kerobobo的个人专页

是晚叫了一個最平套餐加啤酒小食，埋單大約$1400/人，雖然個餐有龍蝦半隻，鮑魚一只（冇手掌咁大），鹿兒島牛肉（冇手掌咁大），鵝肝多士（鵝肝大塊厚）。。。。等等，味道都ok好味，但老老豆豆呢個價錢，去半島食個dinner buffet性價好好多！記得十年前既鐵板師傅揸個獲剷技術好好，寧空拋起隻鷄蛋再用獲剷分成2半寫字，加埋個公仔及祝賀語美觀程度等等，好似睇表演咁。。。。其實上得去都預咗，但要睇吓值唔值，所以唔怪得我哋要上深圳搵食，不論價錢，性價及服務都好過香港好多，香港既食肆真係要反省下…查看更多

朋友請食brunch帶我黎W hotel令我好有印象，食物款式都多而且味道唔錯落地大玻璃仲有碼頭船境欣賞，下次要黃昏黎望下，相信日落仲幽美。酥皮湯大家都飲過，但呢個入面居然係飯呀！微辣既咖喱特別惹味，入面有小小海鮮，食到停唔到口，最後係食左2碗食buffet 冇理由唔食其他野掛，大家下次見到可以試吓。每人可以獲得2邊龍蝦，可以焗可以清蒸，個人比較喜歡焗果款。肉醬意粉係即叫即整，其他食物味道都唔錯，識食buffet既梗係每様都試啲叮叮響。。。又到表演環節，今日係火焰串燒雞，但係。。。由於太太飽關係無緣嘗試，期待下次再嚟…查看更多

返工咁悶咁辛苦，放工梗係要relax下，之前上黎食過lunch已經覺得好好味，夜晚變身成酒吧，響應下香港夜繽紛就上黎蒲下氣氛一流仲有好多野玩，服務又態度親切，好似返左屋企咁…查看更多

在灣仔商業區樓上，一入門口就有家的感覺，地方需小但五臟俱全，餐牌有各式各樣既套餐，我們點了串燒套餐，尤其鍾意個加$99/任飲啤酒，紅白，清酒，完全唔洗就住就住串燒食物亦很美味，種類亦多，一碟食完接住一碟，店內隨機播放著音樂，真係令人十分享受及放鬆當晚掛住飲飲食食忘記了拍食物相片，酒意正濃之際，從窗口望出去係𤌴爛既夜景，牆壁貼上各式懷舊電影海報，影相一流。仲有順便讚下店主相當友善客氣祈望再多來幾次。…查看更多

今日黎試飛驒牛，睇吓傳說中既＂入口即溶＂係點様溶法，點了－客西冷，薄切並且分成了細件，油脂分布勻混同比較多，色澤新鮮。燒好之後一試入口，果然真係即刻溶軟淋淋既油脂溶於口中又帶有牛肉香味，＂嗗＂一聲就吞咗落肚，可能係薄切感覺不是太油膩，一口接住一口都不過份，感覺滿足。另外叫了海鮮和牛套餐，各款都係好新鮮同鮮甜既，帶子好甜好厚肉和大隻，抵讚和牛拼盤有六款不同口味既部份，呢款牛肉比較有口感，牛味更濃，喜歡牛舌係厚切的，口感一流…查看更多

Happy Birthday to ME！！今次棟呢間黎食生日飯純粹覺得幾特別，又有夜景window seat，讚UFO芝士火鍋－芝士控既朋友應該會好鍾意，點了兩款口味甜辣烤同芝士烤雞，味道OK，用火爐慢慢煮溶芝士再點上烤雞，勉強倣到拉絲效果。甜辣烤雞－點多左！！的確點多左！！！雞！又係雞！！！！！不過呢款比上面果款好味！！！亮點！亮點！！西柚米酒！！！充滿濃濃西柚果汁味，仲隱約見到果溶飄下飄下～～～～～～米酒份量比較少，當果汁飲就ＯＫ…查看更多

一行十幾人有大有細嘈怨巴閉想搵間餐廳聚下，朋友介紹我黎呢間新開既餐廳，剛好坐得落十幾個人，就包左佢落嚟雖然麻雀須小，但是五臓俱全。聽聞廚師以前係某酒店大廚，現在自己出嚟開餐廳，咁食物同賣相都有保證廚房有塊大玻璃，一路食可以見到廚師表現。由於包場，食物由廚師拍板，以下就係當晚既食物，唔單止好好食仲好靚呀！單睇賣相相當精美，令人蠹蠹欲試，味道非筆墨可以形容要親身感受下…查看更多

生日想食鐵板燒，弟婦介紹話呢間小店話價錢比較實惠。生日梗係大魚大食架啦，老闆早兩日問我地食咩餐，因為佢要當日去預備，咁就真係夠哂新鮮勒！識食鐵板燒既梗係坐BAR台啦，一路食一路睇表演，正呀！！我地選了$1,388二人前既餐，老闆一睇就知我係港女，就好細心咁捉左3隻周身郁既大龍蝦比我住影相扼LIKE麻！前菜主角火焰牛扒咁燒法都唔怕鞋，仲好林好嫩鵝肝多士，大大件好抵食最值得一就係呢個比卡起賀板真係畫得好似，見到都開心呀！今晚好飽好完滿！多謝哂！…查看更多

開業幾個月左右，見多人幫趁又算平，所以趁父親節將至成家人去食飯，套餐2千幾包飲品都算經濟，另外再加多2味餸，分別係薑葱筒𧐢同燒乳鴿，坐低冇耐d餸就＂磡磡＂聲咁送上，食都食唔切咁滯上面張相係食到中後期影的(仲剩好多餸)，原因係我想介紹下：套餐菜瓜多，好大碟，但全部淡，冇味，連𧐢油蚊鴨掌冬菇都係淡而冇味娃娃菜，以往食親我都覺得呢款菜甜的，都可以煮到冇味；燒乳鴿，好似林哂咁，薑葱筒𧐢煲仔上，又係有別於我以往食果d咁，完全唔覺爆過，好似蛤熟d𧐢放d薑葱撈埋一煲比你食咁，完全冇獲氣。。。所以我有理由相信，上菜快既原因係所有食材已經一早整定，收到order再逐様拼埋一碟連燒味也可以食剩埋單三千多塊，雖然平你會話將貨就價，但真係食唔落囉，我寧願貴小小唔洗咁大碟但食得落口囉。。。。…查看更多

今日朋友生日，知道佢係一位榴蓮迷，又知道呢間cafe有榴蓮蛋糕，所以特意為佢送上。。。。銅鑼灣分店靜中帶旺，一早已經預訂定了榴蓮芝士蛋糕。店員即場製作焦糖，榴蓮蛋糕外形別緻，散發淡淡榴蓮香味，見到都流哂口水切開又脆又甜既焦糖細味品嚐，蛋糕果然充滿榴蓮獨特既香甜味道，芝士味又不會太濃搶過榴蓮既風頭，不太甜，口感軟滑，實在控制唔到一啖一啖的放入口中，食了四分之一件也未夠喉，我相信下次自己一個人挑戰整個蛋糕也不會＂嚴多＂呀…查看更多

行經電器道搵食，見蛇羹加糯米飯確實吸引，雖然已過食蛇保暖的最適合日子，但都係忍唔住入去＂參觀＂一下。今次選了5號餐，亦都想試下其他，唯有留待下次。來了，枱上薄脆及檸檬葉是任加，尤其加上檸檬葉更添香氣，味道咸淡適中，重要係材料十足，糯米飯也十分不錯，粒粒分明而且軟硬適中，配上切細的臘腸臘肉，一碗實在唔多夠喉。下次一定再來，唔會等到秋冬天。臨走見到牆上貼上的一則食評有＂臥虎藏龍＂四大字，雖然未有時間細閲文章，但我已經明白當中的意思了。。。。…查看更多

久聞波記燒鵝大名，早年更入選米芝蓮，舖仔細細環境普通，但出品美味食物，一定大把捧場客下午六時燒鵝脾已經賣哂，轉攻燒鴨脾瀬粉，鴨脾大大隻絕不欺場，而且仲係暖熱的，皮脆甘香，肉質鮮嫩。。。。鬼咩，老闆係親自落手即燒，永冇放得耐，點會唔好食呢另一半連湯都飲哂不過食瀨粉麻煩d好難夾，不過燒味一定要配瀨粉先正，唯一拎起個碗扒入口臨走更加要打包一隻返屋企，慢d差d都冇，我見好多人外賣叉燒返去做餸，下次有機會試下先…查看更多

阿囡考完試，係時候相約媽咪們鬆一鬆了，香港仔間間餐廳都食過哂，都唔知食咩好。。。。係呢個毛文，發現了新開無耐既牛一牛肉係我既至愛，一於上去啦！環境及坐位寬㑽，佈置舒適，可能係新開既關係，地方相當整潔，閒話少講，睇下有咩好食先由於閉關太耐既關係，二話不說就點了個最豪華既＂極上日本和牛。豚肉＂放題，再黎選擇湯底，款式也相當之多，店員話食極上既牛肉可以選擇比較清既湯肉會食到牛肉既原汁原味，於是點了干貝淸湯。等待期間就到出面攞野飲加睇下有咩野好食原來依家咁先進汽水可以自己斟自己溝，又幾好玩喎各式食物鍾意食咩就攞咩主角出場，牛肉顏色鮮紅，脂肪分佈平均，賣相當相吸引，豚肉也不懶呢。極上果然係極上，入口相當腍，肉味濃郁。另外,仲有一樣我覺得好抵讚既,就係蔬菜瓜果既選擇十分之多,而且又新鮮又干淨,連"雨衣甘蘭"都有,問你服未?!食足90分鐘,真係飽到上心口,大滿足!由於我地坐門口位置,不斷見人潮在門口等位,閒日黎講相當小見…查看更多

朋友帶我黎位於西營盤既cafe 2 晚膳，雖然不是在大街大巷再加上今晚是閒日，但整個餐廳已坐滿人，證明品質一定有保証。甚小光顧西餐廳，菜式就由朋友安排吧，飲品先選了鮮菓花茶，入口清甜又帶水菓香氣。先來了軟殼蟹金柚沙津，軟殼蟹十分香脆多肉，配上西柚的酸甜，入口清新。周打𧐢肉湯，朋友特別點來讓我試試，説現今比較小有餐廳用新鮮𧐢肉而打成既湯，入口果然充滿𧐢肉既鮮甜味，比較杰身，配上香脆的蒜蓉飽，飲完已經飽了一半檸檬蜜糖鷄翼，望落以為係鷄槌，其實是用鷄翼起骨而成，入口啖啖肉，但就有鷄翼的腍滑，配上特製的介末蜜糖醬，十分美味。墨魚汁意大利飯，鮮味濃郁，海鮮亦很豐富。最後甜品係鐵板朱古力brownie伴雪妮拿雪糕，燒紅左鐵板淋上朱古力醬即時冒煙，brownie朱古力味濃郁，伴雪糕食又熱又凍，感覺特別。整體感覺良好，下次經過一定要再試下其他菜式…查看更多

之前去過太子分店，今晚再戰銅鑼灣分店。。。座位相當闊落舒適，先先望下餐單，點了一個麻辣鷄煲，之後再打便爐，未上菜先輕鬆火焰鷄煲果然名不虛傳，一上抬已經香噴噴，附上麻辣醬油，想幾辣都由自己控制，我地加左小小已經夠哂辣，鷄件夠哂入味，味道香濃！食完鷄煲加湯準備打便爐，點了幾款心水食品，自製響鈴是必試的，夠脆夠鬆化。打便爐牛肉也是必食的，入口腍滑。脆鯇是我的至愛手打丸夠大粒，入口彈牙，抵食！食完已經好飽了，三五良朋友小聚，一路食一路傾，好地方是也…查看更多