LemoningC的个人专页

由細幫襯到大，但出品真心越黎越差上次嗌個熱紅豆沙已經覺得個味怪怪地今次嗌個熱紫米露，到手都淨係覺得碗糖水微暖食一啖後完全食唔到紫米露應有既味道淨係食到濃烈既酸味，我唔知佢係落埋椰汁落去叮熱搞到咁定係佢個糖水真係變壞左只覺得自己浪費左23蚊比錯左機會佢，完全失望，唔會再幫襯了…查看更多

每次想食酸菜魚既時候，總要係公司搵幾個同事一齊食飯先可以滿足到呢個慾望，疫情發生之後呢個慾望就更加難實現。平時成日聽到身邊同事講＂開餐＂，都係第一次幫襯。入到鋪好快就決定要試個酸菜魚片湯河，又好貪心咁嗌左份津白同果醋。果醋係用＂香港人加油＂可重用水樽，飲晒可以將個樽循環再用，又可以用黎擺設。入面浸有蘋果、西柚、青檸等待，加埋果醋酸酸甜甜，非常開胃！主角出場了，唔好以為佢係一人份湯粉整出黎唔好食，佢絕對係色、香、味俱全，入面既魚片數量都唔少，份量十足！河粉配埋酸菜同湯一齊食，非常惹味另外個金華火腿奶油津白食落亦都令人意外，差少少我連湯都幫佢清埋獨自一人食咁多我都覺得自己好過份添大家去開旺角記得記得要去幫襯下，100%推介喔…查看更多

近排經常出沒於太古城中心，每次經過呢間都有種衝動想試試，今次終於有呢個機會。女仔果幾日總係無咩胃口，成日都想食啲甜甜既野，咁呢杯朱古力你地一定要試試。佢有好多唔同味既朱古力同可可茶可以選擇，而且可以揀要凍飲定熱飲。我今次就揀左“海鹽朱古力”，櫃檯姐姐非常之nice，係我糾結緊既時候幫我推介了幾款味道，所有朱古力都係落單後先即場沖調，唔洗等好耐朱古力就到手了。入口朱古力味非常濃厚，微微會飲到可可豆既酸味，加左海鹽既朱古力飲落帶少少咸味，飲落唔會咁容易覺得膩，非常好飲。唔好睇佢細細杯咁，飲晒其實都覺飽飽地，啱晒食唔落正餐又需要補充糖分的女士們。…查看更多

趁平日早收工，約左朋友係南昌V walk呢個新商場睇戲。經過滿記甜品，熱情既店員好盡心咁介紹佢地既店舖特色，全鋪得9款甜品，以蛋為主要。又推介比我佢地既必食甜品，所以趁朋友未到，我都坐低試試。今次嗌左個“酒釀宮廷奶酪”，當然呢個係店員特別推薦的，中式燉奶混合左少少既花雕酒，奶味同酒味配合得很好。店員亦提出如果覺得酒味不足，可以添酒試左原味既奶酪，忍唔住麻煩店員添酒，加酒後，花雕酒既香氣四散，奶酪既酒味更加濃郁，不過我覺得原來會更加食得出原來的奶味。食左一半，店員請我食左半隻佢地既溏心醉蛋，每口雞蛋都有少少既酒香味，非常之好味，鐘意食溏心蛋既朋友絕對唔可以錯過呀!…查看更多

呢間茶飲店係佐敦、尖沙咀、何文田、太子同葵芳等都有分店，主打自家嘅特別口味珍珠，當日去有紫薯同櫻花珍珠~ 既然經過開，今次就試下桂花珍珠！💕桂花珍珠茉香奶綠桂花珍珠同一般珍珠口感有啲唔同，比較似芋圓嘅感覺，但都煙韌有咬口嘅！而且真係有清香嘅桂花味，仲有唔少瑰花花瓣😍 有啲似食桂花糕嘅味道！鐘意品嚐桂花系產品既朋友的確可以一試，可能會深深地愛上佢奶綠都幾重茶香， 最重要係飲落唔會太甜，呢個價錢質素唔錯！…查看更多

難得黎到銅鑼灣，我呢個台灣飲料既忠實粉絲，即刻黎幫襯下美好年代，得一個人無得試下美好年代最聞名既珍珠奶茶梳乎厘班戟，唯有試下強烈推介既烤布蕾波波茶。佢個黑糖掛杯掛得好靚，上層有芝士奶蓋和炙燒黑糖，味道香甜。第一次嗌左個甜度正常的試下，有啲偏甜，怕甜的朋友可選半甜，可能會好啲。珍珠既口感啱啱好，煙煙韌韌，食落有黑糖味，唔會話煮得太耐太淋或者煮得唔夠時間太硬。我覺得淨係係黑糖珍珠同芝士奶蓋呢2者方面已經足以令我下次經過再幫襯佢，不過下次甜度方面真係要減減，可能整體既感覺會更加好!…查看更多

自從之前幫襯左旺角小茶堂後,我簡直係完全愛上左黑糖珍珠鮮奶深水埗呢間"圓圓"早係之前已經在facebook有介紹,當時就已經好想一試,可惜每次經過都大排長龍,今次終於有機會買到!細細個鋪位入面企左4,5個人個個忙住沖調飲品,拎到飲品後,店員好細心提我地記得要搖勻飲黑糖珍珠一開始仲係偏熱的,可能因為呢個緣故,D冰融得幾快,奶味唔算濃,冰融左之後令到覺得有D過淡,但係佢既黑糖珍珠味道唔錯,都值得一試的!…查看更多

呢家一出街想買杯野飲，去到邊都有“黑糖珍珠鮮奶”，順住個熱潮，我都幫襯過唔少出品，老虎堂，鹿角巷，迷客夏，sharetea等等，本身對於黑糖珍珠鮮奶既喜好其實都唔係好大，平時有得揀既情況下我既首選都係珍珠奶茶多。直至到我個同事同我講，佢經過一番研究之後，佢發現旺角有一間既黑糖珍珠鮮奶好好飲，既然佢咁講，我都去試下。外賣返到公司，佢個掛杯都唔錯，正常甜度飲落去我覺得啱啱好，淡淡奶香混合左好香既黑糖味，入面啲珍珠簡直令我愛上佢，鐘意食珍珠既朋友真係唔好錯過佢。試過佢杯黑糖珍珠鮮奶之後，第2日本身想試下佢其他既飲品，點知比我發現佢個黑糖珍珠鮮奶....竟然可以再加珍珠!!!!原諒我既瘋狂，佢啲珍珠係真係好好味架!最終我連續2日都幫襯佢，呢家一話要買野飲，第一時間就諗起呢間加左份珍珠之後有半杯珍珠咁多架!!!…查看更多

旺角新商場，新景點....最近我地一班同事既話題更離不開呢間comebuytea,佢同平時我地幫襯開既comebuy唔同，去到店內，會見到背後有一筒筒既茶葉，職員不停地忙於調配飲品。今次我試左個茉莉綠茶+皇家厚奶+黑糖晶球，飲落味道啱啱好，唔會太甜，厚奶同茉莉綠茶2者個配搭超級合適，奶香同茉莉綠茶既清香都可以品嚐得到，唔會被其中一方搶走，而黑糖晶球既感覺似寒天，飲完之後完全愛上了comebuytea開…查看更多

細細個既時間，屋企人成日都會帶我出去食野，最鐘意既肯定係皺皮腸粉，上碟個樣唔似平時酒樓平滑既腸粉。時光飛逝，呢家愈來愈少地方可以食到呢種風味。早排上網睇到呢間粥店既推介，拿拿聲就去左幫襯，佢地可選擇的都幾多，腸粉既選擇更加佔了大半頁。嗌左咸肉糭同雙蛋肉碎腸粉，咸肉糭稍為煲得淋左少少，不過味道幾好，配料份量都算多至於主角---腸粉可能係對佢既期望太高，食落有點兒失望腸粉唔算太滑，肉碎變成了肉餅了只能說....還好吧……查看更多

陽光普照既日子，一出街就滴晒汗，經過KFC見到有特濃朱古力新地，忍唔住去買返杯幫自己降下溫$14一支，賣相絕對攞到分，食落滿滿既朱古力味，又唔會太甜質地唔會太淋身，唔會溶得好快，唔錯唔錯…查看更多

見最近係女人街新開左台式餐廳，lunch時間約埋約個同事去新嘗試，睇睇佢會唔會成為另一間午餐新飯堂。我地去到既時間啱啱過左2點半，唔算太多人，落左單之後都唔洗等好耐。我自己試左個小麻吉鹵肉黃金雞排飯，加一杯熱胚芽奶茶。一上枱塊雞排完全吸引晒所有人既視線，雞排既面積仲有過旁邊既白飯，另外仲有一啲拌菜，睇落個飯好豐富。整體上個餐都唔錯，不過食到尾聲時，就稍為覺得個雞排有點兒膩，大家都未能食得晒，如果配菜果啲份量多返少少，中和一些可能感覺會更好…查看更多

炎炎夏日，同同事近近地去左後面街朗晴坊食lunch,3/4個人出去食飯，叫餸食飯就最適合不過，所以我地去左6樓既嚐味舫一齊開餐。嚐味舫既小菜真係好抵食，60蚊有找已經包左一大碟餸，飯，飲品仲有個芒果布甸。聽到包飲品唔好以為係平時奶茶咖啡或者係汽水，佢呢到提供既係佢地自家制既菊花茶或者酸梅湯，飲晒唔夠喉仲可以搵佢地添飲添。3個人嗌左4個餸share,蝦仁炒蛋，瑤柱肉鬆蒸水蛋，蜜椒雞翼，xo醬蓮藕炒爽肉份量確係大份，味道都好棒的4個餸入面我最愛既係蜜椒雞翼，新鮮整好上枱時熱辣辣，食落甜甜地咁，好好味…查看更多

旺角最近開左個新商場，周圍都貼住TOP既宣傳，放假決定走去行一轉商場落到最底果層全部都係餐廳，有大力水手，蓮香，CAFE等等....最後都係決定走去食拉麵。嗌左個特濃蝦鹽味麵，入面都有唔少配料，整體上都幾好味，不過個湯底稍微有啲過鹹，食完之後會有啲口渴。…查看更多

最苦惱既lunch time....約埋幾個同事去左登打士街呢間大叻越南牛肉粉餐廳食飯，由於呢日比較肚餓，我揀左個炭燒雞扒飯配凍咖啡$50左右食個lunch都幾划算之前有去過女人街入面間大叻幫襯，果邊啲雞扒比較油膩同偏鹹，反正登打士街呢間個雞扒整得唔錯，味道唔會過鹹，用黎送飯啱啱好…查看更多