kitman987的个人专页

因為疫情關係，多左自己煮飯食。不過日日煮飯其實都唔係一件易事。一黎要諗食咩，二黎又要洗。雖然依家外賣好普遍，但係價錢相對都係比較貴D，都係外賣自取相對比較化算。今日去開澳南，見到依間餐廳D 外賣自取幾抵食，決定寫低紀錄下。 今日黎開澳南依邊行下，行到咁上下見肚餓，就算自己唔煮飯食，都好少會選擇堂食，見到依間餐廳外賣自取真係幾抵。雖然外賣menu 選擇就唔係好多，但係我地都想食豬手，所以就買左個豬手set 反屋企，都係128蚊。 因為今日天氣都幾好，又有風，而且依家疫情關係其實真係行少左好多，所以我地就決定行多幾步，行反屋企，大約再行左半個鐘左右。 反到屋企之後就打開，有三大盒，咸豬手一盒，薯條一盒，仲有小小沙律菜，128蚊真係超值。雖然都隔左半個鐘，薯條係凍左小小，但係都仲好味。豬手就無切開，要自己切，雖然係麻煩左小小，但係咁樣更可以保住食物溫度。我地切開個陣仲幾熱。咸豬手唔會太肥，而且啖啖肉，味道唔會太咸。沙律菜就少左D，不過都正常，因為通常依D菜都係用黎伴下碟咁。我地想食得健康D，所以就整左個西蘭花食。…查看更多

依期其實都少左出街食飯，自自然然又少左寫食評，但臨近假期約埋朋友一齊食飯梗係要食好D，有朋友介紹依間佢附近既火鍋店，環境好，坐得舒服，食材靚，一於就同朋友黎試一試。 坐底左之後第一時間梗係揀湯底，依度除左有common 湯底之外，仲有鎮店湯底，我地決定就揀反個花膠雞煲翅，食得又滾得。 依度除左火鍋之外，仲有D 餐前小食，因為我地都肚餓，所以係等火鍋之前，我地就叫左款椒鹽脆骨腩試下。出街多數都係食椒鹽九肚魚或者鮮尤，依個脆骨腩別有一番風味，都幾香口。 等左一陣之後個湯底就到啦，我地首先食左個雞煲翅先。雖然個雞煲翅湯底比普通湯底貴，要268蚊，但係入面都好足料，有半隻雞，花膠同埋翅。 我地飲埋d 湯之後就開始打邊爐啦。叫左一份大既手切安格斯小排，手打四寶丸，芝士牛肉餃加松露帶子餃，紫菜響鈴，再加兩個菜，西洋菜同埋油麥菜。 埋單一人300蚊，價錢合理。…查看更多

上個月去左澳門兩日一夜遊，依排都比較，趁依幾日放假可以分享下之前D 食評。依間舖上次朋友黎食覺得好食，所以就帶左我地黎。 因為我地驚要排好耐隊既關係，所以我地早左黎。等到12點開門，一下子都坐滿人，我地無叫到好貴既翅，叫左兩個石窩中勺翅，再加埋個鮑魚撈面。 老實講，鮑魚撈面就可以唔試，不過驚唔夠飽所以就叫埋。石窩翅係值得推介，熱辣辣，而且翅味道很好。當然翅份量唔太多，但55元一碗係物有所值。埋單一人100元。…查看更多

今次黎澳門都係朝聖之旅，朝早黎左世紀咖啡店，我地十點幾黎到但係要等到十一點先開。所以我地就係附近行左一陣，但發現未到十一點已經有人排隊，所以就馬上去排了。 咖啡係現場炭火煲的，亦算係世紀咖啡的特色。因為我地唔想食咁多，一陣都要食午餐，所以就叫左個餐蛋治，加杯熱咖啡，合共50元。 咖啡味濃，餐蛋治入面個蛋都出色。不過價錢屬偏貴，朝聖一下就好了。…查看更多

依排都要減肥，少左出街食飯，就算出街食都係輕食，唔好食咁飽。早幾日同朋友黎太子依一邊，試左一間餃子店真係好唔錯，值得推介。 打開份MENU，餐廳食品當然主要係圍繞餃子，我本人係好鍾意食餃既，放假係屋企都會煮餃子黎食，所以岩哂我。睇反佢地餃子既選擇都幾多下，主打係松茸餃，當然仲有其他餃啦，而且可以揀湯碗同煎餃。除左餃之外，仲有D 頭盤小食，我地就揀左麻辣松花皮蛋。皮蛋夠靚仲係溏心，同埋唔係好辣。 食完頭盤我地就到主食啦，揀左松茸豬肉餃，湯餃配狀元九鼎湯，元貝豬肉餃同韭菜餃就係煎餃。另外，因為驚熱氣所以配兩杯熱飲，山楂雪梨水。 松茸餃非常唔錯，幾香松茸味，狀元九鼎湯標磅係無味精，飲落都真係無味精，不過味道係偏淡。其他餃子都煎得幾香口。埋單兩個人2百幾蚊，都係幾抵食，唔怪得平日夜晚都咁多人。…查看更多

上星期同同事係依間餐廳食Lunch，好彩同事之前book左枱，因為好快就無哂位。睇個MENU 都幾多選擇。我地5個人就各自各叫，我就叫左baked pork rice, 加一串Coca Cola Beef 。焗豬扒飯都幾抵食，味道唔錯，和牛都幾好。另外，我D同事就分別叫左Foie Gras Rice, lobster roll, breakfast. 飲品就要另外叫，無套餐。整體黎講, 選擇都唔錯, 埋單一人200, 係中環黎講算係中上檔次，但係間唔中黎食下都唔錯。…查看更多

依間台灣餐廳可以話係抵食夾大件，座落係商場入面，周圍都係餐廳，但夜晚經常都坐滿人，就知佢係有佢既賣點。 之前經過都無黎試，今日決定就試一試佢。等左一陣就有位，之後坐低記低個枱號再係前台落單。 咁我就叫左個燉湯晚餐，就係雞翼滷肉飯，而今日燉湯就係冬瓜花生燉排骨。再加個小食滷水豆腐同埋一杯豆漿。唔使加一埋單都係82蚊。 黎到個SET 之後有D 後悔加左小食，因為原來份量都幾多，滷水雞翼有4隻，都尚算入味，滷肉飯幾出色，滷肉同埋汁既份量岩岩好，唔會太濕太油，但又唔會太乾。燉湯都唔錯，當然比唔上屋企既老火湯啦，但無咩味精，出街食算係咁。…查看更多

依排都比較忙，少左時間陪女朋友，所以紀念日一定要食好D，上網搵下之下就揀左依間食omakase. 其實都唔係第一次食omakase ，早幾個月去日本富山都食左一次。食omakase 最好就係自己唔使諗食咩，又可以試一d 自己未聽過既食材，而最重要係食到d 時令食材。 因為我地可能平日既關係，未係太多人到，服務員一黎到就問我地有無咩係唔食，之後就同我地安排食材。咁我地都無咩特別唔食既，所以都無太大問題。 前菜黎左松葉蟹沙律，都幾多松葉蟹肉，蟹肉夠鮮甜，配沙律食夠哂開口。 之後就到刺身，老實講唔係師傅教一教，真係唔太識依d 刺身。入面就有赤座蝦、鮫鰈魚、石垣貝同埋平貝。赤座蝦上面加左金箔，加顯得高貴，而且食落口都好彈牙。鮫鰈魚好香魚味，石垣貝爽口而且清甜。刺身質素暫時係我係香港食既餐廳入面最高質之一。 跟住就到熟食了，飛驒牛係香港絕對係高級和牛之一，飛驒牛重油香，入口即溶。惟一係佢加左醬汁去燒，我個人比較鍾意原味道，如果唔加醬汁，燒完之後加海鹽我會更喜歡。 鹽燒喜知次又係另一款日本高級食材，類似我地講既「大眼雞」。但係魚肉及滑，魚味更濃。 天婦羅亦出色，炸出黎無咩油，而且天婦羅炸完之後脆漿仲好脆。最後就食魚湯稻庭烏冬，服務員話係依度鎮店之寶。雖然睇落好似無咩特別咁，但係一食落去就不得了，因為魚湯真係好重魚味，係充滿魚既精華，而且無味精，絕對值得一試。最後食埋個雪榚大滿足，埋單平均一位1000元，但絕對物有所值。…查看更多

朋友去完日本旅行反來，咁就約左3個人一齊食飯，之前都住試下依間火鍋店，但一直都未有機會，今次就決定訂枱試一試。 我地就訂了星期六7點枱，黎個陣就無咩人，但好快就坐滿了。相對於其他火鍋店，佢既種類選擇唔多，但係牛既選擇及種類係幾多既，佢有份616推介系列，616罕有系列同埋616特色系列。咁我地3個人就決定揀幾款試一試， 揀左安格斯-橫隔肌，澳州五花趾，澳洲和牛-內裙肉，和牛牛胸肉等等，同埋濃湯牛肉餃。牛肉係唔錯，不過其他配料選擇唔多，埋單一位280蚊，性價比還可以。…查看更多

早幾日同屋企人落樓下附近食飯，細佬話想食日本野，唔想去到大埔中心度食爭鮮D 連鎖餐廳，原來樓下都有間小店，一於就去試下。 間舖位就唔多，大約十個左右，見到都有唔少優惠，堂食同外賣都有。 咁我同細佬坐低就睇睇menu， 選擇都幾多，價錢街坊價。見到佢地有海膽優惠，不過兩個人都食唔哂成板既海膽，所以我地就一人叫一個魚生飯，都有海膽既。 我就叫左個三文魚甜蝦海膽丼，108蚊, 我細佬就叫左個三文魚帆立貝海膽丼，128蚊，百零蚊有個海膽既魚生飯都幾抵。 碗魚生飯都幾大碗，一碗有四片三文魚，三隻甜蝦同埋海膽。海膽係有驚喜，鮮甜唔腥。三文魚都有三文魚味，依個價錢我覺得係物有所值。 另外就叫左個雞皮餃子試下，我覺得幾特別，不過如果皮再脆d 就好啦。總括黎講，絕對值得encore, 下次可以試下叫外賣。…查看更多

放工打波前諗住食小小野，唔想食得咁heavy就諗住食個麵，於是就同朋友黎依度食反個台式車仔麵，之後再去打波。 依度車仔麵特別之一就係湯底，同依排開到好多分店既養心殿係同一集團。所以有美人湯可以做湯底。個人覺得美人湯係比較清，無咩味精，唔似得港式車仔麵咁。我就揀左台灣關廟麵。配料就有牛展，生菜同埋魚蛋。相比其他車仔麵店，雖然係貴小小，價錢係48蚊，但係就比較乾淨，而且牛展份量係幾多，魚蛋有8粒，都唔錯。 朋友叫個碗就好港式，幼麵配豬皮、魚蛋同埋牛腩。…查看更多

依期出街都係食拉麵或者烏冬多，早幾日同朋友去旺角行下街，行到咁下又有D餓，就同朋友食個拉麵補充下體力。 成間舖唔係好多位，十零個左右，係bar 枱形式既，食品選擇就唔係好多，但勝在夠方便。我就揀左蝦味噌套餐，比較抵，套餐包一碗拉麵，有4隻餃子，同埋小龍蝦蟹子沙律，價值115蚊。我朋友就叫左豚骨湯麵，75蚊。 人唔係太多，所以好快就上菜，食拉麵最緊要係湯底，店舖介紹話係以100%豚骨加水以壓力煲去煲，不含味精，食落又真係無，我個碗就有櫻花蝦，同味噌湯底，味道再濃D。不過如果有得揀麵質就好，因為個人比較鍾意食硬D既拉麵。 朋友個碗豚骨拉麵都唔錯，豚肉份量多，鬧市中性格比十足的拉麵店。…查看更多

早幾日打波之前經過依度，依條街都幾多野食，見到依間魚湯專門店既好似唔錯，D 位都幾乾淨舒服，所以就一於入黎試下。 因為中午時間，唔係太多人。咁我同我朋友就一人叫一個午市定食，一個餐再加杯飲品，我就叫左個金菇牛肉定食轉烏冬，44蚊加3蚊，朋友就叫左個咖哩牛利定食，我地都係飲可樂。 黎到之後感覺係幾抵食，四十幾蚊一個餐，金菇肥牛份量幾多，有沙律菜，烏冬亦有菜，幾健康。湯底清，飲完一啖之後係無味精，岩哂唔係好鍾意味精既我。最後食完差唔多連湯都飲哂，都唔口乾。 整體黎講，魚湯味道偏淡，間唔中食清D都幾好，唔使成日食味精，但重口味既朋友可能要落七味粉。…查看更多

依幾日係咁落住雨，同個朋友黎旺角想做GYM，做運動之前就要食野既，見都好耐無食泰國野，咁就揀依間黎食。 因為我地早黎，黎到都好多位，MENU有散叫有套餐，因為我同個朋友都係諗住食完就去做gym，所以都係各自各叫個套餐就好。 我朋友叫左個泰式咖喱雞扒配白飯餐，咖喱唔係好辣，重椰汁味。 我個個泰式冬陰炒公仔面好食。第一次食冬陰公炒，有驚喜，酸酸地又辣辣地，因為佢都有小小濕炒咁，可能因為咁面就好淋。不過份量如果再多d 就好。 套餐包杯飲品，叫左海底椰，同埋甜品，一個人連加一約100蚊。…查看更多

去完日本反黎要派手信，朋友係尖沙咀反工，佢話佢都要食日本野喎，咁就拍板食依間拉面，因為佢話食過依間都唔錯。 兩個大男人咁就各自叫左一個拉面，我就叫左個豚骨湯野菜拉面，加炸雞4 件，一罐可樂，套餐價就夾埋136元。我朋友就叫左個地獄湯拉面。我地仲加左枝豆同埋野菜。 朋友碗地獄拉面，感覺唔係好辣。 依碗就係我個碗豚骨湯拉面，份量多，好少可食拉面有咁多面底，肉份量同溫泉蛋就正常。不過炸雞就有驚喜，炸得好香脆，而且雞肉都仲好嫩滑，佢仲配有沙律醬同埋小小海鹽，加小小食仲好味。…查看更多