Sandyleesandylee的个人专页

小時家住新蒲崗，必會聽過《陳儀興》 呢個名。 來碗潮州白粥配鵝片，肉質緊實帶點嚼勁，皮下薄薄一層脂香，蘸點醋汁提鮮，是多年不變的舒心味道。今日專程來吃，伙記推薦一個從未品嚐過嘅菜式：梅汁鱔球。一嚐的確是不得了，鱔肉厚肉彈牙，經過油炸外皮脆口，咬下爽，配搭酸甜梅汁開胃極了。是今晚小菜的MVP，不會介紹錯的。再來喝一口胡椒鹹菜鮮豬肚湯，豬肚洗得超乾淨，燉得軟嫩，鹹菜帶出微微溫潤酸香，胡椒唔會香氣直衝鼻腔，一口下肚全身都暖起來。汕頭煎蠔烙竟然啖啖都有飽滿蠔仔（圖），酥脆得尼又有啲煙韌。吃飽，歎一壺溫潤茗茶，彷彿回到小時候的餐桌。…查看更多

天氣轉涼，見到大圍屋村呢間餐廳枱枱的縷縷炊煙，原來主要係食雞煲同埋烤魚，即刻入去醫肚。屋村小店就係有人情味，老闆嘅好客同閑話家常都覺得份外溫暖。烤魚都有好多口味選擇，香蒜、麻辣、椒辣都吸引，不過今日想食返最原始嘅老壇酸菜魚。清江魚比起海鱸魚肉質更細膩，一整條魚先拎去炸成金黃色外皮，再放入酸菜湯底加熱至軟淋，可以增加Q彈口感。湯底材料其實好豐富，芽菜、金針菇、薑 、蓮藕、蒜頭、娃娃菜、木耳樣樣都齊，我哋只係加咗萵筍同響鈴，啖啖魚肉已經好飽。辣度係有得選擇嘅，酸度偏中低，小朋友都啱食。…查看更多

去啟德食潮汕菜，睇中呢度賣相別緻嘅手工點心。試咗幾款，想講呢個⭐️天鵝造型嘅汕頭滷水鵝肉酥無論係造型定味道都真係掂喎！千層酥好鬆脆，配上底層烤芝麻香氣，內裏則是濕潤滷水鵝肉，誠推。點心仲叫咗造型高貴、用魚子醬點綴嘅⭐️龍蝦肉餃同一咬爆汁、口感軟綿嘅🤍麻婆豆腐小籠包。至於用足靚料嘅🤍佛跳牆灌湯餃係用嚟孝敬老人家，海參、鮑魚、魚翅、瑤柱、花膠全部都有齊。私心鐘意⭐️醬汁蘿蔔，蘿蔔切成一片片，盡見刀功。酸、甜、爽、開胃。⭐️滷水拼盤（大墨魚、豆腐、鵝件、腎）都幾抵食，風味香濃。⭐️蟹粉拌麵嘅驚喜位係加咗花雕酒，酒嘅醇厚大大增添蟹粉嘅香氣，同時提鮮。🤍百葉結栗子紅燒肉做到入口軟糯係基本，唔知係咪因為根據時令特別加入咗栗子呢個食材，感覺窩心整體覺得環境唔錯，坐得舒服，菜品中高價位但係份量足，手工心思都體會到，會再一訪。…查看更多

身為啟德人，成日都有人問我呢區有咩好食。今日要講一下係SOGO 地下嘅手工Gelato好高質, 原來係日本沖繩嘅海外專門台嚟順帶一提，店員好nice，一路試食一路介紹佢哋有純素無奶嘅雪葩同用北海道的牛奶制嘅雪糕。🤍沖繩勝山香檸平時好驚太酸嘅雪葩，但呢個香檸甜酸度平衡得啱啱好，微酸清爽，超好食🤍 期間限定嘅西瓜口味 店員介紹係一滴水都冇落。入口滿滿都係西瓜清新香甜，平時好少會見有呢個口味，值得一試呀🤍蜂蜜檸檬呢款基低係用北海道的牛奶炮製，口感軟綿充滿奶香🤍菠蘿係沖繩時令水果，滿滿天然菠蘿香氣，都係大熱嘅一個口味…查看更多

用靚料打出嚟嘅牛油果奶昔真係冇得呃人㗎！用咗澳洲牛油果、香港維記乳酪、日本明治鮮奶、新鮮芒果/羽衣甘藍等等嘅材料，味道超好之餘令人飲得安心。今次叫咗三杯嘢飲全家認證超高質，我嘅Top 1 係牛油果羽衣甘藍鮮芒果肉 （50%糖感覺啱啱好，唔會好甜），打出嚟係沙冰口感。本身仲諗緊羽衣甘藍可能會有草青味，但真係冇呀，意想唔到嘅夾。底層嘅鮮甜芒果令口感更豐富，你哋一定要試！而第二杯牛油果明治鮮奶絕配芝士奶蓋就多咗牛奶嘅順滑口感，上一杯係沙冰，呢杯就係奶昔。特別鍾意佢嘅厚鹹奶蓋超好喝。最後叫嘅鲜榨芒果芝士其實一樣出色，用咗真材實料新鮮芒果真係唔同啲。其實每杯嘅份量都好多，建議share嚟飲呀。…查看更多

夜貓族福音！終於有cafe 係會供應主菜至凌晨12點喇，而且星期五仲有限定嘅「MBTI x 十二星座」分析之夜（晚上10點）。係微醺的氛圍下，一邊品酒一邊探索自己同朋友的性格秘密，都幾過癮。除咗一般cocktails, 呢度有我鍾意嘅茶系cocktails一試。Shi晚上10點仲有10-15% off優惠。加拿大特濃海膽意粉係好多人都推薦嘅主菜，事關個意粉汁係用海膽打成，每條意粉掛汁力強，入口濃稠得來又不膩口，加上面層的鮮味海膽，原來冇肉嘅意粉都可以做到美味唔單調。另外我特別鍾意脆皮燒雞配蘋果汁呢個配搭，蘋果香氣剛好中和燒雞的油膩感，清新解膩。…查看更多

出得嚟深水埗食餅，目標一定係抵食又高質嘅街坊老店。嚟到錦記食打冷，有最愛辣椒炒蜆同蠔餅之外，仲多咗份老闆娘嘅人情味。蜆肉做到粒粒無沙，大粒飽滿。炒嘅時候特別加咗肉碎，令油脂香氣大大昇華，超好味。跟住蠔餅上枱巨大一份！外面炸得超酥鬆，內裏軟綿，加埋豆瓣醬同蔥香，滿分。當然仲叫咗好多其他野食：蠔仔肉碎粥、豉油王草蝦 、腐乳通菜都有大排檔水準，碟碟份量之足係好似驚你唔夠飽咁，一大班人去食就啱晒。…查看更多

九龍城食肆高手雲集，有一間係我咁多年都會幫襯嘅老字號，味道一直都保持到水準。信我，先嚟個無味精足料老火湯：今日係粉葛豬骨湯，落咗章魚、陳皮、眉豆、粟米、蜜棗，上枱熱湯翻騰，叫夠一大煲慢慢嘆先夠喉。梅菜扣肉同山楂醬排骨真係可以送兩碗飯。梅菜扣肉濃郁入味，入口化開；排骨炸得完美，薄薄嘅焦糖脆皮加山楂嘅酸甜真係正，唔怪之得係招牌之一。仲有炒魚腩金香酥脆，啖啖魚肉。最後叫嘅豬油炒飯鹹鹹香香，不過之後發現其實咁餸叫白飯都已經好夠…查看更多

嚟數碼港過慢活嘅一天，看看海同夕陽後，就要搵餐好嘅作結。最後揀選咗呢間坐得舒服，抵食兼好味嘅「奧壽司」，真係相當唔錯所有人都要叫呢個壽司盛合（特上）！各類壽司好似omakase咁搭配咗一種和諧嘅味道：黑松露配帶子、生薑配池魚、明太子配赤蝦、鹽配三文魚 等等，我大愛，覺得完全唔使蘸醬油都好好食！海膽同魚籽亦夠鮮甜刺身盛合（小）宮廷式華麗擺盤，靚到我哋都暗地嘩咗一聲。刺身厚切又新鮮，特別鍾意佢哋調配嘅醋，胃口大開，呢個都要點明太子青瓜係一份考驗刀工嘅小吃，用薄切青瓜捲着辣明太子，鹹辣交織，唔知點解會越食越上癮有人為食仲叫咗一隻燒餃子雞翼，包肉餡，燒得入味，推！雲丹蟹粥大大一隻蟹放左入去煲，鮮甜粥入面仲會見到少量蟹膏和牛 拼 三品樣 （牛舌、牛肩脊、牛胸腩）前菜嘅凍蕃茄清爽味甜，配燒肉岩岩好。肉類輕易燒出漂亮嘅坑紋，跟餐仲有味噌湯…查看更多

土瓜環美食雲集，但估唔到呢間有著小酒館感覺嘅餐廳，主打地中海家鄉菜，每一道都令我驚嘆主廚嘅手藝同用心。呢度嘅食物用咗很多特別的香草，仲有來自自家農場嘅橄欖油。味道之天然同豐富，敢話係其他餐廳未食過嘅。🤍百里香芝麻flat bread 百里香同芝麻油嘅香氣喺口中大爆發，咬下白芝麻係脆卜卜嘅口感。素食者都有好美味嘅選擇。我最最鍾意嘅係呢度🤍鷹嘴豆泥伴羊肉，鷹嘴豆泥打得超級幼滑，同橄欖油、松子仁、羊肉一齊夾入flat bread，調味香口，啖啖滿足！如果鍾意食羊肉，另一道🤍香煎西班牙羊肉香腸佐零酒精紅酒一定會鍾意，羊肉腸紮實多汁，配上蕃茄紅酒醬好開胃。🤍白芝麻醬焗鱸魚伴薯仔塊爐魚皮煎脆，有焦香味又可以鎖住肉汁。特別用咗白芝麻醬好特別，creamy 又有微微堅果香。難得嚟到，真係要試埋呢個經典中東甜品KANAFEH！係經典中東甜品，外層係鬆脆嘅麵絲，入面包著半溶甜芝士，最後灑上大量開心果醉，口感外酥內軟、甜而不膩。…查看更多

夜晚肚餓，係銅鑼灣想平平地食個宵夜再啤一啤，呢間串燒真係諗得過。串燒啖啖肉，唔會叫極都食唔飽，我地兩個人叫到成枱野都係400有找。串燒種類超級多，調味有得揀辣同唔辣，個人覺得蒜茸茄子要叫，爆多蒜好入味。鹽燒白鱔、雞全翼、牛舌心、免治雞肉都有驚喜。去到仲要做緊生啤買一送一，抵！…查看更多

兒時屋企人會帶我地嚟重慶食正宗印度菜，諗起都令人垂涎。今次係云云餐館中，揀咗呢間老字號印度餐廳。🤍Masala咖喱羊咖喱用多種香料混合烹煮而成，味道濃郁，用包住半溶芝士嘅Naan沾上咖喱汁，係我最鍾意嘅食法。另一個要食嘅一定係🤍Tandoori 印度燒雞，特別嘅烤製方法令雞肉份外嫩滑，充滿香料同煙熏味。🤍Momo 餃子 餃子皮煙靭，蒸煮嘅Momo可以保留肉汁，微辣嘅雞肉內涵會越食越開胃。…查看更多

叫咗超值嘅「黑毛和牛二人燒肉套餐 皇盛」，事關我地今次嘅目標就係要食到🤍黑毛和牛大判燒，又心大心細咁想咩都點啲，呢個二人餐無論係選肉嘅質素抑或份量真係啱晒 。 🤍野菜沙律🤍前菜盛 （泡菜、漬物、大豆芽）🤍大判燒！黑毛和牛西冷要尖叫！見唔見到呢個油花，分佈均勻細緻，燒完嘅牛肉沾上日本生雞蛋，入口軟滑即溶，和牛香氣同油份充滿口腔，而家諗起都好想好想再食呀🤍黑毛和牛精選1款唔好以為和牛就咁完咗，其實呢個餐仲有一款黑毛和牛，同樣油香滿溢，超高質🤍鰻魚 記住一定要慢慢燒到金黃色，脆脆地先再上鰻魚汁，就會獲得肥美超好吃嘅鰻魚🤍塩味上牛舌鐘意厚切牛舌夠曬爽口🤍黑毛豚脛肉食落以為係豬頸肉，肥瘦比例完美🤍若鷄雞脛柳雞脛柳肉質緊實有彈性，我哋燒耐咗都唔驚🤍封門柳牛味濃郁🤍白飯 x2 🤍甜品: 雪米糍+杏仁豆腐鍾意杏仁的話，呢塊豆腐嘅香濃滑嫩會比到驚喜你。…查看更多

要食番韓國味道嘅炸雞一定係要去韓國人主理嘅炸雞店，而今次去嘅呢間仲係老字號-香港第一間開嘅韓式炸雞店。連店員都係oppa 嚟㗎！點咗半半炸雞-蜂蜜蒜蓉 + 青辣椒蛋黃醬雙拼，滿足我貪心嘅胃。蜂蜜蒜蓉係必點經典口味，香脆雞皮裹上甜中帶蒜香的濃郁醬汁，仲有原粒炸蒜；青辣椒蛋黃醬口味估唔到咁好味，食多咗稍膩，建議搭配醃蘿蔔解膩。 大牛排骨湯湯底清澈，牛骨髓的精華融入湯中，隨湯附贈白飯，可以變做湯飯，牛排骨超大一條，喝起來好滿足！ …查看更多

上環呢間小店，有著令我念念不忘嘅魚湯同丼飯，可以媲美好多高級日式餐廳。唔知食乜好，店員仲會好親切咁樣介紹，唔怪之得見到都有唔少熟客仔幫襯叫丼飯會贈送汽水，不過我大大力推薦一定要加$16轉魚湯，呢個魚湯真材實料零味精仲要勁濃郁，啖啖魚香一啲都唔腥，鐘意飲湯嘅我超愛！七色魚生丼：難得七款都做到新鮮好食，魚生厚切有光澤，仲有鮮甜海膽，相當有誠意。至於拖羅蓉海膽丼係我至愛combo，入口綿密脂香，瞬間清碗。其實呢度嘅串燒都唔差，我哋叫嘅串燒盛每款肉類嘅調味都唔一樣，襯返食材，食得出佢哋嘅用心。特別鍾意超厚玉子燒，口感豐厚好正！…查看更多