Na Yuen的个人专页

中秋假期，唔知去邊好，決定帶媽咪嚟體驗一下我平時既快樂，就系去Cafe Chill 住歎咖啡同打卡影靚相！去到大概1點半，重有2張枱，可以直接 Walk in 入座，結果我地後面都即刻有人入座最後一桌，瞬間full左，重要陸續好有人嚟排隊，今次即興無 book 枱，不用等位真系運氣加持！一開始媽媽覺得呢度系後生仔女拍拖既地方，好不解點解我要帶佢嚟，結果好快佢就明白(哈哈)~ 第一碟上既系虎蝦叻沙意粉， 媽媽食左第一啖，就開始讚佢好食，個汁又香濃，啲虎蝦好鮮味，夾埋個汁好好食，啲意粉軟硬度適中… … 睇嚟佢真系好滿意呢個意粉！ 個意粉差不多食左8成，終於上另一個 Main，櫻花蝦豆乳擔擔讚岐烏冬，但因為虎蝦叻沙意粉太好食，媽媽既標準瞬間拉高左好多，對比下烏冬佢話普通啦，我就覺得如果先後順序調轉，可能評價就唔會系普通~ 因為意粉既叻沙汁太濃，食完濃既再食，就會食唔出個豆乳擔擔湯既味道，所以建議食左淡味既 Main 再食濃味既 食完飯再食埋 Cake 做飯後甜品~ 完美既 Ending~ Laksa Pasta with Prawn虎蝦叻沙意粉HK$158  (另收加一服務費)Sakura Shrimp Soy Milk Dan Dan Udon櫻花蝦豆乳擔擔讚岐烏冬HK$88  (另收加一服務費)Pistachio Chiffon Cream Cake開心果忌廉戚風蛋糕HK$68  (另收加一服務費)下次嚟我會乖乖 book 定枱 ~…查看更多

午餐時間幾乎都要排隊，但入面座位都幾多，所以都唔算等太耐，大約15分鐘入座~餐廳既裝潢加上上面既透光玻璃，用餐環境格外relax~ 座低之後用QR Code下單，Lunch Menu 選擇都幾多元化，睇完個Menu就覺得烤春雞同埋鱸魚都感覺幾吸引，最後擇左鱸魚~ 鱸魚煎得好香，個皮有少少焦香，加埋個燒薯，真系好夾~ 個人好推介呢個Choice！佢包左一杯冰茶，同埋餐湯/沙律2選1~ 以Lunch Menu既價錢來說，我覺得性價比很高！Pan-fried Seabass．Herb Potato．Sauteed French Bean．Lemon Herb Butter香煎鱸魚．香草燒薯．法邊豆．檸檬香草牛油汁HK$105  (另收加1服務費)提外話，原來佢系美心集團旗下的餐廳~…查看更多

CGV買左飛睇戲，睇戲之前就諗住搵間餐廳食左晚餐先，經過見到佢地門面幾靚，就諗住試一試~店內有好多公仔佈滿牆上，應該系老闆既私人收藏，佈置得好靚，加分項~坐低之後店員推介我地order一人餐，一人餐包左拉麵+小食+飲品，感覺幾豐富，但因為重有唔夠一個鐘就要上去睇戲，所以都系決定簡單啲單點一個拉麵~大概等左10~15分鐘左右，碗拉麵就到左，賣相唔錯~ 但食落就唔系太岩我口味~首先系湯底，佢都幾濃，但就有種說不出來，同印象中拉麵湯底唔同既味道，睇番啲人話佢地主打無味精，可能就系因為錦，所以味道難以言喻…… 如果描述，我諗健康既味道都幾貼切~另外，我點單既時候拉麵硬度擇左偏硬既，但嚟到啲麵系非常軟既，都另我好失望~ 個面有好多配料，一大堆木耳絲同埋荀~ 好豐富，重有個溏心蛋系入面，好足料~慢煮博多地雞和牛骨湯拉麵HK$88 (另外10%服務費)唔岩我口味，但整體都唔算差，環境同服務態度都好好~…查看更多

華嫂一直都好出名，有好多旅客會特登嚟食華嫂~ 而我一直都覺得自己好好彩，可以錦輕易地食到華嫂，起碼唔使搭飛機 (笑)華嫂最最最吸引我既系鮮油腿菠蘿包！好多茶記都有菠蘿油，但系華嫂既呢個搭配系另一個層次，菠蘿包甜甜地加上鹹鹹地既火腿，裡面既牛油唔會太多，夠香又唔會太膩，完美平衡，好邪惡但真系好滿足！除了鮮油腿菠蘿包，個人都好推薦鮮油奶多，如果第一次嚟可以叫哂呢兩款嚟試，但我自己就好少會一齊叫呢兩樣嘢，因為兩樣都好邪惡 (笑)華嫂既麵份量好大，同埋啲餸好足料，鮮牛肉唔系得幾塊，而系成個面鋪到滿一滿既牛肉，豬排亦都系大大塊既，性價比好高，女仔其實1個餸都夠，如果食2個餸，建議可以擇牛肉或者豬排加2隻雞翼，豬排加牛肉絕對會太飽！鮮油腿菠蘿包 HK$22鮮牛肉通粉(清湯) HK$34加餸: 雞翼2只 HK$14鮮牛肉米粉(清湯) HK$34加餸: 豬排 HK$19香港冰室好多，最愛絕對系華嫂！…查看更多

12點半左右到餐廳，因為時間尚早，唔系好多人，不過去到1點半左右，就大概有9成入座，平日Lunch hour walk in都應該問題不大~餐廳裝潢用左好多木材，玻璃窗採光恰到好處，用餐環境舒適~Menu有Lunch Set，供應時間系11:00am-16:00pm，Lunch Set包左沙律或餐湯 2選1，同埋一杯飲品，Americano (H) / Genmal-cha (H) / Jasmine Four Season Jade Tea (H) 都不用加錢，亦可以選擇加錢轉其他飲品~ 而我今次Order左牛油果醬忌廉汁大蝦意大利粉，Lunch set 配了餐湯及+$16點了熱Latte~ 餐湯飲落冇咩調味，新鮮南瓜打成溶既感覺，比較原汁原味~ 而意粉同樣都系牛油果打成溶既感覺，都系偏向清淡，無咩調味~ 因為食材用得還可以，又唔會感覺唔好食，但會系食材本身味道比較出~ 而Latte就不過不失，加$16蚊我覺得系Okay既~Spaghetti w Prawns & Mushrooms, Avocado Cream Sauce牛油果醬忌廉汁大蝦意大利粉HK$158  (另收加一服務費)*Served with a Choice of Coffee, Tea, Soup or Green Salad.SoupLatte (H)*跟餐 + HK$16 (另收加一服務費)總括來說，健康清淡路線既餐廳？又或者只系我錦岩食到一個清淡既選項？…查看更多

去完堅尼地城打卡，就系附近食晚餐，擇左呢一間台灣嘢~ 之前系觀塘食過阿元來了既外賣，但堂食都系第一次~ 7點左右，門外都企滿哂人，因為當下好想食，就決定等一等~ 門外有啲位比你坐系到等，大概等左45分鐘先入到坐~入到去叫左一個魯肉飯、一個蛋餅、一個排骨麵，又系咩都有啲，2個人Share~ 開心滿足~ 但因為3個都系主食，2個人食會太多，但排左錦耐隊就想咩都食啲，哈哈~ 呢度既每一樣嘢都好好食，重點系價錢真系唔貴！多人排隊是有原因的~阿元魯肉飯HK$46排骨酥麵HK$50玉米起司蛋餅HK$34整體來說，排隊排得好值得~ 如果唔想排隊都可以外賣~…查看更多

朋友推介我食呢間片皮鴨，上網Search過原來呢一間系美心旗下的中菜~ 我系平日晚上過嚟，大約7點半左右，門外都好多人等位~ 但都唔算等好耐，十約15-20分鐘就入得~第一樣就當然系Order朋友推介既片皮鴨~ 另外叫左一籠小籠包同埋2個甜品~ 本身比較小食中菜，我都唔知呢一間既片皮鴨算唔算系好食，但以我直觀感受系唔錯既~ 而小籠包入面好多汁，好香~入面既湯汁熱辣辣，皮唔算太厚~ 最另我欣賞既，系佢既甜品-炸雪糕~ 一嚟到賣相好靚就已經贏左我個心，食落去又幾特別，瞬間跑贏左朋友推介既片皮鴨，哈哈~ 而楊枝甘露雪糕就普普通通正正常常~Barbecued peking duck (whole bird)烤北京填鴨 (每隻)HK$388Xiao long bao (6pcs)無錫灌湯小籠包 (6隻)HK$98Deep-fried ice-cream炸雪糕HK$92Chilled sago cream, mango puree, pomelo, ice-cream楊枝甘露雪糕HK$50總括來說，可以嚟食炸雪糕順便食片皮鴨，哈哈~…查看更多

星期六下午，在深水埗想揾一間未試過既Café Try Try~ 就比呢一間舖既門面吸引左入去~ 舖頭既枱系六角型柱狀，睇落幾靚，但坐落就因為柱狀而唔知隻腳放系邊好，唔系太好坐~ 舖頭燈光系好白既白光，個人都系中意色溫無錦白或者自然採光既Café，會比較有放鬆心情既感覺~ 睇左個Menu之前，決定唔飲咖啡，試下佢啲茶飲，擇左峰蜜檸檬蝶豆花，擇佢純粹系因為覺得個顏色一定好靚~ 佢有個Set可以加埋英式鬆餅，於是就Order左試埋個Scone~ 茶同埋英式鬆餅都唔系話好出色，不過不失~Honey Lemon Butterfly Pea Tea峰蜜檸檬蝶豆花單點 HK$60英式鬆餅 + 茶飲 HK$88 Scone (Onion & Cheese)英式鬆餅 (洋蔥芝士)單點 HK$40英式鬆餅 + 茶飲 HK$88 整體來說，試過就算，唔會特別過嚟食，畢竟深水埗既Café太多~ 選擇多~ …查看更多

Lunch Menu 原價$288 per person, 佢地做新張優惠7折，折後$202 per person~ 除左折扣外，佢重包左無限量既薯條供應，再Free Starter 同埋 Wine~ 性價比好高~怇地既擺盤美觀，成餐飯都好有儀式感~ 前菜雖然系free既，但系一啲都唔 Hea，系高質既~ 而薯條熱辣辣又夠脆，我地都忍唔住加左一轉，想食幾多都得，餓底人士可以食多啲~而個Main，佢上既時候下面會有小蠟燭保暖，靚靚又好食，高質西餐廳~Grilled Australian Angus Sirloin Steak (8oz)澳洲安格斯西冷牛扒HK$202French Fries炸薯條 To be enjoyed throughout the mean 無限量供應Grilled Spanish Crystal Bread with Feta Cheese, Chive & Roasted Garlic Dip, Confit Tomato & EVOO西班牙鬆脆包, 香蒜希臘芝士醬, 油浸蕃茄, 初榨橄欖油Free 免費贈送Crunchy Green Salad with Pommery Mustard Dressing, Mixed Herbs or Candied Walnuts翠綠青沙律配香草芥末籽油醋汁, 焦糖合桃Free 免費贈送White Wine Free 免費贈送有新張折扣真系好抵食！…查看更多

APM 午市有好多選擇，但論性價比，非佢莫屬！打邊爐都有午市，只需要HK$98加一服務費，重要有4個湯底可以4擇2！好有誠意！我就擇左一邊麻辣一邊蕃茄，2個湯底都好出色~擇左一個牛小排既Set，牛肉唔算太多，但過下口癮好正，如果唔食牛，佢重可以擇羊同埋豬~ 好中意個Set咩都有啲，滿足到打邊爐既個種氛圍~ 有幾粒丸、芝士腸、菇、豆腐、菜等等~ 重有2隻蝦！同埋面食都有唔同選擇，我就點左魚麵，因為出面比較少見~ 如果想飽肚啲亦可以擇烏冬或者公仔麵~ 跟餐重有一罐飲品，如果個麻辣湯底太辣，都可以即刻飲番啖飲品~午市套餐HK$98 *另收加一服務費呢個價位，真系太無敵！！！…查看更多

平日Lunch Hour去到都會排長龍，1點左右上到去，眼看都差不多有20人在門外排隊等位，不過佢有2個舖位，所以人流都會去得比較快，大概15分鐘就可以入坐~我每一次嚟都系食重慶口水雞米線，唔系因為其他唔好食***我跟本就無試過其他***，而系呢個配搭真系好夾，另我每一次都比佢吸引，嚟到就想食番佢~個口水雞比較重口味，而個米線就比較無錦濃味，完美Balance~ 啲雞唔會有雪味，食落去覺得食材新鮮，個米線既湯又足料，有啲枸杞系面，跟湯重有木耳同勁多既腐竹~ 除左足料之外，個湯底食唔出有味精，食落感覺健康啲，但又唔會唔夠味~而價錢都中規中矩，以食材用料來說，個人覺得都幾有性價比~總結~ 觀塘人唔可以未試過~…查看更多

朋友介紹，去試一試~朋友介紹呢一間，佢話酸菜魚同埋水煮牛肉都唔錯，於是身為酸菜魚既Fans，我就去左海港城試試佢！週末下午大概2點半Walk in，唔需要等位，入到嚟環境系可以既，座位都算寬鬆~ 但枱同枱之間就有啲貼，會聽得好清楚隔離枱傾計~2個人叫左一份酸菜魚2人份HK$288， 如果想試埋水煮牛肉，可以好似我朋友錦，擇酸菜魚拼水煮牛肉，都系貴HK$20，2人份HK$308~ 2人份魚唔算太多，但都系預料之內，因為我地有加米飯，所以又未至於唔飽，而味道方面，可能因為我之前有食過幾間好食既酸菜魚，對比之下，唔覺得佢好去到要推介既程度，個人評分3.8分，唔算太差，但又未到會有下次~姚姚酸菜魚2人份HK$288 *另收加一服務費…查看更多

很久以前已經光顧過牧羊少年咖啡館的白楊街老舖，個時既每張枱都系碎花布，真系好中意，幾年前佢地既分店漸漸都重新裝潢，同以前既感覺唔同哂，特別系白楊街老舖，變化好大，無左原有特式！加上牧羊少年咖啡館分店越來越多，真系好耐無去過老舖~今次嚟食，最大既感受就系啲意粉好油，唔知系咪因為其中一個系蝦頭油，但連牛肝菌汁雜菌大啡菇意大利粉都一齊油，可以話系我幫襯佢地食過最差既一次，因為經常光顧他們家其他分店，同其他分店比較下，短期內不會再來了~不過也會給個機會，畢竟呢一間系佢地既老舖，事隔耐少少會再回來再看看有沒有正常發揮~價錢來說，太子老舖既地段，定價唔會太高，性價比唔錯~Portabella mushroom spaghetti in porcini sauce牛肝菌汁雜菌大啡菇意大利粉HK$78 *另外加一服務費Shrimp & minced meat spaghetti蝦頭油鳳尾蝦香辣肉碎意大利粉HK$98 *另外加一服務費最近都系去番雅蘭商場分店，好食~…查看更多

由於本人好中意熊仔，深深比佢門口隻熊熊迷惑~ 舖頭裝潢系北歐風格，門口既奶油色，加上佢地既藤編椅，靚靚既打卡位，可以攬住最可愛既Staff熊熊打卡影相~店內環境都唔錯，我比較中意門口既圓枱，Full左唯有坐入面~ 入面都系木枱加藤編椅，因為疫情有擋板，雖然擋板系透明既，但唔多唔少都影響個感覺~簡簡單單食個下午茶，一件Cake加杯Latte~ 放假心情~ Latte既拉花好靚， Roll Cake既橫切面，都好吸引~ 最外面系抹荼蛋糕，中間系抹荼忌廉，最裡面系抹茶奶凍，唔錯~ 餐具都系簡潔既北歐風，加分~LatteHK$45小山園抹茶奶凍卷蛋Japanese Matcha Milk Pudding Roll CakeHK$62下次再嚟探熊熊店員~…查看更多

週末晚上在海港城搵嘢食，好多餐廳都大排長龍，由於唔想排隊，就擇左海運大廈呢一間Greyhound Café~入到餐廳整體環境還可以，擇好主食之後，本身想點佢地既甜品一試，但已經賣哂！令我有啲好奇，到底系好好食，定只系供應量少呢？而叫左既主食分別系泰式海南雞飯同埋泰式青咖哩雞配泰式薄餅，不過不失，個人評分3.5分，唔會太差~ 反而叫左一個appetizers薄切三文魚配泰式辣汁，覺得唔錯，亦系佢地既Recommendations之一，個人評分3.8分~薄切三文魚配泰式辣汁Salmon Carpaccio in Spicy Hot Sauce***SignatureSliced fresh salmon swims in special Thai spicy sauce泰式海南雞飯Hainanese Chicken RiceYour favorite chicken rice, only with Greyhound’s 3 kinds of sauce泰式青咖哩雞配泰式薄餅Thai green curry with Chicken, served with roti breadPassion FashionPassion Fruit, Lime Juice, Mint Syrup整體來說食物一般而且性價比唔算太高~ 同價位泰菜有好多更加好既選擇~…查看更多