CHICKCHICK: )的个人专页

我哋一行五人黎到吃扒食午餐點了三份肉眼鐵板餐一份雜扒和一份三文魚柳椰菜花飯因為睇見食評大多都讚不絕口所以都有少許期望 更邀請左親戚一齊黎試下但結果大家一致都對食物嘅質素俾☹️👎🏻首先雜扒嘅鐵板係唔熱！侍應倒汁落鐵板嘅時候完全唔會兹兹聲 一啲煙都唔會有豬扒同雞扒都好柴口😥好韌肉眼扒係無肉味 食落個口感怪怪地如果要我形容 我會形容為似合成肉嘅口感😣另外三文魚椰菜花飯就正正常常服務都過得去 我哋加左錢飲西班牙咖啡 都係唔好飲嘅上面嘅雲尼拿雪糕怪怪味 仲要明明係加15蚊轉特飲但收我哋每杯24蚊😠好彩有睇單啫總結係我唔會推薦人去試….…查看更多

奶奶有外國朋友來到香港大家一行十人來到嘉里食自助餐食之前我喺佢嘅官方網頁睇到佢介紹10月至11月做緊秋冬海鮮盛薈網上寫有即焗黄金蟹蓋及波士頓龍蝦占米多，大廚即製逾一米闊巨型龍蝦墨魚汁西班牙海鮮飯,清蒸三點蟹及黄酒煮花甲,大廚即炒意大利粉及意大利飯、軟殼蟹凱撒沙律、特色自選海鮮SHABU SHABU、迷你美式焗蟹餅、泰式香辣青口煲、鹹香黄金大蝦、避風塘炒瀨尿蝦、海鮮濃湯等等睇個網講到好吸引 但我可以話 去到餐廳又係另一回事佢所講嘅只有四款出現過就係黃金蝦 海鮮湯 shabushabu 同軟殼蟹凱撒沙律真係超級超級失望 我覺得好有被騙嘅感覺個場雖然都大 分7個section但當你去拎嘢食嘅時候 竟然會覺得無嘢好食其中嘅熱食有蒸鳳爪，帶子蒸豆腐，排骨蒸飯，黑松露蒸蝦，海鮮炒飯，叉燒炒烏冬， 椒鹽魷魚，燒牛肉，羊架，冬陰公岩魚，燒豬腩肉等等live station有中式湯面，shabu shabu，辣汁蜆意粉當中中式湯面嘅材料有菜類 木耳 金菇 肉類竟然得魚蛋同雲吞!!!我覺得選擇會唔會太少丫？!其他加多幾款肉類都唔會好高成本啫？另外所謂嘅shabu shabu就提供魷魚 青口嗚門卷 冬菇....真係睇見都唔想食成餐自助餐都唔會出現少少回本嘅食材選擇少 食材唔吸引都算...調味都好有問題....我哋食過嘅椒鹽魷魚，冬陰公岩魚係好喊好喊但我哋飲佢哋嘅中湯同燉湯係清到好似水咁完全唔係湯 好明顯就係落材料落得勁少 完全無味我無食到刺身 但我奶奶食左吞拿魚同油金魚佢話食落去塊刺身出好多水....顯然係解凍有問題...:(:(係全場都無咩好食嘅情況底下我就唯有食我覺得全晚最好食嘅係軟殼蟹凱撒沙律當然沙律上只有幾件細細件軟殼蟹但沙律係新鮮嘅.....係有優惠之下 每位成人都要五百幾蚊全晚最吸引我嘅只有沙律真係好不值 間餐廳根本都唔願意提供一啲好少少嘅食材俾客人 質量無 質素更加無開頭見到其他食評話有龍蝦 又有好評所以就帶埋外國朋友黎試 但....親身食過之後我哋一行十人都覺得唔好食 唔吸引 唔值得真心唔建議大家去試另外順帶一提 整個餐廳都係開放式廚房設計即係可以睇到廚師即煮菜式 但我哋竟然見到有廚師一路整椒鹽魷魚一路講電話....但服務生態度 環境係唔錯的嘉里只開業咗兩年希望佢會作出大大嘅改善有一日會吸引我回來再試…查看更多

今晚放工約左老公黎到愉景新城嘅chef's stage食晚餐呢間餐廳老公book mark左好耐終於搵到時間黎試啦環境氣氛唔錯 半開放式嘅設計店內嘅燈光設計優化左餐廳嘅氣氛食物方便我哋點左一個意粉一份牛扒加錢點了一個蕃茄湯同一個黑松露牛肝菌忌廉湯店員好貼心咁係落單嘅時候提醒我哋佢哋嘅蕃茄湯係做得比較酸我覺得呢個動作做得好好因為喺大部分香港餐廳 人客落單然後店員就落單 當中好少有互動但喺我哋同呢個女店員落單嘅時候佢會先介紹今晚嘅是日餐湯同沙律係咩唔需要人客去問佢已經會主動去介紹到我哋落蕃茄湯嘅時候佢又主動提醒我哋佢嘅服務態度真係令我好印度深刻 really impressive!我個人喜歡松露湯多啲因為佢個牛肝菌真係好濃 好好味而點麵包嘅醬係佢哋特調出來酸酸地 幾開胃 食到入面加左少少芥末 幾特別個黑松露烤菇意粉做得超出色!!!一拎上枱我就感覺佢會係好食哈哈 因為我係睇佢嘅意粉本身嘅狀態有少少透透地 感覺佢係唔會overcook左結果我真係好鍾意個意粉個汁好有層次 味道好豐富 因為佢加左好多料頭去炒 蒜同類似紫洋蔥帶起個味意粉texture係好彈性 唔會過淋亦唔會死實實我明知道呢個意粉會好肥 但我堅持食哂佢連汁都唔放過wahaha肉眼扒我哋點左五成熟出到黎係達到理想嘅熟成度塊扒係juicy嘅 但有表面係少少燶左所以有某部分食起黎會有少少苦呢個可以注意下 但我覺得整體係不錯的最後我哋都有加到甜品同飲品老公要香蕉朱古力奶昔而我要藍莓香蕉奶昔飲得出係新鮮水果做的甜品老公話要食cream brulee表面嘅焦糖十分脆 好香但老公覺得個燉蛋部分可以再滑啲我亦發現佢哋有加新鮮雲呢拿籽落去而唔係選擇加精油 所以都加左分整體今晚嘅用餐體驗係十分良好那個女侍應嘅態度令我好難忘而其他侍應都會主動加水 收碟有禮貌去say thank you,byebye我覺得佢地嘅training應該做得唔錯我同老公都絕對會再黎用餐 再試其他嘢食…查看更多

平時好少機會會入到大埔今日因為陪朋友買嘢 所以會係大埔食嘢我哋特登做過research見到呢間泰國餐廳感覺唔錯 所以就決定黎試試餐廳嘅環境幾舒適餐具檯櫈都算乾淨燈光裝飾都做得好別緻感覺上呢間餐廳係同朋友傾計嘅好地方menu上有好多嘢我哋都想試尤其係個菠蘿炒飯 好吸引丫我點左泰式奶茶 朋友點左椰青泰式奶茶個甜度好適中好香同好有茶味我試過之前喺其他餐廳飲嘅泰式奶茶係甜到飲唔落口....呢杯我覺得好啱我口味食物我哋點左青木瓜沙律小食拼盤菠蘿炒飯青木瓜沙律好新鮮 材料好爽脆 特別嘅係佢加左啲提子落去除左酸酸辣辣之外 仲帶點清甜嘅味道而小食拼盤入面我最喜愛嘅係網卷佢入面帶有好香嘅芋泥好脆身但又唔會好油膩朋友一見到個落蘿炒飯勁興奮係原隻嘅菠蘿仲有兩隻虎蝦菠蘿好清甜而且個炒飯底好乾身真的做得不錯 我覺得如果加多啲提子乾或者腰果就更香口更多層次今餐飯同朋友食得好開心如果下次有機會再黎我會想試佢個燒雞同炒河粉丫…查看更多

晚餐想了很久要和男友吃什麼最後係openrice睇完啲食評就諗住食呢間黑洞星期六的大約七點半 入到餐廳得我們同另一對情侶 開頭以為會好多人因為見其他食評話要排隊我同男友分別點左兩款不同的牛扒晚餐晚餐有湯和蒜蓉包蒜蓉包ok..但個湯就係麵糊加牛油整嘅忌廉湯好唔好飲見仁見智 我地就覺得唔好飲....男友點嘅係肉眼 擺盤同配菜我覺得好唔吸引佢嘅配菜竟然係一堆生嘅紅蘿蔔絲😖😖😖俾啲薯仔我都好丫...塊肉就正常味道 無乜特別我叫左和牛餐 佢係鐵板上一黎到勁大煙 個板應該好熱 員工上菜時提醒我如果怕太熟就拎起放去碟上面 之後覺得生嘅就再煎煎佢 因為我喜歡食比較生啲嘅所以我即刻拎起哂啲牛同配菜 好可惜啲配菜已經燶哂....啲蕃茄仔翠肉瓜同茄子都係燶哂!!!🙄🙄🙄完全係已經唔食得好明顯佢放左落個板都好耐....又或者佢切得太薄 勁快燶左而個牛係還可以 佢屬於無乜脂肪嘅牛雖然要咬得比較耐 但都有肉味我地另外點左一份雞翼小食 係全晚最好食嘅嘢...甜甜地焗得好滑總括黎講我係唔推介 食物係唔合格 價錢又唔係平....仲要另加一服務費😔😔😔我已經有好多年無打食評...今次係睇完其他好嘅食評黎光顧但覺得出入好大 真係覺得好失望所以打出黎希望俾多個意見大家再決定要不要試…查看更多

作為荃灣人經常在一田購物都會經過見到這餐廳一直以來卻很少光顧 今次係家人介紹後來一試十分有驚喜 一定會常來光顧我跟男友二人點了一個刺身丼一個比目魚定食刺身丼賣相十分吸引海膽赤蝦帶子三文魚樣樣有鮮味配埋佢附送真係超級滿足佢嘅麵豉湯應該係落左三文魚去煲 連平日不喜愛飲麵豉湯嘅男友都話讚而比目魚定食嘅質素都算係中上比目魚有魚油香 肉質算滑 價錢屬經濟比目魚定食大概六十元而刺身丼就大概百幾質素價錢都吸引 所以一定有下次…查看更多

Mr & Ms Burger在荃灣都開了一段日子之前因為店舖地方太細 排隊排了很久而放棄今次見到擴張了所以不用等也有位:):)我們點了一個牛肉漢堡和流心蛋魚柳漢堡兩款都十分好味 我喜歡魚柳厚身又夠滑個麫包更是軟身易入口而有牛油香味女士可能吃得比較輪盡因為整個包較為大個不過真的十分美味而且價錢都比較能接受連薯條汽水大概一百元一個套餐比起尖沙咀和銅鑼灣那間漢堡包店我更喜愛Mr & Ms Burger!…查看更多

經報紙介紹過 我跟男友抱著期望進入了餐廳地方小小 能坐下16個食客 很容易會撞到其他人 裝潢卻很別緻 我們點了雲丹葱鮪丼和二重鰻丼賣相十分吸引 質素卻是一般鮪魚腹蓉味道很清淡沒有魚香而海膽應該在雪櫃裡沒有保存得很好海膽的邊位雪到硬了 真的很失望😟😟而男友的鰻魚丼更是不值一提鰻魚十分乾身 感覺就是在微波爐番熱後變得乾硬嚡口😣😣星鰻更是一條沒有味道的魚如果質素不合格 再大條鰻魚又如何 希望店方除了重視賣相外也要注意質素呀～…查看更多

我已光顧了最少5次..今次係最失望的一次...首先人客較多,但人人都擁著櫃前,難以分先後,因此我也被其他人客打尖等了10多分鐘才買了杯froyo...建議店內地板加設指示如何排隊購買...第二,它的份量十分參差...我購買了一杯大杯裝的,可是杯內的froyo只佔一伴,份量還少過上次我買的regular裝!!!!!真的很過份!!toppings我選了綠茶mochi和餅碎...份量都少過之前很多!!!!!!我發覺店內設有磅,但店員又唔用,放出來幹什麼尼？真的想叫店員磅磅有無300g....因為我真的接受不了它的份量!我建議manager應該standarize所有既份量,既然寫得不同size有不同克,就應該control好!!不要讓客人感覺你在騙錢.希望能改善改善!優點:綠茶mochi很美味!!味道不會很假!!GREAT!…查看更多

為男友慶祝成功考到PC,一心到泰feel享受晚餐!:)那天我們5人共吃了7道菜-鐵板蠔餅>>濕濕地,內裡加了不少香矛,可惜不太香口-鳳爪沙律>>頗好味的一道,可惜不是每隻鳳爪都是酸酸辣辣, 只有底下沾到汁的鳳爪才會有味道-泰式炒雜菜>>太普通,只是加了一點豆醬的炒雜菜,失望-肉片蝦醬炒飯>>蝦醬炒飯很可口,粒粒散開夠乾身,可惜肉片那些汁太甜-炒金邊粉>>不錯不錯,酸酸甜甜,夠乾身彈牙-金柚沙律>>我的最愛加了蝦仔花生十分香口-黃咖哩雞>>伴飯一流,雞肉頗滑,不錯可惜的是,店內一位像較高層的黑面姐姐不斷在店內大聲向著員工指指點點,又經常露出很惡的表情向著客人,令環境氣氛很差建議平日多點訓練員工,不要在開店serve客時在容人面前大大聲"拎水啦","上去啦","拎得咁慢"客人見到覺得店鋪無組織好,員工又不開心,自然沒有笑容因此,泰feel應好好改善管理方面:)加油…查看更多

超慘經歷一入到去餐廳就係咁俾蚊咬好想死咩mood都無哂-_-好慘燒乳豬骨-辣辣地，個皮都幾脆..唔錯燒雞-肉好乾，一點也不好味..d薯條係油浸出黎，肥到唔食得呀青菜湯-無乜味道,d菜好硬..唔想飲跟住又唔會有水俾你飲，一定要俾$$買野飲好無道理，但又會收加一下次一定唔會再食..too bad…查看更多

第一次食咁貴既木糠布甸-__-貴唔係問題..問題係貴得黎唔好食專登去買件試下，睇下同我自己整果個有咩分別..點知一食..一pat野咁...好軟好軟...味道只有甜味..毫無特別...加上得好少木糠..整體一d都唔好食...仲差過自己整既: (只係俾佢既外表吸引著..…查看更多

一心見貢茶大獲好評 想試好耐於是點了珍珠奶茶難飲: (比大家樂的更難飲D珍珠唔Q..無味..茶味唔足...全杯得奶味:(點搞？！飲左半杯已經唔想飲，要扔..好失望仲差過TW既COMEBUY..點解仲會有咁多人去排隊去買？…查看更多

路過見到話係北角雞蛋仔，好似幾出名就去試試12蚊一底都貴咖!不過去到灣仔咪試下啦!其實個雞蛋仔都脆卜卜咖!不過個心太少蛋啦一半都無呀-__-食起上黎好唔實在: (好空...總體我唔會再食多次，試一次就夠了=_=…查看更多

在荃灣逛了很久都想不到吃甚麼好..就是想起原來從未試過口碑不錯的唯一麵家我們二人點了一份無錫排骨菜飯和一份香茅豬扒酸辣粗麵充滿期待的無錫排骨菜飯的確令我有點失望排骨好像是豬軟骨一樣很軟熟..但汁的味道可謂無甚麼味道...不濃的汁很不吸引,,,菜飯更沒有特別可言..只是菜碎加白飯...普通得令人提不起興趣..我覺得千色店小食檔的菜飯更好味，更香口酸辣湯麵都不錯...香茅豬扒好讚!!!好入味:)當我問職員呀姐拿兩個小碗時,,她突然給多我兩杯清水:)真的很看顧我們小妹妹!哈..菜飯真的不要試了...會失望~…查看更多