Mcdull and mcmug的个人专页

追隨mill milk的步伐，我和Mcdull一起去香港仔的安樂快餐店，先吃一碟油占多、再呷一口凍奶茶。跟預期的差不多，老鋪吃的是什麼味道都不重要，重要的是感受一下時代感，思考一下人生。思考人生後，就思考一下吃什麼醫肚好了。走着走着，就走到了新簇簇的香港仔市政大樓的熟食市場 - 福星廚房下午兩點，已經有下午茶，真佛心😆價錢相當貼地，但竟然這般高質。蔥花厚蛋三文治烘底+熱檸水 $30 🤤😇乍看賣相一般，但我再仔細看看，怎麼會這麼多layer。噢，他應該是將其中的一塊麵包一開二，將其中一邊的麵包煎香，再將另一邊的麵包塗上牛油夾在一起。令咬下去的感覺更有層次，少少脆的感覺再加上軟綿綿充滿蔥香的炒蛋，熱辣辣的吃下去，令原本不太餓的Mcdull餓起來omg，$30吃到那種心機，在香港很久沒有遇到。炸難髀薯條$35 +$3凍奶茶少甜🤤炸雞髀Size不太大隻，外皮香脆，調味剛好，不會過鹹或太淡，不錯。而重點是這杯凍奶茶，甜度適中，奶味茶味都平衡得剛剛好，呷一口後，淡淡的茶味在口腔徘徊。That’s aftertaste very nice。熱到身水身汗的我，慶幸今天可以喝到這杯相當高質的凍奶茶。Mcmug綜合評分：🤤😇。性價比超高，必去。要是他在康城開店，應該是我的飯堂了。Mcdull 綜合評分 ：親切嘅味道😎福星廚房：香港仔大道203號香港仔市政大度2樓CF1「好食柒級🐽」：☹️👹極度難食，中伏 very very bad bad☹️難食 very bad🙁幾難食 bad😐普通no good no bad 🙂幾好食good🤤好食 very good🤤😇好鬼好食，必試 very very good good…查看更多

早排喺九龍城行街，有個姨姨遞左張宣傳單張俾我哋，Mcmug順手接過之後，個姨姨仲好熱情咁講「得閒過嚟試吓丫，靚仔！」「靚仔…靚仔…靚仔…」依兩隻字不停喺Mcmug腦海入面迴旋，再迴旋，簡單而有影響力。幾個禮拜後，我哋真係搵返依間餐廳食飯。其實一聲靚仔、一個唔該、一點客氣、一個笑容，就能夠比呢個社會多啲開心，仲要有生意做，何樂而不為？鯇魚大邊 $228我覺得食魚應該要食少少辣，但係我又驚辣到食唔落，真係又期待又怕被傷害。於是問服務員最BB嘅辣度叫邊一款好呢？佢就話豆豉味啦，冇咁辣。豆豉煎香左，再加啲蒜蓉同辣椒，連埋啲魚好香好食，如果食唔到太辣嘅朋友可以試吓。牛肉魚湯泡飯魚湯清清地，喺凍冰冰嘅冬天飲啖熱湯幾舒服。酸梅湯個樽嗰包裝我未見過，有啲擔心係藥水味嘅酸梅湯，我淨係鍾意自家製嗰種味道，通常罐裝樽裝都冇乜好飲嘅。好彩這一樽酸梅湯幾好飲，酸酸地幾解渴，係細樽咗少少。Mcmug後記：好食，難得嘅係佢嘅牛肉串同羊肉串好食得黎，好有喺大陸嘅味道。嚟呢度食，令我諗起早兩年隔一個禮拜就上深圳食好西嘅日子，探魚、祿鼎記、太二酸菜魚……諗起都有啲肚餓。做隻港豬，食、玩、瞓，感覺真好。不過，舒服得咁耐總係要還。…查看更多

提早慶祝周年紀念日，搵間餐廳食返餐好。銅鑼灣呢間餐廳幾就腳，睇相幾OK，唔諗了！依度成棟大廈都係食野，搭lift上落，好彩時間尚早，都唔洗點等。坐低無耐，有個外籍嘅妹妹幫我哋落餐，佢好努力咁用廣東話同我哋講解；上餐之後又問我哋使唔使要胡椒、要唔要多兩個碟 ……笑容親切，態度我比100分！mcmug 瞄一瞄部八達通收錢機：「侍應用英文+餐牌用英文+高級啲嘅扒房又用八達通俾錢，咁都俾我搵到😎」燒美國安格斯西冷牛扒 配黑松露薯蓉 12oz牛扒睇個樣就知道好食，我哋叫七成熟，牛肉質地軟淋淋，輕輕一切就切開咗。喺鐵架上面烤過嘅牛肉係特別香，好有肉味，旁邊有細細塊肥肉黐住啲筋，怕肥嘅我都忍唔住食咗一啖，牛油香味喺口中擴散，沒有肥膩感，又邪惡又滿足。黑松露薯蓉，分量比較少、幾啖就俾我哋食晒了。羊架唔係燒嘅係煎嘅，麥兜覺都是牛肉較好，但我就好鍾意，因為羊架冇騷味，薯條係連皮嘅粗薯幾好食。Tropical Punch我哋見人哋飲又試吓先，因為個樣真係好靚好吸引。上面嗰塊焦糖餅好似魷魚遊戲入邊嗰塊咁，原來係咁甜，過關唔係咁易。Mcmug後記：一分錢一分貨，真係好好食；但認真諗，價錢真係唔係好貴，$318食一個咁有質素嘅牛扒，真係抵俾！自問係屋企真係整唔到個種炭燒味，希望下次紀念日快啲到，同埋希望消費卷再加碼😗…查看更多

每次約Mcdull去稻香飲茶，佢都會不自覺咁哼左依首歌。哼哼下，其實又幾順口喎，你睇下廣告歌嘅威力幾大。連續兩個星期去稻香飲茶，Mcmug媽媽其實麻麻地中意飲茶，之但係由於上星期黎到飲茶竟然冇我地3個人都最中意食嘅叉燒酥，所以決定翻兜多次。一坐低，碗都未洗已經9.9秒點左碟叉燒酥😗3個人點左6樣野，連加一都係300蚊左右，算係幾平。香麻叉燒酥🤤芝麻多，咬落去好鬆，又唔係好甜，餡料份量唔多岩岩好，你咬左第一啖就想繼續食埋落去，好食，推介！蝦滑蟹籽腸(滑滑腸)😐Mcmug媽媽特登叫黎食，佢話依個腸粉同平時嘅唔同，啲皮特別厚，佢好中意食。我又覺得冇咩特別。乜皮厚都算係一個賣點？😂真係估你唔到。諗諗下又係，想當年，野都唔夠食，街頭賣嘅腸粉最重要就係令人有飽肚感，個種感覺未經歷過肚餓嘅年輕一代點會知，當然我都未經歷過。不過，我都係懷念緊係廣州食銀記/求其份一間腸粉舖食嘅布拉腸……涮涮羊肉腸粉 🙁腸粉個質地同平時其他茶樓嘅冇咩大分別，入面個餡就相當麻麻，我諗佢係想整到好似平時茶樓食嘅牛肉腸咁。食落去就好似食緊pat有羊騷味嘅不知名肉，加上唔夠熱，唔好食。艇家海蝦粥 😐好多薑，真係多到啲薑好似唔洗錢咁；但碗粥都幾足料，魚肉粒/蝦都有，蝦就麻麻地新鮮，梅梅地，但係啖粥都幾綿幾好食，用黎暖下肚都唔錯。珍珠蝦蘿蔔糕 🤤依樣係Mcdull喺稻香嘅至愛，每次黎都會叫黎食。蘿蔔糕切到細細粒，外邊煎得少少脆，內裡軟綿綿，滿足晒一啲中意食香口野但又怕熱氣嘅麻煩人，推介！芝香蝦球燴伊麵 😐普通茶樓版嘅芝士伊麵，芝士個味ok，唔係太濃味，但啲雪藏蝦就真係麻麻地，雖然唔嘅剝蝦殼就咁食方便好多，但冇乜味，衰過要自己動手剝蝦殼嘅新鮮蝦好多。Mcmug綜合評分：4/10😐，正常茶樓水平，星期日都唔洗點等位，都算係咁；有機會試下明星酒家先，聽講啲野仲好食。Mcdull 綜合評分：5/10, 食物正正常常唔太油膩…查看更多

如果有得揀，3間都未必會揀，但好多時候你返工趕時間，地鐵站入埋跟本冇得你揀。而依三間入邊，講到平均質素最差，聖安娜都當之無愧。如果有同事Farewell/結婚派餅，佢俾聖安娜嘅話，我真係當冇識過依個同事，斷絕來往就這麼😗咁當然，聖安娜生存左咁耐都有啲價值，依家咁難食嘅餅店都有一兩樣嘢，真心覺得唔錯。肉鬆捲 $12.5 🙂第一次我食呢個包，係響OK便利店買嘅，食完先至知道原來係聖安娜出嘅，真係估佢唔到。呢個包都幾簡單：外面一層芝麻，啲包就前後有啲肉鬆，中間就有啲美乃滋，個包好實在，唔會好似食咗空氣咁，肉鬆搭美乃滋個配搭好好，令人都幾開胃，食晒成個包肯定飽到lunch。幸運薩琪瑪 $32 🙂獨立包裝，一大包入邊有20小包。味道來講唔會太甜，軟硬又適中，最起碼唔會痴牙，其實依樣已經好過好多所謂嘅人手製/老字號。當你口痕嗰時喺Office食，每次一小包都唔錯。另外，喺OK買嘅港奶茶個味道都唔錯，甚至乎好過某啲茶餐廳。唔會太甜，睇返成份都係7.4克糖/100ml，比飲汽水好少少。奶同茶嘅味都夾，奶味少少偏重，但係$10一枝，真係好鬼抵。食早餐真係好重要，都係早啲起身，行去買加多利餅店好啲😗Mcmug綜合評分：3/10🙁暫時搵到依兩樣嘢係覺得OK，其他嘅多數都係伏，尤其蛋糕。「好食7級🐽」：☹️👹極度難食，中伏 very very bad bad☹️難食 very bad🙁幾難食 bad😐普通no good no bad 🙂幾好食good🤤好食 very good🤤😇好鬼好食，必試 very very good good…查看更多

火焰羊架鐵板餐好耐冇食過鐵板餐，我地叫咗份火焰🔥羊架鐵板餐。上菜嘅時候侍應姐姐即刻倒少少唔知咩酒，然後點火，wowwww，即時火焰四起，都幾得意。食鐵板就係想聽到啲炸炸聲，好原始嘅感覺，從聽覺視覺嗅覺引發食慾。羊肉份量都幾多，肥瘦適中，有羊味。我好鍾意佢啲薯條，薯條長短不一，肥嘟嘟，好似食薯仔咁，啖啖肉，正。我地加咗份鵝肝小食，雖然係小食，但份量一啲都唔少。鵝肝好厚身，仲厚過塊多士。油脂感好重，都幾好味，但我驚太滯，食左兩啖就俾左Mcmug食。寶雲雞扒併焗生蠔寶雲係咩黎呢，餐牌上有好幾個菜係用寶雲做開頭，想必內有乾坤。以我認知嘅寶雲只係寶雲道，唔通間餐廳係寶雲道起家？係我胡思亂想期間，Mcmug就點左一份寶雲雞扒試吓。原來寶雲係寶雲酥。係一種由麵包糠、百里香、蒜蓉、黑胡椒、鹽焗嘅方法。雞扒醃得幾好，幾juicy，表面少少脆，幾好食；但唔知係我地影相影得太耐定點，個生蠔好似唔太夠熱，可惜。Mcmug後記：啲野都幾好食，同埋幾有gimmick，個火焰著個下都幾正，用黎哄(呃?!)下女仔都唔錯，呃下呃下可能呃到個老婆番黎都唔定😗…查看更多

朋友介紹依間位置稍為偏遠嘅餐廳，位於浸大側邊，雖然地點唔多就腳加上係平日，但仍然都有好多食客捧場，幫襯嘅都唔少都係老師學生。我地叫左個兩份set dinner，已經包左餐湯、主食、餐飲同埋甜品。紅湯 vs 白湯紅湯係羅宋湯，正常味道，冇咩特別；但白湯都幾特別，係「紅菜頭紅蘋果西米忌廉湯」我覺得都幾fusion，有加西米、蘋果，酸酸甜甜，有啲似食甜品，個感覺幾特別。主食 - 香草薄荷醬焗羊仔排羊仔排要咗七成熟，切出嚟冇血水啱啱好、又冇羊騷味，肥膏都唔多，好吃！主食 - 法式鵝肝牛柳配炸薯鵝肝配佢餐包附送個塊脆多士一流！令我諗起旋轉餐廳上面令我難以忘懷嘅鵝肝，依塊冇咁肥同油，必食！牛柳偏瘦，都有肉味，普普通通。甜品 - 焗南瓜布甸伴吉士薑汁講起布甸，我以為布甸係軟林林一碗類似啫喱樣嘅東東🍮。到上甜品時，係兩個黃色版貌似係心太軟嘅野，我都有啲疑惑係唔係上錯甜品？布甸剛剛焗起，外面香香脆脆入面軟綿綿，不喜歡吃南瓜嘅Mcmug都覺得好吃，好快就食晒。我對於套餐嘅甜品通常冇咩期望，但係依個布甸真係有啲驚喜，我覺得佢係有用心制作，無論係餐湯或者甜品，都嘗試喺傳統扒房嘅框架下作出新嘅嘗試，冇故步自封，我覺得這一點很值得讚賞！Mcmug後記：冷氣太凍，🐽皮好厚嘅我坐到最尾都打晒冷震，亦都因為冷氣太凍，啲野食好快凍；鵝肝/甜品算係幾高質，其餘嘅食物都算係正常水平；配菜都有啲fusion感，咁大個仔第一次食扒餐嘅配菜竟然係條菜芯，花園餐廳/大家樂都冇咁有創意。正氣嘅晚餐，令人微笑，有機會會再黎，期待下次嘅配菜係我最愛嘅油麥菜😗😂…查看更多

偶然間search到依間cafe，咁就諗住試下。跟住google map去搵依間餐廳，作為屯門🐽嘅我竟然差啲搵唔到路，佢個位置真係好角落，係「BYOB cafe」附近，隻眼擘大啲就睇到。坐落都幾舒服，依度嘅樓底夠高唔會太壓迫，位同位之間都唔係好埋，裝修都幾骨子。我地叫左3個主食+3杯野飲$349，價錢喺屯門依個都幾偏僻嘅位置黎講，算貴。係相對冇租金嘅壓力之下，會俾到質素較高嘅野食？ummm我又唔覺，有少少失望。蘑菇漢堡$68 + 流心漢堡扒$20 🤤Mcdull問「蘑菇漢堡會唔會剩係得塊蘑菇，但冇塊肉㗎？」我🤷‍♂️答「你真心🐽，唔係扮㗎喎」「麥當勞啲芝士漢堡唔通剩係得塊芝士？」我去俾錢落單，多口問問店員，結果，呢度嘅蘑菇漢堡真係得塊蘑菇冇肉。好彩我醒目🐽，如果唔係Mcdull就要食dry 漢堡。漢堡Present得幾靚，有隻太陽蛋係面，但係靚橫靚，食起上黎都幾唔方便，蛋黃點食都流到成碟係，除非你一開始就好有儀態咁啜晒啲蛋黃；蘑菇佢已經好細心咁切到一塊塊，正常味；塊+左$20嘅漢堡幾好，有肉味，流唔流心都冇咩所謂；塊包軟身偏甜，總之成個組合食起上黎感覺好好，加埋啲薯角，正。All day breakfast $68 😐原本Mcmug媽媽想要份貴$20嘅big big breakfast，但貴啲個份竟然冇腸仔，得火腿。不過，all day breakfast 黎黎去都咁嘅樣，我試左少少炒蛋，腸仔，ummm 普通料，我覺得偏細份。黑松露蘑菇汁配蘑菇櫻花蝦意粉 $78 🙁「若談樣子不會叫好，不算最討好，但我的內在美不夠味道……」Present 已經唔靚仔，算；味道真係唔掂當，意粉軟硬適中，但個汁真係太過甜，都唔知咩味嚟，同埋啲菇冇乜味，食完我都唔知食咗啲乜。「BYOB cafe」啲意粉好食好多好多好多。Mocha、latte、Magic $3x-4x😐三杯嘅味道我都試過，就算最濃味嘅magic，咖啡味都係偏淡。杯Mocha真係幾淡，又冇乜奶味，臨走見佢用吉百利紫色罐裝嘅朱古力粉，ummm，唔怪得知。飲完我覺得，其實麥當勞啲咖啡都幾好飲。咁咖啡嘅口味人人都不同，我唔係專家，我唔buy，但可能你會鍾意。Mcmug綜合評分：3.5/10😐有夢想係好，但條路仲有排你行，有冇俾心機去做，真係飲得到食得出。好多時候喺香港鋪租貴，所以好多嘢都將貨就價，但明明依度就應該平租，野食價錢賣得貴又俾唔到相應嘅質素，所以有啲失望。加油，年青人！Mcdull 綜合評分：6/10 我主要食Burger，就覺得幾好食：）其他食物就有待改進了「好食級🐽」：☹️👹極度難食，中伏 very very bad bad☹️難食 very bad🙁幾難食 bad😐普通no good no bad 🙂幾好食good🤤好食 very good🤤😇好鬼好食，必試 very very good good…查看更多

自己一條友閒逛銅鑼灣，下午茶時間想食少少野坐一陣，諗起Mcdull話中意食燒鵝，咁我就預先探一探路，試下啲味道掂唔掂 - 「棋哥燒鵝」我叫左個下午茶嘅燒鵝瀨+凍奶茶 $43+$3燒鵝瀨🙂喺銅鑼灣黎講，收你$43一個下午茶燒鵝瀨其實相當難得。而依間舖頭都好有良心，無論係瀨粉抑或係燒鵝份量都比得好足，燒鵝有六舊，有皮有肉。鵝皮厚身，一咬落去都成口油，啲肉都唔柴，有肉味，咁嘅價錢咁嘅質素，絕對收貨，我食下食下都有啲餓，愈食愈快，跟住就唔多對路。有啲碎骨，骨杉杉咁阻住我食，又要我逐塊逐塊吐出黎，食得唔係咁盡興。點解隻燒鵝咁好食，俾啲碎骨破壞晒，可惜。凍奶茶都正常味，茶同奶都夾，唔會太偏某一邊，合格以上。臨走睇清楚個menu，原來下午茶你可以唔揀瀨粉揀飯都得，如果我係附近返工，一定將佢做飯堂。Mcmug綜合評分：6/10🙂燒鵝好食，夠肥有肉味，下次帶Mcdull去😗。Mcdull ：表示期待「好食柒級🐽」：☹️👹極度難食，中伏 very very bad bad☹️難食 very bad🙁幾難食 bad😐普通no good no bad 🙂幾好食good🤤好食 very good🤤😇好鬼好食，必試 very very good good…查看更多

好耐無同Mcmug鋸下扒浪漫下，揾左觀塘海濱旁嘅Flames食晚餐，食完飯可以再去海濱行下浪漫下先返歸。餐廳有室內同室外嘅座位，平時用玻璃門分隔，食飯嗰日佢開通左玻璃門打通左兩邊，晚上涼涼地唔太熱，坐得都幾舒服。燈光暗暗地好浪漫，不過Mcmug背光，佢成個大豬頭遮住咗個碟，加上佢平時少食蘿蔔，少少夜盲症，驚佢成晚都見唔到自己食緊乜嘢。咦，旁邊的枱面有真.蠟燭，拎過黎用一用，原來佢浪漫之餘仲有實際用途，可以俾Mcmug望到啲嘢食啦！蟹肉香草忌廉蕃茄汁扁意粉蕃茄嗰個醬汁調校得幾好食，好開胃，我哋唔浪費，多咗嘅醬汁用嚟點薯條食，意外地好食！意粉偏硬身，我雖然鍾意食軟身嘅意粉但係都覺得OK！燒肉眼牛扒配大蝦大蝦蝦殼同埋蝦肉好容易用刀叉分開，肉質彈牙，入味。牛扒我地叫左5成熟，比較煙韌，要用少少牙力，肉味偏淡。佢個薯條好脆，係我鐘意的粗薯！是日精選甜品 朱古力慕絲，$68細細杯我覺得貴咗少少，不過朱古力加埋啲生果又幾好食！Mcmug後記：食飽了，不用洗碗的感覺真好。在人煙稀少又是黑漆漆的觀塘工業區，我們煙煙韌韌的走在大街上，捉緊對方的手，捉緊每分每秒，追趕著那班尚餘兩分鐘的巴士，多浪漫。…查看更多

我同Mcmug上次午餐食過呢間餐廳啲點心，覺得都幾好食，尤其嗰個韭菜豬紅，抵食又好味。今次就食下佢晚餐嘅小菜先！上次食過蛋散後，Mcmug就念念不忘，覺得佢係蛋散界嘅表表者，今次都要叫返回味一下！個蛋散真係好好食 ，芝麻黃糖混合煉奶。香！脆！甜！我哋可以專程為咗食佢而再嚟！鳳梨梅羔一字骨，一字骨啲肉都唔會太肥，酸酸甜甜都幾開胃。呢度嘅蠔仔餅唔係廟街咁炸到脆卜卜，佢係一種比較厚身嘅蛋餅，味道較淡，好大份，好似Pizza咁一開六，我食咗一件都飽飽地，我哋盡晒力都係食淨一件。多人黎先叫會好啲。蠔仔粥唔會好咸，蠔仔脹卜卜，一碗都幾多，兩個人食都好夠。食材都算新鮮，坐得都舒服，坐下傾下唔覺唔覺就兩個鐘了。我哋會再嚟幫襯！蛋散😍…查看更多

冇聽錯，我係因為依度坐得舒服先至再翻兜黎食多次。我哋兩個人坐左張四人枱，一睇個餐牌，咦，好似唔同咗喎……個價錢上次9月9號：豬$248羊+豬$278羊+豬+牛$288羊+豬+仲靚D既牛 $388今次10月22號：豬$288豬+牛$298豬+牛+靚牛$398豬+牛+仲靚D既牛 $478貴就真係貴左嘅，由於🐽朋友唔食牛，我都叫 左最平嘅豬肉餐，埋單都$315一位。由18:00坐到20:30(你中意可以坐到22:00都得)，由頭食到落尾，其實都ok啦。佢menu都有換過款，嘢食嘅質素同上次差唔多，好食嘅包括：jumbo吉列肉餅 🤤足料，有肉味，又有肉汁，用黎伴飯食就正，但就咁食就滯左啲，我點完先知原來舊肉餅混有牛肉，我食晒兩舊，好似食左兩碗飯咁。大蝦天婦羅🤤拍得住出面日本餐廳嘅水準，炸得啱啱好，脆粉又唔厚，隻蝦又有少少味唔錯。北海道芝士軟餅、元貝串、炸蠔、帶子刺身、灸燒嘅壽司🙂都可以叫黎試下，同出面放題嘅水平都差唔多，食完你唔會點投訴。可惜，蛋糕😐差左硬左，冇之前咁好食。唔好食嘅包括(排名不分先後)☹️- 冇味嘅什菌酒煮蜆- 暖暖地唔夠熱，又硬硬地嘅雞膝雞軟骨- 唔知食緊咩嘅免治雞肉串- 唔甜嘅甜蝦- 唔知點解帶苦味嘅赤貝- 食完唔知食緊咩肉嘅嚴選豚肉Mcmug綜合評分：冇變🙂。唔好再貴，再貴冇下次😗「好食7級🐽」：☹️👹極度難食，中伏 very very bad bad☹️難食 very bad🙁幾難食 bad😐普通no good no bad 🙂幾好食good🤤好食 very good🤤😇好鬼好食，必試 very very good good…查看更多

咁啱行開大角咀，記得西之美食家有介紹過大角咀有間幾好食嘅粉麵店，但我搵極都搵唔到，都行到幾攰，就衝左入去依間裝修都新新地嘅粉麵店，求其是但食。兩個人一張枱，中間咩版都冇隔，平時我都應該走左人，不過我聞到依度個種舊史麵檔嘅味，睇到個隻舊史食麵用嘅碗，我就坐低左。坐係個呀叔對面開住部電話，播住套唔知乜鬼嘅大陸劇，佢食緊碗牛腩麵，牛腩麵個樣比起個呀叔靚仔，咦，碟芥蘭仲靚仔喎，我望住個餐牌都一陣，都諗左一陣，ummmm……「牛腩麵多青，一碟芥蘭，唔該」照跟。牛腩麵$30 🙂牛腩麵一放上枱，個賣相好似舊史細個返廣州食麵嘅樣，食落又真係好似舊史嗰種味。牛腩應該落咗柱侯醬/陳皮去炆，食落都幾入味但又唔係太鹹，有牛腩有牛筋，都炆到好淋，有肉味，最好食係個麵，爽！你一索啲麵落口，都冇一陣”攻”鼻嘅味，冇乜鹼水味，我見師傅淥麵個時加左少少🐽油，令到成碗麵香晒😗當然啲牛腩就一定冇崩沙腩咁好食，但$30一碗真係冇得輸！芥蘭$15 🤤好綠，好甜，係麵檔整嘅菜點都係好食過屋企自己煮，應該係啲淥面嘅水同捨得落油。雲吞麵$30 🤤因為好食，令到自己開胃，所以我叫多碗雲吞麵。雲吞唔係好大粒，但都真係落足料，主要係豬肉，比例比蝦多，真係好似細個食嘅雲吞麵。湯就比較淡，正常味，但飲落先覺得啱啱食個碗牛腩麵嘅湯都幾鹹。Mcmug綜合評分：6.5/10🙂食得是福，好彩仲有得落。事後睇番，咁啱依間就係西之美食家介紹嘅大角咀粉麵店，原來水餃都唔錯，下次經過一定要食！PS To 老闆和氣生財呀老闆，駁少佢兩句啦，冇可能拗得贏女人㗎，忍呀老闆，啲女人一老左就係咁架喇😗To 老闆娘和氣生財呀老闆娘，鬧少兩句老闆啦，啲男人一老左就係咁架喇😗「好食7級🐽」：☹️👹極度難食，中伏 very very bad bad☹️難食 very bad🙁幾難食 bad😐普通no good no bad 🙂幾好食good🤤好食 very good🤤😇好鬼好食，必試 very very good good…查看更多

放假同Mcdull食晏，經過深水埗，有咩好食呢？唔知點解我第一時間就諗起佢 - 黑岩拉麵其實都好耐冇幫襯，味道係點呢都唔係太記的，印象淨係記得粒溏心蛋同個麵好食。我同Mcdull叫咗兩個午市套餐，包一份小食或汽水，散叫溏心蛋/替玉$8。小食唐揚雞肉☹️炸得over左，鹹，唔好食。芥末薯蓉😐份量太少，得壹個雪糕球size嘅份量，凍食，味道都OK。火灸叉燒黑蒜拉麵+ 溏心蛋 $82+8 🙂Mcdull食第一啖麵就即刻話「好食」，塊叉燒偏肥，但一放落口度肥膏個part溶化，我試咗啖，感覺真係好肥😗你根本唔可以咬咗佢掉咗佢。到食到中段，碗麵開始冇咁熱：Mcdull話「唔好飲啲湯，鹹！」Mcmug說「依啲就係濃而不鹹，正！」Mcdull繼續話「鹹呀！」ummm, 開頭食嘅感覺幾好，但食落食落就會feel到佢啲味濃到一個點，油+鹹。最後會覺得膩。慢煮肩肉辛辣拉麵 + 溏心蛋 $80+8 🙂有啲辣，但我開頭唔覺，塊肉偏瘦，同薄身，Mcdull個塊火灸叉燒好食啲。我叫正常軟硬度嘅麵底，麵底幾好食，軟硬適中，索埋啲湯食，辣辣地感覺都真係幾爽，但真係愈食愈辣/鹹。由於我食得好快，好快就叫左替玉(軟)，點知替玉黎到都幾硬下。食到好飽，真係好飽，飽到上喉嚨。埋單兩個🐽$18x，拉麵黎講正常價；不過我都係想食返劉森記啲雲吞麵多啲……Mcdull拖住依個咸咸地又鹹鹹地嘅Mcmug，食飽就極快離開深水埗依個龍蛇豬混雜嘅地方……Mcmug綜合評分：6/10🙂 返工/住係附近嘅都可以黎試下。溏心蛋+火灸叉燒要點；食唔到譚仔中辣嘅，唔好叫辛辣；嫌油膩/鹹嘅，就食快啲，啲野食熱會冇咁覺鹹/油🐽Mcdull 綜合評分：6/10🙂 鹹咗少少，但係幾好食「好食7級🐽」：☹️👹極度難食，中伏 very very bad bad☹️難食 very bad🙁幾難食 bad😐普通no good no bad 🙂幾好食good🤤好食 very good🤤😇好鬼好食，必試 very very good good…查看更多

夜晚想係將軍澳食下飯逛下donki再行下海濱，難得Mcdull竟然有idea，咁我地一行四🐽就去左依間Mcdull之前係銅鑼灣食過，味道唔錯嘅烏冬舖，睇下Mcdull有冇俾地雷💩我踩。一坐低，Mcdull姐姐就話萬歲，yooo正呀，叫多啲先我地叫左四個主食，四個小食，所有野食一齊share食：一桶厚燒燒鰻魚玉子飯(2人) $198 ☹️開頭食落都冇咩野，都係普普通通嘅鰻魚飯，炒蛋正常，啲飯煙煙韌韌都正常。正想講成兩舊水唔係好值之時，咦，唔對路喎，有骨嘅？食個兩舊水鰻魚飯有骨？！話之你厚切唔厚切，有骨就係死罪，感覺仲差過我去長洲去買去BBQ $3x一塊個啲，人地起碼冇骨丫。差，好鬼唔值。黑蒜炙燒極濃黑豚肉烏冬 $95 😐岩岩試完過飯，心諗，Mcdull你又俾💩我踩，雖則話「好又一餐唔好又一餐」，又有人萬歲，但好彩依碗烏冬又將我喺地獄拉返上人間。味道唔太濃，但都幾油下。個湯嘅味都幾單一下，冇乜層次。簡單啲講就係得啲黑蒜味，完。其實$29有9包嘅出前一丁黑蒜油豬骨味都類似係咁。唔明？可以買包試下煮，不過Mcdull冇可能明，出前一丁麵會俾佢煮到一pat野💩咁豚肉燒得正常，但真係太太太太太太太肥。去街市買最平個隻豬腩肉就係咁。烏冬就真係幾好食，煙煙韌韌，唔錯。黑松露忌廉海鮮烏冬 $98 🤤成碗烏冬冇咩料，淨係得面頭幾粒柴柴地嘅三文魚同粒唔知咩貝，但味道出奇咁好食，你睇到個樣好似好肥仔咁，事實真係好肥仔。cream，牛油，芝士等等類似嘅肥野撈埋一齊，其實都幾難唔好食Mcdull覺得有啲似卡邦尼嘅湯版烏冬。芝心脆脆 $38 😐Mcdull姐姐一咬落去就話「真係有芝士，好有芝士味呀」我說「都真係有芝士味喎。」完，普通料。吉列炸蠔 $38 🙂本身中意食蠔，依隻炸粉唔太厚，都幾好食，同我去灣仔俾$2xx「銀座神樂屋」放題嘅質素差唔多。三文魚腩串 $38 🙂一上枱，我就第一時間諗起「樓上」賣嘅急凍三文魚扒。依舊「腩」一邊肥，肥到一放入口就融化咁，一邊就柴，頂，奇奇怪怪。精切牛舌 $68 🤤😇依碟野收我$68，得3粒。心諗，痴線成廿蚊食一粒，但一咬落去，值喎！燒嘅時間岩岩好，中間微紅，有肉汁，咬落去軟淋淋，有肉味，正，推介！亦係我覺得食依8樣野唯一值得推介嘅野！講開牛舌，深水埗西九龍中心嘅牛車水，入面嘅咖喱牛舌飯都係非常值得中意👅嘅人去一試$5x包野飲🤤Mcmug綜合評分：3.5/10🙁食物材料質素相當麻麻，但又唔係有咩特別技巧烹調，價錢又唔係平，所以我應該唔會再去，喺將軍澳應該有更加好嘅選擇！「好食7級🐽」：☹️👹極度難食，中伏 very very bad bad☹️難食 very bad🙁幾難食 bad😐普通no good no bad 🙂幾好食good🤤好食 very good🤤😇好鬼好食，必試 very very good good…查看更多