aliceatsacat的个人专页

呢間cafe位置比較偏僻，係喺一間舊式大廈入面，佢入面嘅裝修好靚!! 可惜5/12就最後一日營業啦😭😭大家快啲把握最後機會幫襯吓佢🤜🏻-🍝超多蜜糖芥末蘑菇黑松露(香草醬)貓耳朵 $98 其實原本menu係配香草醬嘅，但落單個陣個店員哥哥同我地講佢哋今日冇晒香草醬😭，所以要轉黑松露醬俾我哋，一開始係sad咗點知一上枱就聞到好濃黑松露味😍 至於貓耳朵我第一次食，我覺得佢嘅質感比起通粉係較硬同煙韌，同埋最正嘅係貓耳朵嘅特色就係佢嘅形狀，令到你每食一啖都會有汁🤤蘑菇份量都真係名副其實，份量好多🤤-🍝香煎香草雞髀肉配鮮牛油南瓜意大利麵 $92無諗過南瓜蓉同意粉可以咁夾，南瓜非常甘甜，加埋牛油嘅香氣，好快就食晒成碟😂不過雞髀肉得三舊仔，個人覺得多翻啲啲會更好!!🤏🏻-雖然呢度環境細但真係好靚!! 佈置好有心思，成間Cafe都有唔同嘅打卡位🤤 店員亦都好有禮貌，真係好可惜佢要結業🥺希望佢會搵到新嘅地方啦💛…查看更多

📍為食喵 (將軍澳)將軍澳寶琳北路1號康盛花園商場1樓110號舖-早幾日有事要過嚟康盛呢邊一轉，咁就順便睇吓附近有咩黃店食，其實呢度個商場已經夠細，何況係食肆，所以真係好開心竟然搵到間黃店，細細間鋪，入面仲可以堂食🤩-🥪餐肉炒蛋三文治 ($22)普普通通，炒蛋嘅牛油香味唔算重，好似熟咗小小🤏🏻，不過都幾厚下。值得一提嘅係佢即叫即整，拎到埋位嘅時候仲出緊煙。衛生方面就有待改善，檯面好似抹得唔夠乾淨…查看更多

📍Holam Bakery💛觀塘開源道60號駱駝漆大廈3座4樓I室-呢間係蛋糕界一直都好出名🤤🤟🏽 之前夜晚去過買 點知想食嘅味都賣嗮😢 所以今次早咗去就終於買到lu🥳-🍰伯爵茶千層蛋糕($230 六寸) 個蛋糕嘅外表咁靚已經加晒分，每層都好薄，伯爵茶味好出，Cream軟滑順口唔會膩，性價比超高，好過去食某個藍名牌店啦😚-呢間店每日都會係ig講當日嘅口味，如果唔想好似我咁要撞彩先買到就可以預先wts佢哋預留🙆🏻‍♀️…查看更多

📍 師父飯堂 (鰂魚涌) 💛鰂魚涌英皇道1065號東達中心13樓1301A室-呢一間餐廳係半自助嘅形式，落單需要自己去水吧隔離落同埋俾錢，隔離仲有個位擺醬汁、芝士粉果啲，可以按自己需要去攞。落完單就可以翻埋位，等人嚟送餐。-🥩香煎西冷野菜沙律配飯($58)一見到呢碟野第一個反應就係 好 大 份！🤩 啲菜堆到成座山咁，沙律醬似係自製嘅，幾好食。飯面頭有啲飯素(同埋酸梅？) 好開胃。但至於西冷方面，我真係好失望🥲我expect係五至七成熟，唔知佢係咪煮過火咗，出黎係全熟，個表面好硬好乾，仲要好_薄🥲 份量係大份嘅，不過個味道真係搞唔掂。🍝野菌卡邦尼意粉 ($55)呢個意粉嘅份量都幾大，以呢個價錢嚟講以為係幾抵食啦，點知佢嘅野菌係無調味，食落去只有原本嘅菇味。咁以為佢個醬會好食啲啦，點知都係無味，無芝士味，亦都無其他香料，就好似cream加水，黃色嘅，好稀既感覺。最後到意粉，真係入唔到口，因為個醬根本無調味不特止，淨係食意粉仲有陣鹼水味🤢呢個意粉真係令到平時食野唔挑食嘅我都食到懷疑人生🥶。🍝黑松露蟹肉意粉 ($78)呢一碟意粉應該係最唔伏嘅一碟，食落好香嘅黑松露味，啲料都好夠，差唔多啖啖都食到蟹肉，仲有啲露筍同埋菇菇，同埋呢一碟嘅意粉好正常，冇野菌卡邦尼意粉嗰陣鹼水味。但係!!! 我食食吓食到啲好硬嘅嘢，一睇，原來係蟹殼🥲🥲🥲🥲呢一點真係好需要改善，啲殼好細粒，真係一唔小心就會吞埋落肚，好危險㗎嘛😨-另外，呢度個環境裝修幾靚，不過衛生方面可以有改善，是關張檯係癡立立的🥲，同埋呢間餐廳入邊有幾真盆栽裝飾，唔知係咪就係因為呢個緣故，一路食嘅時候都feel到有啲蚊滋係到飛嚟飛去。-既然呢間係黃店，咁我地都想佢有改善，去吸引更多人食，壯大黃色經濟圈。所以我地走之前去咗同水吧果個哥哥講返啲嘢食嘅建議，佢淨係「哦」咗一聲，希望入面大廚有接收到意見啦🥲#food #yummy #hungry #相機食先 #好食 #美食 #平價美食 #hongkong #foodie #hongkongfood #hkfoodie #hkeat #hkfood #黃店 #黃色經濟圈 #良心餐廳 #平民西餐 #黃店cafe #黃店西餐 #香港西餐 #太古 #太古美食 #太古黃店 #太古西餐 #師父飯堂…查看更多

📍 嗎哪餐廳 💛觀塘翠屏道11號觀潮浸信會1樓呢間係一間教會餐廳 環境非常舒服 餐廳職員都好nice🙈 不過要留意翻呢到無得訂位 整係可以walk in 我去咗幾次都滿座 要等位😆🍔單層芝士手打牛肉漢堡 配薯條及沙律 $38(學生/長者優惠)個包好明顯食得出有烘過 面頭係脆嘅 然後漢堡扒好好食!! 肉汁鎖嗮係入面 一咬啲汁就漏出黎😍 但唯一不足嘅就係嘅芝士無乜融到😛配菜方面呢個粗度嘅薯條啱啱好 食落外脆內軟 面頭仲曬咗啲調味粉 沙律菜就正常發揮啦😂啲汁有啲少 不過如果想要多啲嘅話可以自己出去拎餐嗰個位攞醬(我懶得出去hehe)估唔到$38可以食到咁飽 仲要質素都算高 有驚喜😍 會再去! 下次會想試下佢個雞扒漢堡😙…查看更多

📍Hungry Fellows (長洲)💚長洲海傍街42號地舖-一行入去個叔叔就好有禮貌咁招呼我地，我地一坐低佢就拎個menu俾我地睇。順帶一提呢間鋪頭要自己去收銀果度落單的👐🏿-🌭原味窩夫熱狗 $26 （+雲呢拿雪糕$12）平時食得熱狗多，窩夫熱狗都真係第一次聽🥸窩夫上面淋咗蜜糖芥末醬同埋蕃茄，入面係一條廚師腸，食落好神奇，話難食又唔係，可能食開甜嘅窩夫，我覺得窩夫同啲醬好唔襯，成個熱夠比我嘅感覺就係好唔夾嘅鹹甜味🥲 至於雪糕雖然係跟熱狗，我建議都係分開食好啲，因為兩樣嘢真係完全唔夾，我試過食咗一啖雪糕再食熱狗，完全係唔知自己食緊啲咩😅不過其實個雲呢拿雪糕幾好食，好滑，有奶香，偏甜。-我地食完嘅時候已經5點幾就快6點，佢地開始收舖，見到我地走都有同我地講byebye，呢句店整體比我嘅感覺都好Nice，所以其實唔係好明點解咁多食評話佢態度差🤔…查看更多

搵左好耐嘅黃店酒樓 佢同地鐵站個距離唔算遠 行大約10分鐘就到 不過個位好隱蔽差啲就行錯路😂 比起一般酒樓呢間就細咗啲 但係坐嘅位都好闊落，檯亦都夠大推薦食物🤤🙌🏻🥢燒賣呢句燒賣比平時酒樓嘅大粒好多!! 上面嘅蝦亦都好大舊 咬落去唔會好粉 調味亦都啱啱好 唔使落豉油都夠味🥢鵝肝醬鹹水角應該係即叫即炸 超熱仲冒緊煙🤩🤩🥢北菇滑雞飯咁多樣點心入面最鍾意呢個💗啲菇略為少咗啲 不過啲雞好滑 加咗好多分🥳 總共三個人食咗二百幾 勁飽咁走🤰🏽 絕對係抵食之選！…查看更多

📍The One Bakery 尖沙咀柯士甸道105號地舖店內有好多款麵包，不論係傳統嘅例如菠蘿包、叉燒包，比較新穎嘅例如紅莓乳酪包、流沙奶黃牛角酥喺呢度都會見到，睇到我眼花瞭亂🤤🥔麻糬波波 綠茶/芝麻味（1個$5 3個$13 4個$18 5個$20）喺openrice見到呢間鋪頭原本有好多隻口味揀，我當日大約5點去到，唔知係咪太搶手，已經得翻呢兩隻味揀，於是我就買咗兩個芝麻同埋一個綠茶味。份量都幾大個，味道方面綠茶味偏甜，我食完喉嚨有小小起痰，茶味唔算出。芝麻味比較好啲，甜度ok，有芝麻香。但喺口感方面真係好失望，我expect麻糬波波會外脆內軟，但係呢個麻糬波波係由外硬到入去內，入面一啲麻糬嘅口感都無，每啖都要用力咬，食完兩粒我個牙較已經好攰。👷🏻‍♂️可能對某啲鍾意喺口中同麵包大戰四百回嘅人嚟講呢個包好好食，但對我嚟講就不了😓…查看更多

呢度環境好寬敞舒適，個卡位好大，我諗六個人都坐到🤩燈光亦都好夠，仲有部電視係到播now，店內有貼咗幾張文宣💛🍔黑松露芝士大啡菇漢堡 (配薯條及餐湯 $68)包底面都有烘過，唔係好食到黑松露味，同埋比想象中細😅兩三啖就食曬，男仔應該會唔夠食。薯條一般，無油溢味，但唔係好脆。沙律啲菜都新鮮，仲有啲醋係上面，幾開胃。🍝黑松露雞肉雜菌意大利飯 (配薯條及餐湯 $68)雞肉夠嫩，黑松露味亦都濃味過個漢堡好多，飯煮得啱啱好，粒粒分明👍🏻…查看更多

大約係兩點鐘去到urban cafe 一入去門口附近擺放咗幾個放滿書嘅書架 感覺呢到就係專屬文青嘅一個地方😚💛 成間cafe得我同我個frd 有啲冷清🥺坐低後叫咗個招牌多士，好快就送到。多士烘得啱啱好，係金黃色，咬落去非常脆😍入面啲料都比得好足，我一路食啲粟米一路跌落黎😂😂多士入面有層果gem 酸酸甜甜，好驚喜!!同啲芝士火腿好夾，食落去口感好豐富🤤 之後再叫咗個原味窩夫，即叫即做，等咗十幾分鐘就到了。味道正常發揮，窩夫外脆內軟，值得一提嘅係加咗好多煉奶同埋朱古力醬落去面頭🤤超邪惡😈呢到真係好舒服，提供到一個地方比依家啲香港人可以係繁忙嘅生活中放慢少少腳步，坐低係呢間cafe嘆吓美食，睇吓書☕️同埋呢到有好多書可以買😆唔同題材都有（不過提提大家 呢間cafe整係得平日嘅三點至六點無限用餐時間，其他日子都係90分鐘）…查看更多

前排同屋企人嚟咗呢間係觀塘嘅餐廳食嘢 佢位於巧明街 由地鐵站行過去5分鐘左右就到達 好方便佢啲lunch set 以間西餐廳嚟講都算幾抵 最平$78就有一個餐 連嘢飲連甜品仲有前菜✨澳洲黑安格斯肉眼牛扒（$128）✨叫咗五成熟 佢煮到啱啱好  唔會話好韌  值得一讚嘅係啲薯條真係好L脆!!應該係即叫即整 碟餸上咗冇幾耐啲薯條就已經食晒🤣✨明太子卡邦尼尖通粉($82)✨啲麵好creamy  一啲都唔乾  好夠料 啖啖都食到煙肉 面頭仲有超多紫菜🤩環境都好舒服 一開門就見到啲文宣 食咩都開胃啲🤤會再幫襯🤤👍🏼👍🏼…查看更多

我係大約兩點幾過黎食 唔知係咪週末嘅關係 餐廳有好多人 我同朋友等左一陣先有位 然後我同佢嗌左兩個餐（落係同一張單到）佢嗰個餐大約等咗10分鐘就拎得 而我果個等咗成45分鐘先有 有啲失望😔我叫嗰個係洋蔥汁豬扒煙肉飯 配雜菜 ($38) 份量好足 幾抵食 有好多菜 個飯仲撈咗啲紅米 係健康之選 不過啲飯稍微乾得滯 撈咗汁先比較容易入口 值得讚嘅係豬扒煮得好入味 上面仲落咗好多香料添😋但如果作為一間Cafe嚟講嘅話呢間嘅環境實在有啲嘈吵 不過整體都OK嘅…查看更多

我係晏晝1點幾去食 可能係因為黃金周嘅關係 店外有成八九個人喺度排隊幾受歡迎 入到去之後叫咗兩個餐 坐喺度傾左陣計5 6分鐘左右啲餐就已經到齊 第一個餐係All day breakfast 78蚊嚟講好足料 腸仔好夠味 煙肉調味啱啱好 唔乾亦都唔咸 唯一美中不足就係炒滑蛋煮耐咗 稍微過熟 香但唔滑第二個餐係黃金蟹肉軟殼蟹意粉 ($68) 對我嚟講份量啱啱好 大食嘅朋友要諗諗 個蟹肉炸得好食 忌廉蛋黃醬好濃郁但就稍微油咗啲 食到最尾有啲膩嘢飲方面叫咗朱古力 味道比較甜 要啲冰融哂先正常翻啲值得一讚嘅係店員服務態度好好!!好有禮貌 店內環境都好舒服 牆上面都癡滿晒文宣😆不過啲嘢食就有待改善！ 下次會再嚟試吓佢個下午茶餐🤩…查看更多

台式熱狗稍微普通 口感有啲似炸饅頭😂食埋抹茶芝士蛋糕 份量有啲小 但味道不錯!!好濃cream cheese味 入口即融 要食兩個以上先夠候 店員都好nice 整體不錯 會再食！😋…查看更多