屋村肥仔同圍食的个人专页

壽喜燒放題幾好玩又食！啲牛出品唔錯，有得揀瘦嘅和牛肉，又有得揀肥嘅和牛肉，至少食咗廿幾碟，應該回左本！壽喜燒食到咁上下，可以加埋啲湯入去打邊爐，感覺幾好，可以有另一個食法，另外佢出邊都有個自助吧，同其他放題差差唔多，款式都幾多下，另外佢有個關東煮食咗一舊都幾好食，唔錯唔錯👍👍👍仲有壽司任食，食咗好少留返啲quota食和牛四個人去仲有龍蝦刺身送唔錯唔錯！ 最尾食埋個疏乎厘甜品，我坐喺壽司吧出邊見住佢即製，夠晒有心😆😆😆😆同出邊普通放題有少少唔同感覺高級少少坐低又舒服我去嗰陣，唔算多人環境比較清靜幾好feel！絕對可以返轉頭食多幾次！🤤🤤🤤🤤…查看更多

兩口子同埋小朋友銅鑼灣食宵夜，超大食嘅我哋揀咗食燒肉。見呢度樣樣齊款而且新開最啱鍾意食肉獸嘅我哋。先點個「法式鵝肝多士」做前菜，蘋果酸酸地配上焦糖口味同鵝肝非常之夾而且減少油膩。「黑毛豬豚肉」食燒肉除咗牛肉之外必點嘅一定係豬肉，燒到卜卜脆，而且有少少窿邊就係我嘅最愛。「海鮮拼盤」呢個超抵食$88就有，而且啲蝦同元貝都勁大隻勁新鮮。「月見蔥燒和牛薄切」有個小碟仔放住蔥同埋壽喜燒汁，將燒到剛剛好嘅和牛放上去溝埋一齊食，正呀。特選A4和牛西冷厚塊切開超好味，油脂同埋牛肉嘅味道都極重。配埋蒜片勁好食，切開share都夠晒另外重點咗燒雞翼同埋野菜拼盤，擺盤同埋味道都唔錯。…查看更多

西營盤竟然都有燒肉食，石燒 都幾過癮。兩條友去食，就黎收檔冇乜客，但想坐窗邊方便睇車。聽講門口都容易抄牌，小心為妙。Burger都幾難煎下，好彩有個哥哥仔出黎教我要煎兩面等佢定左形先，先好再郁佢🤣朋友食個個壽起燒三食，真係有個壽喜燒汁撈生蛋俾佢點肉，再問姐姐拎啲蔥醬黎加料，正。份量都幾多，同埋擺盤靚好多唔同款式汁。連個湯都落左硯同豆腐，有心有心。仲有個好靚嘅打卡牆，啱啱開，小店加油。下次試埋其他餐、好似都幾多款！…查看更多

之前係日本食過麻布十番個間蛋包飯，預左間野黎到香港會唔同左，原來又唔係喎，有驚喜，同日本個間差唔多味道，蛋既質感比日本更好，蘭王蛋果然好有蛋香，同埋偏橙色，正，連個飯底都同日本個間一樣，唔錯！叫左兩個蛋包飯，就係鰻魚飯同漢堡扒飯，menu與實物竟然一樣，份量十足，３個人去食岩岩好，食完勁有滿足感，排左大半個鐘，值既！係價錢貴左小小，每個月食兩次OK啦，會再encore，不過要等多排先，太多人排隊！👍👍👍👍👍…查看更多

大閘蟹年年食，全大閘蟹宴又真係第一次，仲要係打邊爐更小見！頭盤先上蟹粉炸魚皮，塊塊都痴滿蟹粉，啖啖都有蟹粉味！之後主角到，原隻大閘蟹，啲膏多到一個點，證明係靚貨！食完大閘蟹之後就上黃金蟹黃雞煲花膠湯，職員好貼心咁叫你飲碗湯先，果然超濃雞湯味，仲有啖啖蟹肉撈住飲，真係嘩一聲！湯都飲左兩碗！之後有蟹粉響鈴、蟹粉餃、蟹粉丸、樣樣都係蟹粉，好食到一個點！當然唔小得仲有黑毛和毛，真係大滿足，最後飽左十成都要放埋個刀削麵入去，條條麵都掛晒湯汁，忍唔住都食咗半個，吸收晒蟹湯雞湯精華！依個價錢真係冇得輸!…查看更多

西餐食得多，好似依間咁精致既小見，叫左個鱈魚下巴肉，好神秘，白色醬汁將鱈魚遮蓋住，用匙一筆，白色醬汁連鱈魚一齊放入口，嘩左一聲，配合得非常好，鱈魚肉好有咬口，正! 再試埋個甘鯛魚，塊皮脆卜卜，肉又非常幼嫩，配埋綠色牆汁同墨汁，層次非常豐富! 突然想食生蠔，隻隻脹卜卜，一睇就知靚野，好鮮味，每隻蠔上面都加左個白色醬汁，完全將生蠔既鮮味提升到極致! 主菜叫左個海鮮圓米飯，啖啖都食到小小蕃茜味，感覺好清新，一d都唔膩。再叫左個龍蝦意粉，小小辣，意粉好粗下，應該係手工意粉，每條意粉都掛滿醬汁，意粉愛好者必食! 第二次黎食，比第一次更加好食，兩老都非常滿足!…查看更多

溫體牛食過番唔到轉頭，好食過和牛，牛味十足，口感一流，乜都唔食，依個一定要食!! 好食到仲要encore囉，果然一分錢一貨！唔小心發現左原來碌完之後，涼佢十幾秒再食，牛味緊加突出！個湯底又係冇得輸，麻辣湯底，佢個鍋仲要好貼心有個隔，隔走曬d花椒辣椒，食咩都唔會食到花椒！ 另外仲有枝仔冰同墨條牛軋，幾得意，以為得個樣，估佢唔到咁好味，幾特別，再配個無敵大海景，佢望到成個維港，海邊打邊爐可能全香港只有依間做到得!👍👍👍👍👍…查看更多

依間野長期排隊，就知唔會伏啦！估佢唔到，刺身壽司原來真係可以好好食，一黎叫左個真蠔，貴得值，隻蠔手掌咁大，好肥美，有圖有真相！上面再加埋海膽，冇得輸，建議分開食，因為隻蠔鮮味原全蓋左海膽。再叫左個極上壽司盛，種類夠晒多，有10隻壽司，隻隻都咁出色，刺身既鮮味完全淋漓盡致，由頭食到尾，留番舊大拖埋尾，油脂完全大滿足! 除左日本之外，依間應該係食過最鮮最好味既壽司鋪，夏天再配埋一杯啤酒啤啤佢，生活就係咁簡單!🤷‍♂️🤷‍♂️🤷‍♂️…查看更多

朗豪坊唔錯既日本食堂，種類多到唔識揀，非常適合一家大細去食，而我就3大1細去食，驚唔夠飽，所以叫左兩個丼飯，一個係牛丼、另一個係牛舌丼，依間野主sell精米飯，d飯果然好食，而且牛丼既飯量完全超乎我想像，飯量絕對夠3個人食，和牛好有牛味，再加埋蛋汁，真係一絕，牛舌厚切，口感好正。刺身併盤幾好，可以自己揀7款刺身，鐘意食咩就叫咩，可能流轉得快，d刺身夠晒新鮮，近排食過m記飯漢堡，麻麻地，見到佢又有就試下，完全同m記兩回事，好味過m記多多聲，仲要唔算貴，超值! 同行有隻細，所以叫左個玉子，熱辣辣，隻細非常鐘意食!🥰🥰🥰🥰…查看更多

廢話唔多講入正題！生牛肉他他，生牛肉夠鮮味再加上蛋汁撈勻配上執鞭嘅小配料完全將牛肉升華到另一個層次！😍😍😍😍依個龍蝦湯不得了，雖然冇乜龍蝦肉，超級濃味，一入口就知至少煲咗10幾粒鐘，仲要好重料個隻！飲一啖直頭龍蝦鮮味出晒嚟！🙃依間餐廳主打意粉，叫咗個紅蝦墨汁意粉，你以為紅蝦係主角，其實意粉先係！佢個意粉完全突顯廚師工價，每條墨汁意粉都朔晒味，好食到非筆墨形容再配上紅蝦肉嘅鮮甜，可能係尖沙咀最好食嘅意粉沒有之一！👍👍👍👍👍👍👍👍👍👍👍依個西西里龍蝦的味道好新奇，完全出面食唔到，龍蝦肉嘅鮮味再配埋佢哋嘅醬汁，又係一樣不得了嘅菜式！🤤個個都嚟食Tiramisu，果然Tiramisu真係好好食，酒香夠，中間軟硬適中，完全超晒班！身為意粉愛好者嘅我，一定要食勻晒依間餐廳嘅意粉！😬…查看更多

喺旺角要搵食唔難，但係要搵到一間有氣氛又有格調既餐廳真係唔係易事。上星期經過鴻威大廈，無意中發現有間好有懷舊風既餐廳，於是就上左去一試。櫻桃木輕煙燻生阿根廷粉紅蝦咯爹上枱賣相相當吸引🥰🥰🥰🥰，玻璃外罩清楚睇到入邊煙嘅流動就好似一件藝術品一樣。餐廳職員放低都會好細心介紹同埋建議要焗多1分鐘先食，咁我就係食之前好好欣賞下呢件係術品。當打開玻璃罩，櫻桃木香嘅煙味就會湧出，為呢道菜式帶來另一種唔同嘅感覺。兩隻大蝦夠新鮮肉質鮮甜，配上酸酸甜甜嘅醬汁，係一個好好嘅開胃菜。👏👏👏👏燴和牛臉意大利飯賣相同樣吸引，一上枱已經聞到濃濃既牛香味，牛肉入口即溶，帶點油脂，口感豐富。Risotto飯粒飽滿，濃濃既奶油忌廉味，同和牛肉滲出嘅牛油脂互相襯托。令到個味道層次更加昇華😚😚芒果千層酥酥皮鬆脆，咬落去層次分明，而且重牛油香。芒果吉士醬同樣有心機，粒粒芒果新鮮多汁。而且味道唔會太甜😀😀😀😀😀😀…查看更多

尖沙咀寶勒巷新發現，有間裝修幾特別嘅餐廳，今日咁啱經過見到即刻入去試吓，本身想坐出邊，但係太熱，都係留返冬天再encore ！😂😂😂一入去即刻叫兩杯野飲頂下先，一杯係果汁，令一杯係嘅cocktail，杯cocktail有乾橙有陳皮，應該係溝啤酒，啱晒今晚咁熱嘅天氣！叫咗個帶子龍蝦鹹蛋黃risotto，開頭以為好膩，原來佢入面加咗一塊塊細既豆腐，令到成件事即時清新左！一啖飯一啖帶子一啖龍蝦出奇地夾！另外叫咗個黑毛豬五花腩，分量十足，佢個汁好特別，好似係用蘋果芥末蜜糖溝出嚟嘅醬汁，清新得來味道又唔差令到黑毛豬舊腩肉唔肥膩，每夠肉嘅一邊都燒到好鬼脆，但入面煮得啱啱好，夠嫩！仲叫咗個避風塘魷魚鬚，上枱嗰陣熱辣辣，啱晒用嚟送我杯cocktail，佢除咗好多脆脆之外，仲加咗薯片碎，即時令到成件事脆口左，蒜粒又好食，真係想叫多碟食！臨走前見到隔離枱有個拼盤好似好正咁，下次一定會再試，同埋要試埋佢個避風塘蘿蔔糕😆😆😆😆😆…查看更多

灣仔原來唔係得利東街，仲有間食海鮮袋嘅出色餐廳，門口勁有特色，完全俾佢海洋風格吸引到，所以揀咗呢間食dinner🤫🤫🤫🤫嘩嘩嘩，佢個招牌海鮮袋有三隻醬揀，我哋揀咗隻檸檬cream嘅汁，唔太膩又有少少檸檬清香，同啲海鮮都非常之夾！我哋叫咗蟹青口帶子嘅海鮮袋餐，新鮮得來又同啲醬汁撈勻得好入味！即係真係超級無敵正超大隻仲要勁多肉！絕對值回票價，超級好食！！！！如果唔係有人阻止我我仲想order多一個！👿👿👿👿仲叫咗幾個串燒有蝦有雞有帶子串燒，佢哋係個汁到都非常之落心機，唔同類型嘅食材都會唔同嘅醬汁真係抵讚！😘😘餐牌又多嘢揀小食又幾好食，D位都坐得好舒服，啱晒我哋幾個人喺度吹水，同埋啲員工都幾好禮貌好貼心，絕對會再encore🙌🙌🙌🙌…查看更多

估唔到既係，係工廈入面竟然有間咁有特式既平民貼地既西餐係到，仲要一坐落冇耐就爆晒場😂😂😂😂好在早左小小去！間野裝修好有特色，大大個霓虹燈招牌高興兩隻字已經夠吸睛，格黎仲有成大個漫畫櫃，隨時可以拎黎睇！同行加埋四條友，叫左意式番茄帶子意粉！帶子勁大粒，鮮味十足！黑松露醬粗薯條，依個真係勁爆推介！！！！！！薯條係粗個款，再配埋個特製黑松露醬簡直完美！！佢個all day breakfast個名好鬼馬！叫大家高興😂😂😂😂😂材料十足，有多有芝士腸有hams 有蘑菇等等仲有杯果汁跟埋！仲有大過塊面既頂級肉眼！肉汁岩岩好，口感十足！都幾抵食！坐得又舒服！我見格黎仲好多十幾人黎成班fd成家人黎開餐！早少少book位就實冇死啦！絕對可以番check!!!!!!🤗🤗🤗🤗…查看更多

今日凍凍地，行開九龍灣，咁岩又見到牛陣出左個新冬戀美鍋，緊係要試下啦!一黎見到個湯底，奶白色，勁吸引，好似話就咁飲得既，所以試左幾啖，嘩!嘩!嘩!嘩!，好骨膠原，仲有濃濃既雞湯味，唔錯!🤭🤭🤭🤭🤭🤭湯入面有幾舊雞肉，好入味，好滑口!個餐包左幾碟靚牛，淥兩淥就食得，好重牛味，雪花分怖幾靚，正呀!仲有一盤菜，都好新鮮，仲有一個要提一提既，係有2條雞滑，出面真係好少有雞滑食，佢仲要有兩款味，配埋個湯，真係無得頂!!!!!!比我以前食過既更加多配料揀，仲有仲有，佢個大阪黃金醬油又係好頂引，小小甜，甜得黎點牛肉又勁夾😍😍😍😍😍😍最後仲有個水信玄餅收尾，個餐都幾抵食，又多特別野食，真係想係到打多幾次邊爐!!!!😁😁😁😁…查看更多