訂座有折扣，食得超值，幾開心。下次如又有優惠可以再嚟encore…查看更多

夜晚九點幾行過呢度搵食，諗住掃吓街，見到有呢間幾精緻嘅雪糕店，聲稱係波蘭式雪糕，就決定入去試一試啦！兩位女店員都好Nice，講嘢有少少鬼婆口音，話出面好熱叫我入舖頭裏面坐低慢慢食。蜂巢雪糕杯 （$55）雪糕面有100% Organic蜂蜜及一粒蜂巢，咬落去粒蜂巢有滿滿嘅蜂蜜湧出，好sweet 🥰 食完已經好滿足唔使再食其他垃圾食物了。不過唔知點解啲雪糕離奇地溶得特別快😂 搞到我食到成手都係好狼狽😂 好彩店內有餐紙提供可以攞嚟抹手今次冇問到店員究竟波蘭式雪糕同平時雪糕有咩分別不過個蜂蜜好好味，下次會想試埋其他味道嘅雪糕#支持小店…查看更多

因為嚟緊會去新加坡🇸🇬，所以今日特登去試吓呢間新加坡過江龍🤣睇嚟香港經濟真係幾差，午市套餐嘅價錢比我記憶中平咗，尤其是呢度係圓方貴價商場，午市套餐做到呢個價位都相宜。海南雞拼燒雞飯套餐 ($129)所謂金玉其外，賣相就唔錯。雞肉嘅份量十分少，燒雞直程只係將一隻雞全翼打橫斬開幾件，份量又少又多碎骨，有冇搞錯！唔怪得要收喺啲海南雞下面遮醜啦！海南雞面頭嘅汁，好似溝淡咗嘅吉野家雞飯照燒汁味，碟邊有三款常見嘅海南雞飯醬汁可以點。雞皮好薄好滑白色的。燒雞嘅份量少到comment唔到。全靠碗飯塞入個肚，飯幾香，米夠乾身。跟餐的餐飲選擇都幾多。不過我揀嘅檸檬薏米水，只係得一片檸檬，冇薏米粒，同我想像中有點落差。午市加埋一，過百蚊不過唔飽肚食完之後離開餐廳後先發覺好口渴有機會係有太多味精…查看更多

一直都知呢間麵包舖係北角嘅人氣小店，見佢喺Openrice有咁多正評，今日路過決定試一試佢個出名嘅布丁包😬利申我一直食開油麻地嘉多娜嘅布丁包，估唔到呢間都唔錯！呢間買麵包仲唔需要排隊添開心果布丁包 （$24）雖然未食過佢嘅原味同芋泥味布丁包，但而家周圍都興開心果味甜品，一於試一試佢嘅開心果布丁包先啦。一嚟到見個賣相就普通嘅，個表面好似好乾擺咗好耐咁。但點知一咬落去個味道唔錯，雖然未至於有流心效果，但啲cream都好滑，仲好似有啲白朱古力嘅甜味。預料之內，同一般開心果甜品一樣個cream都係冇乜開心果味，但係表面嘅開心果仁係有香味嘅，還好了。個包就有啲似鹹餐包味嘅法包🥖，以小店出品嚟講我覺得係高質。#支持小店 #開心果 #布丁包…查看更多

今日係一個打緊一號風球嘅星期日，長洲冇乜遊客。夏日炎炎，本來想搵一間叫茶山嘅餐廳，最後搵到呢間「伴日x茶山」嘅餐廳，決定入來小歇一會。柚子蕎麥麵 ($46) 配漬物 + 熱文山青茶夏天食個冷麵真係好清涼。用筷子夾一小撮蕎麥麵沾入杯中嘅柚子冷麵汁，麵質爽滑，味道優雅，食完唔會成身汗。明太子茶漬飯 （$44）配漬物 + 熱文山青茶湯嘅比較淡，夏日炎炎食啲淡味啲嘅嘢就最舒服。呢度好似一般Cafe，去cashier點完餐，店員就會送餐來。背景播住休閒嘅音樂，成間餐廳以日系木色為主，十分舒適。店內有一些「茶山製所」產品售賣。#支持小店 #長洲…查看更多

今日來食個早午飯成個飯餐餐牌，除咗豬手同牛腩之外，大部分都係薑蔥肉片湯飯之類，可是我唔食薑蔥的，又想食下菜，於是我揀咗「生菜鯪魚球湯飯」。可是，明明餐牌係寫「生菜鯪魚球湯飯」，而且點菜單據都係打「生菜鯪魚球湯飯」，但我點餐時佢又唔講明冇生菜，直接幫我將生菜轉咗做薑蔥，直至碗鯪魚球來到檯面我先知。我食飯途中，聽到坐我後面檯嘅一名熟客向侍應再三表示「今日嘅豬手唔夠腍」。個侍應就回應話「下次夾啲腍啲嘅俾你」。「生菜鯪魚球湯飯餐」（根本冇生菜）$56 （豆漿+$6）味道一般，賣相一般。諗起自己身處喺一間疑似違反商品說明條例嘅餐廳，已經冇晒胃口。有5粒鯪魚球，我食到第4粒食到餿味吐返出來。我怕係自己搞錯，於是食埋剩低嗰粒比較一下味道，確認了第4粒果然係餿咗，即使我嘗試加胡椒粉也蓋不了那餿味。當時係接近午飯時間，陸續有客人入來食午飯。我向其中一名侍應表示我吐出來嗰舊鯪魚球餿咗，佢拿拿臨講咗句「食完喇嘛」，就收走我碗野毀屍滅跡了。食物有問題，食客向餐廳反映，係希望餐廳跟進及作出改善。但係睇住呢度嘅人咁嘅態度，真係唔駛再來。我去收銀處俾完錢後，便向老闆娘反映返我食物嘅問題同佢員工嘅態度問題。不過我趕時間走，不知道佢地有冇去check返啲食物我就走咗了。#中伏…查看更多

一直都偏愛去搵無麩質嘅蛋糕嚟食，食完唔會肚脹脹，但係市面上都得返唔係好多間容易買到。聽聞呢間InfinitiC今日係最後一日堂食，特登慕名而來食吓佢嘅切餅。之前食過幾次都覺得，佢嘅味道係甚至比有麩質嘅蛋糕更好食。可惜每次食完一間，嗰間就執笠，例如西環、海港城、K11Musea店，而家已經執剩呢間中環店，今日之後都冇了。🥺 未來要轉做網上訂購，要預先訂貨，就唔係咁容易食到了。巴斯克檸檬芝士蛋糕 + 熱黑朱古力 (Keto version)而家潮流興食巴斯克芝士蛋糕，呢間都出咗，個芝士蛋糕做到軟滑軟心效果，甜度點到即止，亦都唔會有好臭嘅芝士味。上面嘅檸檬醬簡直係畫龍點睛，增加咗清新嘅感覺。市面嘅巴斯克芝士蛋糕切餅都偏細件，但係呢間份量夠大。簡直係相逢恨晚購買一杯飲品就可以半價買sliced cake 🍰 。呢度嘅飲品可以加$5轉Keto version。出面好多Cafe轉用植物奶都只係得豆奶同燕麥奶可選擇，但呢度係用杏仁奶實在太好了，真係好適合生酮人士。希望未來佢會再出堂食啦，到時一定會支持…查看更多

有朋友推介呢間餅店嘅蛋撻，今日行經附近決定來試試，去到門口先發現唔係普通港式蛋撻，而係叫做布甸蛋撻，size有一件西式撻餅咁大。布甸蛋撻 （$12）首先去收銀處俾錢，之後去門口嘅蛋撻爐搵店員拎蛋撻。雖然唔係新鮮出爐，但係有用個暖爐去暖住，蛋撻放入紙袋內拎上手時候仲係熱熱地，好食啲原來所謂嘅布甸蛋撻係一杯布甸咁嘅size嘅一個曲奇皮蛋撻。蛋撻中間嘅蛋唔係布甸味，比較實少少，似燉蛋甜品不過味道比較淡，唔係好甜。但對於鍾意食曲奇皮蛋撻嘅我嚟講我覺得係好食。個蛋撻嘅甜味似乎主要係來自燉蛋表面嘅糖漿。…查看更多

好嚇人呀，我去拎外賣時偷聽到染髮細眼的女店員向另一位店員表示剛收到嘅外賣平台外賣訂單好xyz@&$! 話諗起上次又係有張order阻住佢收工，想摷返個xx嘅電話出來騷擾佢！今日係Aeon會員95折日，我行Aeon超市行到夜晚接近8點去花斑茶社買杯飲品，去拎飲品時，聽到以上嘅對話……焙茶鮮奶 （$36）味道ok，好足料，仲飲到未溶晒嘅焙茶粉。不過飲完1個鐘後開始肚瀉……回想起唔通我有阻到人收工？ 利申：舖面寫9點閂門其實成間舖頭貼滿某當紅偶像組合嘅應援，佢咁樣趕客法真係「fans行為偶像埋單」…查看更多

一心諗住來買個本地檸檬🍋，順便食啲gelato做comfort food，果然冇白行一趟。我鍾意呢度主張「本地耕作、不時不食」，Gelato都係用新鮮時令本地耕作嘅食材製作，每隔一段時期就會轉款式，總係會有驚喜。今期係咩芫荽雪糕、咩菇雪糕等等，比較驚心😂 我都係揀返啲大路嘅😂 本地蕃石榴氈酒雪葩 （$58)幫襯小店嘅好處係客人少少，店舖嘅製作特別用心。店員捧碟雪葩過來嘅時候特意介紹返，佢話係用本地嘅蕃石榴加蘇格蘭嘅氈酒整成嘅。雪葩嘅表面倒多咗啲氈酒而隻氈酒係用(唔記得咩)莓釀造嘅，所以有陣陣莓味。另外，雪葩表面加咗啲碎咗嘅檸檬、橙味糖，想模擬返番石榴一粒粒嘅口感。我留意到隻裝雪葩嘅碗仔都係雪凍咗嘅，令我打咗咁耐卡都未咁快溶味道都唔錯，食得出有蕃石榴肉#支持小店…查看更多

芝士燒雞扒溫泉蛋丼套餐（午市）（$65）一碗硬冷飯 + 一塊仔炸雞扒 + 一塊芝士 + 一大pat美滋乃 + 少量中華沙律和蛋碎+ 一隻溫泉蛋食醬佔居多，啲飯超硬，似係未煮熟，同埋啲飯係凍嘅。雞扒都係就咁用炸爐炸出嚟而唔係燒嘅。前菜有蒸蛋、沙律、麵豉湯，連一杯免費飲品（橙汁）或甜品（雪米糍一粒），都幾豐富，才$65另加一，以地區來講係幾抵食。不過就唔好盼望會有咩Service，個較senior嘅女店員態度麻麻地，唔肯幫唔識掃碼落單嘅老人家顧客。 環境就幾好坐。…查看更多

如果你唔係熟客，就唔好旨意幫襯呢類住宅區內嘅酒樓會食得順氣。因為要趕住用埋之前食利苑夠$2000送嘅$200現金禮券，所以今日諗住來食少少嘢用埋佢。但估唔到呢度叫得利苑都做到咁肉酸，咁令人失望。即片皮鴨半隻 （$230）一坐低見到隔離檯食緊片皮鴨，所以我地跟風叫片皮鴨 可惜，即燒？是違反商品說明條例嗎？居然落單後幾分鐘就上到菜，仲快過我碟菜芯炒牛肉上菜。除咗籠餅皮係熱到有蒸汽出之外，碟片皮鴨係凍嘅，試問佢有可能係即燒嗎？我地叫得半隻，難道就係隔離檯食剩嗰半隻嗎？講返個鴨，半隻鴨切咗11塊皮出來，基本切成12塊是常識吧？味道方面，一啲片皮鴨嘅酥香味都冇，正中間嗰塊仲有好臭嘅羶味（常見於鴨屎忽嘅味道🤮）籠餅皮都好離譜，總共12塊餅皮，但佢居然係4塊交疊成一層，合共三層，連蒸籠紙都咁慳皮？食開皮鴨嘅人都知，啲餅皮黏埋一齊係幾難搣開架啦，即使我去屋村酒樓同小店食嘅片皮鴨，都會係每一層餅皮用蒸籠紙隔住，唔會容許佢哋黏埋一齊。片皮鴨嘅配料都好縮水，佢每束京蔥只用一粒辣椒仔箍住，但係得6束邊夠分？菜芯炒牛肉 ($150)牛肉和菜芯都好乾，唔講以為食緊乾炒菜芯牛肉乾，連茶餐廳級數都不如。唯一值得可取之處係肯定佢係即叫即炒，因為係熱嘅，唔似得上述嘅凍片皮鴨。而家利苑真係慳皮，每個牙籤套內得1支單頭牙籤。每個座位本身已經得1支牙籤，仲要一撩就斷咗。 我叫個遮遮俾過兩支我，佢行開咗之後冇咗回事。包括部長，部份員工嘅態度都好有問題。我眼見佢哋好似好唔願意做咁。舖設新檯時，將每一隻碟垂直拍在枱面上，令碟敲在枱上，造成的噪音真係好難頂呢。…查看更多