PrisPizza的個人專頁

終於俾我喺呢區搵到一間啲麵包唔係甜嘅麵包舖，真係好怕買到甜嘅方包。呢區有呢種口感同味道真係好難得，非常好吃，價錢也非常大眾，大大個軟法只係$15，真係好開心發現到佢。…查看更多

凍奶茶好淡，仲有陣臭味，係廚房嘅up味，可能係隻杯唔乾淨，其實一邊食都聞到呢陣味⋯諗住算啦照飲食埋啲嘢食食吓個staff，佢竟然用戴住手套serve食物嘅手，去拉返起佢隻襪，係從腳跟拉返上去，心都離一離，即刻放低叉同冇飲完走人⋯⋯…查看更多

見到門口一個靚仔燒味部，都唔少人食緊，心諗一試無妨。其實燒味對我來講係穩陣嘅食物，普通都唔會係難食。點知出事了，冇諗到竟然中哂伏⋯叫咗個燒鴨拼叉燒瀬，今次只可以講句，未食過咁難食嘅叉燒，唔講以為食緊火雞片，色水口感直頭冇燒過嘅痕跡，燒鴨唔知點解又凍又鯹⋯點解會咁…查看更多

下午茶時段嘅餐牌幾吸引就入去試吓，其實幾樣野都想試，四圍望下人食緊乜之際，店員好主動走過來問係咪要order，所以我就直接問店員推介邊樣。佢先推介咖哩同豬脾，我今日就決定試個泰菜代表青咖哩。鐘意食青咖哩嘅一定知道比較正宗嘅係有basil 香葉、小矮瓜、菜等，我哋睇吓呢度嘅青咖哩雞：雞原來係煎雞扒分開上，並不是泰國人處理將雞肉放入咖啡煮嘅方法。不過都好過有d餐廳放入雪到無味嘅雞柳。只有香葉同大紅辣椒，沒有其他瓜菜。辣度適合愛辣但唔食得辣嘅人，因為始終有椰漿中和，所以偏甜。加8蚊有杯咸檸soda 本身冇加糖，所以同咸檸七唔同。Overall 以呢個價錢講係值，有肉有飯有凍飲。…查看更多

試咗熱狗又幾好食喎，可以加錢配成一個餐，變相成為M記以外一個好選擇。 我試咗最平嘅德國熱狗，主角香腸皮脆肉嫩有汁，加上我本身好鍾意食德國豬手嗰啲酸菜，好啱我口味。麵包都好軟，熱度剛好，唔會乾。用外賣app落單雖然話有八折但只係平兩個幾。 略嫌佢冇紙包住熱狗，如果喺街食都幾Le Hea，成手醬。個薯條有驚喜，似某連鎖高級burger嗰款。…查看更多

成日喺IG見到呢間餅店，佢啲口味都好吸引，專登訂黎試一試。每件個樣都好靚，打卡一流，味道都可以，但口感始終同一般嘅甜品舖嘅餅有距離。唔可以同新鮮焗製嘅甜品比，比較似超市買嘅包裝甜品，可以一試。…查看更多

今日一個人又去咗Gyu Gyu食一人鍋。一坐低落完order，就即刻去拎菜，返到埋位堅魚湯底同埋牛肉已經係枱上面。開始放野前一定要先飲半碗湯，即頭淡湯😂頭盤（自製）菠菜加少少芝麻醬雲耳加生蒜、醋、豉油同花椒油其它所有菜同菇主角當然係牛肉，不過我鍾意最後煮，因為牛會影響哂成個湯底。特別推薦牛丸同貢丸，爆汁。另外仲有好多丸，龍蝦丸、墨魚丸、豬肚丸、有餡嘅等等。為咗要飽到夜晚就煮埋個拉麵，亦可以揀烏冬或即食麵。最後甜品係movenpick雪糕三次你都係朱古力同士多啤梨味，今日多咗啲包裝雪糕。　定量特級牛套餐食足60分鐘啱啱好，埋單$97。午市人少時Service好好，上次晚市應該唔夠人手。…查看更多

When we entered the restaurant anticipation was high given the high number of people we saw there and the boisterous atmosphere. We got the last free table. However, with deep regret I have to say the food was both average and the wait time excessively slow. The latter I can forget but the former means I probably wouldn’t go back. Each dish was so-so to say the least. Assorted sashimi: We upgraded to sea urchin but the urchin was bitter rather that sweet. “Three Fishes of the day” were cut from the tail which was tasteless.Eel rice: Rice is too dry and hard!Yakitori is slow. The one on the left that looks like chicken is actually white eel but as you can see, it doesn’t look like white eel at all; not to mention the taste.Given the amount of Japanese restaurants in HK, I’d recommend everyone to try elsewhere. …查看更多

夜咗先嚟肚餓，要醫肚食乜好，就諗起之前已經想試既串燒食堂。一入門口主動講隨便坐，講真，而家咁基本嘅招呼真係越嚟越少見。呢度勝在唔規定你order兩串，可以試吓唔同嘅嘢。以下個人俾5星：土匪雞翼 外趣內嫩孜然羊肉 夠味、juicy 白鱔 皮趣肉彈好正雞軟骨 唔會太乾有咬口蘆筍 又係燒得啱啱好，仲有水份腸、墨魚丸、多春魚滿足BBQ嘅慾望。唯一減分嘅係雞皮，可能來貨已經太薄身，燒完已經太乾，同日本食到嘅差好遠。最後埋單店員都主動問d野啱唔啱食由於可以單串叫，平均消費都可以低返d，抵食…查看更多