cinna_wing的个人专页

嗰日同老公突然想食米線。。記得之前經過都見到勁多人。。就去試下啦。。點知入到去已經開始後悔。。啲位勁迫。。人貼人咁滯。。我地行到最入有兩個位。。老公叫左超級大王米線小麻辣。。我就叫左三餸小麻辣米線。。兩碗面嚟到係見啲餸擺得幾靚嘅。。但第一啖已經覺得點解無咩味嘅。。小小辣都無。。更唔好話有無麻辣個香味。。個湯底我真係接受唔到。。唯獨啲餸都仲算過得去。。但真係唔會有第二次囉。。…查看更多

其實之前都來過兩三次。。每次都一定會叫“大半條“魚。。佢有得俾你揀小半。。大半同全條。。雖然得兩個人食。。但我地都會揀大半😜。。我地試過泡椒同麻辣。。泡椒我就覺得一般。。唔夠香。。麻辣我會揀小辣。。咁仲會有啲配料可以俾你另加。。我必選嘅係萵荀。。蘿蔔同出前一丁。。另外每次我都會叫呢個芥香蠔仔。。有 wasabi 味但唔會太攻鼻。。少少辣幾好食。。同埋隻隻蠔都肥嘟嘟。。伴碟啲青瓜絲都好好食。。次次都清晒。。試過一次麻辣蠔仔。。但我都覺得芥香蠔仔係好食啲。。條魚上枱嘞。。一嚟已經聞到麻香味。。條魚又已經煎香左。。仲有啲萵荀蘿蔔已經放埋落去。。一睇就覺得好吸引 😋😋只要等佢滾起就可以食嘞。。。條魚唔算多骨嘅。。又多肉。。平時叫小麻辣已經好夠辣。。因為愈煲會愈辣。。但今日個小辣唔夠辣。。唔夠過癮😅。。以前食呢類烤魚。。覺得一定要配薯粉。。但試過出前一丁後。。愛上左。。估唔到同麻辣咁夾。。食到最後個湯最辣嘅時候放個出前一丁落去。。嘩。。係呢餐完美嘅句號呀😊😊…查看更多

上上星期五難得老公收早。。就入西貢嘆個 all day breakfast 啦。。都有啲難搵。。差啲 miss 左。。呢個 all day breakfast 。。我最鍾意佢個厚多士。。好脆。。配埋個雜苺醬。。(其實佢有好多款醬俾你揀。。一定有你鍾意嘅 😊)。。重要唔係嗰啲空心麵包。。讚 👍👍仲有個蛋炒得好滑又剛剛好。。呢個sous vice egg Benedict set 係有得俾你揀配 parma Ham.. 煙三文魚定大啡菇。。我地揀左煙三文魚。。好好食。。個汁加埋蛋黃煙三文魚。。再加啖多士。。真係好正😋😋呢個芝士通粉焗蟹蓋？唔記得全名。。不過我覺得無咩特別。。唔知啲通粉係溶左定太碎。。我唔係好食到有通粉。。芝士係好多但無咩芝士香味。。環境幾舒服。。而家涼涼地可以坐出門口位。。嘆個 all day breakfast 。。飲杯咖啡。。係幾愜意嘅。。諗起又想食。。omg 😂😂…查看更多

同老公上網搵下有咩好嘢食。。見到呢間 cafe 嘅名叫難得糊塗。。覺得幾得意就走去試下。。可能未到七點仲比較靜。。好似有位。。不過我聽到佢地同之後入嚟嘅客講下次 book 位先😝。。環境係幾舒服嘅。。唔會覺得迫同侷促。。我呢杯普洱奶茶。。幾香茶味。。飲落都幾好味。。有普洱味。。又唔甜。。但太多冰。。幾啖之後。。淡晒。。。老公叫左呢個普洱。。佢好鍾意個二合為一茶杯。。好得意。。前菜係韓式雞翼同焗青口。。個韓式醬好味。。有啲柚子味。。又有少辣。。好鍾意。。個青口都 OK 。。仲有個黑松露雜菌湯。。好好飲。。通常呢啲湯飲完會好膩。。但呢個完全無。。👍👍我地叫左一個雞肉墨魚汁飯同蝦忌廉闊蛋麵。。個飯有啲咸。。可能驚個雞肉無咩味。。平衡番掛。。我就覺得個意粉淡左啲。。同埋個蝦太“老““實“。。總括嚟講。。我覺得小食同湯😋好過主菜 。。…查看更多