Dr.Hamton的个人专页

同店員講素食，他們會介紹和幫你同廚房講好要求👍🏻👍🏻👍🏻好有鑊氣，味道不錯👍🏻！有特要求，但冇特別收費，$60不到套餐包飲品，仲發現每碟餸底都有大塊生菜墊底，一個字正！…查看更多

有問無答，攞位無號碼票俾，問多次如何登記，叫我喜歡唔好入嚟食，叫曬門口一班人自律排隊，但無指示。到有位二人坐轉角位𠃊形坐，勁差到好似去咗快食粥或車仔麵。嬲到有位都唔想食，作為長素者係永遠都唔去，仲會分享俾大家知！我都係佢哋仲係得一兩間嘅時候已經有幫襯，手上有佢哋嘅VIP卡，越食就越差勁，服務態度超差勁，價錢又唔係平過人，到入去食就不停嚟個枱收嘢，食都未食完就想收，其實佢哋個老闆想點啊？！係咪諗住食素者一定要入嚟，非素食者就做生客唔諗住返轉頭呢！…查看更多

二百零蚊嘅自助餐確實係香港好難搵，而佢真係有廣告上噱頭嘅麵包蟹和長腳蟹腳等類型嘅吸引食物供應，在6:30pm開始時上述兩款食品確實準備充足，但經一輪搶食之後，7：30pm已停止補貨，其他可選擇嘅熱食不多，但味道都算不錯，飯麵完全欠奉，甜品和雪糕一般。最搞笑嘅係廚師係走出嚟唔係睇下有咩食品要補充，而係去睇每台仲有冇食緊嘢，又話睇下係咪食緊甜品等收工。 我跟朋友忍唔住係8:15pm先跟侍應反映，佢就好禮貌咁回應話廚師 準備緊補充，但足足等咗15分鐘都係冇反應，又再忍唔住向經理反映，今次就用咗五分鐘就攞多6隻麵包蟹出嚟咁多應酬咗就算喇！食自助餐要食到要叫先有。仲要唧牙膏咁樣做，真係好少見。另外，全場熱到冇人有，唔知係咪第二策略，仲有見到一個伏係飲品櫃！ 見到有一家三口個位爸爸唔小心攞咗一罐開咗飲，侍應就話畀佢聽規矩係要全家受靶每位28蚊任唔任服務，最搞笑嗰啲係3、4蚊罐嘅韓國品牌飲品。…查看更多

老闆娘及廚師懂得宗教背景素食者的要求，食品不可含蔥蒜等配料，並願意在可烹調範圍內給素食者自選食材配搭👍🏻👍🏻👍🏻👍🏻推介🏆：🥰雙菇滑蛋豆腐飯、羅漢齋炒麵🥰…查看更多

食物質素低劣，出品完全唔熱，珍珠奶茶如奶水，三寶牛肉麵內牛丸、牛冇味道，滷水綜合便當啲滷肉嚇親人，服務員只顧傾計，接單態度冷淡冇回應，檯下櫃筒全無餐具，簡單講「入錯嚟」，嘥錢、嘥時間！…查看更多

早前曾介紹過在紅磡黃埔天地美食坊發現一處素食新蒲點，但一直未有機會走進去試試。舖位原為上海菜「詠藜園」一部份，新店內部以佛教擺設為主，或許是該店老闆發善心，想好好拓展一下素食文化。菜式方面，主廚花心思在選取優質食材與新潮齋菜之間考量出一個平衡點，讓餸菜選擇變得多元化之餘，更具備健康尚膳的風格。空間不大，但 餐枱佈置寬敞優雅，服務亦算不俗。今次一家四口點選菜式不多，但可說是推介之選，當中以“西湖素牛肉羹”、“避風塘脆鮮魷”和“腐乳通菜炒牛肉”更是亮點。餐牌內仍有很多吸引的菜式，再來也不會怕沉悶！總括而言，食物質素不錯，店舖位於大型商場之內，價格雖稍微偏高，但都算可接受的。＃幽柔舒適 ＃巧手饍品＃素同行＃DrHamton…查看更多

他們可說在香港罕有又具酒樓規模既有做即叫即蒸素點早、午茶市的素食館，而且價錢亦算大眾，吸引不少素民的揾食好處和聚腳地。店舖位於地鐵站附近，裝修和空間大小都適合各種類型的筵席宴會，食品和服務質素長期保持統一和良好狀態，老闆與家人合力用心親身經營，給予客人更強的信心保證。以往一直較多光顧佐敦分店，今次剛巧在北角會議完結後，與友人選擇到👆🏻此店共進晚餐。一人六人點選了4款前菜、4款款主菜和一碟炒飯 (詳情見附圖) ，全部菜式味道可口，用料絕不馬虎，分量十足。當中最為喜愛是沙爹素鷄串、 鐵板燒汁煎蓮藕餅和崧子五柳素黃魚，唯美中不足之處在於那碟炒飯偏油膩些，有待改善。總括而言，食物質素和價錢可算得令人滿意，值得推薦大家試試！＃堅守初心 ＃福惠素民＃DrHamton＃素同行…查看更多

之前介紹過👆🏻店，一間即叫即做嘅茶餐廳，供多款素食餐給選擇，老闆娘好關照素食者，曾話厨師能做到嘅自選菜式都會做。今次揀咗碟“羅漢齋炒麵”，傳統大酒樓嘅功架，麵底香脆少油，上面鋪材料十足嘅餸菜，茨汁恰到好處，近乎完美配搭，加埋一杯冰凍檸檬茶，承惠50幾蚊，可說是快食好去處！＃快靚正＃實惠價＃DrHamton…查看更多

傳统屋邨“冬菇亭”食肆買少見少，👆🏻店開業40多年，老闆秘方製作油器，出品遠近馳名，炸兩更是內脆外軟，加上芝麻、特製甜醬和少許辣椒醬，盡顯口感十足和味道可口。叫一份白粥和炸兩足以飽肚，若為午膳$25，手作食品，價錢化算，值得推介！＃素簡擇＃原味道＃DrHamton…查看更多

👆🏻店開業多年，以日式素食料理為主打，餐牌內有各式各樣的手卷及壽司供點選，更有多款新潮日式熱食，如日式吉列素豬扒咖哩飯，石鍋素海鮮湯烏冬及比薩薄餅等等，可說是琳瑯滿目，一定找到自己喜歡的食品。之前家庭聚會也到這裏吃晚飯，由於店舖空間不大，人數多的話就可能有點擠迫感，但店員都會盡力悉心安排座位的。今次與一位朋友在晚上活動前快食，少有在其他一般素食店舖可吃到的手卷和特色壽司，口感一流，外皮紫菜鬆脆，那份大阪燒餅塗上惹味醬汁，餅質煙韌，配料豐富，必點之選！唯獨那份雜錦絲天婦羅較為遜色，雖然炸漿皮薄脆口，但沒有帶點驚喜！總結，食品選擇頗多和富有特色，算是非常一般素饍風味，就地方、佈置與出品作綜合品評，性價比不俗！＃素·同行 VegMate ＃另類風味＃不同感覺＃DrHamton…查看更多

經常到👆🏻店飲早茶或吃午飯，食品選擇豐富，味道高水準，店舖空間不大，亦增添了顧客間互相融洽的交流。今次特意帶同兩位非素食朋友來這邊晚飯。我們點選了一個2人套餐，包括2盅湯、2款小菜、1款飯麵類和餐後糖水，我們追加多1盅湯，而餸菜分量實質也足夠四人共享。我揀了兩款鎮店之寶的小菜：「 碧綠法輪卷」和「泰式素魚」，這兩款餸菜都必須廚師精心手工製作，當中使用的豆皮也顯出食材的新鮮程度，配上適合宜醬汁，簡直沒得輸！另外，老闆娘贈送了一少份免費「 欖角菜叉燒」試味品嘗。總體來說，燉湯滋味，食材新鮮，餸菜製作考究，味道配搭適宜，性價比極高，值得多多支持！＃出品不俗＃用心製作＃價錢相宜＃素同行VegMate…查看更多

觀塘區有好多素膳選擇，上週同朋友跑到👆🏻呢間食晏，真係有啲晏，差不多下午茶時段喇！店內服務算一般，看看餐牌選擇超多，有啲花多眼亂，最後揀咗2款午餐加一份小菜，套餐包小食、例湯及飲品。先嚟忌廉磨菇湯加泡芙，湯味濃郁，中餐咸魚鷄粒茨汁多味道欠奉，小菜素肉碎猴頭菇又係無味同菇量超少，唯有西餐肉醬長通粉就買相可以，但味道一般。埋單$180算唔算平，整體表現仲有好大改善空間。＃觀塘好揾食＃競爭大＃一心改善味道＃素同行 VegMate …查看更多

這間店餐牌內設有素食專欄，提供多款含素肉的焗餐和湯麵，不只是菇菌或豆品類的一般素餐配料。今次我就去吃頓早餐，包括有半角厚多士、煎雙蛋、梅菜素肉絲麵及餐茶，算是十分豐富。本來想點選新出品素火腿三明治再加配梅菜素肉絲麵一碗，可惜，此店素火腿缺貨，無緣嘗試這個新配搭吧！隨緣讓朋友多吃一餐素是好事，不過有著適合各自飲食習慣的地方，一同聚餐也不失為一件樂事！＃葷素同行 ＃樂也融融＃素焗餐之選＃DrHamton…查看更多

一直都有嚟開幫襯，食物出品有時都有啲差異，但亦好少今人失望嘅！一貫咁有5款午市套餐，每星期換款，另有幾款加錢美味小食配搭，送例湯一碗，服務員招呼也不錯，地方亦好寬落。今日我哋揀咗咖喱炒飯同素鰻魚飯各一份，全部飯所以冇叫配搭小食。時日例湯係牛蒡粟米湯，炒飯好有鑊氣，食落去咖喱味慢慢走出呢，飯夠干身又唔油，另一款素鰻魚就太“林”，汁就偏甜同冇醬油味，相比前者就遜色好多！2個餐夾埋都係盛惠$81，可以講性價比高，食得過！…查看更多

今日2人嚟呢度午膳，花咕差不多半小時先等到店外嘅停車位，門外亦有其他在等侯嘅食客，可見好受歡迎，剛好有幾枱埋單，所以我哋唔係等咗好耐。走入店內，裝修簡約時尚，但空間有限，擺枱位置有啲擠迫，但都算係舒服嘅！ 午餐只有八款，選擇不多，以一款日式定食和7款西式食品所組成，配有冷熱餐飲。我哋就揀咗定食和“不可能”素肉醬長通粉各一份，配以兩杯凍茶。定食用科好有心思，當中特別用兩大片白色菇來配胡麻醬，不是一貫用日本豆腐做法，另外包括有秋葵、漬物、炸南瓜餅、麵豉湯(味道偏鹹) 、湯烏冬(彈牙) 和甜點，整體今人滿意。另外一款，長通粉就軟硬適中，“不可能”素肉碎、茄醬及香料的份量和配搭適宜，十分惹味！不過凍伯爵茶就帶點苦澀，留有點遺憾！以店舖的所在地段嚟講，價錢有點偏貴，但食材用料不俗，亦可彌補呢嗰缺點。…查看更多