因為同fd想搵地方hea同玩boardgame，就google搵下油尖旺邊到有場，因為見到呢間有嘢食，價錢又ok，只要嗌嘢食就可以任坐+玩game就揀咗呢間。我地4個女仔嗌咗個4人餐，餐點唔包飲品，但嗌餐可以每杯飲品減十幾蚊，我地好一致咁叫咗乳酸😂，即係益力多，唔同味道嘅分別就係落咗唔同味嘅糖漿，正正常常好似葵廣幾蚊杯嗰間果汁嘅味，仲有一杯係沙冰，沙冰超大杯，都幾開心，如果再嚟我會推薦嗌咖啡或者沙冰。四人餐好多嘢食，我地食完氣炸小食、雞翼、pizza，已經飽咗，沙律都未食完，意粉未上已經唔得😂，好在後尾有多個fd上嚟幫手食，老闆娘好好，見我地幾個女仔食唔哂啲嘢，後嚟個fd就淨係叫杯嘢飲就得，唔洗再嗌個餐，食物好食，係屋企阿媽整嘅味道，食材好新鮮，本身預咗旺角樓上cafe啲嘢會好難食，諗住叫有個地方玩又有啲嘢食，所以餐點咁正常好食都幾驚喜，特別蜜糖雞翼好多蜜糖好好食，其他嘢都正常，所有嘢上碟嗰陣都好熱(除咗沙律🤣)，我地都食得好開心。食飽咗之後就玩boardgame，老闆好好人，會好有心機咁教我地玩，以前去過其他場都只係提供咗一堆game喺到任你攞嚟玩，但呢間老闆真係每個game都好了解，你問每一個佢都會好有耐心咁解釋同教你玩，仲可以幫手推薦你揀適合我地難度嘅game (因為我地幾個太弱智，太難嘅唔識玩…)，我地由6點點玩到成10點幾先走，人均都只係百幾蚊，好啱學生同窮L社畜～～ 成晚都好開心～老闆同老闆娘都好nice，感覺到佢地真係好有心機做，聽到佢地話連飲用水都係煲過嘅，唔係平時啲過濾水，每枱都有濕電叉電位，可以借線同插頭，推薦大家多啲嚟玩，個場比較細，如果超過6人建議先打去問下。…查看更多
