rosie1118的个人专页

今日出開港島，去左朋友推介既泰國餐廳，入面裝修幾靚同埋店員服務態度都好友善!前菜叫左個 煎炒BB魷魚配青醬黎試下，泰式青醬酸酸辣辣，好開胃，炒過既魷魚好重黑椒味，好香口。主食款款都好吸引咁。我地叫左滑蛋蒜蟹肉蝦飯，果然冇叫錯!!呢個送飯一流，蛋真係好滑，最貼心係佢D蝦肉去左半殼，食得方便! 朋友就幾鐘意個酸腸咸蛋炒粉絲，夠曬鑊氣。泰式酸腸第一次食，帶微酸仲有種煙燻既肉香! 個芒果椰子雪糕，椰子味好濃，最有驚喜係個底竟然係有糯米飯! 臨走前見到隔離台叫左炒河，都好似好正咁，下次要試下先得!…查看更多

銅鑼灣金西南米線好多人食，2點幾過左食飯時間去，都好多人排隊!涼拌米線第一次食涼拌米線，原來又OK 喎，比平時湯米線更清爽開胃。配料叫左金獎腩肉, 滷水豬肚 同埋新出的豆皮結。腩肉肥瘦分明，調味岩岩好，好入味。豬肚口感Q彈有嚼勁。豆皮結口感比較扎實，都幾吸湯汁。個人幾鐘意佢既酸菜，夠曬酸! 本身都擔心會唔會撈完米線會有D咸，但又唔會，調味適中! 另一碗就叫酸辣小鍋米線，配紅腸同埋鹽香手撕雞。最欣賞係紅腸仍然會有煎過，好香口。鹽香手撕雞肉好嫩滑，個人鐘意呢D滑雞多過平時乾柴既米線雞絲!!小食叫左藤椒魚皮同埋麻辣手撕雞，呢2款真係次次黎都會叫。藤椒魚皮微麻微辣既口感好開胃，魚皮好爽脆。麻辣手撕雞同樣肉質嫩滑，味道夠麻夠辣!…查看更多

今晚係太子食飯，去左間抵食既餐廳，食物款式好多，中西都有，重點係晚市價錢好平!套湯有湯跟，可以簡中湯或忌廉湯。忌廉湯入面仲有蜆肉，好鮮味。香煎西冷牛扒沙律菜 唔洗$100就有個咁大塊既扒!! 牛扒味道濃郁，肉質結實帶有嚼勁，配埋黑椒汁，更加香!薯角好昋脆，而且又有塊! 沙律菜除左菜仲有水果，好解膩。香煎帶子 蟹肉伴墨魚汁燴意大利飯帶子煎得岩岩好，又唔會乾身 ，意大利飯入面好多料，有菇，有蘆筍，口感豐富。墨魚汁調味岩岩好，整體唔會太咸。餐飲叫左紅豆冰，造型有趣，中間係碎冰，紅豆夠甜，下次黎都會再叫返呢個!…查看更多

樂天皇朝係沙田都有啦，坐得好舒服，好岩家庭食飯聚會! 最近係食蟹季節，有限定既蟹粉菜式，款款都好吸引咁。蟹粉炒飯蟹粉份量多到遮曬成個飯! 蟹粉鮮香濃郁、甘甜帶鹹! 蟹油滲曬落D炒飯到，好香口，炒飯亦都粒粒分明，好夠鑊氣。原味小籠包黎到呢到一定要叫小籠包，皮薄多汁，一咬就有湯汁流出黎，入口後全部都係高湯! 肉餡好鮮甜，湯汁顏色偏淺，油分唔會太過多，味道整體清鮮。紅油炒手口感麻辣酸甜，好醒胃! 每粒雲吞都大大粒，入面餡料好足!小鰻頭新鮮炸起熱辣辣，外脆內軟，配埋鍊奶，當作飯後甜品岩岩好!…查看更多

今晚晚餐係元朗又新街搞掂，叫左海南雞外賣。呢間都幾抵食，4人餐$300 都唔洗，包一隻去骨海南雞，有2個自選菜式，仲有蠔油生菜，4個油飯! 順帶一提，呢間外賣包得好穩陣，返到屋企完全冇瀉冇漏! 4人餐仲有包埋湯，係南瓜湯，清清甜甜又足料! 去骨海南雞份量都幾多，雞皮Q彈，肉質滑嫩，油香味十足。食落啖啖肉，去曬骨，好方便!包左3款醬，薑蓉、辣椒醬、黑豉油。個人最鐘意配佢既黑豉油，夠濃郁、甘甜帶有焦香同鮮味! 醬汁佢都分裝得好好!魚香煎肉餅鹹香惹味，邊邊位煎得香脆!調味岩岩好，入面又唔會乾。梅菜扣肉幾有驚喜，扣肉半肥半瘦，口感肥而不腻，夠曬入味。蠔油生菜又係份量好夠，食完個餐，4個人都好飽!…查看更多

今日係尖沙咀食港式茶餐廳，係N出口出好快到! 入面裝修夠曬香港情懷!黎到見到有經典既扒餐，叫左個什扒餐，有肉眼扒, 雞扒 ,火腿 ,腸仔 ,煙肉，夠曬豐富。今日簡左配黑椒汁同羅宋湯。羅宋湯好足料，湯頭有蔬菜既清甜! 雞扒煎得外皮酥脆，內裡多汁。牛扒配埋濃郁既黑椒汁好好食。薯角帶少少焦香，好香口。焗菠蘿豬扒飯有炒飯底係基本，鐘意佢既豬扒唔會太多筋，好易咬。菠蘿大大粒，好足料! 西多士都係必食，外酥內軟，中間夾住花生醬，香甜濃郁，糖漿因應個人喜好自己落。呢到既特飲款式都幾多，檸檬利賓納真係好耐冇飲過啦，好清爽! 菠蘿薄荷七喜呢杯都好正，好解渴!…查看更多

九龍城既泰菜真係冇得輸! 今晚食呢間係門口已經見到好多明星合照，味道有保證!泰式生菜包必點既開胃菜，肉碎酸酸辣辣，味道岩岩好。包埋生菜食更加清爽。鐘意佢既肉碎真係粒粒分明，每粒調味都一樣!青咖喱海鮮金邊粉青咖喱微辣，就算唔太食得辣既我都完全接受到，海鮮分量好多，有青口, 蝦，魷魚等等。整體香氣濃郁，椰奶味道香，口感食落更溫順。金邊粉索曬青咖哩汁，好惹味。黃咖喱雞大圓法包絕對係今晚既MVP!! 法包頂烘過，所以好脆口，另外包底吸曬黃咖喱味，好惹味。黃咖喱雞好香口，帶椰奶味、微甜且唔太辣，雞肉夠嫩滑。個汁好食到想配埋白飯食!青檸梳打酸酸甜，清爽解渴，而且夠曬大杯! 椰汁冰甜度岩岩好，椰香濃郁。…查看更多

鐘意食牛既我想食呢間好耐了! 今次去左K11分店~慢煮極上日本豚(並盛)配蒜片珍珠白米飯女仔叫並盛，份量都幾足!上枱已經覺得好吸引，豚肉片經慢煮後，肉質細膩，咬落去好軟嫩。我仲加左個即食級既生蛋黃，配埋飯整體口感更滑順。呢個飯我簡左配沙嗲汁，好濃郁。蒜片提升左層次! 口感酥脆，食落更加香，可以增添料理層次。配上佢地自家製既鮮奶油，令到雖然係飯底，但唔會乾! 慢煮熟成美國優質牛肉 配 拉絲芝士蕃茄醬意粉牛肉外邊少少焦香，內裡肉質嫩，咬落去仲有肉汁的，牛肉香氣濃郁。芝士份量比得一D都唔手軟，配埋意粉咸咸香香! 紅酒照燒汁配牛肉好夾~日式炸雞外皮薄又酥脆，雞肉都幾juicy，我都好鐘意佢個醬，辣辣地好開胃!…查看更多

位於南豐紗廠1樓既呢間café，好岩帶埋狗狗一齊黎，因為佢有提供dog food! 晚市時間黎到叫左個dinner set，前菜係雞肉華多夫小法包配黑松露蘑菇湯。蘑菇湯好濃郁!法包好脆，配上多樣口感既雞肉餡料，十分開胃。鮮茄蝦汁蟹肉天使面份量比想像中多! 鮮茄蝦汁味道清新，而且每啖意粉都掛汁! 海鮮份量都好多，食到尾都仲有，足夠拌勻每一啖既天使麵。日式五重芝士薄餅餅底好煙韌，因為集合左幾種芝士，所以特別濃芝士味。小食炸雞薯條上枱時熱辣辣，薯條係粗薯，好食!飲品叫左一款係冬日限定，黑糖薑母latte，入口溫和，帶少少微辛，岩曬女仔! 另外仲叫左呢期限定既雲朵咖啡，十分打卡able，雲朵係棉花糖，中和左咖啡原有既苦味，岩岩好。…查看更多

銅鑼灣分店位置方面，夠大，坐得好舒適! 芝士明太子玉子燒蛋好嫩滑，明太子既份量好多，每啖玉子都會食到明太子咸咸辣辣既味道，加埋木魚碎同埋紫菜，口感更加豐富!香辣蕃茄大蝦波浪意粉我都幾鐘意呢款意粉，而且平時好少食到，呢款意粉比較有咬口，而且都好掛汁。醬汁酸酸辣辣，好開胃。大蝦彈牙夠新鮮!柚子蜜烤春雞最貼心既位係佢分好同切好左隻雞，同朋友share好方便! 雞肉好juicy，配上柚子蜜，感覺好清新唔會膩。雞皮位燒得好靚，有脆皮位置。仲有薯角，惹味又香口。Matcha lemonade 呢款不含咖啡因，就算晚餐時間飲都唔怕訓唔著! 第一啖令我諗起香港既凍檸茶! 但茶底轉左係抹茶，感覺好清新，而且都幾夾!Young man鐘意飲咖啡既朋友都話呢杯好飲，有種果香。Hot n cold fudge cupBrownie 好濃，中和左甜甜地既雪糕，食落仲有一片片既海鹽。…查看更多

粉嶺都開左雞少雞飯，位置好近地鐵站。位於都好闊落，坐得舒適！新加坡去骨海南雞飯呢個係必點，海南雞好滑，雞皮食落唔會油膩。無骨好方便食用。黃油飯好香，而且係粒粒分明，夠香口。跟餐簡左無味精嘅住家湯，原來係椰子雞湯，鮮甜潤口，椰子味夠清甜。加$7 有蝦湯浸時菜，都幾抵食，菜心沾曬蝦籽，好香口。芽龍粉絲春卷炸得香脆！雞肉串燒比較重孜然粉味，好惹味。老街碳燒燒豬頸肉好重碳燒味，每塊都好juicy。星馬班蘭咖映多士要襯熱食，熱辣辣嘅面包配埋鮮油，好食！恐龍美綠係新加坡餐廳特飲，每次都叫，配埋脆脆，濃郁可口。…查看更多

今日去左中環街市，地下個層有相當出名既竹麓拉麵! 一定要叫佢最出名個款和牛肉鹽拉面! 湯底係慢火熬煮牛筋為主，出黎個湯清澈見底，飲落比較清爽，但同時會食到濃郁既牛脂味道! 牛肉就用左低溫慢煮既日本鹿兒島A5和牛肉肋肉，牛肉味好濃郁!海老味噌拉面鐘意海鮮既一定要叫呢款，湯底好濃郁，不過唔會過咸，帶有濃厚既蝦味同埋味噌既鹹香。呢款有3隻大蝦，蝦肉彈牙，面條係幼身面，亦都好掛汁!免治雞肉棒入面有雞軟骨粒，增加口感，醬汁調味都係岩岩好。黑豚肉餃子外皮香脆，好惹味!…查看更多

第一次係香港食京都勝牛，最特別係佢主打用190度高溫快炸60秒，將牛肉麵衣炸至酥脆金黃，肉質就維持大約3分既熟度! 四品牛魔御膳想試多款肉類，可以簡呢款，一定滿足到你。如果想牛肉再熟D，可以叫店員比個鐵板你，上面仲有牛脂，再燒下D牛。不過個人覺得3分熟度係肉質最嫩! 我最鐘意係翼板牛，牛味特別濃，肉質細嫩且有豐富既肉汁，筋位唔會太多! 呢個set 仲有提供多款醬汁，咖哩汁同埋味噌醬係我既首選，食完會冇咁膩。勝牛喜燒鍋膳壽喜燒湯底甜甜地，仲有無菌雞蛋，口感更加滑順! 牛肉食落好新鮮! 時計柑橘呢個好消暑，飲落好清新。甜蜜乳酸酸酸甜甜好開胃，又唔會太甜! 一定要留肚食甜品，特濃抹茶小豆流心蛋糕 好有誠意，抹茶味濃但唔會過苦，中間係流心，更有層次! 沖繩黑糖雞蛋布丁好滑順，雞蛋味好重!…查看更多

今日晚餐去左旺角間丼燃食堂，晚餐時間去都幾滿座! 呢到有好多款日式丼飯，唔岩心水既仲可以自選! 乜蟹都有丼好鐘意食蟹既我就簡左呢款，入面有蟹棒, 蟹肉 ,蟹膏 ,蟹鉗 ,蟹籽同埋打卡able既蟹蓋。個飯撈埋一絲絲既蟹肉碎，配料份量比得好多，每啖都好滿足。蟹膏味道好鮮甜，另外醬汁簡左蜜糖芥末，甜甜辣辣，好開胃。激突三文魚丼鐘意食魚生丼可以簡呢個，入面有三文魚 ,三文魚腩 ,三文魚籽 ,甜蝦 同埋帶子。刺身好新鮮，三文魚係厚切，甜蝦肉質鮮甜! 蟹籽沙律清新爽脆，青瓜絲夠清甜，好開胃。芝士年糕好重奶香，呢款入面係鹹芝士，好好食!…查看更多

Airside foodmuse 原來都幾多選擇，最近門口有間台灣野，都幾唔錯!呢到款式選擇好多，飯面，小食，台式飲品都有!鹽酥魷魚鬚肉燥飯魷魚鬚外酥內韌，好香口! 肉燥份量都幾多，醬油同埋紅葱頭味都好突出，好岩撈飯食。而且仲有隻滷蛋，整體好飽肚。台南爌肉湯面平時比較少見到有爌肉食，估唔到呢到有! 滷汁味道好香濃，食落好入味，而且肉片係好軟淋! 湯面係用左台灣面，比較有咬口，湯頭濃郁又唔會咸! 百頁豆腐外皮帶有少少炸既感覺，好香口惹味! 炸彭湖花枝丸外皮酥脆、內面Q彈。小食價錢好抵!大甲芋泥鮮奶芋頭香氣濃郁，整體口感綿密香甜，個底仲有D芋頭粒! 芝芝芒芒夠曬冰凍，夏天飲好岩! 有椰果粒又有芒果肉。…查看更多