or#Tm66509215的个人专页

晚餐一個人來咗呢到食，用qr code電子落單嘅叫咗一個自選米線：蘿蔔、金菇、雞肉 米線（加辣多麻，走蔥，走芫茜）但最後來到係變咗無走葱同漏咗金菇雖然職員都好爽快補返金菇但係電子落單都咁樣甩漏就. 🤔至於餸同米線份量其實畀得好足，略嫌配料嘅芽菜同肉碎有點少，湯有點淡，但係值得一讚係唔會食完好口渴雞肉就有點雪味整體不過不失…查看更多

用某外賣平台嗌咗幾樣食物：檸檬雞蛋仔、原味雞蛋仔、香蕉雞蛋仔、原味格仔餅、炸杏鮑菇同炸雞軟骨唔使30分鐘，外賣哥哥就送咗食物上來食物仲暖，雞蛋仔仲脆脆地嘅，同原址上手雞蛋仔店的雞蛋仔有得揮值得一讚個格仔餅，店家無落定煉奶，花生醬，所以格仔餅唔會因為外賣而送到來就變得又濕又淋。反而店家係分開畀咗一包煉奶同花生醬比我自己落，好細心☺️另外炸杏鮑菇同雞軟骨用咗大紙杯裝住，變咗唔會用紙袋咁焗到淋咗兩串炸物的炸粉好薄，調味料各自選咗青花椒同香辣食落好惹味，  菇菇juicy，軟骨就好香好脆， 有驚喜下次食雞蛋仔之外會再試埋其他炸物☺️…查看更多

同老公去海港城拍拖，夜晚walk-in嚟咗Dan Ryan's 食晚飯老公本身想點斧頭扒， 職員話無， 跟住crab cake，又無，再問有冇quesadilla,都無. ..最後點咗一份洋蔥圈、一份10oz牛扒、一份青口煲、一個truffle mac n cheese、一個 clam chowder bread bowl同一碗磨菇湯蘑菇湯： 偏水偏淡，蘑菇味極淡，相信係因為溝多咗水， 唔合格 ， 出面嘅小店都會做得比佢好Clam chowder bread bowl:老公話個包索曬d湯，所以無乜特別唔好食洋蔥圈： 侍應哥哥拎桶洋蔥圈來serve 比我哋時，佢一個跣手跌咗d洋蔥圈落地， 最好笑係侍應哥哥： 補返兩個比係哋（真係多謝曬呀，唔好意思都無聲，唔個以為係我整跌架）洋蔥圈炸得好油，都唔夠熱，失望。青口煲： 不過不失牛扒： 叫咗medium rare, 最後來到變咗medium well,食得出好柴，而牛扒既side 薯條都係凍的Mac n cheese: 正常發揮，食落好cheesy 而期間，侍應都唔太主動去收走枱上嘅碟，食到一半我同老公另加咗兩杯lemonade, 起個女侍應serve緊兩杯飲品比我同先生時，另一位男侍應就向該位女侍應吹水 講是非😓 阿哥，吹水都睇場合好嗎,完全零專業，碟又唔收，淨係掛住吹水總結：成餐飯$1500蚊，但唔會有下次， 成餐飯得麵包最好食，出返去食其他好過，侍應質素衰過茶記…查看更多

咁岩去開屏麗徑附近，就搵個早餐食。見佢一個兩拼麵都係$23連熱飲（凍飲+$2）就嗌咗個煎蛋、粟米粒烏冬， 凍檸水 試下烏冬來到比我想像中好煎蛋畀咗兩隻太陽蛋我， 唔會因為價錢而減少咗餸同烏冬份量烏冬湯底係奶白色嘅日式湯底味道，質量完全唔錯，埋單$25絕對物超所值另外見佢其他lunch 都係$40-50有交易咁嘅小店絕對值得支持下…查看更多

用某外賣平台order咗個菠菜汁海鮮焗飯， 預計15分鐘有得拎。去到餐廳根本佢都唔得閒處理外賣單， 睇到一袋袋食物放哂起入面但無人拎出來。而同場都有兩位男士係即場買外賣自取都一樣等成30分鐘先有食物。最後我個焗飯等咗30分鐘先有,攞上手仲要係微暖。曬時間，差。唯一焗飯既海鮮都足料嘅,不過想曬時間同食凍咗的食物先幫襯佢啦…查看更多

好耐之前食過呢到既京蔥羊肉水餃麵，記得味道唔錯今日經過，就叫咗雙拼水餃 （牛肉餃+蕃茄雞蛋餃）, 再加多杯豆漿 , total $55~豆漿好快到，但阿姐一直以為係斜對面枱既order所以畀咗人哋但唔係人哋order先再搵到係我order之後等咗成15分鐘，餃子先到，阿姐又唔肯定碟餃子係咪我既order要望多次張單（唔係入曬機既咩🙄，同埋都無搭枱）食物味道方面, 牛肉餃完全唔得，有牛肉羶味，調味較咸，仲要5隻餃入面，5隻都有筋咬唔爛鍾意重口味又有咬口既人可以一試🙄蕃茄雞蛋餃： 味道唔錯，有蕃茄酸味，所以食落唔話話覺得濟.. 不過比起第二間餃子鋪既蕃茄雞蛋餃，呢到既皮係比較厚總結： 好一般，可以不用特登一試  ，同區有其他更好的選擇，除非好想食餃子而又唔想再行遠少少…查看更多

其實之前已經幫襯過小皇子冰室好幾次， 不過次次都係外賣。今次諗住堂食早餐就出事， 入列去生意你好嘅 , 但係我坐低左而中間都有好幾次示意職員落單職員望到我，但望完就算，之後佢有佢嘅忙碌，執枱同出餐都有等左10分鐘都無人理...咁唯有直接去第間食啦，既然你哋生意咁旺 ， 做少一個害都無所謂！之後行遠少少去第間茶餐廳，人哋好快說有侍應招呼.....…查看更多

今次係第二次幫襯由於本人偏向鍾意食菜類，所以叫嘅餸都係蔬菜類係主。今次叫左四餸： 雲耳、冬菇、蘿蔔、韭菜餃  米粉餸同米粉畀得足料，無因為叫多餸而扣減分量韭菜餃有三粒，新鮮冬菇蘿蔔都鮮甜入味，蘿蔔有成四、五件，正雲耳就正常發揮埋單$50 …查看更多

見門面有d人起到等外賣，咁岩自己又想食車仔麵，就一於試下。點咗 ： 冬菇，蘿蔔，韭菜餃 米粉 再另腩汁同咖哩汁等咗一陣就有得食。湯底夠哂滾， 撈埋腩汁同咖哩汁，夠香又少少辣，好惹味。份量俾得夠哂足冬菇俾左4件， 味道夠入道夠淋蘿蔔都有成4,5件，清甜，淋，無渣。 值得去叫韭菜餃食得出係自家包，食落新鮮，大大隻， 多菜少肉比例我覺得好好食。米粉爽口另外鋪頭仲有提供菜脯， 夠爽脆夠辣，鍾意食辣不妨 試呢餐無叫嘢飲，埋單$40，以份量同味道絕對對得住價錢，仲有好食過後尾街另一檔車仔麵。絕對有下次…查看更多

叫咗幾樣點心，分別如下：蝦腸 - 略嫌皮太厚，每條腸粉都有兩粒蝦仁蝦餃 - 大大隻，皮都係有少少厚，但佢d餡都多榴槤包 - $30蚊 3個， 無佢講到有爆漿/流心的效果。 大大個，拎上手已聞到榴槤味，                   食落都多餡，有榴槤醬起入面。 一試無妨。 炸物 - 原價$6一件， 我$20買了4件。 選擇都多，有甜有咸點              分別買了2件芋角（我認為最好食， 芋頭蓉幾香而多、滑。 肉粒雖不多，但我覺得好好食）              1件春卷（大大件..餡就同蝦餃相似）及1件芋頭千絲蘇（芋蓉滑，但係食落甜甜地..似芋頭包d餡..唔係我杯茶..寧願食多隻芋角🤣）埋單$94。  整體一試無妨， 不過唔知係咪太早到關係，部分點心未有得叫住。但講味道/精緻就緊係返去酒樓好d。 呢到勝在快同價錢抵食，經過當買個快餐都可以🤣…查看更多

Book咗起附近酒店住幾日，夜晚時間走咗來白加士街買外賣返去食。想食辣，但又唔想食附近嘅米線。見佢主打酸菜魚、水煮魚...就叫咗個水煮魚一人餐試試~佢個餐除左水煮魚，仲會配個飯/酸辣粉/擔擔麵，一定夠飽。我就選咗擔擔麵。等左10分鐘唔使，就有有得外賣。包裝包得幾好，擔擔麵有分湯，水煮魚就一大碗。水煮魚食落 魚片幾滑，同埋個汁都好香， 花椒辣椒都畀得足料仲有d蓮藕、芽菜、旺菜同埋闊粉做配料，蓮藕爽脆好食係略嫌旺菜同闊粉有點淋。至於個擔擔麵，我覺得個湯比較淡，花生味都唔濃， 於是直接將d麵倒落水煮魚到索哂d辣汁，咁就好食🤣成個餐88蚊連野飲，依家有9折，就$79。整體來講為個魚係可以再幫襯~…查看更多

幫襯過大伙頭都好幾次，多數係早餐同下午茶時間光顧。今日嗌左個腐皮雲耳通粉，配多士、芝士同烚蛋（$38）多士佢比足一塊，唔似平時其他茶餐廳比多半塊。仲有可以選烚蛋、芝士...可貪佢清淡少少，唔使下下都食火腿腸仔炒蛋。麵食嘅餸都選擇多架，唔食素仲有平時一般火腿，沙嗲牛，豬膶果d呢個價錢比咁多野食，同埋佢配嘅食物選擇多，絕對有下次。…查看更多

最近見呢間餐廳岩岩新開， 而睇到有d食評都唔錯。咁就早餐時間同屋企人來試一試啦。可取之處係環境方面係坐得舒適既，唔會話太迫，而且每張枱都有usb插位同電掣，方便食客叉電但係食物方便可以改善下...屋企人點咗沙嗲牛麵同沙嗲牛米， 都一致認為太咸。 牛肉水準唔太平均， 有d食落比較咸同“梅”, 但亦有d食落係正常的。份量就算大碗，牛肉畀得足。而佢地跟餐的咸牛肉炒蛋就略嫌咸牛肉太少， 成份炒得先得一兩粒咸牛肉.....而由於我自己唔鍾意食炒蛋及煎蛋緣故，就問早餐配的煎蛋可否轉烚蛋或其他， 結果係無！得！轉！嘅, 阿姐話你一係食麵包啦最後嗌左個雪菜素鮑米， 就不過不失啦。 係米線偏淋。最慘係佢早餐幾乎個個餐都配炒蛋/煎蛋， 除左雙餸粉麵餐同三文治餐之外，真係無其他選擇。講真，依家出面好多茶餐廳/冰室，甚至連鎖快餐店都有得轉烚蛋或火腿腸仔之流。真係要改善下。同埋只收現金， 其他支付方式都唔收老實講， 觀塘一條成業街，淨係街鋪都幾間茶記，但係價錢唔係特別話抵食（正常價錢）, 食物及職員質素又一般般，  再次幫襯可能都要隔好耐了。…查看更多