IsaiahWai的个人专页

黎開長州，又鍾意飲咖啡既，都會試過新興街既冰滴咖啡！依家店舖轉左名，轉左舖位，有得坐下嘆嘆，重多左唔同既咖啡，我決定即刻入黎試試！ 店舖環境舒適，裝修也比較時尚，可以坐下嘆嘆，還有插頭供應用電腦時使用。重點是咖啡，叫了兩杯。一杯是「檸檬蜂蜜冰滴咖啡」$45，跟一般的檸啡味道差不多，但啡味水準高，加上蜂蜜的味道，很特別。另一杯是「椰皇冰滴咖啡」$48，有咖啡的香濃，也有椰皇的清新，感覺新鮮特別，推介！…查看更多

經過沙田city'super，見到呢個宇治抹茶紅豆包就覺得一定要買黎試試，唔講咁多，食！宇治抹茶紅豆包，$18！外表似菠蘿包同墨西哥包合體改為綠色！食落口感真係似菠蘿包，但又真係有少少似墨西哥包，幾正！包香不單止，也有茶香，出奇的有點點回甘，而紅豆同個包的比例做得好好，而且甜味適中，沒有蓋過包香和茶香，係出色既一個包！但真係貴左d，要成$18！反而覺得係旁邊食抹茶大判燒重抵！…查看更多

家樂坊重新裝修後的星巴克成為旗艦店！重有starbucks reserve！比客人選擇不同的咖啡豆及沖調方式，絕對係愛咖啡人士的新選擇！這裏就是starbucks reserve，上面有餐牌，可以選不同的咖啡豆和沖法，也有手沖咖啡師在！餐牌！馬拉維薩比農莊泡沫咖啡！$46！重有朱古力！咖啡師哥哥重請我食月餅！講一講重點~咖啡！呢杯咖啡的豆來自非洲，濃味比一般的星巴克咖啡重(原來的星巴克根本不濃)！更香！帶有咖啡豆的酸味，但沒有過多！而且有很清新的感覺！今次我只選了這裏最平的咖啡豆，而且選了用機沖的泡沫，已經覺得好味很多了。下次有機會再來會嘗試另外兩隻咖啡豆(貴$10及$20)，但就只有手沖和黑咖啡，不過我還是很期待啊！…查看更多

今天經過九龍灣港鐵站，有點肚餓想食個麵包或蛋糕，就發現這間太子餅店！入到去，第一時間吸引了我的，是蛋白系列！因為香港很少地方有天使蛋糕食，輕便裝的更加更加少，而且重有我最愛的綠茶味。好，決定試佢！蛋白系列蛋糕-綠茶味，$16，但大大件，份量十足！其實呢件係加了綠茶mousse的天使蛋糕，味道較一般蛋糕淡，帶有蛋白香，加上甜度適中的綠茶mousse，絕對係西餅中的健康之選！…查看更多

旺中的轉變真的很大，依家不再只有撈麵食了，多了很多間小食店，有很多更是葵廣和別處已經大有來頭的，今次試了這間來自長洲的炒雪糕！果然沒有令我失望綠茶雪糕炒爆谷同OREO，最後加了朱古力醬！即叫即炒，等了6-7分鐘，味道幾特別！雪糕裏面有齊所有料，就好似本身係杯裝雪糕的料一樣，不同的是自由配搭！雪糕綠茶味都算濃，而且不易溶，爆谷用上Garrett Popcorn，特別脆口！加上OREO同朱古力醬，整體很夾！店舖還有很多配料及醬，大家去開旺中可以試下！…查看更多

八方雲集相信無咩人唔識，鍋貼出哂名，但我今天食健康水餃，發現一樣出色！$3.5一隻的田園水餃，全素的！綠色皮包著素菜，沒有因素菜而過淡，依然皮薄多料，有口感，低卡路里又不肥膩，抵讚！這裏$35有10隻，可以加$3，跟餐連飲品或湯品，而湯品更有紫菜鱈魚丸湯，又是健康又美味的！不過今次沒有跟餐，下次再來報告！…查看更多

大埔是個叫做多平民麵包店的地方，但對於抹茶控or綠茶控來說，想搵間平得來又有得止下引既，其實都唔易！過往一係就去連鎖店，但連鎖店的抹茶or綠茶，最少都8-9蚊la。想食平野，就要去大中or大埔墟搵好出名果間麵包店，有$3個綠茶燒餅，重有紅豆、奶黃、花生一共3款味揀！但今次介紹呢間係太和啊！太和一樣有平價綠茶野喇，就係$6個大大件既綠茶蛋糕！門面，當天已經7:45pm，重有好多人買包買蛋糕。綠茶蛋糕，$6夠哂大件！食落是鬆軟的海綿蛋糕，有淡淡的茶香，不是很濃，卻食得出綠茶的味，以$6黎講真係超哂班！重要咁大件，抵…查看更多

很久沒來沙田新城市廣場一田的超市附近行行，這次來到麵包店Dad Gute！麵包好食出名唔再講，其實佢既意大利雪糕可能更出色！聽講係低脂雪糕，而且製作過程沒有加入大量空氣，所以更加濃滑！先看看雪糕的樣子，多吸引店員知道你看雪糕便會給你試食各種味道！再看看價錢牌，杯裝單球、雙球、三球的價錢分別是$24、$31、$38；筒裝只有單球及雙球，價錢是$28和$35。見筒裝不是窩夫筒，而且要貴$4(很多雪糕店不用加$啊！)，價叫了杯裝雙球！主角登場！朱古力和抹茶紅豆！價值$31！單睇個樣就知非一般的正，又大杯又夠哂濃！食落真夠滑！而且中間沒有太多空位，應該就是沒有太多空氣的關係，感覺份量特別多！雪糕很夠凍，凍得來沒有冰感，朱古力味濃得來不會過甜，也不會搶去抹茶的濃和茶看，而且抹茶重有粒粒紅豆，口感倍增！如果要說不足就是沒有窩夫筒，且筒裝要加錢，但對於只看雪糕不愛筒的人沒影響。另外，是單球價相對太貴，要$24，其後每球只加$7(最多3球)，又變得便宜了！女孩子食不了太多便不抵了，我食雙球$31已覺很多很抵，如果食3球$38的確是抵啊！呢個真心推介，相信總有一種味岩你！…查看更多

今天經過淘大花園，知道這間甜品店在網上評價好高，就刻意來試一試(網上看已經很吸引了)。因為太多太吸引了，和女朋友選了很久，最後叫了$32的宇治金時和$42的黑樹皮！點知晚上7點幾都重有下午茶，宇治金時只收$28，真係好抵！宇治金時先來，刨冰佢都叫做大碗！雪糕夠大，下面的紅豆和冰份量也很多！開餐了了，我第一啖食冰+紅豆！！先講紅豆，夠香夠甜夠大粒！到d冰，更正，未食過刨得咁幼細既冰，就黎到綿綿冰卻又像刨冰的感覺，而且帶有綠茶香，卻不會過甜，個刨冰的級數認真高！雪糕方面也有綠茶味，雖然沒什麼特別，但配合下面的刨冰、紅豆和其他配料一齊食，也會很享受啊！黑樹皮！其實姐係朱古力綿花冰！識食既你，齋睇個色就知好味la！而且配料有粟米片、綿花糖、小丸子、重有塊朱古力脆片，都幾落足料架！味道方面，濃啊！朱古力好濃！絕對唔會因為係冰而減少了朱古力的味道，抵讚！加埋配料一齊食，樣樣都好夾！最重要係唔易溶，食極都重係冰，係3x度的天氣真是大快人心！總結：今天食了兩個份量夠又好味又夾既甜品！而且落足又落靚料的甜品，埋單都只係$70，抵！有機會一定再來！試埋其他甜品，重有好多款式都好吸引啊！！！…查看更多

天仁茗茶真的開到區區都有，無它的，真的茶香！特別係港人至愛台飲之一的珍珠奶茶，更曾被雜誌選為香港最有茶味茶香的珍珠奶茶，可想而知天仁的實力！今次開到黎大埔，見開了一段時間也沒有食評，就樣我來吧！先看看店舖！店舖叫做闊落，而且還有幾張櫈和bar枱比客人享用飲品或雪糕今次我叫的不是飲品，而是我抹茶控的至愛~抹茶軟雪糕！(雖然店舖叫這做抹茶霜淇淋)抹茶軟雪糕，$20大大杯，好抵！看到軟雪糕也知道軟滑，一啖食下去，果然夠軟滑，同時夠凍，沒有溶得太快，也沒有過凍的雪味！雪糕夾著啖啖茶香和奶香，雖然茶味不濃，卻和奶味非常的夾，！繼續食下去，雪糕的窩夫筒也很脆，沒有被雪糕軟化！講真，大埔食抹茶的地方不多，對抹茶控的我來說，止到引啊！雖然不是超好味的那種，但是也有一定的質素，而且$20大大杯，真係抵到呢！有機會經過要再食啊！…查看更多

來自馬來西亞的烤包，有咖啡及榴槤兩種，之前食過咖啡，一試難忘！由於小弟鍾情於咖啡，剛走過這街口已經已經聞到咖啡的香，我就知道我會買一個來吃，今次做足準備寫食評！先來一張餐牌，很簡單，烤包只有$10的咖啡或$15的榴槤兩款；飲品只有手工拉茶或手拉咖啡兩款，也供冷($18)熱($16)；至於包跟冷熱飲品分別加$16和$14，就係得咁多！黎到主角，咖啡烤包！就咁睇已經知道包很大！黎多張，呢個包既size夠哂大，比起同區很多普通size的包也要$6-7，其實相當抵食！我唔客氣了，一咬下去已有陣陣咖啡香湧出來，口感和鮮奶球一樣，包沒有實心，卻非常的軟熟！食落去繼續有咖啡香，溶在包的每一處。唯有挑剔之處是包底有一點點油膩，比起其他的鮮奶球應該用料不同(佢係烤包喎)，除了這個，其他也造得很出色，大家可以試下！…查看更多

這間店雪糕店向來以玫瑰花造型的雪糕吸引客人，對我來說不是太吸引，但這天經過時，我突然被這裏的抹茶軟雪糕吸引住，明明這天的中午和tea也有吃抹茶的甜品，我還是忍不住。先看看雪糕的餐牌，最吸引我的還是抹茶軟雪糕~Green Tea Lover！即刻叫！價值$45的Green Tea Lover！店員送上雪糕後，看到杯子及木匙也很別緻，影了相便即刻開動了。第1啖當然是軟雪糕la，有驚喜啊，沒想到這裏的抹茶軟雪糕會這樣濃味，卻沒有苦，只有茶香和點點的回甘，出乎意外的好味！綠茶脆餅就似一塊薄脆，不錯；糯米糕沒有味，但也幾有口感；中間的十勝紅豆又是有驚喜，我本想是一粒粒的紅豆，想不到是紅豆蓉夾雜住粒粒紅豆，就像紅豆餅一樣！沒想到在這間看似「賣造型」的雪糕店也能找到出色的抹茶軟雪糕，大家經過可以試一下！…查看更多

日式咖喱飯對我來說是百搭的，係諗唔到食咩既時候，或者要好快食個hea飯既時候，總會覺得食返個日式咖喱飯，夠快夠方便又好味。今次來到朗豪坊，太多選擇，同時又太多人，行行下入了food court，最方便就食佢了！主角，吉列豬扒庵列咖喱飯，$58！辣度有得選，這個選了少辣，食落得少少辣，又有日式咖喱的香。值得讚的是蛋依然滑，而且有好濃的蛋香！我最愛加茄汁食，因為日式咖喱的少辣加上香配上茄汁的甜帶微酸，味覺更加刺激，更加豐富！最後當然要講講吉列豬扒，沒有很巨型，只是鬆脆，內很暖，正常水準。講日式咖喱同蛋包飯，實在有更多更貴更高級更正，但以$60有找這個價來說，佢交足功課了…查看更多

旺角區的抹茶大佬，應該都係御前上茶了。前排人人排隊為要食佢個抹茶菠蘿油，之後又出了抹茶蜜瓜包，重要有埋雪糕夾心tim，只計名氣和貌相已經攞滿分la！小弟過去因為人多，一直無機會試，今天下午終於有時間來，tea time不用等位，爽！由於想試的實在太多，試不下，所以試最特別的~抹茶雪糕夾心蜜瓜包！價值$48！貌相一流，真的很蜜瓜，果然無改錯名(大家都應該知，係無蜜瓜味的！)，包表面有糖霜，看落很鬆化，夾住厚厚的抹茶雪糕，多得滿瀉出來，影了兩三張已經有溶的感覺，我便快快開動了！一啖咬下去，包面脆的、熱的，而且先有糖霜的甜味，再有包的抹茶香，之後有較濃味的抹茶雪糕，夠滑、夠凍！那種由脆、熱及少量的抹茶香，轉移到滑、冷及較有茶味和回甘的感覺，真的很特別、很有層次！那種口感和味覺的轉移很難用文字表達！而且雪糕真的夠多，邊食邊瀉出來！這個包和雪糕也抹茶沒有太濃郁的感覺(雪糕比包濃)，應該茶粉比例不高，但依然食得出茶的香和回甘，沒有茶的苦味，是用森半抹茶粉造出來的果然是有水準！知道很多網評也表示失望，有的說包是淋的，有的說包沒有抹茶味，有的說太貴不值。但我今天的是脆的、是熱的。我也認為包的抹茶味不濃，但正因為不濃，更加突出咬下比較濃的雪糕時的對比，令口感和味道，甚至溫度也更多的變化。最後，我認為呢個包$48雖不是很便宜，但對比單食一杯雪糕已經差不多價錢，甚至有些同類型的店舖的一杯外賣雪糕已經比這個包還貴，現在$48這個價，坐下來慢慢吃，重要夠特色，抵la！結論：呢個tea真係好過癮啊！有機會會再黎！…查看更多

鍾意黎長洲食野既，呢間食紅豆餅同壽司既就好似芒果糯米糍一樣，無咩邊個唔識。我個人間中都會口癢食個壽司，但其實真係無咩特別，而且唔算平。但紅豆餅既性價比就真係高，普通版至抵食，$6個，熱辣辣，重要夠哂多紅豆！但我今次沒有食普通版，食了貴一倍的芝士紅豆餅！芝士紅豆餅，$12，抵唔抵就見仁見智，但的確和普通版一樣，多紅豆，芝士一樣多，加了芝士成個餅更香！每啖都有已溶化的芝士流出來，但芝士又不會太過水汪汪，控制得很好。當然，要貴一倍不是人人接受得到，但轉個想法，$12就有得食好野，係值得再試既！…查看更多