JessiGal的個人專頁

由於朋友生日想食一啲鐵板燒，上網搵到好多類似嘅餐廳，但見到呢一間係OpenRice好多人save，咁啱又有discount所以就決定試吓，本身都好擔心驚好多食評都係伏，點知發現呢間餐廳嘅菜式真係超水準，平時冇乜喺openrice留comment，不過今次真係想幫呢間餐廳留返個正評，好味到今日已經不停介紹比朋友琴晚食嘅菜式係極尚二人前，龍蝦鮑魚帶子呢啲雖然係必有嘅菜式，但係師傅整得好好食，唔單止食材新鮮，特別之處一定係Sauce嘅調味，全部都好特別好好味。最驚艷嘅係立鱗燒！！本身唔食魚皮嘅我一入口真係嘩出聲，鬆脆嘅皮加軟熟魚肉配合特製嘅蕃茄黑松露汁，真係一試難忘🥹（（不過個人最鍾意嘅都係清酒湯底+帆立貝，湯底超甜，超好味帶子都好鮮甜好好味，已經諗唔到有咩形容詞😂海鮮部分完結後就係和牛同埋鵝肝，份量剛好唔會好”溜”~ 可能食到最尾炒飯，同埋炒菜嘅時候已經好飽，所以飯同菜對比下就冇乜特別。全程師傅都有介紹返每道菜式嘅特別之處，好nice好體貼咁照顧我哋食嘢進度同埋有乜食有乜唔食。最後因為是持有通知係朋友生日，所以餐廳喺甜品上都着寫上Happy Birthday為朋友慶祝。當甜品拎上嚟時仲有音樂伴奏😂整餐飯體驗好好，環境好好師傅同其他職員好好，食物都好好，我哋兩個女仔都食得好開心下次有慶祝嘅日子一定會再嚟…查看更多

先唔講排隊時間長，坐低嗌嘢食等食物嚟嘅時間仲長見咁多人又有師傅即場搓烏冬，本來好有期待。分別叫咗一個吉列豬扒味噌湯烏冬同埋咖喱牛肉湯烏冬。點知食落口，只有兩個形容詞:湯咸、烏冬硬。吉列豬扒就好似麥樂雞一樣咁紮實，除咗麥樂雞真係搵唔到一個更適合嘅形容詞。另外叫左個炸豆腐小食仲離譜，味道好似中式茶樓嘅特色，炸豆腐，加啲西蘭花菜。總結係勁失望。期望過大，食落零驚喜，仲好嬲。。。奉勸大家唔使嘥時間排隊食，唔值得。…查看更多