FannyYingTungLuk的个人专页

成日聽人講旺角有間cafe 好好坐今次喺零research 嘅情況之下直接去食😁平日中午嚟唔洗排隊人流都唔算多，一入嚟發現原來間鋪好闊落，檯與檯之間唔會好近，坐落都幾舒服😌是日order 咗lunch set🍱京蒽檸檬味噌豬腩日式擺盤一睇到就令日胃口大開配嘅醬汁酸酸甜甜令食半肥瘦嘅豬腩都唔會太膩仲有兩道味道都係偏酸嘅冷盤同埋有溏心蛋可以送飯食完覺得好滿足🥰鐘意呢度地方闊落，座位又夠多，好適合平日lunch hour 嚟食！推薦星評：4🌟…查看更多

嚟自日本嘅拉麵店先後於荃灣、旺角同埋灣仔登陸。一入到嚟就好醒神！因為成間鋪用亮紫色做主色，再加咗好多動漫元素，成間鋪頭都係動畫模式同海報。唔單止咁，台風。R居然仲出咗Tee，睇嚟呢間餐廳真係深受大家喜愛（如果唔係點會夠疆出衫，唔驚冇人換㗎咩）。因為店內座位唔算多，所以我一到中午12點就即刻衝過嚟，果然有位唔洗排隊！但係過咗冇耐成間鋪都full咗。餐廳有拉麵同沾麵可以揀，口味嘅選擇唔多，拉麵得3款，沾麵得兩款，呢次揀咗🍜魚介豚骨拉麵，麵量同醬汁都揀咗普通。睇落唔算好大碗嘅拉麵，食落份量出奇咁多，口感啱啱好，唔會太軟或者太硬。順便一提，拉麵有配紫菜同流心蛋，基本嘢都有齊。至於湯底方面，味道濃郁之餘飲落有陣鮮味。裏面嘅豚肉切得勁薄，送過嚟嗰陣仲見到D肉有小小粉紅色，我將肉浸喺湯入面整熟多少少先食，D肉索哂湯嘅味道真係好正啊！推薦星評：5🌟味道唔錯，價錢公道，想食拉麵嘅話呢間值得一試。台風。R (灣仔)灣仔駱克道389號地下…查看更多

距離上次去貓café 已經係10年以上今日心血來潮想要投入貓咪嘅懷抱揀咗好耐，終於決定嚟位於旺角嘅Urban Café 吸吸貓，為一個晚上都帶嚟好心情🥰一開門入去就有幾隻貓貓瞓咗喺度再望入去，成間鋪都係唔同品種嘅貓呢一日大概有15隻貓穿梭喺客人之間佢哋完全唔怕人，點摸都得但係唔可以強抱貓咪，咁樣會引起牠們反感㗎呢次點咗個二人套餐，份量都算幾足1️⃣ 日式青蟹籽大蜆大蔥忌廉扁意粉第一次試青色嘅蟹籽，味道同一般出面食嘅橙色蟹籽係差唔多，大蜆份量充足，有10幾隻左右，整體食落唔膩都OK2️⃣ 安格斯牛肉手工竹炭漢堡配薯角黑色嘅漢堡睇落都令人食慾大開，牛肉厚實，醬汁味道都正常，漢堡嚟講都算係唔錯！3️⃣ 滋味二人小食拼盤法蘭克福腸、唐揚雞塊同薯角，提提大家呢個雖然都係二人套餐個set 度，但係要加$28，如果覺得主菜夠食就唔洗加點呢個啦4️⃣ 蘋果玫瑰普洱茶呢個花茶一睇就知係又開胃又養顏，同埋好大一壺，好抵飲！推薦星評：3.5🌟呢度好適合一家大細帶小朋友嚟放電，或者情侶嚟拍拖都好正㗎！仲特別設有餵貓體驗，一打開罐罐就可以享受所有貓咪嘅寵幸啊🥰😍…查看更多

自從土瓜灣地鐵站開通之後，好多人開始介紹呢區美食，我都唔執輸，即刻嚟試吓呢間人人稱傳統老上海味道嘅平民早餐。而家樓宇外牆保修，鋪面搭哂棚，一眼就見到。其實入到去見到店面冇想像中咁傳統，唔知係咪因為嚟香港之後比度同化咗，但店員就應該係正宗上海人，私底下都會用方言溝通。今日點咗兩樣傳統早餐🥣1️⃣ 鹹豆漿其實我以前去上海都冇留意到原來有鹹豆漿，但喺台灣就見過，有豆花、油條、蔥花、蘿蔔乾等等，味道都ok ，可以按個人喜好加醋食用。2️⃣ 小籠包呢個小籠包真係令我好失望，雖然肉涵都幾好食，不過一籠就得4個，仲要有一個穿咗漏曬汁，4個承為30蚊，真係貴夾唔好食。推薦星評：2🌟順帶一提，呢間嘢嘅服務態度唔太好，點餐叫咗3個人先點到，仲要睇佢哋面色，我就應該唔會再去喇。…查看更多

觀塘區嘅朋友應該平時食飯都好痛苦，勁多人食飯但又間間都坐滿人，等位都等到2046。呢間喺鴻圖道上嘅西餐廳，座位多，就算要排隊等位通常都快，已經成為我哋嘅Happy Friday 之選。🍔MM Classic Cheese Burger 牛肉 x 芝士 x 生菜 x 番茄配餐仲有炸薯條同醃黃瓜另外跟一杯野飲成個餐味道正常，冇太多驚喜但牛肉足料厚身，9成熟食落唔會太老因為呢間都嚟過幾次，所以發現到佢Lunch set menu 轉咗，冇咗煎雞胸肉，但多咗熱狗呢個選擇。同行朋友食咗煎三文魚，令我好驚訝嘅係三文魚都可以揀半熟同全熟，聽佢講食落就似粟米班腩飯咁嘅味，但當然跟嘅餐係冇飯啦🤣🤣🤣但佢就唔係好推薦啦。整體嚟講好似冇以前咁抵食，但order 返burger, steak, spaghetti 呢一類嘅比較唔容易中伏。但由於觀塘唔洗等位嘅餐廳真係少之又少，所以都係會繼續支持嘅😎推薦星評：3🌟…查看更多

想食台灣野同時想飲手工啤酒？呢度可以一次過滿足晒你兩個願望！1️⃣ 找茶 5.4%飲落冇咩酒味嘅淡啤酒，仲加咗一鼓茶嘅清香，易入口啱哂唔鐘意飲啤酒嘅人2️⃣ 素蘭小姐 6.9%加入咗黑醋嘅手工啤酒，掩蓋左啤酒嘅酒精味道，雖然酒精比較濃，但係飲唔出㗎飲咗呢兩杯之後，覺得呢間手工啤酒其實都幾唔錯，所以決定咗嗌多個手工啤酒拼盤你試吓唔同口味嘅啤酒！手工啤酒拼盤：每杯大概250-300ml左右，店家好貼心咁將味道由淡到濃依次序排列，咁樣就可以清楚品嚐到每個杯啤酒嘅味道3️⃣ 大桃殺 4.8%呢杯係最淡味嘅啤酒，譚得來又有陣桃味，飲落都幾清新4️⃣ 柒搭肆加強版 6.6%裏面有番石榴、荔枝同埋焦糖嘅口味，飲落去清新得來甜甜地5️⃣ 暗黑蜂蜜 5%呢杯顧名思義蜂蜜嘅味道好重，上面寫着有金色三麥，唔知同台灣嗰間餐廳嘅啤酒係咪一樣呢6️⃣ 小人退散 6%點呢杯嘅主要原因係因為鍾意佢個名🤣 飲落去又好濃郁嘅果香味，味道都明顯比前邊三杯濃郁7️⃣ 神遊艾雷島 8.5%呢一杯飲落似消毒藥水，有種醫院嘅味道😂我個人就唔算太鍾意啦8️⃣ 前進都柏林 4.2%分別係2017同2019年獲得澳洲國際啤酒大賽銀獎，飲落有咖啡同埋朱古力味，味道好濃郁，亦都唔會太難入口———————————————————————飲啤酒又點可以冇下酒菜呢？今次都試咗三款唔同嘅台灣小食9️⃣ 燒泡魚乾呢個冇乜好挑剔，因為魚竿本身就係好好食嘅味道，前後仲帶咗兩兜添🔟 滷水鴨舌呢個菜做得好好味，上面加咗芝麻令到成碟菜嘅層次更加豐富，同埋份量都唔少⏸ 台式炸花枝丸呢個真係唔係咁推薦，佢冇台灣花枝丸咁好食，咬落去好軟淋淋同埋冇乜花枝推薦星評：4🌟整體來講呢一間都幾好食，下午行街行到攰，或者夜晚食完飯想搵個地方小酌一杯，呢度都係唔錯嘅選擇。…查看更多

九龍城出名美食多，呢間喺亞皆老街球場隔離嘅Café 係一個可以帶寵物嚟放電嘅好選擇呢間Café 本身得一個鋪位，而家擴建咗座位多咗終於唔使排長龍啦🤟🏻1️⃣ 椒絲腐乳卡邦尼2.0由中式腐乳、意大利醃豬腩肉、煙肉、日本蛋、忌廉、洋蔥組合而成既意大利粉，咪道都幾特別，但食到最後嗰幾啖會覺得有少少鹹2️⃣ 澳洲風免治牛肉批每次嚟都會點一個批食，今日就揀咗呢個，入面有免治牛肉、洋蔥、番茄，仲有燒汁調味，牛油皮都好鬆軟好香3️⃣ 柚子咖啡顏值滿分，加咗Tonic water，幾fresh 4️⃣ Dirty 凍熱返嚟嘅咖啡，千祈唔好溝埋嚟飲，要飲得出呢個層次先至係正確飲法慵懶生物 (九龍城)九龍城太子道西379號家歡樓地下J舖推薦星評：3🌟咖啡同焗批都值得一試，卡邦尼就普普通通，如果平時食開其他卡邦尼食悶咗，想試特別口味都係一個新選擇。…查看更多

由廚師發辦嘅OMAKSE，好處係可以享受到當季食材嘅鮮味料理仲可以望住眼前嘅廚師帶，住期待嘅心情等待下一道料理😍1️⃣ 野菜沙拉呢樣冇咩特別，就係一碗一人食嘅菜，然後加咗沙律醬咁，所以連相都冇影到2️⃣ 前菜頭盤細碗入面裝住嘅係cream cheese加生魚肉，味道甜甜鹹鹹地咁幾好食；左邊黃色嘅食落似雞蛋，口感綿綿地有少少似糕點；右邊嘅係牛肉（下面有好細篤嘅係芥末醬）同菓子，呢個係餐廳推薦嘅食用次序，品道由甜到鹹再到酸，開胃之後就進入下一道菜啦！3️⃣ 魚生記得有吞拿魚、帶子、甜蝦，另外兩種唔記得咗係咩，仲有新鮮打嘅Wasabi，食落鮮味十足4️⃣ 天婦羅然後就開始上炸物，第一round有蝦、魚、瓜、茄子同香菇，要沾餐廳準備嘅醬汁+蘿蔔泥食（唔記得咗影相）5️⃣ 高級版炸物們第二round 嘅炸物好明顯用咗高級好多嘅食材，有龍蝦同海膽，仲有一個唔記得咗係咩😂 龍蝦食落好夾爽口彈牙，海膽味道都好濃郁！6️⃣ 龍蝦帶子味增湯+冷盤小食溝裏面除咗龍蝦之外，另外仲加咗鞋， 湯頭鮮甜好飲，如果可以飲多碗就好啦7️⃣ 茶泡飯最左邊嘅三格盤，入面嘅小菜根據你想要嘅份量倒入飯碗，然後再將茶到入去就食得啦，但其實食到呢度已經好飽啦8️⃣ 日本水果最後會想當季嘅水果，今日食嘅係哈密瓜同埋青提子，但係都係唔記得咗影相（食得太快）😂推薦星評：5🌟整體來講呢度嘅餐廳體驗都唔錯，餐廳安排嘅座位唔會好迫，兩個人嚟食可以安安靜靜傾吓計， 望住廚師整嘢食，在嗌杯清酒飲下就啱啱好啦！…查看更多

呢間喺荔枝角工業大廈嘅台灣餐廳食飯環境就嘛嘛哋 但係都有種去咗台灣夜市嘅感覺以前喺台灣住過幾年，食落真係台灣嘅味道啊😆一行到門口，見到張菜單同隻落單嘅紅筆成件事真係好台灣！！！仲有親切嘅台灣口音 對間鋪即刻好有信心！呢次都係食小食為主，今次點咗呢兩款：1️⃣ 蚵仔煎蚵仔、生菜、雞蛋再加d生粉，同埋最緊要嘅係台灣嘅醬油膏，同喺台灣食嘅真係一模一樣！口味唔錯！2️⃣ 紅油抄手其實炒手就好似細粒d嘅水餃咁，細細粒但咬落啖啖都係豬肉，加埋紅油一齊食，唔會太辣口味啱啱好。3️⃣ 檸檬冬瓜茶呢個唔記得咗影相，但就係檸檬加咗冬瓜茶（好似冇講過嘢咁🤣），味道酸酸甜甜，夏天飲一流啊。其實呢度出名嘅係牛肉麵，湯頭有陣藥膳嘅味道，麵粉係粗身類似刀削麵，但因為冇食哂成碗只係試咗兩啖，所以就唔多作評論啦！推薦星評：4🌟…查看更多

呢日去西貢本身諗住去海邊食感受陽光與海灘，點知落雨又凍又濕，但係又入咗嚟，唯有搵美食彌補一下啦。呢間喺海邊嘅泰道 Thai Dao，落雨天都人多多，所以就決定食呢間啦！1️⃣ 泰燒沙嗲雞、豬睇賣相唔錯，食落都算中規中矩，其實唔知泰國菜有冇沙嗲口味，但以迎合香港人口味嚟講都幾好食。2️⃣ 生菜包（豬）生菜包肉點都唔會出錯，呢度啲肉有少少辣，食落唔會膩啱啱好。3️⃣ 椰香黃咖哩（雞）咖喱加上椰香令呢餐飯變得好有度假feel ，但香得嚟有少少膩，配餅成真係好飽，可以唔洗點其他主食。4️⃣ 珍多冰 + 椰青椰青唔洗多講啦，一定係清甜好飲（唔係都幾難）。珍多冰就比較甜，入面有啲綠色顆粒，口感似有咬口啲嘅jelly，不過我唔鍾意飲甜野所以覺得普通。推薦星評：3🌟嚟呢度主要都係食個feel ，食物唔算有好大驚喜，但我都會再嚟，下次再試吓佢哋其他小食。另外提提大家，佢哋中午過咗之後廚房休息，大概要到4點先可以點嘢食，中間呢段時間只提供飲品。…查看更多

Shake shake 嘅漢堡其實唔算太優秀點咗smokeshack burger 🍔 肉質尚可接受，但係個醬汁就好難以形容好在薯條正常發揮，如果唔係應該食唔飽但係喺中環對住個海景食飯成件事加咗好多分就原諒佢啦😒…查看更多

如果唔知食咩好又唔想堂食，不如嚟試吓呢個排包熱狗。食落唔同平時食開嗰啲，多咗陣麵包嘅牛油香氣，咬落口感軟綿綿。加咗熱狗腸同醬汁，啱啱好中和咗淨食牛油排包嗰種膩嘅口感，食完成個熱狗好滿足。佢仲有幾款唔同嘅口味，除咗常見嘅夏威夷風情、墨西哥香辣、意大利肉醬之外，仲有意想不到嘅香港熱狗、台灣士林熱狗同日本和風竹炭熱狗。價錢公道合理，店面有汽水可以另外買，但可惜冇set可以叫，如果炸嘢或者沙律配餐就好啦。…查看更多

位於九龍城嘅大和堂咖啡店TAI WO TANG Cafe，平時通常大排長龍，呢次專門早少少去，順利避開人潮免排隊🤞1️⃣紅菜頭布拉塔芝士沙律本身就仲意食沙律，自己都試過煮，但食過呢道沙律之後，先發覺原來紅菜頭都可以咁好食。酸甜味道好開胃，夾嘅芝士都唔會好膩，同埋紅紅綠綠睇落顏值唔錯！2️⃣ 大和堂龍蝦包$238食龍蝦包，裡面龍蝦🦞好足料其實唔算好貴，裡面有醬汁令龍蝦食落更加甜，足料又夠飽，個set入面仲有薯條，食完好有飽足感。圖中圈起嘅，本來以為係薯條，點知食落原來係龍蝦鉗！3️⃣ 大和堂鮮奶咖啡見到佢寫住招牌所以點咗，呢杯咖啡嘅特別之處係有蜜糖嘅甜味同伯爵茶葉（圖中所見黑色一點點嘅就係啦）嚟提味。飲落層次都幾豐富，但個人覺得甜咗少少。推薦星評：4🌟整體嚟講大和堂咖啡店都值得一試，環境空間舒服，同埋冇時間限制，同friend 吹水、去拍拖都係一個唔錯嘅選擇，最緊要係裝修好睇，啱晒打卡！…查看更多