stephen se的个人专页

聽過好多荃灣朋友跟我分享，常常都話有間由細食到大嘅車仔麵，「超級好味，經常都會掛住！」終於有機會找到位荃灣大的朋友帶我到此一遊，在步行向店的時候，已發覺要排隊，心裏面湧起一份無名的興奮，真係咁堅！排隊過程已經好緊張，好想快啲食到，當然我都係點我由細到大最鍾意嘅豬腸、豬皮、豬紅加油麵！買好麵後發現，需要等等先有位，真係好心急想食，坐低第一口已經覺得「係呢個味啦！」朋友話他的辣汁好辣，我係食得辣嘅人，我都落咗三湯匙，雖然頂得住，的確係名不虛傳、堅好辣！吃了這一次，真係有掛住的感覺，大家如果睇到我這個食評，要食好食，香港食一間少一間！珍惜！！…查看更多

食物水準一直都覺得好，所以經常到訪，差不多每星期都有一次，好體諒年初二來飲茶時入門已通知一個半小時時限，所以我們未齊人都準時交枱，絕對明白，和需互相體諒的！今天實在很不暢快，入場經理明明講好今日唔忙，慢慢坐，坐低吃了不夠一個半小時，一位黑衫女士來到同我們講，今日都要個半鐘交枱！態度仲好像老馮咁，香港咁樣實際好難死撐！亦希望馥苑酒樓老闆認真處理！我好希望可以繼續支持，而且能享有高水準和優質服務的馥苑酒家！…查看更多

今日天氣輕微轉涼，本來諗住去佐敦食潮州菜，突然想起童年時候，專誠和一班同學去廟街坐路邊「食炭燒煲仔飯」和蠔餅！我由佐敦地鐵站行去廟街興記，發現原來已經冇得坐路邊，不過滿懷食炭燒煲仔飯香的情懷，堅定的腳步入了非常簡陋的，其中一間舖，菜單上的確很多選擇！我選了鵝肝腸排骨飯和鹹魚雞粒豆腐煲，等候時間都不是太長，只需10分鐘左右！等待期間不停廚房送出其他適合的煲仔飯，那一陣神的飯香，更使我垂涎欲。慶幸有得食，下圖是我選擇的…當飯到了，以前食家朋友叮囑，打開個飯煲蓋淋上深色的豉油，再焗一陣先吃，我當然照跟！檀香依然，不過份量比較少！雞粒豆腐雞好好味，輕微偏鹹一點，總結而言，性價比依然很高，環境依舊簡陋，招呼應該預咗啦！…查看更多

今早約朋友紅磡早餐，未諗到去邊度食，一出紅磡地鐵站A出口就見到太漁，門面清潔光猛，即管試試，有早市和下午茶孖寶優惠套餐， $42.80可以選兩款點心，價錢都算合理，還有其他單點都係22.80至26.80，價錢非常合理，我因為想試試懷舊糯米包，所以孖寶唯有放棄鳳爪排骨飯，孖寶我選了香蒜蒸肉排和百花釀魚肚，三個點心份量都非常充足，糯米包味道不錯，而香蒜蒸排骨，肉味鮮嫩，值得推介！而我選的第三個魚肚味道比較清一點，我就覺得啱味！如果想方便約咗朋友喺紅磡，我覺得不妨試吓！…查看更多

約咗客奧x城，從open 飯app搜尋，只得此酒樓！已經見食評甚差！諗住算啦，有時食評都未必啱，但又想嘆茶、儘管試試，食物一般已經不值一提🤪到埋單，由訂位時已訂三位，到枱上得三個茶位，竟然收五個人茶錢，有料！服務態度，意想不到的差勁！最厲害係，個個服務員都係極品🤪有時真係要信啲食評🥲#香港服務態度#點心…查看更多

今日同朋友食生日飯，我為他訂了尖沙咀老牌酒家「頂好酒家」，大家都抱着美好的期望，我一早來到打點，經理非常之親切和我介紹今晚的特色套餐！只係1000多塊的四人套餐，已經令我們非常之滿足！ 餸菜上枱前，其實我們商議好應該要加多一兩個餸，因為驚唔夠食！最終，不負所望，第一道菜燒味拼盤，大家都覺得好夠味，之後龍蝦伊麵，分量十足，而且味道非常好！講到嗰條清蒸東星，真係冇得輸！店經理還專登過來重點介紹上了枱的炒粉絲，他說師傅要有返咁上下，先炒到又乾身又好味，席間的幾位長輩，其實都間中到訪幾十年，今晚都讚不絕口！我的安排，實在值回票價！有機會我一定會再安排朋友再來共聚晚宴，再試多啲他們的菜式！最後我們帶了生日蛋糕來慶祝，店長還興高采烈的到來，為我們拍照，令整頓飯氣氛生色不少👍🏻…查看更多

地點在鑽石山地鐵站上，四方八面過來都很就腳，揸車就更適合，因為荷里活商場的泊車優惠，一向給我的印象都覺得他們非常歡迎你來泊車，商場千方百計都會送泊車優惠给你🤣講到食物呢忘記影相！下次再晚飯補影先！其實我經常都會到這裏飲茶，整體食物確實不錯的，而且價錢亦都相宜。總結我覺得如果揸車人士，這裏係一個好好的選擇，和約四方八面的朋友對我來講大家都覺得方便👍🏻…查看更多

市區越來越少大排檔，難得佐敦仍保留此大排檔，地鐵站步行只需要10至15分鐘，非常方便！我都係喜歡潮州打冷坐喺路邊食、飲下啤酒，和三五知己暢飲！我每次都首選韭菜豬紅，因年紀大了，以前好喜歡的椒鹽鮮魷，係時候改吃椒鹽九肚魚！當然唔少得炸蠔餅😍不過今次豉椒炒蟶子，蟶子就麻麻哋！希望下次啲貨新鮮啲😋啤啤佢好味到食咗一半，先記得拍照🤣🤣好鬆化，外脆內軟，超正今次豉椒炒蟶子，差咗少少🤪…查看更多

間唔中就會想起他們的招牌冰燒三層肉和美味的芋盒，今次有藉口因為朋友生日，一於訂枱到這裏一飽口福！點解咁講呢，因為利苑實在太受歡迎，要限時離坐！所以要搵藉口才願意到此一起享受美食，希望貴公司可以放寬限時！下次可以食得輕鬆舒適一點🤟🏻…查看更多

朋友經常話好飲好飲，滿懷期望去買，怎料職員態度極差，仍然都買杯試吓，只係一般咖啡味道，性價比極差，不願置評，不會再去😬而家香港咁多選擇，競爭咁大，真的要改善一下…查看更多

灣仔搵靜靜地又價錢實惠的餐廳食飯、有點難度！終於找到好友帶路！找到環境舒適可以傾吓偈、或者見客的好地方！我選了燒春雞,好友吃魚！味道不錯,可以再來試試其他食品！大家可以看看廳牌👇🏻…查看更多

朋友介紹我到荃灣這間泰式餐館，我早起半個鐘到，原來開12點，我在門口等的時候，Ann Mamma的員工逐漸上班，冇位員工問我：有咩幫到我，我回應：等你開門！他很有禮貌的同我講，我們開12點！我 便到對面的街市逛逛，好像回到80年代，很落地的香港！很多打卡位!等到餐廳開了，我個朋友得到很禮貌的招呼入去坐低，我們各要一個套餐，好大份，食唔晒！仲送兩個價值$28的飲品，感覺很開心！睇相啦！兩份餐都好好味！…查看更多

去完尖沙咀廣東道蘋果店維修iPad,找地方晚飯，想吃簡單一點又坐得舒服，好友推介到此試試！只知店名實在有點難搵，原來係LCX Fila 對面！找到已經加夠肚餓，點了個前菜忘記甚麼名字，睇相啦（我覺得好味，尤其係個醬）還點了炸雞、海鮮餅、芝士年糕、非常啱配搭的冰凍啤酒！正！…查看更多

炮台山搵早餐，可以茶餐，快餐，中茶等等…我選了去百匯軒試試「晨光我話事」，有話事雙寶任選兩款點心$28.80，還有至愛雙寶有日本柴魚花生粥配香煎蘿蔔糕只係$19.80，最後我都係選擇了鳳爪排骨飯$18.80、因為自己一個人食不到太多！其實都幾大碗和夠真材實料！環境也很舒適！…查看更多

曾經在尖沙咀寫字樓上班，經常到此茶餐廳，上至老闆下至服務員，招呼都快靚正！已經好幾年沒有來，今早約了朋友到尖沙咀早餐，突然想起，就決定再到此一遊，雖然早餐，仍然俾到我過往很有誠意的感覺！雖然一個簡單的公仔麵早餐，你看圖便見到、甚有誠意！…查看更多