momolo11的个人专页

見有間新開既西餐就入去試下，主要都係想試下佢啲扒，叫左西冷同肉眼兩款試下，有朋友就試橡果黑毛豬。是日餐湯係青豆湯，因為本身唔鍾意青豆既味道，但見店鋪誠意推介就試下，一試真係無介紹錯啵! 好好飲，好濃味滑身，但唔會帶有豆既青味。之後到主菜上碟啦，份量唔算多，可以另外追加薯菜同意粉。今次叫左7成熟，上菜時候見色澤都靚，肉質方面比較鍾意肉眼，多少少脂肪同埋肉味較突出，配埋自家制既黑椒汁就更加提昇左肉味層次。我最欣賞既係小店對每樣細節都有一份認真，好似薯菜同意粉，你會食得出係廚師用心製作，薯菜入口好香牛油味，外面煎得香脆，而意粉亦保持爽彈質感，配埋啲黑椒汁一齊食好好味。除左基本飲品，仲可以半價轉特飲。…查看更多

好耐之前試過lunch，見到秋香推出左個晚市二人前就去試下，比第一次有驚喜喎!先上一個刺身盆，啲擺位好靚! 仲加左食用花同紫蘇葉，有顏值有實力。 所有食材都好新鮮，香氣四溢，成個口都充滿住紫蘇葉獨特既氣味，同海鮮真係好夾再黎兩款炸物，吉列牡蠣好大隻，外脆內juice，經過烤炸後仍然食得到本身既鮮甜味。另外一款炸雞配自家醬，初初食落都幾香口，但食多幾件就開始覺得咸少少。串燒盛都係主打之一，當中和牛粒好好味，濃郁牛味加上滿滿油脂最為突出。另一主打就係煲仔飯，一定要試秋香推介既白鱔。 魚肉嫩滑無骨，魚皮又燒得香脆，加埋煲仔飯既靈魂飯焦 想要多啲飯焦就唔好咁快撈佢地，等啲飯停留得耐啲，就更加容易做到呢個效果。另外散叫左個蕃茄大蜆，隻隻鮮甜大隻，個湯底都好鮮味P.S. 因為個白鱔煲仔飯係每日限定，book位既時候記得要預留埋食物…查看更多

炎炎夏日就諗起冷麵，但怕冷麵太DRY就諗起天丼啦!因為平時都幾多人等位嫁，所以多數簡下午茶時段去食。天婦羅本身有定食套餐，而冷麵方面可選擇喬麥麵或者烏冬，我第一次跟店鋪推介食喬麥麵，第二次就食烏各，比較之下覺得烏冬好味好多! 可以掛湯之餘又煙煙靭靭。呢個Set既天婦羅有兩隻大蝦，四季豆，茄子同蓮藕，望落份量都幾充足，咬一啖就已經覺得過江龍係唔同啲! 個粉漿好薄又夠脆，仲唔會有油膩既感覺添!$79套餐有呢個份量同質數，再加上坐落商場呢個環境，食完仲可以舒舒服服行下街…查看更多

以前有仲有間分店係尖沙咀，但可惜而家得返銅鑼灣一間鋪。見到個套餐CP值勁高，有蛋卷，白玉紅豆雪糕同一壼茶，只係$88。成Set放係眼前已經好開心主有焙茶同抹茶味既配搭，所以今次簡左焙茶蛋卷同抹茶雪糕呢個組合，配埋清香既煎茶。先試一啖個雪糕，水準仍然保持一樣!滿滿抹茶味同濃厚既質感，雖然係雪糕都唔會太甜，配埋旁邊既紅豆蓉都會覺得好膩，之後再食一粒白玉，口感煙煙韌韌中和返口中既甜味。雖然係焙茶蛋卷，但中間位置都添加主打既抹茶元素。外觀上雖然冇海綿蛋糕既綿滑，但係勝在質地濕潤，仲包住兩層焙茶同抹茶餡好香茶味。最後慢慢享受壼熱茶，諗定下次要再黎食抹茶卷…查看更多

燒味店總有一間在左近，但又唔代表間間都好食，有時自己一個簡簡單單食一餐，就會去買盒燒味飯食十次有九次都叫叉燒飯 咁岩遇到有燒排骨就會叫個拼飯，盛惠$28蚊。而呢個價錢所買到既呢盒燒味飯一啲都唔兒戲，仲有湯或紙包飲品包埋。啲餸仲鋪滿晒成盒飯，我次次都會要求加色，味道較得岩岩好唔會太咸，啲飯撈埋叉燒既甜味，可以食晒全部飯嫁叉燒叫半肥瘦，有少少肥膏比軟熟入口，側邊有焦香位置特別惹味。而燒排骨都有香烤過既滋味，雖然冇叉燒啖啖肉，但排骨啲肉好爽又入晒味，所以兩款都鍾意食…查看更多

見洪水橋附近暫時得呢間日式餐廳，所以決定試下佢。除左基本壽司小食類，仲有十幾款丼飯選擇，同埋有幾款日式火鍋，所以以一間小店黎講都幾多元化~因為天氣好熱，火鍋就暫時未吸引到我所以叫左兩款丼飯試下，一款火灸丼，一款刺身丼。見到丼飯上面既刺身都係厚切，色澤新鮮仲排得好靚。而火灸丼飯入面個左口魚邊好好食！ 直情入口即溶，滿嘴魚脂香味。我即刻望下有冇淨火灸左魚丼 不過好可惜係冇既另外叫左明太子雞翼，正常發揮。試埋件中拖羅壽司，如果再肥啲就好啦~因為餐廳都有幾多選擇，可以間唔時黎試下唔同既丼飯…查看更多

我自己覺得大雞大好味過好多炸雞店，但就愈來愈少鋪，以前係宵夜必備係安定輕鐵站間隔，大大黃色招牌其實好易揾，去到見到有人等緊外賣，雖然係即叫即炸，但都唔會要等好耐，拎到上手熱辣辣仲好鬼香添，聞到都流口水。當中BB雞係必食之選，外皮脆爆惹味，撈埋秘制香料，仲有唔同辣度可以選擇，我自己簡中辣，唔會太搶左其他香料既味道，雞肉入面仲保持住有肉汁，絕對唔會炸得過龍變乾身。再加一份傳統波浪粗薯條個早餐小雞堡都好好味，不過撞唔岩時間去買。…查看更多

來自日本Cremia既雪糕，每次去日本見到都一定會食，真係好掛住佢呀。點解咁好食？因為佢乳指特別多，有12%+，又用北海道牛奶原料，所以特別香濃好味，仲超級滑仲可以係原味雪糕上面撒上朱古力，抹茶味等等，因為唔想搶左主角既奶味，所以我多數都食原味就已經好滿足有別於其他軟雪糕既脆筒，佢係用類似白之戀人既餅底黎做個筒，成件事都好夾！…查看更多

牛腩麵由細到大都食唔少，但只有呢碗會令我掛住佢牛腩炆到入晒味，但又唔會散晒，啖啖肉入口鬆軟有牛味，蘿蔔又清甜，麵底爽口彈牙，每食一啖都要飲襯埋個湯一齊食。朋友叫左豬雜麵都好食，尤其是煮豬潤既時間岩岩好！ 唔會因為太老而變*鞋*…查看更多

入長洲大吃特吃，又係時候飲返杯特飲見到入面有好多款簡，但之見過前見過人地飲莓莓角酪覺得好靚！所以都唔駛再簡滿滿士多啤梨味，個人鍾意比較重奶酪味既，所以覺得好好食~ 質地好淳厚，底仲有米薏仁粒粒咁。每杯都有小心思，送你一個士多啤梨心心…查看更多

相比起拉麵，我更愛沾麵整得好既麵條絕對係可以掛起濃郁既水海老湯汁，每一啖都充斥住湯入面既精華！連塊紫菜要沾晒啲湯汁一齊食有兩大片厚切叉燒加原隻溏心蛋另外試左兩款小食，個雞串好食，淋左少少汁係面加埋蔥花，入面加左撈左粒粒軟骨咁，都都幾好食。原本只係叫左三隻餃子，師傅送多左兩隻俾我地食…查看更多

一直想試好耐，就預book左都要等一等。個晚等左一個鐘，但都值得既因為天氣太熱啦，要飲返杯芒果沙冰涼一涼先，大大杯好味，有少少香葉加左落去，令到成杯飲品個感覺更加fresh先黎個開胃冬陰功海鮮湯，因為我自己食開大辣，覺得個湯可以再辣啲，不過呢個湯唔會過咸，都幾惹味。上埋個安格斯牛真係不得了！勁好食！同個汁好岩，肉質軟熟，外皮又煎香晒真係食唔停口。叫左個大蝦咖喱，因為唔想食得太飽就配個蒜蓉包點咖喱汁食，蝦肉新鮮彈牙，仲有膏添 不過... 啲咖喱都係唔辣既平時係潮州鋪食螄蚶多，估唔到係泰菜都可以見到佢既蹤影，呀螄蚶都好新鮮，配埋泰式辣汁成件事提鮮晒，怕腥既朋友都可以初嘗試一下最後叫埋芒果糯米飯做一餐完美既總結…查看更多