Ching0712的个人专页

過去深水埗區食Burger 店面黑橙色裝修好Sharp同朋友一齊嗌左Cheese Burger🍔 佢仲嗌左double😂好大份好足料 啲菜真係好新鮮 係有機嘅羽衣甘藍 同普通burger好唔同漢堡包都係鬆軟 包面脆身唔係淋batbat👍🏻芝士溶化同塊牛好正 都唔油膩我覺得個魚手指都好驚喜 啲魚條少少彈牙好好味同埋炸到出面薄脆 入面係彈牙同滑 必試～野飲嗌左杯澳洲手工啤🍺 唔苦好順口 襯Burger啱啱好🤗經過深水埗可以試下 鍾意Burger都應該好啱食😋…查看更多

最近想食壽喜燒 見到instagram 有人介紹呢間就特登試下 如果想拎飛download "Kabu" app呢間係單嗌唔係放題 肉類$80-$200左右一碟丸類其他食物 $30-$60一碟 肉都好薄好細片😅相比之下 就叫左個平啲既 「二人前」餐豆腐前菜x1牛肉x2 豬肉x1雞x1蟹柳x3丸x7墨魚滑x1烏冬x2蔬菜x2轉湯底要另外加錢 （壽喜燒$30蚊左右）價錢非會員 $616 + $30 再加一 差唔多$700兩個人碟牛真係好細碟 好薄 仲要得兩碟🙂其實都只係靠啲烏冬塞飽 $700我會寧願食任食既火煱🥲 因為啲牛都唔係好出色 仲要每人得4塊🥲個人感覺 性價比嚟講 我覺得其他放題邊爐抵同好食好多…查看更多

放假去流水響水塘度行下 所以出粉嶺搵到話呢間cafe係法院活化做餐廳 見幾得意試下點知啲食物都好有驚喜！見推介龍眼latte 咁搞笑就試下咩料個拉花好靚好靚 好飲嘅latte都好大杯 $48但係又無咩龍眼味😂飲唔出朋友order左玫瑰野莓花茶 真係香到爆炸 $5x連個士多啤梨都勁有心思切到心形咁個杯都勁靚 打卡一流😂😂到主食all day breakfast 正 $108薯格好味 個條奧地利腸不得了！小心啲食一切落去爆汁 好似瀨尿牛丸😂😂😂勁juicy 連個黑色包都有啲少煙銀 都好食屈機最後個伯爵茶roll cake至係大佬 好好食尤其個伯爵茶cream 甜甜地smooth 😋😋😋隻碟都啲伴朱古力都好靚 $5x不過佢地2:30pm 就close indoor做消毒清潔要留意返時間 總結好唔錯 會再去…查看更多

已經唔係第一次嚟呢間餐廳 上次食龍蝦都好食今次見佢有個推介二人餐係海鮮shake $6xx有好多海鮮 鮑魚、龍蝦、青口、八爪魚、蜆等等個餐仲有前菜、蒜蓉包、野飲同埋甜品 幾抵個湯同包都好食 正正常常仲有個煙三文魚沙律個海鮮shake夠晒兩個人食 正個sauce 幾得意 咸有啲似甜咖喱有少少酸酸地咁開胃好味經openrice book仲有好似85折 等於免加一咁佢仲有個甜品送不過無得揀 係藍莓cheese cake無影低我見隔離枱有人anniversary 可以order 甜品碟都幾好…查看更多

喺灣仔食Lunch 朋友話有間新開嘅嘅烏冬店就試下我叫咗個叉燒烏冬🍜 其實都好正常烏冬都係我愛嘅稻庭烏冬 扁身彈牙嘅不過間野就無湯底揀 基本上都係鯛魚湯烏冬真係睇你鍾唔鍾意魚湯喇 唔鍾意可能覺得腥都唔定我覺得還好 但有得揀我希望係豬骨湯😀朋友揀咗鯛魚腹烏冬 鯛魚上係用鰻魚汁但魚肉同鰻魚唔同 好似話鰻魚其實少煙銀啲不過個面有個沙律🥗送☺️ 整體好無食就唔知喇😀抹茶🍵其實係抹茶粉沖 不過我覺得有送野飲就Ok大家唔想要抹茶粉可以要其他 烏龍茶或者其他加錢嘅飲品服務上我覺得因為係新開試業 有甩漏都真係預咗問先比Menu 同埋漏咗比筷子🥢都係少少事姐但員工態度不錯 一入座枱面就有膠袋裝口罩、消毒紙巾比你用（轉信封會環保少少🤏）遲比Menu都有講唔好意思 飲完抹茶都主動問你要唔要加啲熱水☺️最後要加一架 我覺得還好灣仔食lunch係咁上下價…查看更多

地點唔難搵 地鐵站行過去好快門面玻璃門入到去就有毛澤東滑板添😂😂約咗朋友 我遲咗到 無我份嗌野食所以唔係好知啲野食叫咩名 但都係好食嘅意粉 飯 同一個Burger咁然後就到重頭戲喇 呢到嘅tiramisu真心好食滑滑的咖啡味同cream 仲有雲呢拿雪糕真心好食 加$20有happy birthday寫碟 都擺碟得好靚 有佢嘅價值嘅不過衰咗無得加人名仲有嚟到要曬錢點下嘅 $88 print art coffee好似可以要求印咩都得 不過都係要返starry night嚟打卡算味道就好普通😂 唔係港女唔洗嗌…查看更多

去開荃灣就搵呢間cafe食個快手lunch細cafe 室內我諗都係坐十人到 唔多位室外就咁樣嘅不過啲野食都OK, 嗌咗個lunch係benedict都一切開就流心咁個包係少硬少脆咁唔錯 影相都幾靚另外叫杯Mocha latte 本身驚住會甜但都想飲綠茶 點知出嚟係綠茶少少苦澀味 基本上都唔甜嘅 呢樣就睇你鍾意咁口味喇我就鍾意咁樣 不過最好都多ddddd甜就好喇同埋個花我真係覺得拉得幾靚下價錢係正常囉 我記得就benedict $68定$88杯野飲就好似$2x / $3x 但味道都Ok ge…查看更多

嚟到深水埗，到底食咩好？搵到呢間特式誠實小店 廿四小時咖啡店☕️店長誠意手沖咖啡 介紹我哋飲咩好會推介你邊隻咖啡豆 酸啲 或者 fruity 啲未食午餐 試埋佢哋嘅 All day breakfast 同卡邦尼意粉最推介嘅真係 Coffee ☕️ 店長拎過咖啡比賽 獎項（枱面有個獎盃🏆 無影低🙈）我叫咗杯拉花嘅 熱Latte 其實我都唔知咩豆嚟 都係店長推介 一隻唔酸嘅咖啡豆拉花好靚 好羨慕啲人識沖咖啡☺️呢杯好飲 濃濃嘅咖啡香味另外朋友點咗一杯 酸度較高嘅咖啡☕️係圖中玻璃壺裝住個隻 再倒落細杯仔到飲呢隻酸啲 不過幾特別食物方面嗌咗一個All day breakfast 唔錯👍🏻炒蛋都好食 同埋有個蘑菇茸咁嘅嘢有得揀牛角酥 定係 Cup cake最後卡邦尼意粉🍝超濃郁嘅芝士味定係白汁醬好邪惡 但好好味😋因為飽咗所以無試到其他cake🍰 但見到都幾靚 下次經過可以再試吓😂店細細 都唔少人幫襯同外賣如果住深水埗嘅朋友 或者經過都可以去飲杯咖啡 ☕️ 感受下慢活嘅悠閒…查看更多

係紅磡呢邊返學，自然會試下紅磡周邊唔同既野食呢間三河屋幾出名架，但係佢下晝只會係12:00-14:30既時間開工唔講咁多，講野食喇，我已經食過幾次佢既豬骨湯烏冬架啦因為真係好好味，三十幾蚊，但水準拍得住貴既~雖然個名只係豬骨湯烏冬，但其實有送架，有類似日式叉燒既肉、日式魚旦同好多栗米…烏冬係個D手打烏冬，正方型個款，唔係圓型有酸味個隻，值得比個GOOD佢～其實我都有食過佢其他野食，有食過佢既咖哩吉列豬扒飯，都好食既但本人其實唔太好咖哩，佢咖哩味都幾重，同好多好多咖哩汁如果好咖哩既你，應該會岩食～！誠意推薦～！…查看更多

美荷樓重建成為青年旅社，從小係呢區長大既我黎到呢間CAFE都覺得好新鮮，小時係呢到遊盪過既舊式公屋轉眼變成美輪美奐既旅社，隔離仲有美荷樓展館，回憶下舊式公屋既歷史好啦，入正題講下D野食喇，首先SHOW下餐牌先啦如果係個到食小食，食飯都幾抵既，CAFE有得你坐好耐食個飯，嘆杯野飲，呢個價其實幾OK野飲三、四十蚊CAFE價都叫正常，我朋友有叫過杯咖啡，都幾靚仲有甜品tim啊！！布丁啊燉蛋啊！！我下次一定要黎試你地！！XD講完有咩食就睇下個環境啦，個到真係整到幾靚可能因為呢區唔貴啦，咁當然有咁既地方去比你開CAFE呢間野都算叫係ok大架喇，都應該坐到50人，幾多凳下環境都佈置得好有特色，木色既台凳為主仲有好多懷舊既佈置，配合返美荷樓既懷舊氣氛啦環境相當不錯，所以都推介呢到，幾舒服～！不過對於唔係係呢區長大既人黎講，呢到都幾難搵下架畢竟唔近地鐵站丫嘛，不過就係咁，所以個到靜D幾舒服好啦，講完環境，講野食喇！因為我地係食早餐，太早啦，唔想食飯（飯相對平D個價）我地好豪咁叫左最貴個個早餐全餐，八、九十蚊啊>0<真係覺得自己好豪！但都豐富既～唔好既係雞扒乾身，無咩雞味不過其他都好食，有薯餅、蛋、類似德國腸個個最好食！！！！又多汁仲有杯橙汁tim~~呢個餐唔算抵，但個到其他野食個價都ok，正正常常絕對會有下次：）　都推介你地可以黎呢到試下不過唔熟呢個既朋友就可能要google map下啦呢邊附近都有JCCAC個art centre，食完可以過去睇下感受文藝氣息既一天：）…查看更多

其實火山石都上過熱門餐廳，所以好出名同好食就大家都知架啦不過好食還好食，但抵唔抵就見仁見智喇…朋友叫呢個雞扒烏冬，我之前都食過，幾好食佢雞扒係另上既，係照燒汁，嫩雞扒～烏冬食石頭鍋裝，熱辣辣當然好味烏冬梗係手打烏冬啦，有咬口，最鍾意食呢隻烏冬！自己好鍾意食雞，所以次次黎都會叫岩先個款雞扒烏冬，所以今次就試下新野叫左呢款鴨胸烏冬，其實鴨胸多數配意粉，即係好少配湯但佢又幾好食喎！雖然浸湯，但佢唔會無味，咸咸地幾好食不過就份量唔多，得個幾舊鴨胸，同堆烏冬都唔係大碗我好細食既，女仔食我都係覺得岩岩好唔係話飽所以我諗男仔食應該要再食其他野先至會夠飽= ="八、九十蚊一碗烏冬，係就係好味，但份量唔算好抵，無野飲叫杯檸茶要十幾二十蚊，而且有人會等位，都唔好意思坐得耐食得無一個鐘就走了…我又覺得烏冬有好多地方都好食，又唔一定要比一百蚊食佢，唔太抵…查看更多

好啦，咁尋日本身就約左朋友打算去銅鑼灣食飯但諗起星期日等位等死人，經過太子呢間新開既德國餐廳幾靚，就去試下喇！未講食物之前，就整張靚靚既環境相先，閃閃既星星燈光，I LIKE IT！環境幾靚不過呢Ｄ外國菜餐廳飲酒既地方，環境都係昏暗Ｄ，所以手機影既相質素都係差Ｄ朋友點既BEER，另外，我同朋友點左橙汁同蘋果汁，我杯蘋果汁好細杯三文魚扒寬面，三文魚扒略硬，最後都無食哂，相對上，寬面好食Ｄ推介這個，肉醬千層面，仲有薯角，好味道！豬肉腸（唔記得係咪真係咁叫，比相Ｄstaff睇）好食！咸豬手，朋友話ＯＫ既，但我個人黎講，覺得太乾身麻麻地總體黎講，食物都係細碟，我諗西餐德國菜都係咁，男仔既未必好夠食架價錢上都唔算係抵食，食物種類不多，不過食物質素同環境不錯。…查看更多

甜牙牙愈黎愈多人食，有時真係等好耐架，地方細坐得唔算好舒服不過佢Ｄ甜品又真係好靚又好食既！雖然唔係超級平，但其實真係幾唔錯！呢個係佢既餐牌，整得都幾靚架呢個係雲呢拿加窩夫，好味道呢個係朋友叫既綠茶加窩夫，我偷食哈哈不過我唔太鍾意綠茶，所以唔岩我食佢幾重綠茶味，唔係雪糕既甜咁，鍾意綠茶既你就應該會鍾意既－正野黎啦！！個日我生日，咁就叫左好多好好味既野食黎賀我生日（嘩！好靚靚！好開心啊哈哈，心心眼！）呢個個名就真係唔記得左，類似係咩「二人大合唱」咁既野！總之係二人到既，你睇番個ＭＥＮＵ對番個樣就見到好正呢個我覺得，因為佢有兩球雪糕，Ｄ窩夫仲要朱古力味又有生果係底，成件事其實係抵同好味！！推介呢個！！因為想特別，就試下呢個砵砵車！呢架車唔平架　對比佢其他甜品黎講因為我地見佢個ＬＯＯＫ幾得意，所以就叫真係靚既，但Ｄ內容普通左Ｄ囉勁多窩夫，一球雪糕同Ｄ蕉，好似兩人個個仲多野食過佢如果想影靚相上ＦＢ既就可以叫，唔係我建議叫二人個個好Ｄ喇！係咁食窩夫食到傻，哈哈，就叫左個ＰＡＮＣＡＫＥ其實…　都差唔多味，不過佢就軟身Ｄ，不過其實係窩夫好食Ｄ既不過呢個ＰＡＮＣＡＫＥ少Ｄ野食，就當然平Ｄ啦甜牙牙，唔介意等一陣（大約九個字夜晚），係一個好正既甜品地方！！…查看更多

個日完成哂Ｄ工作，同朋友夜晚去玩食完飯直落埋去食糖水，黎到元朗，咁梗係去食Ｂ仔架啦係咪先？咁我地幾個都唔知做咩話想飲菠蘿冰，就一人叫左一杯Ｄ冰碎冰黎既，都幾凍下！（呼…　敏感性牙齒Ｔ＿Ｔ）點講好呢，凍唔係問題，鍾意飲既人仲會覺得好正既但係…　佢。好。酸。啊！！！！Ｔ＿＿Ｔ酸到我飲唔哂成杯，唔通菠蘿唔當造？我唔知啦，但你落糖呃下我都好Ｔ＿Ｔ　真係酸到飲唔落杯野飲唔哂，哂左－雖然杯野就麻麻喇！但其他都睇落唔錯咁因為我地得三個女仔，就唔叫大碗個Ｄ雜果盤啦叫左個香蕉船？好似係…　咁既樣既都幾好食！Ｄ桃甜好好味，曲奇雪糕無得頂啦！最愛！見到人地個Ｄ都賣相唔錯，所以整體都ＯＫ如果你地去食，唔係好多人的話就唔好叫大盤雜果因為見到人地食，真係好大盤…查看更多

個日同朋友一齊係銅鑼灣唱Ｋ行街經過講開好想食HOLLY BROWN個炒雪糕就一於去試下以前都淨係食過Ｄ雪糕吐司，依家試下新野哈哈，好靚啊！靚到我要係咁幫佢影相哈哈！五十蚊一個，我覺得因為佢太靚所以買埋個樣都好啦我好鍾意呢隻藍色，哈哈，所謂既炒雪糕其實係撈雪糕食落都係凍，我覺得幾好食，佢藍色但係雲呢拿味黎可以行過去試下，又靚又味道唔錯既雪糕…查看更多