huivivian的个人专页

過見到新開張，點知一試難忘…… 勁唔掂！！😖😖😖 叫咗個中辣酸菜魚, 諗住叫中辣實冇衰啦，點知個湯底淡而無味，鱸魚又唔滑，又冇魚味。另外叫咗個酸菜肥腸，酸菜仲多過肥腸，完全冇鑊氣油淋淋，個賣相完全肉酸到呢？……… 真係冇下次。 順帶一提，門口嗰個著黑衫嘅收銀，黑口黑面黑面，冇禮貌！…查看更多

今日終於試左呢間隱世甜品店， 我地叫咗芒果窩夫，皮脆內軟，入面原來係有麻薯嘅，幾特別，不過如果雪糕大球少少就更好😬，另外叫左個黑糖仙草，賣相都幾靚，不過價錢就貴咗D，$6x, 仲叫咗個辣雞尖，都幾辣，好食！下次會再試下😋…查看更多

終於等到葵芳開嘅牛角buffet ！夜晚見好難拎位，今日放假，就決定中午walk in啦 ！見D人lunch 多數食set , 我哋一心諗住刷番，歺就叫咗任食level 3，滿心期待……….嘢食終於嚟！😔😔😔😔😔😔 安格斯和牛牛肩脊，賣相勁核突、冇乜紋，咬落硬嘅，已經吾系燒到熟，塊澳洲西冷，見到咁嘅色，未食都完全唔想放入口，牛舌正常，老虎雞翼ok，碗冷麵先恐怖，麵係暖嘅😖😖😖，咁都拎出來比客食，crazy 😤😤😤 諗住食碗普通嘅韓式牛肉拉麵, 應該唔會點差，…… 碗麵系冇味嘅，吐都吐吾切🤮、係咪晤記得落鹽，超難食🤬🤬🤬！甜品：拎左粒好似麻薯嘅野，咬落去D麻薯係硬嘅，真係人都癲，都唔知放咗幾耐，點可能係乾哂硬曬咁，仲有果件窩夫，已經燒返熱先放入口，入面居然系濕泣泣，好似吾熟咁😣😣！比四佰幾蚊食D咁嘅質素，真係冇下次😡😡😡…查看更多

5月黎光顧過，味道係讚嘅，但之後兩次再嚟食，已經唔係果回事了😞😞😞，叫咗之前食開嘅青花椒生魚片，賣相同顏色都已經吾同咗之前，完全冇曬青花椒嘅香味，真係好失望，最基本配菜嘅蘿蔔都要唔淋，兩次食都硬嘅😩、生魚片嘅份量又比少咗，埋單我都忍唔住唔收銀，係咪轉左廚師，原來真係，我有同佢講之前完全唔系呢個味，不過佢都係聽完就算，睬都冇睬我，明嘅！收銀都只係打份工，得鬼閑理我咩😅…查看更多

見食評介紹呢間隱世小店，今日就黎試試佢，叫咗個鰹魚湯醬油拉麵，塊叉燒係淋身唔硬，好食的，可惜湯底….似鼓油，唔喊嘅鼓油水味。我諗佢預食客自己加鹽，因檯上放左鹽，胡椒，七味粉…，不過加左鹽都只系覺得飲梗鼓油😖、麵質曲曲地唔似出面食開彈牙嘅日本拉麵，個人覺得麻麻地，另外叫咗一碗鹽味柚子，都系偏淡味，自己加鹽，有柚子味嘅！$80吃呢個淡而無味嘅拉麵，真心覺得唔值，俺流x拉麵真係好味好多 ! …查看更多

今日見唔洗排隊，又比多次機會試下佢🙄，一入到去，個女服務員都好奇怪，我話坐左邊，因為右邊好凍，風口位，佢系都要我坐右邊D位果，當時間鋪只系坐左幾枱人，最後我自己行去坐另一邊，真係怪人一個🤷‍♀️！上次試咗中伏糖水底、今次就試吓熱紅豆湯啦，叫咗個芋圓4號，點知都係瀬嘢😩😩😩😩 先講湯，淡茂茂唔熱唔凍咁….想點呀？？唔該煮熱先拎出嚟啦……..嬲咗🤬🤬🤬🤬🤬、芋圓冇味，甜味都冇，食擦紙膠🤔🤔🤔、珍珠ok, 係得芋頭比較好味，$45食碗咁嘅嘢，真心唔抵食。唔明點解仲可以咁多人嚟排隊等食🤦‍♀️🤦‍♀️🤦‍♀️🤦‍♀️伏到呢…………..…查看更多

之前喺天水圍群組見到開咗呢間酸菜魚，評價見唔錯😌，今日就嚟試吓佢啦！欣賞佢呢樹有一人餐，可以同朋友share 唔同嘅酸菜湯。叫咗個老壇酸菜魚餐同青花椒酸菜魚餐，佢會配兩個自選嘅配菜同埋跟一碗飯/薯粉/米缐，配菜就比較少選擇，不過都唔影響我，因為我最主要係食主角…酸菜魚🤪。老壇酸菜魚先枱，生魚片係滑嘅，酸酸辣辣，幾開胃，不過我本人愛辣，如果再辣D會更加野味，再嚟青花椒酸菜魚😍，好吸睛，青BB，一試即同老壇酸菜比下去，佢個味好香好特別，夠辣，食落去有陣好香嘅香料，又有少少麻辣，好味👍🏻👍🏻！個湯撈飯一流😋，鱸魚片滑，有魚味！呢個價錢有呢個質素，抵食，下次可以再試下其他😋😋😋。…查看更多

成日見呢間野都要等位，今日趁放假就黎試吓啦！一試即中伏😩😩😩、叫咗個豆花4號，加左仙草，仙草少到得兩啖仔，碗野淡茂茂冇黎味道，，唯一好食D系佢舊芋頭。呢個價錢食碗咁普通嘅糖水，真心唔抵食！…查看更多

今日諗住試下新野，一試即中伏😩😩😩😩😩叫咗個中價位$218澳洲頂級產長期穀飼牛放題套餐，諗住澳洲牛吾會差得去邊，碟野來到，核突到一個點，顏色暗淡得嗰幾條紋，初頭仲以為係豬肉問過待應先知道話係澳洲牛😢😢😢😢，之後叫左美國頂級牛肉，我從未食過薄到成張紙嘅牛肉，一夾仲要即爛，真係人都癲🤬🤬🤬🤬，唔係好明點解要將塊牛肉切到咁，完全都食唔到味，質素差到咁，點樣有回頭客呢？出面嘅食材就普普通通。講到甜品，兩隻雀巢雪條，一種雀巢雪糕杯，兩款自己不嘅M牌雪糕，食左支難食到好似藥水嘅西瓜雪條😭😭😭。真係唔係好明點解咁嘅價錢比咁嘅嘢食人哋真係試過一次唔會再有下次。比二百幾蚊食啲咁嘅嘢，但馬屋好過佢好多！…查看更多

今日大日子去咗荃灣試新嘢！冇意中喺Openrice 見其他分店有高評價，就嚟試吓喇！一嚟到，店員會送上一份肉加海鮮，鮑魚同帶子係一日一隻，肉可以任食，除咗和牛，出面有三款海鮮系任食嘅！可惜今日冇生蠔，今日係扇貝，大蜆同埋螺，之後我哋就去咗夾蝦，都幾搞鬼，D蝦好生猛，話明係流水蝦，夾果陣難免D水會周圍彈🤪，冇所謂啦！有得玩又有得食😅！夾到嘅蝦會浸落冰筒到拎返去燒。值得一讚係，店員好有心機教我地點樣燒D海鮮👍。開動啦 ..... 😍😍😍😍，蝦好多膏好甜，正呀！扇貝加咗我最中意嘅蒜蓉牛油同辣椒，不錯，諗住呢度主打海鮮，竟然牛都不錯啊，我哋仲encore 咗兩碟添！其實出邊仲有好多食物可以拎，榴槤波波不錯，但係我哋主力食海鮮同埋牛肉，根本食唔到其他嘢🤪，肚冇晒位喇😜！下次會再嚟試下其他！…查看更多

order左一個酸菜魚, 鍋魚嚟到已經冇乜顏色, 心知不妙，一食落去瀨晒嘢, 完全冇酸菜味， 魚仲要係比骨頭你, 終於搵到兩塊魚片, 一食落口, 成口碎骨， 簡直不知所謂，食到一肚氣, 同個店員講 , 佢嘅回應係, 我哋啲酸菜魚係咁樣的😤😤!!! 正常都換過俾人啦! 收得人錢, 比啲咁嘅嘢食人😡😡😡! 另外仲叫咗個夫妻肺片, 得個咸味! 簡直係食到令人背脊骨落的一餐! …查看更多

自從食過一次養心殿，曰曰都記掛住佢嘅寧神養心鍋，今次再來當然要㨂返呢款啦！寧神養心鍋係用烏雞, 魚頭, 天麻,川芎等淆制, 味道鮮甜. 另外我地仲揀咗半邊麻辣鍋 ! 湯底好香, 好夠辣, 蜂巢豆腐吸曬麻辣湯嘅味，絕配，仲可以免費追加一份鴨血, 正！食物叫左炸響鈴, 淥一淥好快食得, 脆口不錯。極上雪花牛 , 個人較喜歡手切牛肉, 味道濃D同滑囗，前者肉質較薄, 炸午餐肉, 呢個好抵食, 好厚身, 皮脆, 上枱時熱辣辣可以即食! 韮菜水餃, 呢個就冇乜特別了. 兩個人七點前埋單仲有半價，好抵!下次一定要試埋酸菜白肉鍋:)…查看更多