KENCHEUNG's Profile

門口見到免茶錢免加一，香港地好少見到呢類型嘅餐廳會咁做，睇下個餐廳，所有食物都唔貴，2個人決定試下。片皮鴨，黎到有驚喜，睇個賣相皮脆，食入口真係唔錯，仲配埋有山楂條包住黎食，感覺好開胃，一啲油膩感都無，仲要下面有個座保溫，令到果啲鴨餅同埋鴨肉都保持住溫度，唔會咁快凍，細心程度值得一讚👍🏻。鴨肉生菜可揀辣唔辣，梗係要個辣啦！用清爽嘅生菜包住鴨肉，黎食，真係第一次，開胃🤤。北京炸醬麵，麵條入口滑捋捋👍🏻炸醬味亦都非常好味。2個人埋單$344，真係無任何附加收費，仲要無限食飯時間👍🏻下次可以再黎…Read More

今日返石門做嘢，去華記食堂食晏，黎一個三餸飯，雖然選擇唔及真正嘅三餸飯店，但勝在出品企理，味道合理，地方夠大，大熱天時冷氣充足，我係會員仲有例湯/油菜/冰凍綠豆沙送，我揀左綠豆沙，真係食到飽狠死😅 三餸飯叫左鮮茄滑蛋牛肉，酸甜度啱啱好，牛肉又唔會老，滑蛋蝦仁炒蛋，蝦仁略嫌細隻，但係蛋仍然係嫩滑，香辣蘿蔔牛筋腩，牛腩頗淋，蘿蔔都鮮甜，帶有少少微辣，非常開胃。眼見現場大部份客人都係男士，相信呢度份量充足。…Read More

今日去朗豪坊市集，順便打算用埋上次張$200現金券，所以同朋友再次黎幫襯，門口見到做緊推廣，叫酸菜魚加$168就可以加一隻辣爆龍蝦，於是乎，我地叫左個酸菜魚，加左隻龍蝦，仲叫左個辣嘅肉碎生菜包，酸菜魚一如以往，味道剛剛好，魚肉嫩滑，底配嘅薯粉吸晒酸菜嘅味道，非常開胃惹味，跟住龍蝦黎到，一啲都唔細隻，相信街市買都要百四五蚊，所以覺得非常抵食，味道仲好好味，重點係唔太辣，好味！呢個生菜包好似去食泰國菜咁，但味道比泰國菜果個乾身好多，包住生菜包黎食，辣味出晒黎，口感清新！抵讚！至於服務方面，啲員工都幾好禮貌，當晚食左差唔多2個鐘，見佢門口有人等位，但都無埋黎叫我交檯，可能而家生意難做，不過都值得再次幫襯。我同朋友食得都非常飽👍🏻👍🏻👍🏻👍🏻👍🏻…Read More

尋日同亞仔轉電話plan, 順便喺屯門市食埋晏，本身諗住去紅茶，但行到附近離遠見到門口都好多人排，最終取消咗呢個念頭，咁就不如近近地敏華冰廳，其實以前都覺得佢麻麻，不過唔想等諗住求其一餐，入到去亞仔嗌咗個黯然叉燒飯，我就嗌咗個免治牛肉飯，落咗單唔使5分鐘，叉燒飯就到，但係個叉燒五件，兩隻蛋，賣相超衰，叉燒黑鼆鼆，兩隻蛋唔知想點，咁樣收$72 ，邊有進步呀！阿仔食完個叉燒飯，我個免治牛肉飯都仲未到，過多10分鐘終於到，一落枱，嗰隻碟熱辣辣，好明顯放入微波爐叮熱，垃圾簡直係垃圾！好心太興冇心做咪做，佢對面開咗間紅茶都未識死，啲出品垃圾到一個點，所以午餐佢唔使排隊係有原因！永不再幫襯！…Read More

今晚去朗豪坊睇戲，因為有四小時泊車優惠，所以就順便搵埋食，朋友想食辣野，所以上左十二樓呢間川菜-川莊，以前呢間係朗豪坊人龍店，夜晚無論咩時候都有人排隊，可能香港經濟低迷，市道不景，無需要排隊，門口侍應帶到入去，都叫滿座，只係剩返一張窗邊枱，可能好耐冇嚟過，而家都係用QR code落單，一用手機落單，就有一個推介彈出嚟，石鍋辣桶蠔，本人鍾意食蠔，所以就叫咗一個嚟試吓，嚟到熱辣辣，上枱仲吱吱喳喳，一睇就好惹味，食落就非常好味，辣味啱啱好，最重要係有蠔味，呢個非常好食，值得推介，反而叫咗個辣椒炒牛肉，辣度夠，可能有個爐熱住嘅關係，最後啲牛肉有少少老，仲叫咗個燒菠蘿，酸酸甜甜非常開胃，整體味道都唔錯，價錢雖然比深圳高，但係喺地價高嘅香港，完全合理！…Read More

又係去到唔知食乜嘢嘅時候，喺尖沙咀揸車到深水埗搵車位，泊好車之後就喺文記車仔麵附近，平時條人龍要排到喜喜美食，今日眼見冇人排隊，所以決定食車仔麵，叫咗個三餸車仔麵，雞翼魷魚豬皮油麵，叫完之後就喺隔離鋪等姐姐拎嚟，大約1分鐘左右送到過嚟，油麵口感好滑，雞翼又好嫩又入味，魷魚反而麻麻哋，豬皮亦都好入味，整體嚟講味道算好好，難怪平時咁多人嚟幫襯，不過嚟呢度食車仔麵，都要睇時勢，如果太多人排隊就免了，因為太多人會好迫同埋點餐會等得耐。…Read More

今晚又唔知食乜好，經過厚福街由街頭行到街尾，最終決定嚟呢間食魚生飯嘅舖頭，可能而家尖沙咀市道差，以往經過都會見到入邊坐咗好多人，但今晚見到入邊有座位唔使等位，所以就決定食呢間，一坐低店員都好用心介紹新產品和牛丼，但本身對食和牛麻麻地，最後都係叫咗個自行配搭嘅魚生飯，魚生飯嚟到買相唔錯，食落魚生都尚算新鮮，整體嚟講都合格，兩個人埋單$280 ，同食壽司差唔多，不過下次都係會去食壽司好似好啲，因為性價比好似食壽司會高啲。…Read More

好耐冇出過去尖沙咀，今日工作關係喺附近做嘢，自己一個人食啊，唔知食乜好！最後決定嚟咗呢度食午飯，嚟到呢度環境冇變，一些老員工仍在，實在難得。最後點選咗一個雪菜肉絲湯麵，招牌小籠包，雪菜肉絲湯麵，味道清清地幾好，唔會過鹹，招牌小籠包十年如一日，皮夠薄，湯汁夠，依然係20年前嘅味道。食晏期間，見到好多外國遊客幫襯，但睇落去以韓國遊客佔多，大部份遊客都食北京烤鴨，見到我都想食，不過今次得我一個人，所以食唔到，唯有下次帶埋屋企人嚟食。…Read More

呢日又要到石門做嘢，行完成個石門都唔知食咩好，好耐冇嚟過鴛鴦奶茶，今日見佢門口放咗個車仔麵廣告牌，都諗住試吓食車仔麵，不過入到去收銀見到佢哋有鐵板餐，會員仲要係$65 ，睇幅相賣相都好吸引，所以最後轉左食鐵板西冷，大約等咗8分鐘就拎得，去到櫃面拎嘅時候個鐵板仲熱辣辣，返到埋位倒啲黑椒汁，仲有渣渣聲，西冷食入口都幾鬆軟，唔會好似出邊嗰啲咁腍啤啤，以咁嘅價錢簡直係完勝，不過又唔知道下次有幾時有機會再入石門幫襯了。$65 性價比高…Read More

呢間米線舖，佢新開張就去幫襯，第一次幫襯食食吓就停電，一路食一路出汗，但係味道都唔錯，跟住都再有幫襯，直到第四次，我平時食開特別辣，不過頭幾次我都係食大辣，味道係完全接受，酸嘅味道唔錯，辣亦都夠辣，所以第四次我就叫特辣，但出嚟嘅效果唔太好，嗰個辣到有啲苦，完全冚過晒嗰個酸辣味，琴晚第五次幫襯，咁就叫返大辣啦！但一食入口味道完全唔同晒！嗰個辣根本係唔好食，啲米線就淋晒，整體嚟講可能轉左師傅，下次俾多次機會，如果唔得就轉返去對面果間米線了…Read More

今晚到元朗搵食，兜咗幾個圈，見到有刀削麵就即刻入嚟試吓，應該係新開張無耐，環境乾淨企理，坐低我就手機落單點咗個羊肉刀削麵大辣，個麵黎到味道唔錯，羊肉一啲都唔羶，朋友叫左個炒刀削麵，我試左少少都炒得唔錯，不過我都係鍾意食湯嘅多啲，至少呢個羊肉刀削麵，辣度夠，比起我早兩日食嗰間羊肉粉好上百倍，最主要係份量足夠真係一碗就夠晒數，環境舒適，店員亦有禮主動，兩個人最後連飲品埋單都係$140，呢啲舖一定有下次。…Read More

今晚揸車入屯門攞野，諗住泊低架車去附近麥記食個快，咁啱泊正佢門口，見到佢新開，而本身又唔抗拒羊肉，就決定放棄老麥黎食碗羊粉（大辣），見到推介有皮蛋豬肉餃，店員又推介，就試下，再叫多個臭豆腐，羊腩粉黎到，店員叫我試下辣唔辣，我食左一啖就知瀨野，辣度一啲都唔辣，店員跟住比左碟辣醬我，我全碟落晒，都係唔辣，算！碗麵羊腩少得可憐，但味道叫正常，皮蛋豬肉餃黎到，食一口就想嘔，果啲味入到口似腐化左攻上鼻嘅味，但唔係豬肉變，係皮蛋嘅化學作用嘅味道，總之無形容錯，食一口就想嘔，跟住我同店員講，佢就換左個羊肉餃比我，但真心講一啲都唔好食，味道又係怪怪，臭豆腐黎到又伏，完全係炸豆腐乾，無臭無味，又無醬，簡直又係難食之中嘅難食！相信如果做香港人生意係無得做，唔知大陸人係咪鍾意呢種味道，但我就一啲都唔欣賞。皮蛋豬肉餃唔記得影相…Read More

經常去朗豪坊，上親去Lego睇野，見到佢舖頭細細但係經常都坐左幾多客，所以一次都未幫襯過，今日可能太早上去關係，經過見到未有客，所以決定幫襯，兩個人嗌咗一個牛肉嘅漢堡set，一個辣雞burger，一個Nachos, 辣雞漢堡入口仲好Juicy, 牛肉漢堡都好好味，辣肉醬Nacho 都唔錯，不過又未至於好高質，整體都非常唔錯，可以再翻啅！兩個人埋單$370左右，唔算平但又唔係貴，喺朗豪坊上層消費，我覺得價錢合理。…Read More

尖沙咀太子集團大廈-湘湘娘娘早排見到廣告開左間野，睇名應該係湖南菜我非常鍾意食辣，啱啱諗住去試一下湖南辣，上到去都幾多客人，但店舖比較凌亂，員工安排左張窗口位比我坐，對住街景都唔錯，有個應該係店長嘅人黎推介小酥肉及長沙臭豆腐做緊優惠$48碟，二話不說叫佢各一碟，跟住就叫左個乾鍋雞腰子，水煮牛肉，叫左杯啤酒，第一個黎個乾鍋雞腰子，一入口就知中伏，有啲9唔搭8嘅感覺😂😂，不過唔好浪費，都格硬食左，再黎小酥肉，呢個叫正常，等左35分鐘再黎水煮牛，食入口牛肉比食粉那到似肥豬肉，麻辣味唔夠香唔夠辣，最後追埋個長沙臭豆腐，黎到面上有啲酸豆角，辣椒等等，但一入口，佢唔係臭，係無乜臭味，只有一大陣UP味，超難食，未食過咁難食嘅臭豆腐，咬左一啖已經吐左出嚟，根本唔可以上檯。最後2個人埋單八折，$680埋單，呢個價錢認真咁講，呢個廚師唔掂🤣🤣🤣最後要去隔離麥當勞醫肚，失敗！…Read More

呢間日本拉麵，以前經常門口要排長龍，但呢三年疫情下見到排隊嘅人少左好多，但我都無衝動去試，因為我覺得香港做嘅日本拉麵真係又貴又唔及日本好食，如果要我排長龍等食碗麵，我真係唔會浪費時間，呢日經過，見到門口無人排隊，於是同朋友就抱住唔洗等食個快嘅心態入左去試下，自己用手機落單，我叫左個辣嘅叉燒拉麵，食落又幾好食喎，個辣湯底做得出色，我對食辣要求好高，但佢都做到唔錯嘅味道，抵讚，個麵淥得剛剛好，唔會淥過龍令到個麵淋晒，入口仲有日本拉麵爽滑嘅口感。所以值得再一次幫襯…Read More