KoKoKoJimmy的个人专页

最近行去海天晉嗰邊，發現開咗好多新嘅餐廳，又有一間專係賣韓國野食嘅超級市場，真係唔同咗好多，所以今次喺海旁散完步之後，就同女朋友去咗海天晉商場裏面試吓呢間新嘅越南餐廳，首先我哋去到嘅時間，好彩唔算太多人，唔使點樣等位，如果遇到繁忙時間嘅話用餐嘅時間就係90分鐘，由於未係有太多食客嘅關係，所以我哋就坐咗喺卡位嗰度，店舖呢就係用QR code落單，非常方便，而手上菜嘅速度都非常之快.我哋兩個呢就叫咗越式豬扒湯粉，如果加$20呢仲可以試埋佢哋西貢魚餅，佢哋嘅豬扒湯粉，豬扒係同湯分開㗎，咁樣就可以避免豬扒浸得太過腍，同埋亦都叫咗香茅雞翼撈檬，另外我哋呢都試咗佢哋嘅串燒，串燒非常之惹味，不過一定要趁熱食😂，而飲品我女朋友就叫咗越南滴漏咖啡，而我自己呢就選擇咗香水檸檬鴨屎香檸檬茶，非常香甜可口，好開胃.最值得一提嘅就係舖頭呢，如果帶寵物去用餐，使用戶外嘅位置，店家仲會送一杯啤酒，不過我自己就冇寵物😂，所以我都會同啲朋友講，如果佢哋帶寵物嘅話，舖頭都好歡迎佢哋😂…查看更多

同朋友喺調景嶺體育館打完羽毛球，朋友話想食燒烤，咁我就諗起呢間小野人，如果喺調景嶺行過去就大約15分鐘，舖頭位置有啲遠，但係為咗食好嘢，行遠少少冇乜所謂，其實之前都食過，今次朋友話想食咁就帶佢試吓啦，落單方面，佢哋就係用自助落單，所以唔使怕落錯，同埋佢哋上嘅速度都好快，食物質素方面呢，食物嘅溫度都仲係保持得好高水準，佢哋最細心嘅地方就係會用一個熱嘅爐，幫你暖住啲串燒，唔駛怕啲串燒凍咗唔好食，同埋呢度抽風都做得唔太差，唔會好大煙.鋪頭主打川式串燒，串燒真係燒得唔錯，而每串份量都唔算太多，而我自己就推介金針菇牛五花卷和香蔥豚肉卷。香蔥豚肉卷就喺將香蔥和嫩豚肉卷放埋一齊烤到外酥內嫩，口感豐富，而金針菇牛五花卷就喺將金針菇同埋嫩牛五花肉卷放埋一齊，經過烤製後呢，肉質鮮嫩多汁，而金針菇同肉質的鮮美完美組合.同埋店舖嘅擺位，都令到人坐得幾舒服，唔會好大擠迫，但係就要早啲去攞位，如果唔係晏咗就會好多人.…查看更多

自從搬入將軍澳之後，開始去發掘下有啲咩好食，有一日去咗附近私人屋苑探朋友，朋友話屋企咁啱壞咗煮食爐，咁佢就話落去樓下食打邊爐，咁就跟佢去食啦，佢就帶咗我去咗帝景灣附設嘅商場食嘢.就試吓呢一間湯米，佢主打嘅係台式臭臭煲.睇咗個餐牌之後我就選擇咗藥膳豚肉鍋，唔夠5分鐘，餐廳嘅侍應就已經起到菜，咁當然係要趁熱食啦，佢裏面非常足料，有好多塊豚肉，裏面仲有薯粉，仲有啲蔬菜同埋粟米，另外佢本身都跟咗白飯俾你嘅，而我自己呢亦都另外加咗鹽酥雞扒同埋柚子雞翼，作為前菜都非常之開胃，而佢嘅餐飲我就揀咗滿杯百香果，佢都非常之大杯同好飲.而店舖亦都冇限時，亦都見到好多其他客人，佢哋三五知己，每人叫一款火鍋，咁就可以大家分享自己嘅，又可以食到人哋嗰一款，咁嘅方法都唔錯😂，不過晚餐嘅時候比較多人，需要早啲度舖頭，如果唔係就要喺出邊排隊，等候下一輪先可以食到. …查看更多

趁着平日放假，離開咗九龍嘅屋企，就約咗朋友去咗將軍澳體育館打羽毛球，打咗兩個鐘之後，做完運動真係想食返餐好，朋友就話帶我哋去新都城食嘢，喺行去新都城途中，我哋就傾吓食咩啦，朋友就話有一間日本菜餐廳，佢上次品嚐過都話唔錯，咁佢就問我哋去唔去試吓，咁做完兩個鐘運動，梗係想快啲食啲嘢啦😆，二話不說就應承咗啦，其實將軍澳體育館行過去都唔係太耐，行咗大約10分鐘就到咗餐廳.入到餐廳，就會見到一幅大型嘅日本傳統壁畫，非常特別！安排咗我哋坐低之後呢就叫我哋用手機掃描二維碼落單，簡單方便快捷，我哋叫咗嘢之後呢，上菜速度都好快，好快就有得食鹽麴枝豆 ：$32 ，作為餐前小食絕對適合不過，醬汁同埋枝豆非常合拍.牛之拼盤（牛舌，一口牛，牛肉蘆筍）$108我覺得呢個串燒一定要食，因為呢一個係落單，即叫即整，保證新鮮熱辣，一口牛咬落去充滿肉汁，非常Juice,而牛舌就唔會好似出邊食咁樣好難咬，充滿口感.雞之拼盤（雞肉京蔥，雞胸軟骨，雞腎）$98同樣都係，即叫即整，雞肉咬落去，又係充滿肉汁，雞腎燒得好香，但係就要等15分鐘先有得食😂，不過絕對等得過😄.照燒魷魚筒$98呢一個又係餐廳裏面好多客人都會必定會叫嘅魷魚筒，配上照燒汁，兩個人食份量啱啱好，配搭埋鰻魚飯，我覺得就最合適.蒲燒鰻魚飯$92鰻魚飯，一定要推介俾大家，因為入座嘅時候，見到隔籬枱四個人都叫，我就八卦問吓係咪真係咁好食，佢哋話塊鰻魚好夠厚，有口感，飯又夠多.夠晒飽肚😂不過都要溫馨提示大家，如果七點幾先到嘅話呢，可能就需要等一等位，我哋食緊嘅時候，出邊都有好多客人等緊位，所以下次食都係預返6點幾去就最好.…查看更多

最近防疫措施放寬咗都多咗出街，都出多咗旺角睇嘢食嘢，咁啱今次睇完戲之後發現咗喺洗衣街嗰度開咗一間新嘅串燒店，好有北方嘅味道，話晒呢排天氣咁凍，都想食返啲熱嘅嘢，惹味嘅串燒就最好不過.首先一入到門口，店員就安排咗我哋坐先，之後就教我哋用手機掃描二維碼落單，全程簡單方便快捷，落完單之後唔使幾分鐘，啲嘢食就開始陸陸續續咁樣上枱首先第一樣嘢到嘅就係魷魚鬚，到嘅時候店員仲同我哋講小心啲，因為啱啱炸起舖頭仲預備左一個爐面，放啲串燒上去，仲可以幫佢保溫，隨時食都係咁暖而我自己就覺得舖頭最好食嘅就係烤茄子，佢哋將茄子開邊，然後再將配料放喺上邊放入焗爐到烤，出到嚟嘅效果，真係幾好食.而舖頭呢亦都有雞牛羊可以揀嘅最後就食到飽飽，我哋兩個人食呢就大概食咗四百幾蚊，店舖就預留咗90分鐘食嘅時間，但係由於店舖上菜速度都好快，所以時間係綽綽有餘嘅.同埋香港好少呢啲串燒嘅舖頭，重要嘅係坐得舒適，下次有機會會再嚟.…查看更多

佐敦新派FUSION菜今日嚟到佐敦一試呢間西餐，估唔到好高質素，餐廳老闆係兩位有經驗嘅廚師，好俾心機去研究新嘅菜式，務求令到客人可以食到有質素嘅fusion菜，而老闆同我哋講啊，9:30後仲會變成酒吧，可以比三五知己把酒談心添啊！咁到而家就介紹吓嘢食啦慢煮黑椒牛肋條配香煎上海年糕 $158呢個牛肉由廚師精製烹調，煮得好腍 ，仲配上年糕，估唔到呢個配搭咁特別但出奇地好食.麻香海鮮扁意粉 $128呢個麻香都好正，麻香配意粉 出奇地 冇維和感，不過就有少少辣啦.鮮奶咖啡 $38飲落去好creamy,鮮奶同咖啡嘅份量配搭得好好，飲完都唔怕瞓唔着話梅菠蘿醬配窩夫及雪糕 $78至於甜品，一樣咁有心思，話梅菠蘿醬係兩位廚師親手調劑，非常有心機呀，呢個醬配合埋即焗嘅窩夫真係好配搭啊！…查看更多

最近將軍澳真係發展咗好多，我好多新嘅屋苑落成左，商場多咗，食肆就多咗，今次嚟到將軍澳海旁嘅Monterey ，裏面有一間四川串燒嘅舖頭，一直都好想試吓，之前每次帶狗仔去海旁放狗嘅時候，都會經過呢個商場，見到呢間串燒都好多人排隊，一直都好想試吓， 今日難得早咗放工，就早啲Walk in去排隊 內裏嘅環境都好舒適，因為一諗到食串燒通常都係去啲地痞舖頭，真係估唔到商場舖頭會開一間賣串燒嘅，令人有啲驚喜.店舖就係用自己手機掃描二維碼喺度落單嘅，二店舖上菜速度都好快，佢終於俾咗一個炭爐俾大家放啲串燒上去保持溫度扇貝同埋生蠔都用咗大量 調味料去到調味，加埋海鮮嘅鮮味，簡直係配搭得好好.無論係雞肉或者牛肉嘅串燒，都好惹味.但係最出色應該係呢個炸韭菜，食完一次，又再落單叫多次.呢間串燒無論係同朋友嚟聚會，定係同女朋友嚟拍拖，都會好滿意，因為好少食串燒嘅地方咁企理，食飽之後仲可以去旁邊嘅Donki 行吓街消化下.…查看更多

最近經濟唔太多好，傳統嘅投資可能已經滿足唔到普通投資者，而最近中環就開左一間NFT x 漢堡包嘅餐廳.門口嗰公仔已經係個打卡位😂而餐廳呢主打，就係漢堡同熱狗，鍾意食牛嘅朋友呢，餐廳就有好多選擇啦，唔食牛嘅朋友呢亦都可以揀選魚柳或者雞，同樣都有選擇.如果係堂食嘅朋友記住要掃描安心出行.點完餐之後呢就可以上去上邊揀位坐，上面同樣有好多打卡嘅位置.等餐嘅時候大約需要等5至8分鐘，整好之後呢佢就會嗌咪叫你落去攞㗎啦.而我自己就因為唔食牛嘅關係，所以選擇咗炸雞漢堡，佢呢個漢堡真係喜出望外，麵包係經過烘焙，而雞 咬落去時候呢有好多肉汁走出嚟，如果你加$18仲可以跟埋小食，我自己就揀咗脆薯圈，加埋一杯冰凍嘅嘢飲，真係幾Chill😂以餐廳最細心嘅地方呢，就係每一個客人都會獲得手套同埋餐巾，俾大家用餐，咁就唔使食到好狼狽.食完之後記住將啲垃圾放返落垃圾桶，然後將個鐵兜拎返落去俾收銀就可以啦.而我最希望係餐廳可以多一啲款式可以比唔食牛嘅朋友，咁就更加好啦…查看更多

最近天氣成日落雨，天氣涼咗好多啊，難得朋友換咗新工，入咗去將軍澳搵佢食晚餐，佢就話天氣涼咗咁多想試吓食火鍋，佢就帶咗我去呢一間台式火鍋嗰度試吓啦一去到嘅時候，好彩早咗去咋，去到嘅時候已經有一半嘅客人已經到咗，我哋等咗一陣侍應就安排入座咁食火鍋當然要有調味料啦，客人可以自己出去自己調劑自己所需嘅醬料咁我同朋友呢，我自己呢就叫咗藥膳豚肉鍋，而朋友就叫咗酸菜魚鍋，廚房都好快俾到我哋咁你可以選擇，飯或者粉絲，我自己就揀咗飯，起碼可以飽肚啲呀嘛其實成個煲，都好足材料，配菜好足夠，依啲豬肉呢就放咗喺個煲底，要等多一陣先至可以食，你係等佢嘅期間你可以食住其他配菜，因為啲菜啊吸收左個湯嘅精華，所以都好惹味.咁打邊爐，當然要有杯嘢飲啦，咁就買咗呢杯滿杯百香果，佢都好大杯，所以一定夠飲.食咗一陣，其他嘅客人開始嚟啦，佢哋都要開始等位，所以奉勸大家如果想早啲食，一定要早啲到食飽之後呢就沿着原路，行返去將軍澳地鐵站嘅商場行吓消化下啦…查看更多

呢排咁好天氣，梗係要做下運動啦，難得踩單車入到大埔，還完單車之後，就問吓住大埔嘅朋友有冇好嘅推介，佢就介紹我呢一間特色小店，我同朋友大約7:00去到，去到等咗一陣就有位啦，佢哋嘅裝修好精緻，喺門口就有得mirror 嘅精品可以打卡.佢哋仲用到自助落單，非常方便，落咗單一陣啲嘢食就已經開始到啦，效率非常之快鰻魚手卷，用嘅飯非常軟，鰻魚好大件，性價比十分之高牛油果軟殼蟹卷，呢一個份量非常之足料，牛油果同啲沙律汁真係好夾，呢一個真係抵食😜😜，原來佢哋仲用昆布包住㗎😂壓軸嘅甜品，鍾意Mirror嘅朋友一定會好鍾意😎😎，佢係一個布朗尼，仲有好濃郁嘅朱古力味，今次因為姜濤生日，所以主題就用咗姜濤😍，原來張相仲可以用自己嘅相，不過呢就要早啲通知餐廳啦…查看更多

見到咁潮嘅韓式餐廳，仲話有機械人送餐🤔，當然要試下啦！叫嘢食一樣智能化🖥😂，叫完嘢食，好快就送到，機械人都好準確咁泊位，見到人又唔會阻住人，識得停車同避開！雖然都要由員工係機械人身上拎上枱，但值得一讚減輕咗員工辛苦捧餐👏🏻！首先叫咗個人蔘雞湯娃娃菜，晚上點都要食啲菜，估唔到人蔘雞湯係勁有人蔘味，材料好豐富！飲落好補咁😋。跟著熱辣辣嘅香草海鮮薄餅上枱啦，超多芝士同海鮮，餅底好軟身！好少手拉pizza 做得好食，呢款推薦大家必叫🍕。另外，都叫咗2款小食- 柚子雞翼 同 車打芝士醬牛柳粒，雞翼有好濃濃嘅柚子醬，唔會求其落2買滴hea你👏🏻，雞翼都炸得好香口，唔會太冧太硬，下次嚟都會再叫🍗😋。而牛柳粒配芝真係唔錯，份量亦唔會太少，性價比高👍🏻。嘢飲就分別叫咗玫瑰花柚子茶同藍荳花檸檬茶。藍荳花本身無乜味道，但配檸檬唔會太酸😼。而柚子茶都好香，不過要記得攪拌呀，因為啲糖喺晒底到😹！…查看更多

去完海濱咁岩比我見到翠華諗住食個快飯😬，一向比人感覺都係傳統嘅港式餐廳，今次竟然唔係港式茶餐，而有多種菜式選擇👍🏻！賣相同味道令人surprise 😃。食物 + 靚景唔單止令成個lunch 都好嘆，價錢仲好抵😳，有啲唔相信 咁高質嘅餐廳 有咁嘅價錢👍🏻第一道菜叫咗「自家製香草醬海鮮薄餅」 ，$78 包咗pizza，湯或沙律，仲配埋野飲同甜品😨。沙律份量唔算少，作為前菜都唔錯呀，自家手工薄餅嘅味道都好好👍🏻，超足料，有晒蝦，魷魚同青口仔😋！另外+$8可以配特飲，今次叫咗生磨蛋白杏仁茶，一杯好飲嘅蛋白茶，好少餐廳可以做到，估唔到呢到會飲到，超多蛋白勁有口感，仲要唔甜！最後送個奶凍都唔錯😃，成個set真係物超所值👏🏻👏🏻另外仲叫咗「蒜片辣椒欖油大蝦扁意粉」，開頭以為只喺1-2粒大蝦，估唔到有5隻咁多，意粉份量仲好多😂！overall 呢款真心唔錯，好香蒜味！除咗主菜，仲叫左啲小食😃，見到manu個「韓式芝士炸雞 」，心諗個芝士有無咁多呢？原來真係有⋯！芝士控會超like👍🏻，炸雞都炸得好香口，撈埋超多芝士好正😍。真心推介！今次呢餐lunch 令人好滿足😋…查看更多

2021.05.01 勞動節假期難得放假一日，梗係搵個地方去玩下啦，今次就去咗大澳一日遊，仲試咗呢度最出名嘅蝦豬餅.事源呢間唔喺我哋嘅schedule之一😂，見到呢間咁多人排隊，個肚又十級肚餓之下 去食😂～手抓餅+生菜+肉碎都幾特別😋❤️，尤其超鐘意蝦膏個香味呀😍‼️.排咗大約半個鐘，終於到我哋啦😎，因為想留肚食其他野，所以叫一份share好啦🤪。so far，如果鐘意蝦膏嘅味都幾好食嘅😍❤️～！但如果可以再多啲蝦膏就好啦😋💰HKD28/份…查看更多

.2021.05.01.原本以為沙翁賣晒，但返轉頭發現仲有人排隊嘅😯，原來店主意思係因為唔想排隊排到隔離鋪門口，比隔離鋪頭話，所以一直叫諗尾唔好排隊、而龍尾又誤會左賣晒叫人唔好再排🤣～ 各位去食嘅話記得店主呢句係叫你遲少少先再嚟排😋‼️.呢個沙翁都喺等大約半個鐘，每次炸起都喺得幾個沙翁😱，個個都一買就幾件幾件，好彩見大約幾分鐘就炸起一籃，仲要唔太多人～～～只係排左一個灣位，所以半個鐘到就食到啦😎🤫.本來都喺想買一份🤣，不過諗落都係買2個，🥲好彩真係有買2個‼️真係⋯超級好食😆😆😆😍！新鮮炸起唔單止熱辣辣，入面仲要超香蛋味😩，早知再買多一個啦🥲 我哋唔夠食啊😩～ .💰HKD13/個…查看更多

-🗓 2021.03.30🗓-🐷超開心嘆咗個高質下午茶☕️😍，一入到去估唔到喺之前有朋友帶過我哋嚟食嘅餐廳😳‼️無諗過呢間餐廳會有下午茶，而且價錢唔貴之餘，仲好高質添呀💯。出面食食個靚少少嘅下午茶都要$300-800/位💸！灣仔Assaggio只喺$298（加一），仲要係兩位😨‼️ 1月去食個陣，仲有8️⃣折😱‼️款式同味道都唔錯😋，推介大家去試下！-1️⃣ 餐前酒- 貝里尼雞尾酒算唔錯易入口嘅餐前酒😍，不過酒味較濃，蓋過咗果味，如果飲到底，啲酒會更加濃😂，唔多鐘意飲酒嘅話，我覺得可以拎攪攪捧 令啲酒同果味撈埋一齊飲會易入口👍🏻。-2️⃣ 自家製鬆餅配零尼拿忌廉芝士及時令果醬呢個熱辣辣鬆餅都好好食😋，一共有4個，可以比你配醬試晒2種口味，👧🏻鍾意配忌廉芝士，而我鍾意配果醬，好多鬆餅都比較乾爭爭咁，但呢個就一啲都唔覺有呢種感覺。-3️⃣ 咸點呢Set下午茶有4款，每款都各有2件，um...唔個係米好肚餓😂定甜點比較大件，我哋覺得 想要食多少少主食🤏😂，中和返啲甜度😂😂。-4款 咸點包括藏紅花松露炸飯球、亞枝竹薄荷半溶芝士多士、密瓜巴馬火腿、炸雞茄乾蒜香青醬威尼斯夾包。4款都好好食，👧🏻幾鍾意個炸飯球，好creamy，而我鍾意炸雞茄乾蒜香青醬威尼斯夾包，好香炸雞味之餘仲有好香青醬味！仲有超鍾意多士，有超好食嘅芝士😍😍。-4️⃣ 甜點甜點同樣都有4款，包括芒果意式芝士蛋糕，天然蜜糖奶凍，紅莓芝士甜酒蛋糕，托斯卡尼臻子朱古力蛋糕🍰。-我哋好鍾意天然蜜糖奶凍同芒果意式芝士蛋糕😍，不過記得個奶凍一定要夾住蜜糖食，如果唔係，食到底太多蜜糖就會好甜😂。💰HKD$298/2位-如果想影相拎靚啲，咁就喺eShop訂座個陣就住喺「信息/用膳安排」個到remark返windowseat 或者outdoor ，而👧🏻怕大風吹到頭痛，所以打咗去問餐廳員工outdoor 會唔會好大風，佢地仲好細心話如果易頭痛就建議室內，所以揀左indoor window seat😂。…查看更多